

Lajmet
Të punuarit më gjatë se orari rrit gjasat për depresion
“Ne kemi më shumë kontroll mbi atë që punojmë; ne mund të zgjedhim gjërat argëtuese”, thotë Gelenberg.
Published
2 years agoon
By
UBT newsPuna me orar të zgjatur është ndër faktorët alarmues që rrit ndjeshëm rrezikun e një personi për tu futur në depresion. Pavarësisht se sa e doni punën që bëni apo sa stresuese ose jo është ajo.
Të jetuarit në epokën kur gjithçka zhvillohet shumë shpejt dhe termi “burn-out” apo konsumimi nga puna po shndërrohet në normë – të cilën shumica e paguajnë me pasoja në shëndet mendor.
Një studim i cili ka përfshirë mbi 2 mijë punonjës për gjashtë vjet ka nxjerrë në përfundim se punonjësit që punonin mesatarisht të paktën 11 orë në ditë në zyrë kishin afërsisht dy herë e gjysmë shanse më të larta për të zhvilluar depresion sesa kolegët e tyre që kanë mbaruar punën pas shtatë ose tetë orësh.
Lidhja midis ditëve të gjata të punës dhe depresionit vazhdoi edhe pasi studiuesit morën parasysh faktorë të tillë si tendosja e punës, niveli i përkrahjes në vendin e punës, përdorimi i alkoolit, pirja e duhanit dhe sëmundjet kronike fizike.
Punonjësit e rinj ata me një përvojë të konsiduereshme të cilët janë të mbingarkuar duket se janë më të prirur ndaj depresionit sesa njerëzit që tashmë janë kalitur me punën dhe kanë përvojë. Kohëzgjatja e ditës së punës nuk pati një ndikim të dukshëm në shëndetin mendor të punonjësve të nivelit të lartë, me pagë më të lartë, si menaxherët, udhëheqësit e ekipeve.
Kjo ka të ngjarë për shkak të sasisë së kontrollit që njerëzit me pozita udhëheqëse kanë mbi punën e tyre, thotë Alan Gelenberg – kryetar i departamentit të psikiatrisë në Universitetin Shtetëror të Pensilvanisë.
“Ne kemi më shumë kontroll mbi atë që punojmë; ne mund të zgjedhim gjërat argëtuese”, thotë Gelenberg, i cili nuk ishte i përfshirë në studim. “Unë bëj kryesisht atë që dua të bëj dhe kur kaloj një javë më të vështirë, është zgjedhja ime”, ka thënë ai duke iu referuar edhe vetes.
Për ata që janë në pozita më poshtë, studiuesit thonë se orët e gjata në zyrë mund të kontribuojnë në depresion në disa mënyra. Kjo manifestohet duke krijuar konflikte familjare ose në përkeqësim të marrëdhënieve më të tjerët.
Pasiguria në punë dhe shmangia e gjumit gjithashtu ndikojnë në rritjen e rrezikut të depresionit. Hulumtimet e mëparshme kanë treguar se gjumi i dobët është një përbërës kyç në depresionin e lidhur me punën.
Studimet e fundit mbi punën jashtë orarit dhe depresionin kanë raportuar rezultate të ngjashme, por shumica kanë përdorur një standard më pak rigoroz për matjen e depresionit.
Si të qëndroni i lumtur dhe i shëndetshëm?
Pyetja e parë që duhet shtrohet në këtë temë është se “Çfarë ndodh kur punoni vazhdimisht me orar të zgjatur?”.
Përgjigja është se mund të mos keni kohë për të ngrënë mirë, mund të mos ushtroni mjaftueshëm (ose fare) dhe mund të mos flini sa duhet. Shtojini kësaj stresin dhe tensionin shtesë që mund të përjetoni dhe mund të shihni se puna me orë të gjata mund të dëmtojë shëndetin tuaj, si dhe performancën dhe produktivitetin tuaj.
Lajmi i mirë është se ju mund të punoni më shumë orë dhe të mbani një mënyrë jetese të shëndetshme. AkademiPune ju përcjell disa strategji që do të ndihmojnë:
Praktikoni ushtrime
Bëni mjaftueshëm ushtrime – Ushtrimet e rregullta reduktojnë stresin, përmirësojnë shëndetin tuaj dhe nivelet e energjisë, rrisin vetëbesimin dhe imazhin tuaj dhe madje mund të rrisin IQ-në tuaj. Mendoni për stërvitjen si një investim në veten tuaj dhe në karrierën tuaj.
Bëni pushime të rregullta – Largohuni nga tavolina juaj dhe bëni një shëtitje të shkurtër çdo 60 deri në 90 minuta. Kjo do t’ju ndihmojë të relaksoheni. Nëse është praktike, merrni parasysh të bëni një sy gjumë të shkurtër kur ndiheni të lodhur, për shembull, në një karrige të rehatshme ose në makinë. (Kërkimet tregojnë se kjo mund të rrisë performancën në afat të shkurtër dhe mund të ketë një efekt pozitiv në shëndetin tuaj afatgjatë).
