Sport

Tri përballje të zjarrta luhen sot në Albi Mall Superligën e Kosovës

Përballjet do të luhen me fillim nga ora 15:00.

Published

2 years ago

on

Sot (e diel) në orar për t’u zhvilluar janë tri përballje tejet interesante në kuadër të Albi Mall Superligës së Kosovës.

Pas fitores minimale në derbin lokal në Kuadër të Kupes së Kosovës, kampioni në fuqi, Ballkani rikthehet të luaj në kampionat. Skuadra e Ilir Dajës do ta presë Lirinë në “Stadiumin e Qytetit’ në Suharekë, ku edhe do të kërkojnë pozitën e parë në klasifikim. Ballkani aktualisht renditet i dyti në tabelë me 53 pikë, një më pak se Llapi dhe dy më shumë se Drita. Teksa, për Lirinë thuajse të gjitha shpresat janë shuar, prizrenasit numërojnë vetëm 10 pikë të grumbulluara deri më tani ku kanë mbetur edhe tetë ndeshje deri në përfundim të kampionatit.

Në ndeshjën tjetër, Prishtina do të luaj në “Rexhep Rexhepi” ku pritet nga Feronikeli ’74. Skuadra kryeqytetase renditet në vendin e pestë me 39 pikë, ndërsa Feronikeli gjendet në vendin e shtatë me 29 të tilla, ku do të kërkoj t’i shmanget sa më shumë Gjilanit me vetem me dy pikë më tepër se ata.

Ndërkohë që e gjithë vëmendja e adhuruesve të futbollit kosovar do të jetë në “Zahir Pajaziti”, me Llapin që do e presë Dritën në një duel të drejtëpërdrejtë për vendin e parë. Skuadra e drejtuar nga Tahir Batatina ka marrë kreun e tabelës në xhiron e kaluar, ku mposhti Lirinë dhe tani do të tentoj ta ruaj këtë pozitë. Kurse në anën tjetër edhe Drita do të mundohet ta ndjekë serine pa humbje, në mënyrë që të mbetet në garë për titull.

Përballjet do të luhen me fillim nga ora 15:00./UBTNews/

Related Topics:
Continue Reading

Sport

Dy superndeshje të Botërorit luhen në orët e para të mëngjesit sipas kohës së Kosovës

Published

10 hours ago

on

July 2, 2026

By

Faza e eliminimit direkt në Kupën e Botës 2026 vazhdon me dy përballje interesante, që zhvillohen në orët e para të mëngjesit të së enjtes sipas kohës së Kosovës.

Vëmendja kryesore do të jetë te dueli mes Portugalisë dhe Kroacisë, që nis në orën 01:00. Të dyja përfaqësueset synojnë një vend në fazën e ardhshme të garës, në një ndeshje që pritet të jetë ndër më të fortat e këtij raundi.

Më pas, nga ora 05:00, Zvicra përballet me Algjerinë në një tjetër sfidë me eliminim direkt, ku humbësi i jep fund rrugëtimit në Botërorin 2026.

Fituesit e këtyre dy përballjeve do të vazhdojnë garën drejt fazës së ardhshme të Kupës së Botës.

D.L

Continue Reading

Sport

Kane me dy gola dërgon Anglinë në 1/8 e finales, tani e pret Meksika

Published

18 hours ago

on

July 2, 2026

By

Harry Kane ishte vendimtar në fitoren 2:1 të Anglisë ndaj Kongos, duke realizuar të dy golat që i siguruan “Tre Luanëve” kualifikimin në 1/8 e finales të Kupës së Botës.

Ndeshja e fazës së 1/16 së finales u zhvillua të mërkurën mbrëma në Atlanta. Anglia u befasua që në minutën e shtatë, kur Brian Cipenga kaloi Kongon në epërsi.

Skuadra angleze dominoi lojën dhe krijoi raste të shumta gjatë gjithë takimit, por goli i barazimit erdhi vetëm në minutën e 75-të. Kane realizoi me kokë nga afërsia, pas një asistimi të Anthony Gordonit.

Vetëm pak minuta më vonë, Gordoni asistoi sërish, ndërsa kapiteni anglez shënoi një gol të bukur me goditje të fuqishme për rezultatin përfundimtar 2:1.

Sulmuesi i Bayern Munichut vazhdon të jetë në formë të shkëlqyer në këtë Botëror. Ai tani numëron pesë gola në edicionin e vitit 2026 dhe gjithsej 13 gola në karrierë në Kupën e Botës.

Në 1/8 e finales, Anglia do të përballet me Meksikën më 5 korrik, në kërkim të një vendi në çerekfinale.

D.L

Continue Reading

Sport

Tielemans hero i Belgjikës, përmbys Senegalin në vazhdime dhe siguron kualifikimin

Published

18 hours ago

on

July 2, 2026

By

Youri Tielemans ishte heroi i Belgjikës, duke realizuar dy gola, përfshirë atë vendimtar nga penalltia në minutën e 125-të, për fitoren dramatike 3:2 ndaj Senegalit pas vazhdimeve dhe kualifikimin në çerekfinale të Kupës së Botës.

Ndeshja, e zhvilluar në Seattle, nisi të mërkurën mbrëma dhe përfundoi pas mesnate. Senegali ishte shumë pranë kualifikimit, pasi krijoi epërsi prej 2:0 falë golave të Habib Diarras në minutën e 25-të dhe Ismaila Sarrit në minutën e 51-të.

Belgjika nisi rikthimin në minutën e 86-të, kur zëvendësuesi Romelu Lukaku ngushtoi shifrat. Vetëm tri minuta më vonë, Tielemans realizoi golin e barazimit për 2:2, duke e dërguar ndeshjen në vazhdime.

Në 30 minutat shtesë nuk pati shumë raste, derisa në minutën e 122-të Tielemans u ndal në mënyrë të palejuar brenda zonës. Gjyqtari fillimisht lejoi lojën të vazhdonte, por pas rishikimit të situatës në VAR akordoi penallti për Belgjikën.

Vetë Tielemans mori përgjegjësinë për ekzekutimin dhe u tregua i saktë në minutën e 125-të, duke vulosur përmbysjen spektakolare dhe kualifikimin e Belgjikës.

D.L

Continue Reading

Sport

SHBA-ja mposht Bosnjë-Hercegovinën dhe avancon tutje 

Published

18 hours ago

on

July 2, 2026

By

Folarin Balogun realizoi një gol, por u përjashtua me karton të kuq në minutën e 64-t, ndërsa Shtetet e Bashkuara të Amerikës mposhtën Bosnjë-Hercegovinën me rezultat 2:0, duke siguruar kualifikimin në 1/8 e finales të Kupës së Botës.

Ndeshja e fazës së 1/16 së finales u zhvillua të enjten në Kaliforni, ndërsa në Kosovë u ndoq në orët e para të mëngjesit. Balogun realizoi golin e tij të tretë në këtë Botëror pak para përfundimit të pjesës së parë. Megjithatë, ai u ndëshkua me karton të kuq në minutën e 64-t, pasi gjyqtari rishikoi incidentin përmes sistemit VAR.

Edhe pse mbetën me një lojtar më pak në fushë, amerikanët arritën të vulosin fitoren. Malik Tillman realizoi golin e dytë në minutën e 82-të, duke shënuar nga një goditje dënimi.

Kjo është fitorja e parë e Shteteve të Bashkuara të Amerikës në fazën me eliminim direkt të Kupës së Botës që nga viti 2002.

Në 1/8 e finales, skuadra e drejtuar nga Mauricio Pochettino do të përballet me Belgjikën të hënën në Seattle.

D.L

Continue Reading

Të kërkuara