Bota

Tensione gjatë fjalimit të Trump, nxirret jashtë kongresmeni që kritikoi presidentin

Published

on

Fjalimi i Presidentit Donald Trump në Kongresin amerikan u shoqërua me tensione të forta, pasi disa ligjvënës demokratë e kundërshtuan ashpër, duke protestuar në mes të sallës.

Kongresmeni demokrat Al Green, ndërhyrë në fjalimin e Trump, duke tundur një bastun dhe duke bërtitur “Ai nuk e ka mandatin popullor”, ndërsa i kërkoi presidentit të ndalonte.

Reagimi i tij shkaktoi një përplasje me republikanët, të cilët brohoritën “SHBA!” përpara se Kryetari i Dhomës së Përfaqësuesve, Mike Johnson, të urdhëronte largimin e Green nga salla.

Green, një kritik i ashpër i Trump, shprehu pakënaqësinë e tij për atë që ai e konsideroi mungesë të mandatin popullor të presidentit.

Në një intervistë për NBC, Green tha: “Trump nuk ka mandatin për të hequr kujdesin shëndetësor nga të varfërit.

“Ai ka bërë thirrje për shkarkimin e Trump, duke e cilësuar si të pasinqertë në lidhje me politikat e tij për Medicaid”.

Green theksoi se është e papranueshme që në një vend kaq të pasur, individët me të ardhura të ulëta të mbeten pa kujdes shëndetësor adekuat.

Në anën tjetër, disa ligjvënës demokratë zhvilluan protesta simbolike përmes veshjeve të tyre.

Disa gra veshën fustane rozë për të shprehur kundërshtimin ndaj politikave që sipas tyre dëmtojnë gratë, ndërsa të tjerë mbanin pankarta që shkruanin “Save Medicaid” dhe “False”, duke shprehur skepticizmin ndaj pretendimeve të Trump.

Po ashtu, disa ligjvënës u larguan nga salla gjatë fjalimit, ndërsa Presidenti po fliste.

Në një moment tjetër të tensionuar, Trump u shpreh se shpenzimet për ndihmën ushtarake për Ukrainën do të shtyhen, një njoftim që shkaktoi reagime të ashpra, pas një takimi të fundit në Zyrën Ovale me Presidentin Volodymyr Zelensky.

Kjo veprim e shtoi përplasje në sallën e Kongresit, ku republikanët shpërthyen në brohoritje të mbështetjes, ndërsa shumë demokratë qëndruan të ulur dhe kritikuan fjalët e Trump përmes pankartave.

Bota

Monumenti për viktimat e gjenocidit të Srebrenicës u përurua në Paris

Published

on

By

Anëtari boshnjak i Presidencës së Bosnjës dhe Hercegovinës, Denis Beçiroviq dhe kryetarja e Bashkisë së metropolit francez, Anne Hidalgo përuruan sot në Paris monumentin kushtuar viktimave të gjenocidit të Srebrenicës.

Monumenti ndodhet në rrugicën e monumenteve përkujtimore në varrezat Père Lachaise, pranë atyre të dedikuara për viktimat e gjenocidit në Ruandë dhe ushtarëve francezë të vrarë në Luftën e Dytë Botërore.

Ai u ngrit me rastin e 30-vjetorit të gjenocidit kundër boshnjakëve, dhe iniciativa për ndërtimin e tij erdhi nga organizata joqeveritare Solidariteti me Bosnjën dhe Hercegovinën (SIBH-Francë), me mbështetjen e autoriteteve të qytetit të Parisit, transmetojnë mediat boshnjake.

Kujtimi i gjenocidit të Srebrenicës duhet të jetë themeli për ndërtimin e një të ardhmeje më të mirë, më të sigurt dhe më të drejtë, sepse vetëm me të vërtetën, respektin për viktimat dhe përgjegjësinë mund të sigurohemi që gjenocidi të mos ndodhë më kurrë“, tha Beçiroviq.

Gjenocidi i Srebrenicës, i kryer nga forcat serbe të Bosnjës, konsiderohet krimi më i keq i luftës i kryer në Evropë që nga Lufta e Dytë Botërore. Më shumë se 8 mijë burra dhe djem boshnjakë u vranë në masakrën serbe në vitin 1995.

Continue Reading

Bota

ShBA kundërshton propozimin e Macron për njohjen e shtetit palestinez: Vendim i njëanshëm

Published

on

By

Kreu i diplomacisë amerikane e bëri të qartë të enjten se “kundërshton fuqishëm” vendimin e presidentit francez Emmanuel Macron për të njohur shtetin e Palestinës gjatë Asamblesë së Përgjithshme të OKB-së në shtator.

Ai e ka cilësuar si një vendim të njëanshëm dhe që, sipas tij, e largon paqen.

Ky vendim i njëanshëm nuk shërben për asgjë tjetër përveçse për propagandën e Hamasit dhe përbën një hap prapa për procesin e paqes. Është një shuplakë në fytyrën e viktimave të 7 tetorit 2023,” deklaroi Sekretari amerikan i Shtetit, Marco Rubio, përmes një postimi në platformën X.

Ndërkohë, ambasadori amerikan në Izrael, Mike Huckabee, kishte deklaruar në muajin qershor se nuk e konsideron më prioritet të politikës së jashtme amerikane krijimin e një shteti të pavarur palestinez.

Continue Reading

Bota

​Macron thotë se Franca do ta njohë Palestinën si shtet

Published

on

Presidenti francez Emmanuel Macron njoftoi sonte se vendi i tij do ta njohë Palestinën si shtet.

Në një deklaratë të postuar në rrjetin X, Macron tha se vendimi do të formalizohet në Asamblenë e Përgjithshme të OKB-së në muajin shtator.

“Duke pasur parasysh angazhimin e saj historik për një paqe të drejtë dhe të qëndrueshme në Lindjen e Mesme, kam vendosur që Franca të njohë shtetin e Palestinës. Paqja është e mundur”, ka shkruar ai.

“Gjëja urgjente sot është që lufta në Gaza të ndalet dhe popullsia civile të shpëtohet”, thuhet në deklaratën e Macron, e cila përfshinte edhe një letër dërguar presidentit palestinez Mahmoud Abbas në lidhje me vendimin.

Aktualisht, mbi 140 vende njohin shtetin palestinez. Macron në qershor shprehu një vendosmëri për të njohur shtetin e Palestinës dhe mbështeti një lëvizje më të gjerë drejt një zgjidhjeje me dy shtete.

Continue Reading

Bota

​Britania e India nënshkruajnë marrëveshje tregtare rreth 6 miliardë funte

Published

on

Kryeministri britanik Keir Starmer i tha homologut të tij nga India Narendra Modi se nënshkrimi i marrëveshjes tregtare ishte një “ditë historike” për të dy vendet.

Në rezidencën e kryeministrit në Chequers, Starmer tha se marrëveshja përfaqësonte një “ndryshim të madh” në marrëdhënie, raporton BBC.

Modi tha se ata po “shkruanin një kapitull të ri” në historinë e përbashkët të Mbretërisë së Bashkuar dhe Indisë.

Marrëveshja vlen rreth gjashtë miliardë funte investime nga kompanitë indiane dhe britanike në ekonominë britanike dhe pritet të ketë një ndikim prej 4.8 miliardë funte në produktin e brendshëm bruto të Mbretërisë së Bashkuar.

Marrëveshja pritet gjithashtu të krijojë 2 mijë e 200 vende pune në vend. Tarifat për një gamë mallrash britanike do të ulen nga një mesatare prej 15 për qind në tre për qind, me qëllim rritjen e eksporteve në Indi me 11 miliardë funte.

Negociatat për marrëveshjen filluan në vitin 2022, kur Boris Johnson ishte kryeministër i Britanisë së Madhe dhe përfunduan në maj të këtij viti.

Continue Reading

Të kërkuara