Ndërkohë që shumë njerëz kanë dëshirë që të kenë flokë më të trashë e më të shëndetshëm, ka disa mënyra për ta arritur këtë.

Uji i qepës mund të ndihmojë në këtë drejtim. Ai mund të përzihet edhe me vaj kokosi apo disa pika limoni dhe mund të shpëlahet duke përdorur shampo që nuk ka përmbajtje të sulfatit.

Uji i orizit mund të ndihmojë flokët duke e aplikuar me dorë apo më anë të një shisheje me spërkatës.

Vezët mund të ndihmojë për t’i trashur flokët duke i kombinuar me xhel të bimës aloe vera.

Larja e flokëve me shampo pa përmbajtje të sulfatit, dy deri në tri herë në javë ndihmon në trashësinë e tyre.

Ushqimi ndikon në trashësinë e flokëve, ushqimet që përmbajnë më shumë proteina hekur, e acidin yndyror omega 3 janë të domosdoshme për flokë të trashë. Mjetet e ngrohta si mashat për stilimin e flokëve mund t’i dobësojnë ato, këshillohet përdorimi sa më i vogël i tyre.

Krehja e shpeshtë ndihmon flokun të qëndrojë në formë dhe ndihmon me trashësinë. Vaji i ullirit, është i pasur me acidin yndyror omega 3 si dhe të tjera vlera ushqyese që ndihmojnë në fortësinë dhe trashësinë e flokëve. Aplikimi i këtij vaji në flokë ndihmon gjithashtu.

Gjatë një koncerti të turneut të saj “Hit Me Hard and Soft” në Glendale, Arizona, Billie Eilish u godit në fytyrë nga një byzylyk i hedhur nga publiku.

Incidenti ndodhi ndërsa këngëtarja 22-vjeçare e “Ocean Eyes” ishte ulur këmbëkryq në pjesën e përparme të skenës, duke kënduar këngën emocionale “What Was I Made For?”.

Eilish, e habitur për një moment, vazhdoi performancën me profesionalizëm, por hedhja e objektit shkaktoi reagime të ashpra nga fansat. Shumë shprehën zemërimin për sjelljen e papërgjegjshme, ndërsa këngëtarja hodhi byzylykun mbrapsht drejt turmës, shkruan DailyMail.

Më parë, Eilish kishte kritikuar trendin e hedhjes së objekteve drejt artistëve në skenë, duke e quajtur atë “tërbues dhe të rrezikshëm.” Gjatë një interviste në 2023, ajo tha: “Kam ndjenja të përziera për këtë, sepse është nga dashuria, por nuk është mënyra e duhur për ta treguar”.

Fansat reaguan fuqishëm edhe në rrjetet sociale. Një përdorues shkroi: “Kur do të mësoni të mos hidhni gjëra te artistët?”, ndërsa një tjetër paralajmëroi: “Këto performanca intime do të zhduken nëse sjelljet e tilla vazhdojnë”.

Incidenti është një tjetër shembull i një problemi në rritje gjatë koncerteve, me artistë si Eilish që u bëjnë thirrje fansave të respektojnë hapësirën dhe sigurinë e tyre në skenë.

Aktori i rrjetit Netflix, José de la Torre ka vdekur në moshën 37 vjeçare, disa muaj pasi njoftoi fansat se vuante nga një sëmundje e rëndë.

Aktori i njohur për pamjen tërheqëse ka luajtur rolin e Iván në serilian spanjoll ‘Toy Boy’, trileri ku personazhi tij ‘striptist’ burgoset për një vrasje që nuk ka kryer.

José, nga provinca spanjolle e Córdoba, kishte punuar më parë si model për kompani mode dhe bizhuterish.

Raportimet e sotme njoftonin se ai ka vdekur më 5 dhjetor dhe funerali u mbajt një ditë më vonë. Aktori ishte diagnostikuar më një sëmundje të paspecifikuar prej muajit korrik dhe prej atëhere nuk ishte shfaqur më në publik.

Kolegia e tij, aktorja spanjolle Luisa Martín i bënte homazhe José:

“Më thyet zemra të mendoj se nuk do të dëgjoj më zërin tënd, por do të vazhdoj të të flas përgjithmonë. Të dua shumë José.’

Aktori ka luajtur në disa seriale spanjolle përfshi dhe ‘Amar es para siempre’ (Të dashurosh përgjithmonë), si dhe Vis a Vis: El Oasis, dhe Servir y proteger.

13 dhjetori është një datë e veçantë për adhuruesit e muzikës dhe artit të violinës, pasi shënohet Dita Ndërkombëtare e Violinës. Kjo ditë e dedikuar violinës ka për qëllim promovimin e këtij instrumenti të jashtëzakonshëm dhe pasurinë e trashëgimisë së tij muzikore.

Organizatat artistike dhe muzikantët e mbarë botës ftojnë të gjithë të shijojnë muzikën për violinë, të dëgjojnë ose të luajnë meloditë e violinës, të shikojnë filma të njohur si “Violina e Kuqe”, “Violinisti i Djallit” dhe “Solisti”, ose të ndjekin koncerte të dedikuara për këtë instrument.

Në Shqipëri, një emër i rëndësishëm në historinë e violinës është Ludovik Naraçi, i cili njihet si pionieri i artit të violinës në vend. Naraçi ishte një virtuoz i talentuar dhe një edukator i shquar i violinës, i cili në dhjetor të vitit 1926 mbajti koncertin e tij të parë për violinë. Ai kishte marrë formimin e tij muzikor në qendrat evropiane të kulturës, si Vjena dhe Praga, dhe ka kontribuar në zhvillimin e shumë brezave të violinistëve shqiptarë, duke i dhënë artit të violinës një pasuri të madhe. Ai ka luajtur një rol kyç në rritjen dhe zhvillimin e muzikës klasike në Shqipëri.

Violina, një instrument që ka origjinën në shekullin e 16-të, ka një histori të gjatë dhe të pasur që ka evoluar me kalimin e kohës. Sipas muzikologut dhe violinistit amerikan David D. Boyden, lloji më i hershëm i violinës u shfaq rreth vitit 1530, dhe një pjesë e madhe e evolucionit të saj mund të gjurmohet përmes ikonografisë dhe arteve të periudhës. Shumë violinistë të njohur, si Stradivarius, Amati dhe Guarneri, janë të lidhur me krijimin e instrumenteve më të çmuara, të cilat janë shitur për miliona dollarë në ankande.

Disa nga violinat më të çmuara që janë prodhuar nga këto shtëpi janë bërë pjesë e koleksioneve më të shtrenjta dhe janë të njohura për tingujt e pasur dhe të mrekullueshëm që prodhojnë. Violina moderne, siç njihet sot, është krijuar nga Andrea Amati në Kremona të Italisë, rreth vitit 1555. Kjo ka qenë një periudhë e rëndësishme për zhvillimin e këtij instrumenti të veçantë që ka vazhduar të shërbejë si një themel i muzikës klasike, si dhe të gjejë rrugën e saj në zhanre të ndryshme të muzikës popullore dhe botërore.

Dita Ndërkombëtare e Violinës është një mundësi e shkëlqyer për të reflektuar mbi trashëgiminë dhe rëndësinë e këtij instrumenti të shquar, duke nderuar virtuozët e të kaluarës dhe të tashmes që kanë lënë një ndikim të thellë në muzikën botërore. Ky është një moment për të shijuar dhe për të ndarë pasionin për muzikën dhe artin e violinës, duke e mbajtur gjallë këtë traditë të pasur për brezat që do të vijnë./UBTNews/