Kulturë, Lifestyle

Tomorrowland anulohet edhe për këtë vit nga autoritetet belge

Publikuar

Tomorrowland, festivali më i madh i muzikës elektronike / dance në botë, është detyruar të anulojë veprimtarinë e tij në 2021 nga autoritetet belge.

I planifikuar për në 27-29 gusht dhe 3-5 shtator, festivali është përballur me kundërshtime, veçanërisht në javët e fundit, për shkak të shqetësimeve në lidhje me rastet në rritje të variantit COVID-19 Delta.

Ndërsa vetëm dy javë më parë qeveria kombëtare belge miratoi ngjarje në natyrë deri në 75,000 njerëz duke filluar nga data 13 gusht, qeveritë lokale të Boom dhe Rumst, qytetet ku ishte planifikuar të zhvillohej festivali, kanë thënë se nuk do ta lejojnë atë të ndodhë.

“Ne sapo jemi informuar që kryetarët e bashkive të Boom dhe Rumst do të shpallin ndalimin e Tomorrowland 2021”, thanë organizatorët e ngjarjes në një deklaratë. “Kjo është shumë e vështirë dhe e papritur.”

Organizatorët e Tomorrowland thanë se ata do të apelojnë vendimin vendor tek qeveria kombëtare belge.

Gjatë një konference për shtyp të enjten në Belgjikë, zyrtarët deklaruan se ata e duan festivalin, por ata duhet të reagojnë ndaj situatës aktuale, duke pasur frikë se në këtë ngjarje ndërkombëtare, ata nuk do të ishin në gjendje të siguronin siç duhet protokollet e shëndetit dhe sigurisë .

Zyrtarët thanë në mënyrë që festivali të ndodhte, afërsisht 75,000 pjesëmarrës të tij çdo ditë do të duhet të testoheshin për COVID-19 çdo ditë të eventit. Qeveria belge përcaktoi që kompanitë private nuk mund të bëjnë testimin dhe policisë i mungojnë burimet e mjaftueshme.

Policia ka thënë se ata nuk do të ishin në gjendje të sigurojnë bazat e festivalit ndërsa gjithashtu kishin nevojë për të kontrolluar ID dhe provat e vaksinimit./UBTNews

Lifestyle

Si manifestohet mungesa e vitaminave në fytyrën tuaj?

Publikuar

nga

Problemi i mungesës së vitaminave është veçanërisht i rëndësishëm. Pa vitamina, ndihemi të dobët dhe të plogët dhe bëhemi një objektiv i lehtë për viruse të ndryshme.

Por e gjitha ajo që duhet të bëni për të përcaktuar nëse po merrni vitaminat e mjaftueshme është të shikoheni në pasqyrë.

Ju mund të kryeni kontrollin tuaj gjatë leximit të këtij artikulli.

Lëkurë tepër e zbehtë

Pak njerëz mund të mburren se kanë një tonalitet të mirë të ngjyrës së lëkurës deri në fund të dimrit. Por në qoftë se lëkura juaj është bërë plotësisht e zbehtë në krahasim me atë se si dukeni normalisht, kjo është një shenjë që ju mungon vitamina B12.

Pa atë, ne ndjehemi të dëshpëruar dhe të lodhur.

Për të rivendosur nivelin e duhur të kësaj vitamine, ju duhet të hani më shumë mish dhe produkte deti.

Flokët e thatë

Flokët e thatë, të brishtë e të mbuluar me një sasi të madhe zbokthi mund të jenë një shenjë që ju mungon biotina, e njohur si vitamina B7. Kjo shpesh është rezultat i përdorimit të antibiotikëve.

Për të rritur nivelet e B7-ës, ju duhet të hani mish, peshk, perime, fruta, kërpudha dhe perime bishtajore më shpesh. Dhe harrojeni dietën për një farë kohe.

Sytë e fryrë

Nëse keni vënë re fryrje rreth syve tuaj dhe në gjymtyrët tuaja, trupit tuaj mund t’i mungojë jodi. Burimi më i zakonshëm i tij është kripa e jodizuar.

Jodi gjendet gjithashtu në prodhimet e detit (karavidhe, karkaleca deti, alga deti), produktet e qumështit, madje edhe në bukë.

Buzë të zbehta

Buzët e zbehta mund të jenë një shenjë se një personi i mungon hekuri. Presioni i ulët arterial dhe ftohjet e rregullta mund të jenë shenja të mëtejshme të kësaj.

Për të rimarrë veten nuk është e vështirë. Ju thjesht duhet të hani më shumë mish të kuq dhe të hiqni dorë nga ushqimi me një përmbajtje të lartë të kalciumit për një farë kohe.

Mishra dhëmbësh të gjakosur

Mishrat e gjakosura të dhëmbëve mund të tregojnë mungesën e vitaminës C.

Një sasi e zvogëluar e saj mund të çojë në imunitet të dobët, në dhimbje të muskujve dhe në probleme me dhëmbët. Vitamina C gjendet në agrumet dhe specat e kuq.

Lodhje e pashpjegueshme, marramendje apo ndjesi shpimi

Nëse jeni të lodhur edhe pasi keni fjetur mirë, trupi juaj mund të ketë mungesë të vitaminës B12. Në këtë rast, transportimi i oksigjenit tek organet pengohet dhe çon në lodhje, marramendje dhe përgjumje.

Kjo vitaminë gjithashtu merr pjesë në funksionimin normal të trurit dhe sistemit nervor. Mungesa e saj mund të shkaktojë mpirje ose ndjenjën e goditjes së valëve elektrike.

Është e rëndësishme të mbani mend se këto janë të gjitha simptomat indirekte të mungesës së vitaminave. Nëse keni vënë re njërën prej tyre tek vetja juaj, konsultohuni me një mjek për të marrë një diagnozë më të saktë./prive

Vazhdo të lexosh

Lajmet

Si të jeni më të suksesshëm në punën e ardhshme?

Publikuar

nga

Pavarësisht nëse jeni të lumtur me punën aktuale, nuk duhet që asnjëherë ta ndalni përgatitjen për të kërkuar punë nëse ndodhë diçka.

7 Gjëra që mund t’i bëni që puna e ardhshme të jetë më e suksesshme?

Janë disa gjëra në dukje të thjeshta, por të jashtëzakonshme në ndikimin që ato kanë për të gjetur punë më lehtë.

Sinjalizoni arritjet tuaja

Bëjeni zakon që t’i shkruani arritjet tuaja dhe çdo përgjegjësi që ju shtohet në listën e detyrave në punë. Mbledhja e tyre mund të jetë e vështirë, për shkak se ndonjëherë nuk mund të mbahen mend detajet e përditshme.

Këshillë: Bëjeni më të lehtë këtë pjesë, duke përdorur fletore, ose duke mbajtur shënime në telefon apo mjet tjetër, duke krijuar kështu një listë për të gjitha këto.

Mësoni aftësi të reja

A ka ndonjë mundësi për të mësuar një program apo sistem të ri? Apo të trajnoheni që të jeni menaxher i mirë? Përfitoni nga këto momente si dhe nga projektet që do të ndihmojnë në zhvillimin dhe zgjerimin e aftësive tuaja të buta ose të forta. Shihni gjithashtu nëse kompania juaj ofron trajnime, mbulon shpenzimet e tyre! Rritja e aftësive tuaja është një mënyrë e dobishme për ta krijuar CV-në tuaj dhe do të përmirësojë mundësitë tuaja për t’u punësuar.

Vëmendje: Për punësimin e menaxherëve, një kandidat që tregon iniciativë për të mësuar gjëra të reja dhe ai që nuk kërkon shumë trajnim, është mjaft tërheqës.

Zgjeroni rrjetin tuaj

Merreni zyrën apo kompaninë tuaj si një vend për rrjetëzim! Puna me të njëjtët njerëz ju jep mundësi për të treguar se kush jeni ju si punëtor. Përfitoni nga këto mundësi për t’u lidhur dhe gjithashtu kërkoni mënyra për të bashkëvepruar me njerëz jashtë departamentit tuaj!

Ndërtoni lidhje të mirë me menaxherin tuaj

Nëse është një person me të cilin dëshironi të kuptoheni deri në shkallën më të lartë ai është mbikëqyrësi juaj i drejtpërdrejtë. Bëni gjithçka që të jeni në gjendje të rreshtoheni dhe të keni një marrëdhënie të fortë, pozitive dhe produktive! Një menaxher i mirë do t’ju ndihmojë të arrini qëllimet tuaja, duke ju rekomanduar për projekte interesante, të cilat janë thesar në CV-në tuaj, deri te avokimi për t’ju promovuar.

Lidhu në rrjete sociale

Derisa jeni duke ndërtuar lidhje në jetën jashtë, lidhuni me ata njerëz edhe në LinkedIn! Këtë mund ta bëni që në momentin kur i njihni nuk është e nevojshme të prisni deri në momentin kur jeni në kërkim të punës tjetër. Kështu që do të jeni më i njohur tek ata.

Bëni punën mirë

T’i qaseni seriozisht punës aktuale dhe kryerja e punëve me entuziazmin më të madh do t’ju bëj të dukshëm në kompani. Plus që përfshirja me pasion në punë do t’ju bëj që të keni më shumë ngjarje për t’i ndarë gjatë intervistave të punës.

Sigurohuni që njerëzit ta kuptojnë kur i përfundoni gjërat

Kjo është pika më e vështirë, sepse askush nuk dëshiron të flas gjatë gjithë kohës duke u mburrur për punët që i ka përfunduar. Por, gjithashtu nuk duhet të jeni aq modest sa askush të mos i i njohë veprat tuaja.

Si bëhet kjo? Ndani detaje me menaxherin dhe mbajeni të njoftuar me anët të emailit, apo jepni ide gjatë takimeve! 

Vazhdo të lexosh

Lajmet

9 trende të viteve 2000 që po rikthehen në modë!

Publikuar

nga

Makinat e kohës nuk ekzistojnë dhe të gjithë e dinë këtë! Por nëse shikoni sesi disa modele flokësh, ngjyra, pëlhura, madje edhe aksesorë po kthehen në modë, ju krijohet ndjesia sikur vitet 2000 janë kthyer.

Në këtë artikull ju sjellim veshjet, aksesorët nga vitet 2002 që janë rikthyer në modë.

1. Këto kapele (2021 vs 2005)

2. Shall kokë si crop top (2020 vs 2000)

3. Flokët me fije (2020 vs 2001)

4. Veshjet e thurura me grep (2020 vs 2005)

5. Veshje sportive Velour (2020 vs 2006)

6. Fustane me shkëlqim (2020 vs 2002)

7. Shumë rruaza njëkohësisht (2021 vs 2001)

8. Shamitë e kokës (2020 vs 2002)

9. Xhaketa lëkure (2021 vs 2001)

dritare.net

Vazhdo të lexosh

Kulturë, Lifestyle

Rihanna tani është muzikantja më e pasur në botë, bëhet miliardere

Publikuar

nga

Rihanna tani ka një titull të ri të mrekullueshëm: ajo është miliardere!

Vlera neto e artistes dhe manjates së bukurisë është zbuluar dhe ajo vlen aq shumë para falë linjës së saj kozmetike Fenty Beauty, linjës së saj Savage by Fenty dhe muzikës e sipërmarrjeve të tjera.

Forbes vlerëson se pasuria neto e Rihannës është 1.7 miliardë dollarë.

“Pjesa më e madhe e vlerës së saj neto prej 1.7 miliardë dollarësh nuk vjen nga të kënduarit, por nga kozmetika,” tha redaktori i Forbes, Kerry Dolan për GMA.

“Nga një linjë kozmetike super e suksesshme, e cila kur u lançua tërhoqi shumë lavdërime sepse kishte diçka si më shumë se 40 nuanca për të gjithë gamën e ngjyrave të lëkurës, e cila ishte diçka që në atë kohë jo shumë linja kozmetike kishin qenë gjithëpërfshirëse”.

Sipas revistës, Fenty Beauty përbën rreth 1.4 miliardë dollarë nga pasuria e saj neto prej 1.7 miliardë dollarësh.

Kjo vlerë neto zyrtarisht e bën Rihannën muzikanten femër më të pasur në botë, dhe të famshmen e dytë më të pasur të bërë vetvetiu pas Oprah Winfrey.

Vazhdo të lexosh

Të kërkuara