Magazinë

Pamja e dobët e Arianës Grande rikthehet në qendër të vëmendjes

Published

on

Këngëtarja dhe aktorja Ariana Grande ka tërhequr vëmendjen muajt e fundit për pamjen e saj jashtëzakonisht të dobët.

Paraqitja e saj e fundit në shfaqjen e filmit Wicked: For Good ka ndezur sërish diskutime rreth gjendjes së saj shëndetësore.

Grande kishte veshur fustan rozë që dukej i përbërë nga dy pjesë: bluzë me mëngë të gjata në një nuancë të butë rozë e fund voluminoz në ngjyrë ciklameni.

Fustani ishte dizajnuar nga Andreas Kronthaler për markën Vivienne Westwood, ndërsa flokët i kishte kapur në topuz. Për shumë shikues, këngëtarja dukej e dobët. Në Twitter, përdoruesit komentuan se ajo nuk duket e shëndetshme dhe shprehën shqetësimin se mund të ketë nevojë për ndihmë urgjente.

Nuk është hera e parë që pamja e dobët e Grande ka shkaktuar diskutime të tilla, por ajo ka mohuar vazhdimisht çdo pretendim për probleme shëndetësore.

Ariana ka deklaruar se kjo është në fakt një version “i shëndetshëm” i saj dhe se më parë ka përdorur medikamente për depresion.

Ajo u ka kujtuar fansave se komentet mund të jenë të dëmshme, edhe nëse bëhen me qëllime të mira.

Ekspertët e shëndetit vënë në dukje se një sternum i shquar dhe faqet e fundosura tek të rriturit mund të jenë shenja të kequshqyerjes ose problemeve tjera shëndetësore, gjë që ka shtuar spekulimet rreth gjendjes së saj.

Në një intervistë për The New York Times vitin e kaluar, Grande dhe bashkë-ylli i saj në Wicked, Cynthia Erivo, folën për ritmin e lodhshëm të punës gjatë xhirimeve, duke treguar se të dyja kishin kaluar koronavirusin në një moment. /A.Z/UBT News/

Magazinë

Jay-Z sjell dokumentarin e ri “Jay-Z in 8”, publikohet traileri i parë

Published

on

Reperi dhe sipërmarrësi amerikan Jay-Z do të rikthehet në ekran me një seri të re dokumentare me titull “Jay-Z in 8”, e cila do të shfaqet në HBO këtë vjeshtë.

Dokumentari përbëhet nga tetë episode dhe ndjek rrugëtimin krijues të artistit, duke sjellë rrëfime për muzikën, tekstet dhe përvojat personale që kanë formësuar jetën dhe karrierën e tij. Së fundmi është publikuar edhe traileri i parë, që ofron një pamje të shkurtër të projektit.

Regjinë e dokumentarit e ka realizuar producenti legjendar Rick Rubin për HBO Documentary Films. Rubin, i cili është renditur nga revista TIME ndër “100 njerëzit më me ndikim në botë”, ka bashkëpunuar prej vitesh me Jay-Z dhe ishte producent i këngës ikonike “99 Problems”, pjesë e albumit “The Black Album” të publikuar në vitin 2003.

“Jay-Z in 8” është prodhim i kompanisë Tetragrammaton. Rick Rubin mban rolin e producentit ekzekutiv së bashku me Shawn Carter, emri i vërtetë i Jay-Z, dhe aktorin Daniel Kaluuya. Sipas Deadline, pjesë e ekipit të producentëve janë edhe Lela Mattimore dhe David Rohde.

Jay-Z është një nga artistët më të suksesshëm në historinë e hip-hopit, me 25 çmime Grammy. Në vitin 2017 ai u bë reperi i parë që u përfshi në Songwriters Hall of Fame, ndërsa në vitin 2021 hyri në histori si artisti i parë solo i hip-hopit, ende në jetë, që u përfshi në Rock & Roll Hall of Fame. Që nga viti 2008, ai është i martuar me këngëtaren Beyoncé, me të cilën ka tre fëmijë./A.K/

Continue Reading

Magazinë

Filmi i financuar nga Saddam Hussein që u zhduk pas premierës

Published

on

Një nga projektet më ambicioze të financuara nga ish-presidenti irakian Saddam Hussein, filmi “Clash of Loyalties”, u shfaq për herë të parë në korrik të vitit 1983, por pas vetëm disa projeksioneve pothuajse u zhduk nga qarkullimi.

Filmi, me një buxhet prej rreth 30 milionë dollarësh, ishte menduar si një superprodhim historik që do të prezantonte historinë e Irakut për publikun ndërkombëtar. Projekti u realizua gjatë luftës Iran-Irak dhe u përball me vështirësi të shumta gjatë xhirimeve.

Sipas producentit britaniko-irakian Lateif Jorephani, shumë anëtarë të kastit dhe ekipit teknik u mobilizuan për luftë gjatë xhirimeve, ndërsa transporti i armëve rekuzitë për filmin hasi në pengesa në kufirin me Turqinë, pasi autoritetet dyshuan se bëhej fjalë për armë të vërteta.

Një nga incidentet më të pazakonta ndodhi me aktorin britanik Oliver Reed, i cili, sipas Jorephanit, shkaktoi zemërim te autoritetet irakiane pas një sjelljeje të papërshtatshme në një restorant hoteli.

“Autoritetet mbetën të shokuara. Mora mesazhe nga ministrat në Irak që më kërkonin ta largonim menjëherë nga filmi”, ka kujtuar producenti, duke shtuar se arriti t’i bindte autoritetet që Reed të vazhdonte xhirimet.

Filmi rrëfen ngjarjet e revolucionit irakian të vitit 1920 kundër sundimit britanik dhe u konsiderua nga disa si “versioni i Saddam Hussein-it i Lawrence of Arabia”.

Edhe pse fitoi një çmim pas premierës në Festivalin e Filmit në Moskë në vitin 1983, “Clash of Loyalties” u shfaq vetëm disa herë dhe më pas u arkivua, duke mos arritur kurrë suksesin ndërkombëtar që synonte regjimi i Saddam Hussein./BBC//A.K/

Continue Reading

Lajmet

Filmi “Michael” bëhet biografia më fitimprurëse në histori, lë pas “Oppenheimer”

Published

on

Filmi “Michael”, i cili rrëfen jetën e legjendës së muzikës Michael Jackson, është bërë biografia më fitimprurëse e të gjitha kohërave, pasi ka arkëtuar 977 milionë dollarë në kinematë botërore.

Me këtë sukses, filmi ka lënë pas “Oppenheimer” të regjisorit Christopher Nolan, i cili deri më tani mbante rekordin si filmi biografik me fitimet më të mëdha.

I drejtuar nga regjisori Antoine Fuqua, filmi ndjek rrugëtimin e Michael Jackson, nga vitet si fëmijë në grupin Jackson 5 deri te shndërrimi në “Mbretin e Popit”.

Rolin kryesor e interpreton nipi i tij, Jaafar Jackson, ndërsa Colman Domingo dhe Nia Long luajnë rolin e prindërve të këngëtarit.

Që në javën e parë të shfaqjes, “Michael” arkëtoi 217 milionë dollarë në mbarë botën, duke kaluar edhe biografitë muzikore të suksesshme si “Bohemian Rhapsody” dhe “Straight Outta Compton”.

Filmi është bërë gjithashtu produksioni më fitimprurës në historinë e Lionsgate Studios, duke tejkaluar edhe “The Hunger Games: Catching Fire”.

Suksesi i “Michael” vjen edhe pse “Oppenheimer” përfitoi nga fenomeni global “Barbenheimer” në vitin 2023, kur publiku mbushi kinematë për të parë njëkohësisht filmat “Barbie” dhe “Oppenheimer”/BBC//A.K/

Continue Reading

Magazinë

Courteney Cox dhe Johnny McDaid i japin fund lidhjes pas më shumë se një dekade

Published

on

Aktorja Courteney Cox dhe muzikanti i grupit Snow Patrol, Johnny McDaid, i kanë dhënë fund lidhjes së tyre pas më shumë se dhjetë vitesh së bashku.

Sipas Daily Mail, çifti është ndarë në fund të vitit të kaluar në mënyrë miqësore, pasi me kalimin e kohës kishin nisur të jetonin “jetë të ndryshme”.

Burime pranë tyre bëjnë të ditur se ndarja nuk ka qenë konfliktuale dhe se të dy vazhdojnë të ruajnë respekt dhe miqësi për njëri-tjetrin.

Cox, e njohur për rolin e saj në serialin Friends, dhe McDaid u njohën në vitin 2013. Ata u fejuan në vitin 2014, i dhanë fund fejesës një vit më vonë, por u ribashkuan në vitin 2016.

Edhe pse historia e tyre e dashurisë ka përfunduar, raportimet sugjerojnë se marrëdhënia mes tyre mbetet e mirë dhe se vazhdojnë të jenë miq të ngushtë. /A.K/

Continue Reading

Të kërkuara