Botë
Trump ironizon kryeministrin kanadez Trudeau pas shpalljes së tarifave hakmarrëse
Presidenti Donald Trump nuk ka vonuar të reagojë ndaj konferencës së kryeministrit kanadez Justin Trudeau, duke ironizuar vendimin e Kanadasë për t’u përgjigjur me tarifa hakmarrëse.
Në një postim në platformën e tij “Truth Social”, Trump tha:
“Ju lutemi shpjegojani ‘Guvernatorit’ Trudeau, të Kanadasë, se kur ai vendos një tarifë hakmarrëse për SHBA-në, tarifa jonë reciproke do të rritet menjëherë me një shumë identike!”
Titulli “Guvernator” është përdorur shpesh nga Trump, i cili ka shprehur disa herë dëshirën që Kanadaja të bëhet shteti i 51-të i SHBA-së, një ide që Trudeau e ka refuzuar ashpër në konferencën e tij për shtyp.
Kryeministri Justin Trudeau kishte kritikuar tarifat gjithëpërfshirëse të Trump ndaj Kanadasë, duke e quajtur ato “gjë shumë budallaqe” dhe u angazhua të zhvillojë një “luftë të pamëshirshme” për të mbrojtur ekonominë kanadeze.
Trump ka vendosur tarifa prej 25% për produktet që hyjnë në SHBA nga Kanadaja dhe Meksika, si dhe ka rritur tarifat për mallrat që vijnë nga Kina.
Në përgjigje të këtij vendimi, kryeministri kanadez njoftoi tarifa hakmarrëse ndaj eksporteve amerikane dhe paralajmëroi se një luftë tregtare do të ishte e kushtueshme për të dy vendet.
Trump, në një postim të dytë në “Truth Social”, theksoi:
“Ju lutemi shpjegoni Guvernatorit Trudeau, të Kanadasë, se kur të vendosë një tarifë hakmarrëse ndaj SHBA-së, tarifa jonë reciproke do të rritet menjëherë me një shumë të ngjashme!”
Trudeau, nga ana tjetër, akuzoi Trump se po përpiqej të çonte drejt “një kolapsi total të ekonomisë kanadeze” për të lehtësuar një aneksim të mundshëm të Kanadasë nga SHBA.
Ai u shpreh: “Kjo nuk do të ndodhë kurrë. Ne nuk do të jemi kurrë shteti i 51-të.”
Trudeau shtoi se “ky është një moment për të goditur ashpër dhe për të demonstruar se një luftë me Kanadanë nuk do të ketë fitues.
“Ai theksoi se qëllimi i Kanadasë është heqja e tarifave, që ato të “mos zgjasin asnjë sekondë më shumë se ç’duhet.”
Ndërkohë, Trump vazhdoi të mbrojë politikat e tij, duke thënë se po mbron vendet e punës dhe prodhimin në SHBA, si dhe po lufton për të parandalimin e migracionit të paligjshëm dhe trafikut të drogës.
Ai gjithashtu tha se qëllimi i tij ishte të shtypte përdorimin e opioidit fentanyl, për të cilin ka fajësuar vendet e tjera për mbërritjen e tij në SHBA.
Në një reagim të mëtejshëm, Trudeau tha se nuk kishte “asnjë justifikim” për tarifat e reja të Trump, pasi më pak se 1% e fentanilit të kapur në kufirin amerikan vjen nga Kanadaja. Presidentja meksikane, Claudia Sheinbaum, u bëri jehonë fjalëve të Trudeau, duke thënë se nuk kishte “asnjë motiv, asnjë arsye, asnjë justifikim” për veprimin e Trump.
Ajo gjithashtu paralajmëroi se do të nxirrte “masat e saj tarifore dhe jo tarifore”, por tha se detaje të mëtejshme do të jepen të dielën.
Udhëheqësja e opozitës venezueliane, Maria Corina Machado, thotë se ia ka dhënë medaljen e saj të Çmimit Nobel për Paqen presidentit Donald Trump gjatë një takimi në Shtëpinë e Bardhë, duke thënë se kjo ishte një njohje e angazhimit të tij për lirinë e vendit të saj.
“Mendoj se sot është një ditë historike për ne venezuelasit”, tha ajo pasi u takua personalisht me Trumpin për herë të parë, disa javë pasi forcat amerikane kapën presidentin venezuelian Nicolas Maduro në Karakas dhe e akuzuan atë për trafiku droge, shkruan BBC.
Trump shprehu mirënjohjen e tij në një postim në mediat sociale, duke thënë se ky veprim ishte “një gjest i mrekullueshëm respekti të ndërsjellë”.
Megjithatë, presidenti amerikan ka refuzuar të mbështesë Machadon si udhëheqësen e re të Venezuelës, pavarësisht se lëvizja e saj pretendoi fitoren në zgjedhjet e kontestuara gjerësisht të vitit 2024.
Rektori i UBT-së, Prof. Dr. Edmond Hajrizi, pjesë e Forumit Ekonomik Botëror në Davos 2026
Nga përvoja në udhërrëfyes akademik: Profesori dhe studiuesi i medias Musa Sabedini promovon në UBT librin për gazetarinë hulumtuese
Top 100 filmat më të mirë të të gjithë kohëve (III)
Ambasadorët takohen me Kurtin, interesohen për ligjin për të huaj dhe atë për automjete
Aktakuzë për krime lufte ndaj N.C
GO+ Peja shkarkon trajnerin pas humbjes nga Trepça
Gjykata veçon procedurën ndaj Xhelal Sveçlës në rastin e hedhjes së gazit lotsjellës në Kuvend
Hyn në fuqi vendimi i Qeverisë për pagën minimale, nga janar 425 euro dhe 500 euro në korrik
Shqipëria goditet nga një tërmet 3.9 ballësh
-
Aktualitet3 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Aktualitet2 months agoU mbajt Mbledhje Komemorative në nder të Prof. Dr. Faton Kabashit në UBT Prizren
-
Rajoni2 months agoProfesorët e UBT-së publikojnë studim shkencor mbi cilësinë e ujërave nëntokësore në Komunën e Suharekës
-
Lajmet3 months agoProfesoresha e UBT-së, Dr. Fatbardha Qehaja Osmani boton studim ndërkombëtar në revisten prestigjioze të Quartile-it 1- Reading Psychology, Taylor & Francis- Routledge