

Bota
Tarifat ndaj Kanadasë dhe Meksikës do të hyjnë në fuqi të martën
Published
5 months agoon
By
UBTnews“Tarifat amerikane ndaj Kanadasë dhe Meksikës do të hyjnë në fuqi të martën, por niveli i tyre do të vendoset nga presidenti Donald Trump”, kështu ka deklaruar Sekretari amerikan i Tregtisë, Howard Lutnick.
Trump ka kërcënuar me vendosjen e një tarife prej 25% mbi importet nga dy fqinjët e SHBA-së. Lutnick konfirmoi të dielën se tarifat do të zbatohen siç është planifikuar, por detajet e sakta do të varen nga negociatat.
Ndërkohë, një tarifë prej 10% për importet kineze pritet gjithashtu të hyjë në fuqi, si pjesë e masave kundër asaj që SHBA e konsideron mungesë veprimi nga Pekini për të ndaluar rrjedhën e fentanilit drejt Amerikës. Nëse këto masa zbatohen, tarifat mbi eksportet kineze në SHBA do të arrijnë në 20%, duke përfshirë një tarifë ekzistuese prej 10% të vendosur një muaj më parë.
Media shtetërore kineze ka raportuar se Pekini ka përgatitur një seri kundërmasash, duke rritur rrezikun e një lufte tregtare të gjerë mes dy superfuqive ekonomike. Sipas gazetës shtetërore Global Times, masat hakmarrëse mund të synojnë produktet bujqësore dhe ushqimore amerikane.
Analistët vlerësojnë se Kina ende synon të shmangë një luftë tregtare të plotë dhe të negociojë një armëpushim me administratën Trump, por deri më tani nuk ka pasur asnjë shenjë të një marrëveshjeje mes dy vendeve. Trump ka deklaruar vazhdimisht se tarifat janë një mjet efektiv për të korrigjuar pabarazitë tregtare dhe për të mbrojtur prodhimin në SHBA.
Kanadaja ka kundërshtuar ashpër tarifat, duke theksuar se ato do të dëmtojnë të dyja ekonomitë. Ministrja kanadeze e Tregtisë së Brendshme, Anita Anand, ka zhvilluar takime me zyrtarë në Uashington dhe ka paralajmëruar një përgjigje të ashpër.
“Ne jemi të përgatitur për çdo eventualitet, por do të mbrojmë ekonominë tonë në çdo hap,” deklaroi Anand për CBC Neës.
Muajin e kaluar, Kanadaja përgatiti një listë me mallra amerikane me vlerë 30 miliardë dollarë, të cilat mund të goditen me tarifa hakmarrëse. Në këtë listë përfshihen produkte të përditshme si makaronat, veshje dhe parfume.
Përveç masave ndaj Kanadasë, Meksikës dhe Kinës, Trump ka njoftuar gjithashtu një tarifë prej 25% për importet e çelikut dhe aluminit, që do të hyjë në fuqi më 12 mars. Gjithashtu, ai ka kërcënuar me tarifa doganore “reciproke” për vendet individuale dhe një tarifë prej 25% për Bashkimin Evropian.
Bota
Kombet e Bashkuara: Izraeli të ndalojë menjëherë planin për Gazën
Published
9 minutes agoon
August 8, 2025By
UBT News
OKB-ja kërkon që Izraeli të “ndalojë menjëherë” planin për kontroll ushtarak të Rripit të Gazës, sipas ANSA.
Në një deklaratë thuhet se “Plani i qeverisë izraelite për një marrje të plotë ushtarake të Rripit të Gazës të pushtuar rrezikon të sjellë vuajtje të paimagjinueshme dhe krime të tmerrshme dhe duhet të ndalet menjëherë”, tha Komisioneri i Lartë i Kombeve të Bashkuara për të Drejtat e Njeriut, Volker Türk, në një deklaratë të publikuar sot në Gjenevë.
Plani, theksoi më tej Türk, “është në kundërshtim me vendimin e Gjykatës Ndërkombëtare të Drejtësisë që Izraeli duhet t’i japë fund okupimit sa më shpejt të jetë e mundur, me zbatimin e zgjidhjes me dy shtete dhe të drejtës së palestinezëve për vetëvendosje”.
Sipas Komisionerit të Lartë të OKB-së, bazuar në të gjitha provat e disponueshme deri më tani, “kjo përshkallëzim i mëtejshëm do të sjellë zhvendosje masive të detyruar, vrasje të mëtejshme, vuajtje të padurueshme, shkatërrim të pakuptimtë dhe krime mizore”.
“Në vend që ta përshkallëzojë këtë luftë, qeveria izraelite duhet të bëjë çdo përpjekje për të shpëtuar jetët e civilëve të Gazës duke lejuar rrjedhën e plotë dhe të pakushtëzuar të ndihmës humanitare”.
Gjithashtu, pengjet duhet të “lirohen menjëherë dhe pa kushte” nga grupet e armatosura palestineze, ashtu si edhe palestinezët e ndaluar në mënyrë arbitrare nga Izraeli”.
Bota
Qeveria izraelite miraton planin për marrjen nën kontroll të gjithë qytetit të Gazës
Published
1 hour agoon
August 8, 2025By
UBT News
Situata e luftës në Gazë pritet të mbetet e përkeqësuar, pasi qeveria izraelite miratoi të premten një plan për ta marrë tërësisht nën kontroll zonën palestineze.
“Ushtria izraelite do të përgatitet të marrë nën kontroll Qytetin e Gazës, duke i ofruar ndihmë humanitare popullatës civile jashtë zonave të luftës,” njoftoi zyra e kryeministrit izraelit Benjamin Netanyahu.
Vendimi erdhi pavarësisht thirrjeve ndërkombëtare se luftës midis Izraelit dhe Hamasit duhet t’i vijë fundi, ndërkohë që shumë qytetarë në Izrael janë ngritur në protesta, pasi kanë frikë se çfarë do të ndodhë me pengjet që Hamasi mban prej 22 muajsh, që kur nisi konflikti më 7 tetor 2023.
Qeveria izraelite ka miratuar këto kushte për t’i dhënë fund luftës:
Hamasi të çarmatoset;Të gjitha pengjet duhet të kthehen, qofshin gjallë apo të vdekur;Rripi i Gazës duhet të çmilitarizohet;Siguria në Rripin e Gazës duhet të kontrollohet nga pala izraelite;Duhet formuar një qeveri civile alternative, e cila nuk është nën drejtimin e Hamasit apo Autoritetit Palestinez.
Francesca Albanese, raportuesja speciale e OKB-së për Territoret e Pushtuara Palestineze, deklaroi më parë se njoftimi i kryeministrit Netanjahu për Gazën “është po aq shokues sa lufta që i paraprin atij.”
“Kjo tregon dëshpërimin e kryeministrit izraelit,” tha ajo në një intervistë për kanalin televiziv BBC News, duke shtuar se kryeministri Netanjahu vazhdon të shkelë ligjet ndërkombëtare, siç ka gjykuar edhe Gjykata Ndërkombëtare e Drejtësisë për sa i përket futjes së ushtrisë izraelite në territoret palestineze.
Ofensiva ushtarake izraelite raportohet se ka lënë të vrarë mbi 61 mijë palestinezë në gati dy vite luftë. 42 qytetarë të Gazës u vranë të enjten, një pjesë e tyre duke pritur ndihmat për t’u lehtësuar nga kriza e urisë që ka pllakosur vendin.

Çmimet e naftës mbetën nën 67 dollarë në tregjet ndërkombëtare duke balancuar midis shenjave të kërkesës së fortë në SHBA dhe spekulimeve të investitorëve se lehtësimi i tensioneve në marrëdhëniet ruso-amerikane mund të largonte kërcënimin për furnizimet ruse me naftë.
Në tregun e Londrës, çmimi i një fuçie pas mesditës ishte pothuajse i njëjtë me mbylljen e djeshme të tregtimit dhe arriti në 66.77 dollarë. Nuk pati ndryshime të rëndësishme as në tregun amerikan, ku një fuçi u tregtua me 64.26 dollarë.
Tregjet u tronditën të mërkurën nga lajmi se presidenti i SHBA-së Donald Trump mund të takohej me homologun e tij rus Vladimir Putin që javën e ardhshme, sipas një zyrtari të paidentifikuar të Shtëpisë së Bardhë.
Pavarësisht takimit të njoftuar midis Trump dhe Putin, SHBA-të kanë vazhduar të përgatisin sanksione dytësore, paralajmëroi një zyrtar i Shtëpisë së Bardhë, duke shtuar se ato mund të vendosen edhe ndaj Kinës.
Rusia është eksportuesi më i madh i naftës në botë pas SHBA-së dhe furnizuesi kryesor i Indisë.
Kina importoi 11 për qind më shumë naftë në korrik sesa në të njëjtin muaj të vitit të kaluar, njoftoi administrata doganore në një raport paraprak.
Burimi i furnizimit nuk dihet, pasi të dhënat e plota tregtare nuk do të publikohen deri më 20 gusht.
Bota
Trump: Asnjë takim me Putin nëse ai nuk pranon të ulet me Zelensky
Published
3 hours agoon
August 8, 2025By
UBT News
Presidenti amerikan Donald Trump do të pranojë një takim me Vladimir Putin vetëm nëse presidenti rus pranon të flasë me Volodymyr Zelensky, raporton gazeta New York Post, duke cituar një zyrtar të Shtëpisë së Bardhë.
“Putin duhet të pranojë të takohet me Zelensky që takimi të zhvillohet”, tha zyrtari i paidentifikuar.
Ai shtoi se vendi nuk është përcaktuar ende por Kremlini konfirmoi se takimi Trump-Putin do të zhvillohet “në ditët në vijim”.
Putin përmendi Emiratet e Bashkuara Arabe si një vend të mundshëm, por ai minimizoi shanset e një takimi me Zelensky, duke thënë se takimi mund të zhvillohet vetëm “kur të krijohen kushte të caktuara”.
“Nuk kam asgjë kundër në parim, është e mundur, por kushtet duhet të krijohen. Fatkeqësisht, ne jemi ende larg kësaj”, tha Putin për mediat në Kremlin.

Musk: OpenAI do ta përpijë për së gjalli Microsoftin

Kombet e Bashkuara: Izraeli të ndalojë menjëherë planin për Gazën

Pse ndiheni të lodhur në vapë? Fajin e ka mungesa e magnezit

Kurti: PDK dhe LDK dërguan lëndë të reja në Gjykatë, nuk donin bashkëpunim

Në Podujevë për herë të parë përurohet Shërbimi i Hemodializës

Honda “zbut” planet për vetura elektrike

Prokuroria propozon dëbimin e Popoviqit për dy vjet nga Kosova

Qeveria izraelite miraton planin për marrjen nën kontroll të gjithë qytetit të Gazës

Arrestohen dy shtetas të Shqipërisë për falsifikim parash
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit