Aktualitet

Trump hap “një front të ri”, SHBA refuzon kërkesën për ujë të Meksikës

Published

on

Shtetet e Bashkuara kanë refuzuar një kërkesë të Meksikës për ujë, duke pretenduar për “mungesa në ndarjen e ujit” nga fqinji i saj jugor, ndërsa Donald Trump po zhvillon një betejë në një front tjetër.

Departamenti i Shtetit tha të enjten se ishte hera e parë që Shtetet e Bashkuara kishin refuzuar një kërkesë të Meksikës për dërgesë speciale të ujit, i cili do të shkonte në qytetin kufitar të Tijuana, shkruajnë mediat e huaja, përcjell Telegrafi.

“Mungesat e vazhdueshme të Meksikës në furnizime me ujë sipas traktatit të ndarjes së ujit të 1944 po shkatërrojnë bujqësinë amerikane – veçanërisht fermerët në luginën e Rio Grande”, tha zyra e departamentit të shtetit që merret me Amerikën Latine në një postim në X.

Traktati i vitit 1944, i cili rregullon ndarjen e ujit nga lumenjtë Rio Grande dhe Kolorado, është vënë nën tendosje në rritje vitet e fundit për shkak të presioneve të ndryshimeve klimatike dhe rritjes së popullsisë dhe bujqësisë në zonat e thara.

Traktati përcakton cikle pesë-vjeçare për dërgesat e ujit, me të fundit që do të përfundojë në tetor 2025. Sipas traktatit, Meksika dërgon ujë nga lumenjtë në pellgun e Rio Grande në SHBA, e cila nga ana tjetër dërgon ujë në Meksikë në lumin Kolorado, më në perëndim.

Por Meksika ka mbetur prapa në pagesat e saj për ujë për shkak të kushteve të thatësirës në veriun e thatë të vendit.

Fermerët dhe ligjvënësit amerikanë ankohen se vendi fqinj ka pritur deri në fund të çdo cikli në të kaluarën dhe ka dështuar në periudhën e fundit. Marrëveshja është e diskutueshme në jug të kufirit, ku fermerët meksikanë janë duke luftuar me thatësirën intensive vitet e fundit.

Një vit më parë u mbyll fabrika e fundit e sheqerit në Teksasin jugor, duke i vënë fajin mungesës së furnizimeve me ujë nga Meksika.

Ligjvënësit nga Teksasi kanë kërkuar pasoja për Meksikën, duke thënë se Shtetet e Bashkuara kanë përmbushur detyrimet e veta për ndarjen e ujit.

Mosmarrëveshja për ujin vjen pasi Trump ka një qasje të ashpër ndaj vendeve të Amerikës Latine, veçanërisht në lidhje me migracionin.

Trump pas kthimit në detyrë është zotuar se do t’i japë fund mbërritjeve të emigrantëve pa dokumente, të cilët kryesisht vijnë nga Amerika Qendrore dhe Venezuela, por kalojnë tranzit përmes Meksikës.

Trump vendosi trupa në kufi e njoftoi tarifa të dhimbshme ndaj Meksikës, megjithëse që atëherë i ka vendosur ato në pritje deri më 2 prill.

Lajmet

Dështimi i 21-të, konstituimi i Kuvendit nuk bëhet as këtë herë

Published

on

Dështoi edhe vazhdimi i sotëm i seancës, përpjekja e 21-të me radhë për konstituimin e këtij institucioni ligjvënës.

Vazhdimi i sotëm ishte i njëjtë me vazhdimet e mëparshme: përsëri tentim i Lëvizjes Vetëvendosje për krijimin e një komisioni ad-hoc për votim të fshehtë.

Kryesuesi Avni Dehari kërkoi nga PDK-ja, LDK-ja, AAK-ja dhe Lista Serbe që të bëjnë propozimet e kandidatëve të tyre për komision, por këto parti nuk pranuan dhe nuk morën pjesë në votim.

Nga 90 deputetët e pranishëm, 53 vota ishin për, një kundër dhe asnjë abstenim.

Dehari bëri të ditur se seanca ndërprehet dhe se do të vazhdojë më 27 maj, në orën 11:00.

Continue Reading

Bota

​Trump kërcënon Apple me tarifa

Published

on

By

Presidenti amerikan Donald Trump ka thënë se Apple duhet të prodhojë iPhone-t e saj në Shtetet e Bashkuara të Amerikës ose do të përballet me tarifë 25 për qind.

Kam informuar Tim Cook të Apple shumë kohë më parë se pres që iPhone-ët të shiten në Shtetet e Bashkuara të Amerikës dhe të prodhohen në SHBA, jo në Indi apo kudo tjetër. Nëse nuk është kështu, Apple do të duhet të paguajë një tarifë prej të paktën 25% për Shtetet e Bashkuara,” shkroi Trump në Truth Social, raporton KosovaPress.

Gjatë vizitës së tij në Lindjen e Mesme javën e kaluar, Trump shprehu pakënaqësinë me planin e Apple për të prodhuar iPhone në objektet e reja të ndërtuara në Indi.