Pini shumë ujë – Dehidratimi e bën më të vështirë përqendrimin dhe mund t’ju bëjë të ndiheni fizikisht të lodhur dhe ta papërqendruar. Mbani një shishe me ujë në tavolinën tuaj të punës – si një rikujtim për të pirë ujë. Gjithashtu, shmangni shumë kafeinë. Asnjëherë nuk është ide e mirë ta teproni.
Hani shëndetshëm – Hani vakte të shëndetshme gjatë ditës tuaj të punës dhe mbani me vete bajame ose fruta. Ato mund t’i hani kurdo që ndiheni të uritur. Gjithashtu, shmangni ushqimet e shpejta dhe ushqimet e yndyrshme nëse është e mundur. Ushqimi i pashëndetshëm mund të jetë joshës nëse jeni duke punuar vonë ose duke marrë një klient për darkë, kështu që zhvilloni shprehi që do t’ju ndihmojnë të bëni zgjedhjet e duhura, për aq sa mundeni.
Si ta rritni produktivitetin dhe ta menaxhoni kohën tuaj?
Një nga arsyet kryesore që njerëzit punojnë me orar të zgjatur është sepse mundohen që të kryejnë më shumë punë. Prandaj, është e rëndësishme të siguroheni që të jeni sa më produktiv gjatë gjithë kohës në punë. Në këtë mënyrë, ju do të arrini më shumë dhe do të arrini t’i kryeni të gjitha punët me kohë.
Megjithëse mbajtja e një stili jetese të shëndetshëm do t’ju ndihmojë të jeni më produktivë, ka disa strategji të tjera që mund të përdorni:
Vlerësoni se si e përdorni kohën tuaj – Mbani një regjistër aktivitetesh, më pas analizoni atë për të gjetur se sa kohë shpenzoni në detyra specifike. Kjo do t’ju ndihmojë të minimizoni ose eliminoni aktivitetet me më pak rëndësi dhe tu kushtoni më shumë rëndësi atyre që kanë më shumë vlerë.
Organizohuni – Mënyra se si e organizoni veten luan një rol të rëndësishëm në atë se sa do të arrini gjatë ditës. Do t’ju duhet të investoni disa orë përpara për t’u organizuar, por kjo do të shpërblehet shpejt.
Përmirësoni përqendrimin dhe fokusin tuaj – Aftësia për t’u përqendruar është thelbësore kur jeni duke punuar me orar të zgjatur. Shqetësimet vetëm sa do të rrisin kohën që kaloni në zyrë. Bëni atë që mundeni për të minimizuar shpërqendrimet: mos u fokusoni në rrjete sociale, mbyllni derën e zyrës dhe madje fikni telefonin. Sa më i përqendruar të jeni, aq më shpejt mund të kaloni në punë tjetër – ose të shkoni në shtëpi me kohë. Nëse lexoni shumë si pjesë e punës suaj, përdorni strategji të përshtatshme leximi, në mënyrë që ta përdorni këtë kohë në mënyrë më efikase.
Shmangni shumë detyra – në vend të kësaj, bëni një detyrë ose projekt në një kohë. Përqendrohuni plotësisht në atë që po bëni dhe kurdo që të mundeni përfundoni tërësisht një detyrë para se të kaloni në diçka tjetër./AkademiPune
Aktualitet
Trajnime praktike dhe certifikime ndërkombëtare në UBT, nga shtatori deri në nëntor
Published
3 hours agoon
August 26, 2025By
Driton Iseni
UBT ka njoftuar nisjen e një cikli të gjerë trajnimesh profesionale dhe praktike për periudhën Shtator–Tetor–Nëntor 2025, të hapura për studentë, profesionistë dhe të gjithë të interesuarit për zhvillim të aftësive. Sipas njoftimit, çdo muaj do të hapen grupe të reja, duke ofruar fleksibilitet në orar dhe mundësi për t’iu përshtatur angazhimeve të pjesëmarrësve.
Programi mbulon fusha kyçe të menaxhimit të projekteve, IT-së, analizës së të dhënave dhe aftësive të buta, me fokus në standarde ndërkombëtare dhe punë praktike në laboratorë modernë të UBT-së.
Trajnimet e planifikuara:
- PRINCE2 – 24 orë
- ITIL Foundation – 24 orë
- Analiza e të Dhënave me SPSS – 24 orë
- MS Project – 18 orë
- Hyrje në Programim – 30 orë
- MS Excel i Avancuar – 24 orë
- Marketingu Digjital – 24 orë
- Shitja & Kujdesi ndaj Klientëve – 2 muaj
- Instalues Elektrik – 3 muaj
- Zhvillues i Aplikacioneve me AI – 2 vite
