Bota

Trump ndalon dyfishimin e tarifës për metalet kanadeze

Published

on

Kërcënimi i Presidentit Trump për dyfishimin e tarifave të planifikuara prej 25% për importin e aluminit dhe çelikut kanadez, bëri që qeveria provinciale e Ontarios të pezullojë tarifat e planifikuara për energjinë elektrike që i shet Shteteve të Bashkuara.

Këshilltari i Shtëpisë së Bardhë për tregtinë Peter Navarro, tha se si rezultat i kësaj Presidenti Trump tërhoqi vendimin për dyfishimin e tarifave për çelikun dhe aluminin. Ai tha se qeveria federale ende ka në plan që të vendosë një tarifë prej 25% për këto importe duke filluar nga e mërkura.

Zhvillimet e së martës sollën një fitore për Presidentin Trump, ndërsa janë shtuar shqetësimet mbi tarifat, çka është vënë re tek rënia e bursës amerikane dhe zërat për recesion. Kritikët thonë se lufta tregtare mes Shteteve të Bashkuara dhe Kanadasë mund të ndikojë tek ekonomitë e të dy vendeve.

Presidenti Trump shkroi të martën në mëngjes në rrjetin “TruthSocial” se kishte udhëzuar Sekretarin e Tregtisë që të vendosë një tarifë shtesë prej 25% për çelikun dhe aluminin kanadez, që do të hynte në fuqi të mërkurën në mëngjes. Vendimi ishte reagim ndaj qëndrimit të provincës së Ontarios, që vendosi një tarifë 25% për energjinë elektrike që Kanadaja eksporton në disa shtete amerikane.

Kryeministri i Ontarios, Doug Ford tha të martën pasdite se kishte marrë një telefonatë nga Sekretari amerikan i Tregtisë, Howard Lutnick, dhe pas një bisede me të kishte rënë dakord që të hiqte tarifën shtesë për energjinë elektrike. Zoti Ford tha se ishte i bindur që presidenti amerikan do të anulonte gjithashtu dyfishimin e tarifës për çelikun dhe aluminin kanadez.

Presidenti Trump sugjeroi të martën se tarifat ishin kritike për ndryshimin e ekonomisë amerikane, pavarësisht rënies së bursës. Udhëheqësi amerikan i ka përsëritur gjithashtu thirrjet që Kanadaja të bëhet pjesë e Shteteve të Bashkuara, çka ka zemëruar udhëheqësit kanadezë.

E vetmja gjë që ka kuptim është që Kanadaja të bëhet shteti ynë i dashur i 51”, shkroi Presidenti Trump të martën. “Kjo do të bënte që të gjitha tarifat dhe gjithçka tjetër të zhdukeshin plotësisht”.

Kryeministri i ardhshëm kanadez, Mark Carney, ka thënë se qeveria e tij do t’i mbajë në fuqi tarifat derisa amerikanët të tregojnë respekt dhe të angazhohen për tregtinë e lirë, pasi Presidenti Trump tha se Kanadanë e priste një shkatërrim financiar historik.

Zoti Carney i konsideroi tarifat e reja amerikane si sulm ndaj punëtorëve, familjeve dhe bizneseve kanadeze.

Qeveria ime do t’i mbajë në fuqi tarifat tona derisa amerikanët të tregojnë respekt dhe të angazhohen në mënyrë të besueshme për tregti të lirë e të ndershme”, shkruante zoti Carney në një postim në mediat sociale.

Kanadaja po planifikon tarifa hakmarrëse në përgjigje të tarifave specifike të Presidentit Trump ndaj çelikut dhe aluminit kanadez. Ato pritet të shpallen të mërkurën.

Aktualitet

Princi William dërgon mesazh të drejtpërdrejtë pranë kufirit rus

Published

on

Nëse vizitat mbretërore kanë të bëjnë me dërgimin e një mesazhi, atëherë fotografia e Princit të Uellsit në një tank pranë kufirit rus duhet të jetë një nga më të drejtpërdrejtat.

Princi William ka shkuar në Estoni për të mbështetur trupat e Mbretërisë së Bashkuar në atë që tani është dislokimi më i madh operacional i Ushtrisë Britanike jashtë shtetit, duke mbrojtur shtetin baltik nga kërcënimi i Rusisë, shkruan BBC.

Të premten, në një zonë stërvitjeje ushtarake të acartë të ftohtë, të rrëmbyer nga balta, princi pa ushtarët dhe pajisjet ushtarake që ruanin krahun lindor të NATO-s.

Princi, me uniformë kamuflazhi, duke parë nga një tank Challenger 2 dhe më pas nga një automjet luftarak i blinduar, po dërgonte një sinjal për angazhimin e Mbretërisë së Bashkuar për të penguar çdo agresion nga Rusia.

 

Continue Reading

Bota

Qeveria turke paralajmëron opozitën kundër thirrjeve për protesta

Published

on

By

Qeveria e Turqisë e ka paralajmëruar të premten partinë kryesore opozitare kundër thirrjeve “të jashtëligjshme” për protesta në rrugë, në lidhje me arrestimin e kryetarit të Stambollit, Ekrem Imamoglu. Mijëra njerëz protestuan në dy ditët e fundit në gjithë vendin.

Ministri i Brendshëm i Turqisë, Ali Yerlikaya, tha se 53 njerëz janë arrestuar dhe 16 oficerë policorë janë lënduar në protestat që filluan në kampuse universitare, selinë qendrore të komunës së Stambollit dhe në pjesë të tjera të vendit të enjten.

Imamoglu, rivali kryesor politik i presidentit Recep Tayyip Erdogan, u arrestua të mërkurën nën akuzat për korrupsion dhe mbështetje të një grupi terrorist.

Partia kryesore opozitare e Imamoglut, Partia Popullore Republikane (CHP), ka thënë se arrestimi i tij është i nxitur politikisht dhe u ka bërë thirrje njerëzve të dalin për të protestuar ligjërisht.

Arrestimi i Imamoglut është dënuar nga liderët evropianë.

Yerlikaya dhe ministri i Drejtësisë, Yilmaz Tunc, i kritikuan thirrjet për veprim nga lideri i CHP-së, Özgür Özel, duke i quajtur “të papërgjegjshme”.

Grumbullimi dhe marshimi në protestë janë të drejta themelore. Por thirrja për të dalë në rrugë për një hetim të vazhdueshëm ligjor është e paligjshme dhe e papranueshme”, tha Tunc në X të premten.

Continue Reading

Bota

Zelensky: Rusia sulmoi mbrëmë Ukrainën me mbi 200 dronë, zjarri shkaktoi të plagosur

Published

on

By

Zelensky ka hedhur përsëri akuza ndaj Rusisë se kjo e fundit, mbrëmjen e djeshme ka sulmuar rajonet e Ukrainës. Presidenti ukrainas tha se për pasojë të zjarreve që shpërthyen, ka pasur dhe të plagosur.

Natën e kaluar, Rusia sulmoi rajonet e Ukrainës me mbi 200 drone sulmuese dhe simulatorë drone. Kishte edhe bomba ajrore të drejtuara. Rajonet e Odessa, Zaporizhzhia, Sumy, Kiev, Khmelnytskyi dhe Chernihiv vuajtën nga granatimet. Si rezultat i sulmeve masive nga pushtuesit në rajonin e Odessa, zjarret shpërthyen në një qendër tregtare dhe dyqane dhe një ndërtesë e lartë u dëmtua. Tre fëmijë u plagosën. Në Zaporizhzhia, gjashtë persona u plagosën”, tha Zelensky.

Continue Reading

Bota

Macron do të presë takimin e koalicionit të Ukrainës në Paris

Published

on

By

Presidenti francez Emmanuel Macron tha të enjten se liderët e një koalicioni të mbështetësve të Ukrainës do të takohen sërish në Paris javën e ardhshme për të finalizuar planet për sigurimin e një armëpushimi të mundshëm në konfliktin Rusi-Ukrainë.

Ne do të mbajmë një takim tjetër të koalicionit të të vullnetit të enjten e ardhshme në Paris në prani të presidentit Volodymyr Zelenskyy”, u tha Macron gazetarëve pas një samiti të BE-së në Bruksel.

Ne do të finalizojmë punën tonë për mbështetjen afatshkurtër për ushtrinë ukrainase, për mbrojtjen e një modeli të qëndrueshëm për forcat e armatosura të Ukrainës për të parandaluar pushtimet ruse dhe për garancitë e sigurisë që ushtritë evropiane mund të ofrojnë. I gjithë procesi do të finalizohet në ditët në vijim”, tha ai.

Macron, së bashku me kryeministrin britanik Keir Starmer, ka udhëhequr përpjekjet për të formuar një koalicion në mbështetje të Ukrainës që kur Presidenti i SHBA Donald Trump hapi negociatat e drejtpërdrejta me Rusinë muajin e kaluar për t’i dhënë fund konfliktit trevjeçar.

Ne kemi bërë shumë punë me britanikët për mënyrat për të mbështetur armëpushimin”, tha Macron. “Kjo është e rëndësishme për të siguruar që çdo armëpushim është i besueshëm, si dhe kur të vijë. Ky do të jetë një shans për të diskutuar dhe rregulluar,” shtoi lideri francez.

Continue Reading

Të kërkuara