Apple ka punuar për të diversifikuar prodhimin vitet e fundit dhe disa prodhime të iPhone tashmë janë zhvendosur në Indi.

Kryeshefi i kompanisë Tim Cook tha gjatë një telefonate me investitorët në fillim të muajit se ai pret që “shumica e iPhone-ve të shitur në SHBA do të kenë Indinë vend të origjinës”.

Cook shtoi se Apple pret kosto doganore deri në 900 milionë dollarë këtë tremujor.

Muajin e kaluar, Trump vendosi të përjashtojë pajisjet elektronike nga tarifat e rënda që vendosi për mallrat kineze, gjë që ishte një fitore e madhe për Apple dhe kompanitë e tjera amerikane të teknologjisë.

Tim Cook takoi Trump të martën në Shtëpinë e Bardhë, konfirmoi një zyrtar i administratës për CNN, por nuk zbuloi detaje.

Continue Reading

Bota

Presidentja e Sllovenisë akuza Izraelit për gjenocid në Gaza

Published

on

By

Presidentja e Sllovenisë, Natasa Pirc Musar, ka bërë një deklaratë të fortë në Parlamentin Evropian, duke e cilësuar ofensivën e Izraelit në Gaza si “gjenocid”. Në fjalimin e saj të mbajtur gjatë vizitës së parë zyrtare në Bruksel, ajo shprehu shqetësim të thellë për situatën humanitare në Lindjen e Mesme dhe kritikoi heshtjen e bashkësisë ndërkombëtare.

Ky është gjenocid,” deklaroi Pirc Musar. “Unë do të guxoj ta them këtë këtu dhe sot, në Parlamentin Evropian. Ne jemi dëshmitarë të gjenocidit. Po e shohim, po e shikojmë dhe po heshtim.

Presidentja sllovene dënoi qartë veprimet izraelite në Gaza, ku, sipas saj, që nga fillimi i marsit deri në këtë javë, Izraeli ka bllokuar ndihmën humanitare, duke thelluar tragjedinë humanitare. Ajo theksoi se, ndonëse shtetet anëtare të BE-së kanë qëndrime të ndryshme për konfliktin, asnjë vend nuk duhet të harrojë detyrimet që rrjedhin nga ligji ndërkombëtar humanitar.

Konflikti në Lindjen e Mesme ishte ndër temat kryesore të takimeve të saj me presidentin e Këshillit Evropian, Charles Michel, dhe presidenten e Komisionit Evropian, Ursula von der Leyen. Të dy liderët, sipas Pirc Musar, e siguruan se Bashkimi Evropian do të angazhohet më fuqishëm në nismat për paqe dhe stabilitet në rajon.

Një tjetër çështje qendrore e vizitës së presidentes sllovene në Bruksel ishte zgjerimi i BE-së. Ajo e quajti këtë proces një “domosdoshmëri gjeopolitike dhe detyrim moral”, duke theksuar nevojën për përshpejtimin e integrimit të Ballkanit Perëndimor, Ukrainës dhe Moldavisë.

Pas takimit me komisioneren për zgjerimin, Marta Kos, Pirc Musar tha se ndajnë të njëjtin vizion për zgjerimin si një investim strategjik në paqe, stabilitet dhe të ardhme të përbashkët evropiane.

Deklaratat e saj në Bruksel pritet të nxisin debat në rrafshin diplomatik, sidomos për tonin e saj të hapur dhe akuzat e drejtpërdrejta ndaj Izraelit, një vend tradicionalisht i mbështetur nga disa shtete anëtare të BE-së. Ndërkohë, Pirc Musar ka theksuar nevojën për një Evropë më të bashkuar, më të ndjeshme ndaj të drejtave të njeriut dhe më aktive në skenën ndërkombëtare.

Continue Reading

Bota

Lavrov: Vatikani i papërshtatshëm për bisedimet e paqes

Published

on

By

Ministri i Jashtëm rus, Sergei Lavrov nuk e sheh Vatikanin si një vend të përshtatshëm për negociata të reja për t’i dhënë fund luftës së Moskës kundër Ukrainës. Lavrov tha se opsioni i Vatikanit nuk ishte realist për Moskën.

Imagjinoni Vatikanin si një vend për negociata. Është disi e pahijshme kur vendet ortodokse diskutojnë çështje në një platformë katolike që kanë të bëjnë me eliminimin e shkaqeve të konfliktit”, tha Lavrov.

Presidenti amerikan, Donald Trump ka sugjeruar Vatikanin si vendin e negociatave – pas një bisede telefonike me presidentin rus Vladimir Putin.

Lavrov tha se kishte “spekulime” rreth asaj se kur dhe ku mund të organizohej një takim i ri i përfaqësuesve nga Rusia dhe Ukraina.

Ministri i Jashtëm, Lavrov akuzoi Kievin se kërkon të shkatërrojë Kishën Ortodokse të Ukrainës.

Mendoj se nuk do të ishte shumë e këndshme për Vatikanin të priste delegacione nga dy vende ortodokse në këto rrethana”, tha ai./atsh

Continue Reading

Të kërkuara