Aktualitet

Talebanët mund të kufizojnë të drejtat e grave në Afganistan nëse vijnë në pushtet

Published

4 years ago

on

“Nëse talebanët marrin pushtetin, ata do të shkelin shumicën e të drejtave të fituara në 20 vitet e fundit”, thuhet në raportin e publikuar nga drejtori i Inteligjencës Kombëtare, Avril Haynes.

Agjencitë e inteligjencës amerikane kanë paralajmëruar se nëse organizata terroriste talebane merr pushtetin në Afganistan pas tërheqjes së forcave të SHBA-së dhe NATO-s, në vend mund të fillojë një periudhë në të cilën do të kufizohen të drejtat themelore të grave, transmeton Anadolu Agency (AA).

Në raportin e publikuar nga drejtori i Inteligjencës Kombëtare, Avril Haynes, agjencitë e inteligjencës deklaruan se “Nuk ka asnjë ndryshim në qëndrimin kufizues të talebanëve ndaj të drejtave të grave. Nëse talebanët marrin pushtetin, ata do të shkelin shumicën e të drejtave të fituara në 20 vitet e fundit”.

Në raport thuhet se gjatë viteve, udhëheqja e organizatës ka këmbëngulur në tezën dhe ka vendosur kufizime të rënda sociale në rajonet nën kontrollin e saj. “Çdo zhvillim në të drejtat e grave të mbizotëruara nga talebanët ka mundësi të varet më shumë nga presioni i jashtëm sesa mbështetja për vendin. Me tërheqjen e forcave të koalicionit do të krijohet një rrezik në këtë zonë”, thuhet në raport.

Duke theksuar se ka 27 milionë përdorues të regjistruar të telefonit në Afganistan, i cili përbën rreth dy të tretat e popullsisë, theksohet se zhvillimi në teknologjinë e komunikimit mund të rrisë ndërgjegjësimin e botës për sjelljen ekstremiste dhe të mobilizojë reagime ndërkombëtare.

Më tej thuhet se kur talebanët të vijnë në pushtet, ka mundësi të përqendrohen në vendosjen e dominimit me rregullat që do të vendosin në ditët e para. “Organizata mund të zbusë relativisht sjelljen e saj me kalimin e kohës, për shkak të dëshirës së saj për legjitimitet dhe nevojës për ndihmë të jashtme”, thotë raporti.

Në vitet 1990, kur talebanët morën kontrollin mbi vendin, ata kishin marrë të drejtat e grave për arsim dhe punë dhe e bënë të detyrueshme veshjen e burkave në vende publike. Organizata nuk kishte ndryshuar qëndrimin në ato vite, pavarësisht reagimeve nga SHBA-ja dhe Evropa.

Talebanët humbën fuqinë pas okupimit të Afganistanit nga forcat e SHBA-së dhe NATO-s në periudhën pas sulmeve të 11 shtatorit dhe gratë ishin në gjendje të rimarrin arsimimin dhe të drejtat e tyre të punës gjatë viteve të luftës.

Presidenti amerikan Joe Biden më 15 prill njoftoi se forcat e SHBA-së dhe NATO-s do të fillojnë të tërhiqen nga Afganistani që nga 1 maji dhe se të gjitha forcat ushtarake do të tërhiqen para 11 shtatorit, përvjetorit të pushtimit.

Related Topics:
Continue Reading

Bota

Rusia dërgon në orbitë 55 satelitë

Published

1 hour ago

on

November 5, 2024

By

Rusia ka dërguar në orbitë 55 satelitë, përfshirë dy satelitë iranianë, teksa Moska dhe Teherani po vazhdojnë të thellojnë bashkëpunimin.

Raketa Soyuz, që u nis nga Lindja e Largët e Rusisë, barti këto satelitë, tha agjencia hapësinore ruse, Roscosmos.

Në total, Roscosmosi tha se në orbitë u dërguan 51 satelitë rusë, një pajisje ruso-kineze, një satelit i Rusisë dhe Zimbabvesë, si dhe dy satelitë iranianë.

Roscosmos tha se “ky është numër rekord i satelitëve rusë që janë dërguar njëkohësisht në orbitë”.

Dy satelitët pamorë dhe të komunikimit të Iranit – Kosvar dhe Hodhod – janë të dizajnuar dhe të ndërtuar nga kompania Omid Faza e Iranit. Satelitët synojnë të monitorojnë mjedisin dhe komunikimet në zonat e largëta.

Teherani tha se është hera e parë që Rusia ka dërguar në orbitë satelitë të prodhuara nga kompani private të Iranit.

Dy shtetet kanë thelluar raportet politike, ekonomike dhe ushtarake, teksa Rusia po vazhdon luftën e saj kundër Ukrainës. Thellimi i bashkëpunimit mes Moskës dhe Teheranit ka rritur shqetësimet në Perëndim.

Continue Reading

Bota

E ardhmja e botës në duar të një presidenti: Zgjedhjet amerikane dhe ndikimi global!

Published

1 hour ago

on

November 5, 2024

By

Ndërsa qytetarët e ekonomisë më të madhe dhe fuqisë më të madhe ushtarake në botë votojnë për presidentin e tyre të ardhshëm, bota e mbetet në pritje të pasojave që do të sjellë ky vendim. Pasojat ndërkombëtare të zgjedhjes së liderit amerikan kanë një ndikim të madh, duke e bërë të duket e padrejtë që vetëm qytetarët amerikanë kanë të drejtë vote, ndërsa pjesa tjetër e botës mbetet jashtë këtij procesi.

Shtetet e Bashkuara luajnë një rol kyç në çështjet ndërkombëtare, duke përfshirë situatën në Ukrainë, dinamika në Lindjen e Mesme, marrëdhëniet me Kinën dhe Tajvanin, si dhe angazhimet e saj brenda NATO-s dhe aleancës transatlantike. Me një buxhet të mbrojtjes prej 916 miliardë dollarësh për vitin 2023, SHBA-ja shpenzon shumë më tepër se miqtë dhe armiqtë e saj.

Politikat ndaj Ukrainës: Harris vs. Trump

Një nga temat më të nxehta në këtë zgjedhje është qasja ndaj Ukrainës, ku pikëpamjet e Kamala Harris, zëvendëspresidentes demokrate, janë në harmoni me ato të presidentit në largim Joe Biden. Harris ka angazhuar mbështetje të vazhdueshme për Ukrainën dhe ka akuzuar Rusinë për “krime kundër njerëzimit”, duke u takuar disa herë me presidentin ukrainas Volodymyr Zelensky. Ajo e sfidoi Trumpin gjatë një debati, duke sugjeruar se me të në pushtet, Putini do të kishte pushtuar Kievin.

Në kontrast, Trump, ish-presidenti republikan, ka shprehur kritika ndaj shpenzimeve të SHBA-së për Ukrainën. Ai e quajti Zelenskyn “shitësin më të madh në Tokë” dhe ka pretenduar, pa prova, se nën administratën e tij nuk do të kishte pasur luftë. Trump ka sugjeruar se mund të përfundojë lufta në Ukrainë “brenda një dite”, duke i kërkuar Rusisë të mbajë territorin e pushtuar.

Qëndrimi ndaj Izraelit dhe palestinezëve

Në politikën e jashtme, Harris dhe Trump shpesh përpiqen të përfitojnë nga mbështetje e fortë për Izraelin. Harris është shfaqur si një mbështetëse e vendit hebre, duke paralajmëruar Iranin për rrezikun e një sulmi dhe duke kërkuar përfundimin e luftës dhe lirimin e pengjeve për palestinezët. Ajo ka theksuar se populli palestinez ka të drejtë për dinjitet, siguri, liri dhe vetëvendosje.

Përkundrazi, Trump është i njohur për axhendën e tij “America First”, e cila ka përfshirë tërheqjen nga organizatat ndërkombëtare si UNESCO dhe Këshilli i OKB-së për të Drejtat e Njeriut. Ai është kritikuar për qasjen e tij ndaj politikave ndërkombëtare dhe për përpjekjet për të reduktuar angazhimin e SHBA-së në NATO.

Institucionet ndërkombëtare dhe ndikimi i SHBA-së

Nëse Harris fiton, pritet që administrata e saj të vazhdojë politikat e promovuara nga Biden, duke ruajtur lidhje të forta me aleatët evropianë dhe NATO-n. Ndërsa Trump mund të ndryshojë këtë kurs, duke u përpjekur të reduktojë angazhimin amerikan në aleancën e mbrojtjes. Ai ka sugjeruar mundësinë e një “dalje të qetë” nga NATO, një proces që do të ishte i komplikuar ligjërisht, por që tregon për prioritetet e tij të politikës së jashtme.

Me gjithë këto faktorë në lojë, bota shikon me vëmendje se si do të zhvillohen zgjedhjet presidenciale në SHBA, duke e kuptuar se rezultati do të ndikojë në stabilitetin dhe marrëdhëniet ndërkombëtare për shumë vite në vazhdim./BBC/

Continue Reading

Bota

Përse Pensilvania dhe Miçigani janë kaq të rëndësishme për zgjedhjet?

Published

1 hour ago

on

November 5, 2024

By

Fushatat presidenciale të Kamala Harris dhe Donald Trump përfunduan me ndalesa të rëndësishme në Pensilvani dhe Miçigan, dhe kjo për një arsye të madhe: këto dy shtete janë thelbësore për rezultatin e zgjedhjeve. Ato janë dy nga shtatë shtetet e lëkundura, dhe votat e tyre elektorale do të kenë një ndikim të rëndësishëm në shpalljen e fituesit.