Trajnimet do të zhvillohen në kampuset e UBT-së në Prishtinë, Lipjan, Prizren, Ferizaj dhe Gjilan. Pjesëmarrësit përfitojnë nga ligjërues të certifikuar, mjedise laboratorike të avancuara, certifikatë pjesëmarrjeje dhe kompetence, si dhe mundësi certifikimi ndërkombëtar për programet PRINCE2 dhe ITIL.
Aplikimet kryhen online: APLIKO TANI!
Aktualitet
Edhe pak vende të lira në programin Inxhinieri e Mekatronikës në UBT
Published
4 hours agoon
August 26, 2025By
Driton Iseni
UBT njofton se kanë mbetur edhe pak vende të lira për programin Inxhinieri e Mekatronikës, një nga drejtimet më inovative dhe të kërkuara nga të rinjtë në fushën e inxhinierisë.
Ky program ndërthur mekanikën, elektroniken dhe teknologjinë digjitale, duke përgatitur studentët për të qenë pjesë e transformimit teknologjik në fushat e automatizimit, robotikës dhe sistemeve të mençura.
Studentët e këtij programi përfitojnë nga laboratorë të avancuar, ligjërues me eksperiencë ndërkombëtare dhe projekte praktike, duke ndërtuar kompetenca të plota për tregun e punës. Përmes këtij kombinimi, ata përgatiten të udhëheqin zhvillimet më moderne në industri dhe teknologji.
Aplikimet janë ende të hapura dhe mund të bëhen online në linkun: APLIKO TANI ONLINE!
Aktualitet
Gjendet pa shenja jete një person në një banesë pranë burgut në Mitrovicën e Veriut
Published
4 hours agoon
August 26, 2025By
UBT News
Një person është gjetur pa shenja jete në një banesë në afërsi të Qendrës së Paraburgimit në Mitrovicën e Veriut. Lajmin e ka konfirmuar zëvendësdrejtori i policisë atje, Veton Elshani.
Siç tha ai, nuk dihet ende shkaku i vdekjes së këtij personi, mirëpo i ndjeri ka jetuar i vetëm dhe ishte përdorues i narkotikëve.
“Rreth orës 14:30, policia është njoftuar për një trup të pajetë që ndodhej në një banesë në afërsi të Qendrës së Paraburgimit në Mitrovicën e Veriut. Policia ka shkuar në vendin e ngjarjes dhe ka hasur në trupin e pajetë, ndërsa shkaqet e vdekjes do t’i mësojmë pasi që në vend të ngjarjes të vijë Mjekësia Ligjore. Personi ka jetuar i vetëm dhe ishte i njohur për policinë si përdorues narkotikësh”, tha Elshani
Aktualitet
Kurti takon Komisionerin e Lartë të OSBE-së për Pakicat Kombëtare
Published
5 hours agoon
August 26, 2025By
UBT News
Kryeministri në detyrë i Kosovës, Albin Kurti ka takuar Komisionerin e Lartë të OSBE-së për Pakicat Kombëtare të cilin e falënderoi për angazhimin e gjatë të OSBE-së në Kosovë dhe theksoi përparimin e arritur në fushat e të drejtave të njeriut, demokratizimit dhe sigurisë.
Ai theksoi zhvillimin e vendit si një nga demokracitë më të avancuara në Ballkanin Perëndimor dhe përkushtimin ndaj rritjes ekonomike dhe mirëqenies sociale dhe sigurisë.
Më tej, kryeministri në detyrë Kurti nënvizoi kornizën kushtetuese dhe ligjore të Republikës së Kosovës që garanton të drejta dhe përfaqësim për komunitetet, përtej standardeve ndërkombëtare, duke theksuar nevojën që këto të drejta të shfrytëzohen për integrim.
Ai shprehu gatishmërinë e Qeverisë së Republikës së Kosovës për të forcuar bashkëpunimin me OSBE-në.

Trajnime praktike dhe certifikime ndërkombëtare në UBT, nga shtatori deri në nëntor

Edhe pak vende të lira në programin Inxhinieri e Mekatronikës në UBT

Gjendet pa shenja jete një person në një banesë pranë burgut në Mitrovicën e Veriut

Zyrtare: Kristjan Asllani kalon te Torino – mesfushori shqiptar i jep lamtumirën Interit

Rast tjetër i thirrjeve raciste në futbollin e Maqedonisë së Veriut – Pelister dërgohet në Komision Disiplinor

Elon Musk padit Apple dhe OpenAI: Akuzon për pengim të konkurrencës në Inteligjencën Artificiale

Kurti takon Komisionerin e Lartë të OSBE-së për Pakicat Kombëtare

Urat e reja, Policia: Qytetarët e veriut të ndihen të sigurt

Aktakuzë ndaj katër personave për trafikim me njerëz, shfrytëzim seksual dhe grabitje
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA