

Lajmet
Terapia me gjarpërinj, ndër më të njohurat në Brazil
Trajtimi nuk është i vërtetuar shkencërisht.
Published
2 years agoon
By
UBT newsPër dikë kjo është terapi.
“Emri i tij është Gold. Ai është i ftohtë. Ai ha minj”, i thotë pacienti i quajtur Gomes terapistes së tij në një qendër trajtimi në Sao Paulo, duke mbajtur butësisht gjarpërin e madh ndërsa ai rrëshqet rreth tij.
Pikërisht këtë lloj fjalie po përpiqet të nxjerrë terapistja e tij, Andrea Ribeiro.
Ajo është e specializuar në trajtimin e personave me aftësi të kufizuara, autizëm ose ankth, duke përdorur një metodë të pazakontë: terapinë e zvarranikëve, e cila thotë se i ndihmon pacientët të relaksohen dhe të përmirësojnë komunikimin, aftësitë motorike dhe aftësi të tjera.
“Ai po punon në formimin e të folurit dhe kujtesës”, thotë terapisti për Gomes, i ulur në një tryezë me të dhe gjarprin e madh.
Ribeiro ka qenë pionier i kësaj metode gjatë dekadës së fundit në qendrën e trajtimit, e cila përmban një hapësirë në ajër të hapur ku pacientët ndërveprojnë me hardhucat, breshkat dhe “jacare” – një lloj aligatori vendas në Amerikën Latine që është i zakonshëm në Brazil, përfshirë në pyjet tropikale të Amazonës.
Trajtimi nuk është i vërtetuar shkencërisht.
Por “është demonstruar mjekësisht se kur njerëzit vijnë në kontakt me kafshët, çlirohen neurotransmetues si serotonin dhe beta-endorfina që japin një ndjenjë kënaqësie dhe mirëqenieje”, thotë Ribeiro.
“Kjo i bën (pacientët) të ndihen mirë dhe të duan të mësojnë”.
Zvarranikët “na mundësojnë të arrijmë rezultate më të mira dhe më të shpejta”, tha ajo për AFP.
Ribeiro përdorte qen në seancat e saj të trajtimit.
Por ajo zbuloi se përpjekjet e tyre të vazhdueshme për të luajtur dhe për të bashkëvepruar i shqetësonin disa pacientë, veçanërisht ata me autizëm.
Kështuqë ajo iu kthye zvarranikëve.
Është një klasë kafshësh që i bën shumë njerëz të përpëliten.
Por njerëzit me autizëm priren t’u afrohen atyre “pa paragjykime”, thotë ajo: Kafshët ndezin kureshtjen e tyre pa i bërë ato të pakëndshme.
Zvarranikët, nga ana e tyre, “janë indiferentë”, thotë ajo.
“Ata nuk kërkojnë vëmendje siç bëjnë disa gjitarë”.

Dhjetë vjeçari Gabriel Pinheiro është duke përkëdhelur një aligator të vogël, duke u përpjekur të imitojë rrokjet e Ribeiros duke hapur gojën tri herë: “Ja-ca-re”.
Ai dhe Ribeiro më pas këndojnë një këngë për jacare për të praktikuar aftësitë e kujtesës dëgjimore.
Nëna e Pinheiro-s, Cristina, vlerëson katër vitet e kësaj terapie për përmirësimin e aftësive të tij të dëgjimit, komunikimit dhe motorik.
“Ai është gjithmonë i lumtur kur ne vijmë këtu”, thotë ajo.
Një pacient tjetër, 34-vjeçari Paulo Palacio Santos, pësoi dëmtime të rënda në tru në një aksident që e la të paralizuar dhe pa fjalë.
Ribeiro e mbështjell fytyrën me një gjarpër të trashë, pesha e të cilit dhe temperatura e ftohtë ndihmojnë në riaktivizimin e refleksit të gëlltitjes së Santos, thotë ajo.
Ajo më pas përdor një shtrëngues më të vogël boa për të punuar muskujt rreth gojës së tij.
Trajtimi i këtyre specieve rregullohet nga autoriteti mjedisor i Brazilit, IBAMA.
Nuk ka pasur asnjë aksident në 10 vite trajtim, thotë qendra.
Zvarranikët, të cilët rriten në vend, janë mësuar me kontaktin njerëzor. Në terapi, thonë ata, nuk përdoren gjarpërinjtë helmues./france24/UBTNews/
Lajmet
Gjykata hedh poshtë kërkesat për pezullimin e liberalizimit të tregut të energjisë
Published
12 hours agoon
July 9, 2025By
UBTnews
Gjykata Themelore e Prishtinës i ka hedhur poshtë kërkesat në dy raste të ndara për pezullimin e vendit të rregullatorit të energjisë për liberalizimin e tregut të energjisë elektrike, i cili hyri në fuqi më 1 qershor.
Zyra e Rregullatorit për Energji (ZRRE) tha të mërkurën në një komunikatë se është njoftuar nga gjykata se ajo nuk i ka pranuar kërkesat për vendosjen e masës së sigurisë ndaj vendimit të saj.
Kërkesat ishin parashtruar nga Partia Demokratike e Kosovës (PDK), Oda Ekonomike e Kosovës (OEK) dhe Shoqata e Prodhuesve të Kosovës (SHPK).
“Gjykata ka theksuar se procesi i liberalizimit të tregut të energjisë promovon konkurrencë më të madhe ndërmjet furnizuesve, nxit presion për çmime më të ulëta dhe shërbim më cilësor për konsumatorët, u mundëson furnizuesve të ofrojnë oferta më të favorshme dhe zbritje dhe rrit efikasitetin në sektorin energjetik”, tha ZRRE.
Ndërkohë, OEK tha se gjykata e nuk e pranoi padinë e saj, e paraqitur në formë grupore kundër vendimit të ZRRE-së, me arsyetimin se legjislacioni i tanishëm nuk lejon mbrojtjen ligjore në mënyrë kolektive.
Ajo tha se ajo ishte padia e pare grupore e ushtruar nga SHPK-ja në emër të gjithë prodhuesve vendor.
Në njoftim tutje thuhet se Oda Ekonomike e Kosovës nuk ka ushtruar padi në emër të 1.300 bizneseve, “por me hapjen e zyrës së re ligjore në kuadër të OEK-ut, është duke i ndihmuar bizneset në përpilimin e padive, një nga një, në mënyrë individuale”.
Vendimi i ZRRE-së hyri në fuqi më 1 qershor, me gjithë ankesat dhe kundërshtimet.
Sipas këtij vendimi, të gjitha kompanitë private dhe publike që kanë mbi 50 të punësuar ose një qarkullim vjetor mbi 10 milionë euro, janë në treg të hapur dhe furnizohen me energji me çmime të parregulluara nga shteti.
Më shumë se 1.300 biznese private tashmë janë pjesë e këtij tregu.
Megjithatë, vendimi ka shkaktuar reagime të forta dhe shqetësime të shumta nga komuniteti i biznesit.
Komuniteti i biznesit e ka kundërshtuar vendimin për liberalizimin e tregut, duke e vlerësuar të dëmshëm për shkak të çmimeve të larta që po ofrojnë furnizuesit e licencuar. Ata kanë kërkuar që zbatimi i vendimit të shtyhet për së paku një vit.
Aktualisht, në Kosovë janë të licencuara 21 kompani për furnizim me energji elektrike, ndërsa një tjetër është në proces të licencimit./REL
Lajmet
Theret me thikë një person në lagjen “Ulpiana” në Prishtinë
Published
13 hours agoon
July 9, 2025By
UBTnews
Një person është therur me thikë në lagjen “Ulpiana” në Prishtinë. Nuk raportohet për të arrestuar.
Zëdhënësja e Policisë për rajonin e Prishtinës, Flora Ahmet, konfirmoi për “Betimi për Drejtësi” se rasti ka ndodhur rreth orës 09:00.
“Sot rreth orës 09 :00, kemi marrë informatën për një lëndim trupor të ndodhur në lagjen Ulpiana në Prishtinë. Bazuar në të dhënat fillestare, në këtë rast nga një mjet i mprehtë dyshohet të jetë lënduar një person i cili është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti i cili është cilësuar si lëndim i rëndë trupor”, njofton Policia.

Rruga Shkup-Han i Elezit është bllokuar për të gjitha automjetet, për shkak të zjarrit në afërsi të tunelit në Maqedoni të Veriut, njoftoi të mërkurën Qendra Kombëtare e Menaxhimit Kufitar.
“Ju informojmë se bazuar në informatën e pranuar nga pala e RMV, rruga Shkup Hani i Elezit është bllokuar për të gjitha automjetet për shkak të zjarrit në afërsi të tunelit në Republikën e Maqedonisë së Veriut”, thuhet në njoftimin e 9 korrikut në Facebook.
Ndërkaq, rreth 300 raste zjarresh janë regjistruar në Kosovë vetëm gjatë pesë ditëve të fundit, si pasojë e temperaturave të larta që kanë përfshirë vendin.
Drejtori i Agjencisë për Menaxhimin e Emergjencave (AME), Genc Metaj, tha se gjatë kësaj periudhe ekipet kanë ndërhyrë në 295 raste zjarresh nëpër komuna të ndryshme të Kosovës.
Në konferencën e thirrur për media, Metaj tha se dita më e rënduar ka qenë 7 korriku, kur janë shënuar gjithsej 66 raste të zjarreve, prej të cilave 57 kanë ndodhur pasdite.
Lajmet
Rreth 300 vatra zjarresh në 5 ditët e fundit, Metaj flet për situatën në Kosovë
Published
14 hours agoon
July 9, 2025By
UBTnews
Rreth 300 raste zjarresh janë regjistruar në Kosovë vetëm gjatë pesë ditëve të fundit, si pasojë e temperaturave të larta që kanë përfshirë vendin.
Drejtori i Agjencisë për Menaxhimin e Emergjencave (AME), Genc Metaj, tha se gjatë kësaj periudhe ekipet kanë ndërhyrë në 295 raste zjarresh nëpër komuna të ndryshme të Kosovës.
Në konferencën e thirrur për media, Metaj deklaroi se dita më e rënduar ka qenë 7 korriku, kur janë shënuar gjithsej 66 raste të zjarreve, prej të cilave 57 kanë ndodhur pasdite.
Metaj shtoi se situata është menaxhuar me sukses deri më tani, por rreziku mbetet i lartë për shkak të kushteve të motit.
Sipas tij, dyshohet që zjarrëvëniet mund të jenë të qëllimshme dhe shumica prej tyre janë toka bujqësore, e që pastaj shpërndahen edhe në zona malore.
Metaj tha se numri i zjarrëfikësve është i kënaqshëm, porse duhet të jetë edhe më i madh.
Drejtori i AME-së, Genc Metaj tregoi se aktualisht janë 3 vatra aktive, një në Pejë dhe dy në Skënderaj.
AME apelon për kujdes të shtuar nga qytetarët dhe bashkëpunim në parandalimin e zjarreve, duke shmangur ndezjen e zjarreve në hapësira të hapura dhe duke raportuar çdo rast të dyshimtë.
Ndër të tjera, Metaj u shprehu ngushëllime familjarëve, të afërmve dhe miqve për vdekjen e shefit të Operativës në Brigadën e Zjarrfikësve të Gjakovës, Kaqun Lima.

Fokusi në Energjinë e Gjelbër: Akademia Verore në Inxhinieri të Energjisë mbyllet me sukses

Interi në sulm për Marco Asension

Gjykata hedh poshtë kërkesat për pezullimin e liberalizimit të tregut të energjisë

“Frikë nga më e keqja”/ Shëndeti i Mbretit Charles ndez alarmet në pallat

Komunikim pa rrjet – aplikacioni që nuk ka nevojë për internet apo numër telefoni

Muriqi e vazhdon kontratën me Mallorcën deri në vitin 2029

Rusia nis sulmin e saj më të madh me dronë dhe raketa kundër Ukrainës

Theret me thikë një person në lagjen “Ulpiana” në Prishtinë

Prishtina qendër e evropianit të Esports, Kurti: Ngjarje të tilla të shërbejnë për të ndërtuar ura e jo mure
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT4 weeks ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT1 month ago
UBT – Institucioni privat me më së shumti programe të akredituara nga Agjencia e Akreditimit të Kosovës