

Lajmet
Tentimi për evakuim në Mariupol derisa luftimet vazhdojnë
Një plan i ngjashëm dështoi të shtunën më 5 mars, pasi armëpushimi nuk u respektua plotësisht.
Published
3 years agoon
By
Betim GashiKëshilli i qytetit të Mariupolit në Ukrainë, ka njoftuar se një evakuim i rreth 400 mijë banorëve të bllokuar nga rrethimi i forcave ruse, do të bëhet të dielën më 6 mars, në bazë të një armëpushimi të përkohshëm që do të zgjasë deri në orën 21:00 sipas kohës lokale.
Një plan i ngjashëm dështoi të shtunën më 5 mars, pasi armëpushimi nuk u respektua plotësisht.
Ndërkohë, luftimet vazhduan në shumë zona të tjera më 6 mars, teksa pushtimi rus i Ukrainës hyri në ditët e tij të 11-të, duke shkaktuar vdekje dhe shkatërrime dhe duke detyruar më shumë se 1.5 milion njerëz të largohen nga vendi i tyre.
Moska gjithashtu ka intensifikuar sulmet e saj ndaj mediave.
Një mori transmetuesish ndërkombëtarë, duke përfshirë BBC, CNN, Radio Evropa e Lirë, ARD dhe ZDF të Gjermanisë pezulluan raportimin nga Rusia, pasi Moska miratoi një ligj që dënon me burgim deri në 15 vjet, publikimin e atyre që ajo e quan “lajme të rreme” për pushtimin e saj në Ukrainë.
Ushtria e Ukrainës tha më 6 mars, se ka zhvilluar “beteja të ashpra” me forcat ruse në skajin e qytetit jugor të Mykolaivit, i cili kontrollon rrugën për në qytetin kyç të Detit të Zi, Odessa.
Zyrtarët ukrainas thanë se forcat ruse kryen qindra sulme me raketa dhe artileri në të gjithë vendin, duke përfshirë hedhjen e bombave të fuqishme në zonat e banuara në veri të Kievit, dhe u raportuan dhjetëra civilë të vrarë.
Qytetarët u përpoqën të largoheshin nga qytetet Buça dhe Irpin, derisa po goditeshin nga sulmet ajrore.
Inteligjenca ushtarake britanike krahasoi taktikat e Rusisë në Ukrainë me ato të përdorura nga Rusia në Çeçeni dhe Siri, ku qytetet u bombarduan dhe u dëmtuan rëndë, pasi forcat ruse u përballën me rezistencë të papritur nga mbrojtësit e tyre.
Rusia mohon të ketë shënjestruar zonat civile.
Lufta në Ukrainë pritej të ishte në rendin e ditës në takimin e 6 marsit mes kancelarit gjerman Olaf Scholz dhe presidentes së Komisionit Evropian Ursula von der Leyen në Berlin.
Më herët, Scholz foli me kryeministrin izraelit Naftali Bennett, i cili fluturoi për në Moskë më 5 mars, ku u takua me liderin rus Vladimir Putin për tre orë.
Zyra e Bennett tha se udhëtimi u bë “në koordinim dhe me bekimin” e Uashingtonit.
Bennett foli me presidentin ukrainas Volodymyr Zelensky pas takimit të tij me presidentin rus, Vladimir Putin.
“Ne vazhdojmë dialogun”, shkroi Zelensky në Twitter pas telefonatës.
Presidenti turk Tajip Erdogan ka biseduar me telefon me Putinin më 6 mars. Turqia, një anëtare e NATO-s, ndan kufirin detar me Ukrainën dhe Rusinë në Detin e Zi./REL