Pensilvania ka 19 vota elektorale dhe është një nga shtetet më të vizituara nga të dy kandidatët. Në vitin 2020, ajo ishte shteti i fundit që publikoi rezultatin e saj, me Joe Biden, i cili ka origjinë nga ky shtet, që arriti të sigurojë fitoren me një diferencë prej 82,000 votash. Me një popullsi prej 13 milionë banorësh, Pensilvania luan një rol kyç në strategjitë e fushatave, duke qenë një shtet që tradicionalisht ka pasur një balancë midis votuesve demokratë dhe republikanë.

Miçigani, me 15 vota elektorale, gjithashtu ka një rëndësi të madhe. Ky shtet ka një popullsi prej 10 milionë banorësh dhe për dekada të tëra ishte pjesë e “murit blu,” duke votuar me besnikëri për demokratët në zgjedhjet presidenciale. Megjithatë, Donald Trump e përmbysi këtë trend në vitin 2016 me fitoren e tij, para se Biden ta rikthejë këtë shtet në duar demokratike në vitin 2020, duke e fituar atë me 150,000 vota.

Për të dy kandidatët, sigurimi i votave nga këto shtete është jetik. Harris dhe Trump kanë vendosur prioritete të larta për të bindur votuesit e Pensilvanisë dhe Miçiganit, duke shpresuar të fitojnë mbështetje në këtë përballje të rëndësishme politike. Dështimi për të siguruar këto vota mund të ketë pasoja të mëdha në rezultatet përfundimtare të zgjedhjeve./BBC/

Continue Reading

Bota

Kur do ta mësojmë fituesin e zgjedhjeve për president të SHBA

Published

3 hours ago

on

November 5, 2024

By

Votuesit amerikanë do të shkojnë në kutitë e votimit të martën për të zgjedhur presidentin e tyre të ardhshëm.

Rezultatet e zgjedhjeve në SHBA janë deklaruar ndonjëherë brenda disa orësh pas mbylljes së votimit, por gara e ngushtë e këtij viti mund të nënkuptojë një pritje më të gjatë, shkruan BBC.

Kur pritet rezultati i zgjedhjeve presidenciale 2024?

Në disa gara presidenciale, fituesi është shpallur vonë natën e zgjedhjeve, ose herët në mëngjesin e ardhshëm. Këtë herë, gara me thikë në shumë shtete mund të nënkuptojë që mediat të presin më gjatë përpara se të parashikojnë se kush ka fituar.

Demokratja Kamala Harris, zëvendëspresidentja aktuale, dhe republikani Donald Trump, ish-presidenti, kanë luftuar kokë më kokë për javë të tëra.

Fitoret e ngushta mund të nënkuptojnë gjithashtu rinumërime. Në shtetin kyç të Pensilvanisë, për shembull, do të kërkohet një rinumërim mbarëkombëtar nëse ka një diferencë gjysmë përqindjeje midis votave të hedhura për fituesin dhe humbësin. Në vitin 2020, diferenca ishte pak më shumë se 1.1 pikë përqindjeje.

Sfidat ligjore janë gjithashtu të mundshme. Më shumë se 100 padi parazgjedhore janë ngritur tashmë, duke përfshirë sfidat për të drejtën e votuesve dhe menaxhimin e listës së votuesve, nga republikanët.

Skenarët e tjerë që mund të shkaktojnë vonesa përfshijnë çdo çrregullim të lidhur me zgjedhjet, veçanërisht në vendet e votimit.

Nga ana tjetër, numërimi i votave është përshpejtuar në disa zona, përfshirë shtetin vendimtar të Miçiganit, dhe shumë më pak vota do të hidhen me postë sesa në zgjedhjet e fundit, të cilat ishin gjatë pandemisë Covid.

Kur janë shpallur rezultatet e zgjedhjeve të mëparshme presidenciale?

Zgjedhjet e vitit 2020 u zhvilluan të martën më 3 nëntor. Megjithatë, rrjetet televizive amerikane nuk e shpallën fitues Joe Biden deri në orët e vona të mëngjesit të së shtunës më 7 nëntor, pasi rezultati në Pensilvani u bë më i qartë.

Në zgjedhjet e tjera të fundit, votuesit kanë pasur një pritje shumë më të shkurtër.

Në vitin 2016, kur Trump fitoi presidencën, ai u shpall fitues mëngjesin e ditës pas zgjedhjeve.

Në vitin 2012, kur Barack Obama siguroi një mandat të dytë, fitorja e tij u projektua para mesnatës së vetë ditës së votimit.

Megjithatë, zgjedhjet e vitit 2000 midis George W Bush dhe Al Gore ishin një përjashtim i dukshëm.

Votimi u mbajt më 7 nëntor, por të dy fushatat shkuan në luftë për një garë të ngushtë në Florida dhe gara nuk u vendos deri më 12 dhjetor. Gjykata e Lartë e SHBA votoi për t’i dhënë fund procesit të rinumërimit të shtetit, duke e shpallur Bushin si fitues dhe i dorëzoi atij Shtëpinë e Bardhë.

Continue Reading

Të kërkuara