Inspektorati Sanitar i Ministrisë së Shëndetësisë e ka mbyllur përkohësisht pishinën e Gërmisë në Prishtinë. Ky vendim vjen pasi Instituti Kombëtar i Shëndetësisë Publike njoftoi më herët të enjten se mostrat e marra nga uji i pishinës publike tregojnë se uji nuk i plotëson standardet.
Instituti njoftoi se është duke e bërë monitorimin e rregullt të cilësisë së ujit në këtë pishinë publike.
“Ekspertët e Ekologjisë Humane nga IKSHPK kanë marrë mostra për analizë laboratorike nga uji i kësaj pishine, të premten më 19 korrik 2025. Rezultatet e këtyre mostrave te lëshuara me 22 korrik 2025, treguan se parametrat mikrobiologjikë nuk plotësuan standardet për ujin e pishinës”, tha IKSHPK përmes një njoftimi.
Sipas Institutit, Inspektorati Sanitar i Ministrisë së Shëndetësisë ka bërë vizitë në këtë pishinë, në të njëjtën ditë.
“Më 23 korrik 2025, janë marrë mostra të përsëritura dhe rezultatet përfundimtare pritet të jenë të gatshme ditën e premte, me 25 korrik 2025”, tha tutje Instituti.
Në njoftim u bë e ditur se në momentin që rezultatet e reja do të jenë të disponueshme, qytetarët do të njoftohen përmes kanaleve zyrtare të komunikimit të IKSHPK-së.
Lajmet
Zbulohet superoferta e Realit për Rodrin
Published
20 minutes agoon
July 24, 2025By
UBT News
Real Madridi po përgatit një superofertë për të transferuar mesfushorin spanjoll Rodri nga Manchester City.
Sipas “Fichajes”, presidenti Florentino Perez është gati të ofrojë Rodrygon, Eduardo Camavingan dhe 40 milionë euro për ta bindur Cityn.
Rodri është objektivi kryesor i Realit për të zëvendësuar Toni Kroos, ndërsa trajneri i ri Xabi Alonso e sheh atë si lojtarin ideal për të diktuar lojën në mesfushë. Pep Guardiola vlerëson shumë si Rodrygon ashtu edhe Camavingan, çka mund të favorizojë marrëveshjen.
Rodrygo pritet të largohet këtë verë për shkak të mungesës së hapësirës mes yjeve si Vinicius Junior dhe Kylian Mbappe. Real Madridi synon të rikthejë dominimin në Spanjë dhe Evropë, duke besuar se nënshkrimi me Rodrin është hapi vendimtar.
Aktualitet
Kurti mori pjesë në Festivalin Ndërkombëtar të Domates në Mamushë
Published
49 minutes agoon
July 24, 2025By
UBT News
Kryeministri në detyrë, Albin Kurti mori pjesë në hapjen e Festivalit Ndërkombëtar të Domates, edicioni i 16-të, i cili mbahet tradicionalisht në Komunën e Mamushës. Kurti tha se festivali është dëshmi e shpirtit të banorëve të zellshëm të Mamushës, një komunë relativisht e vogël në përmasë, por shembull bereqeti për bujqësinë e Kosovës
“Vetëm përmes skemës së granteve fermerët e Mamushës kanë përfituar 7.5 milionë euro. Kjo përkrahje e jona e ka përmirësuar imazhin për bujqësinë e Kosovës dhe ka shtuar vullnetin te fermerët. Përkrahja do të vazhdojë të rritet sepse nevojat dhe kërkesa janë që prodhimet e Kosovës të jenë të mira, të shumta dhe cilësore”, tha ai.
Ai shtoi se Mamusha është mbështetur dhe ndihmuar, por sipas tij përkrahja për Mamushën do të shtohet edhe më shumë.
“Rritja e mbështetjes, e prodhimit dhe eksportit nënkupton rritje të ekonomisë dhe mirëqenies së fermerit, familjeve të tyre dhe të tjerëve hisedarë në zinxhirin e vlerës. Vetëm gjatë katër viteve të qeverisjes sonë 2021-2024, eksporti i perimeve është rritur për mbi 70%, nga 24 milionë euro sa ishte në periudhën 2017-2020, në 41 milionë euro në këto vitet e fundit”, u shpreh më tej Kurti.
Kurti i përgëzoi fermerët për punën e palodhshme që bëjnë, dhe ua uroj të gjithëve edicionin e Festivalit Ndërkombëtar të Domates.
Aktualitet
Rama në Javën e Gruas: Politike arsimore që bazohet në nevojat reale të fëmijëve
Published
1 hour agoon
July 24, 2025By
UBT News
Komuna e Prishtinës, në bashkëpunim me NDI Kosova, organizoi një diskutim të hapur me temën “Udhëheqje që transformon: Politikat lokale arsimore”, aktivitet ky i zhvilluar në kuadër të Javës së Gruas.
Ambasadorja Nancy Soderberg, drejtore e NDI në Kosovë, theksoi rëndësinë e zhvendosjes së debatit publik nga niveli qendror në atë lokal për të dëgjuar zërin e grave në terren. Ajo tha se fuqizimi i grave mund të jetë i qëndrueshëm vetëm kur përfshin çdo nivel të shoqërisë.
“Kjo platformë përbën rrjetin më të madh ndërsektorial në Kosovë dhe ka dëshmuar vazhdimisht se kur grave u jepen mjetet e nevojshme, mbështetja e duhur dhe njohja që meritojnë, ato udhëheqin ndryshime transformuese nëpër komunitete dhe institucione. Sot, së bashku me ju, po e lansojmë Javën e Gruas me debatet politike në nivel komunal me qëllim që të zhvendosim dialogun dhe diskutimin publik nga niveli qendror në atë lokal dhe si rrjedhojë të dëgjojmë zërat nga terreni. Ne e dimë se fuqizimi i grave do të jetë i qëndrueshëm dhe gjithëpërfshirës vetëm kur arrin në të gjitha nivelet e shoqërisë. Me padurim presim debatet e radhës që do të mbahen javën që vjen në komunat”, shtoi ajo.
Kryetari i Prishtinës, Përparim Rama, gjithashtu theksoi rëndësinë e një politike arsimore që bazohet në nevojat reale të fëmijëve dhe në bashkëpunim të ngushtë me komunat në gjithë vendin.
“Le ta ndërtojmë të ardhmen e vendit tonë së bashku, me hapa të përbashkët dhe në mënyrën më të mirë të mundshme.
Kjo nuk është rruga që duam ta bëjmë vetëm se është proces që duam ta ndajmë me të gjithë ju me të gjitha komunat dhe gjithë vendin. Një politikë që nis nga nevojat reale të fëmijëve tanë që mbështet në nevoja reale që i kemi, me informata të sakta, të cilat sjellin rezultatet të matshme. T’i japim zë këtij vizioni të përbashkët që lidh çdo qytet dhe çdo pjesë të territorit të vendit tonë, të ndërtuar së bashku me komunat tona, që t’i njohim nevojat dhe së bashku t’i bëjmë hapat. E shoh si mundësi që hapat t’i bëjmë së bashku dhe ta ndërtojmë të ardhmen e vendit tonë në mënyrë më të mirë të mundshme”, tha Rama.
Ndërsa, koordinatorja e Forumit Ekonomik të Grave, Saxhide Mustafa, tha se arsimi është thelbi i zhvillimit ekonomik dhe një shoqërie të barabartë.
Ajo ngriti shqetësimin për rënien e përfshirjes në arsim prej 5 për qind në disa grupmosha, duke theksuar nevojën për politika të koordinuara mes nivelit lokal dhe qendror.
Mustafa gjithashtu nënvizoi sfidat, me të cilat po përballen qytetet si Prishtina dhe Fushë Kosova për shkak të migrimit nga zonat rurale dhe mbingarkesës në infrastrukturë.
“Për të diskutuar për rëndësinë dhe rolin që luan politikat arsimore për një shoqëri të barabartë dhe të qëndrueshme është e nevojshme çdo ditë. Arsimi është thelbi është baza e një shteti është një proces që transformohet në zhvillimin ekonomik. Është e rëndësishme që edhe politikat lokale të jenë bashkë me politikat qendrore që të ketë përfshirje. Ka rënie 5 për qind kjo kërkon thellë transformim kjo grupmoshë. Dikur jemi mburrur me një popullsi të re po e shohim që vitet e fundit ka ndikuar faktorë të ndryshëm. Qyteti i Prishtinës dhe Fushë Kosovës ka sfida që po e presion ka mbi ngarkesë një migrim prej zonave rurale në ato urbane”, tha ajo.

Mbyllet pishina e Gërmisë

Google zbulon linjën e plotë Pixel 10

Zbulohet superoferta e Realit për Rodrin

A është i sigurt të pihet uji që ka qëndruar gjatë natës?

Kurti mori pjesë në Festivalin Ndërkombëtar të Domates në Mamushë

Rama në Javën e Gruas: Politike arsimore që bazohet në nevojat reale të fëmijëve

Mbreti Charles flet për gjendjen shëndetësore pas diagnostikimit me kancer

Frutat që mbrojnë trurin dhe zemrën gjatë ditëve të nxehta

YouTube ka vendosur të mbyllë faqen e njohur
Të kërkuara
-
Lajmet nga UBT1 month ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore