

Lajmet
Sunak: Samiti i G20 duhet t’ia ndalojë pjesëmarrjen Putinit
Published
2 years agoon
By
Betim GashiPresidenti rus, Vladimir Putin konfirmoi se do të marrë pjesë në samitin e G20-ës në Bali gjatë muajit nëntor.
Megjithatë, kandidati për udhëheqjen britanike të konservatorëve, Rishi Sunak, këtë mëngjes tha se Putin duhet të përjashtohet për shkak të luftës në Ukrainë.
“Partnerët dhe aleatët tanë të G20 kanë një përgjegjësi kolektive për të hequr qafe sjelljen e neveritshme të Putinit”, tha një zëdhënës i zotit Sunak.
“Të ulesh rreth një tavoline me të nuk është gjë e mirë kur ai është përgjegjës për vrasjen e fëmijëve në shtretër ndërsa flenë. Ne duhet t’i dërgojmë një mesazh të fortë Putinit se ai nuk ka një vend në tavolinë nëse dhe derisa të ndalojë luftën e tij të paligjshme në Ukrainë”, shtoi ai tutje.
Indonezia e ka ftuar edhe liderin ukrainas, Volodymyr Zelensky në samit./UBTNews/
Lajmet
Italia mbështet anëtarësimin e vendeve të Ballkanit Perëndimor në BE deri në vitin 2030
Published
5 minutes agoon
February 11, 2025By
UBT NEWS
Italia ka riafirmuar mbështetjen e saj të fuqishme për anëtarësimin e vendeve të Ballkanit Perëndimor në Bashkimin Evropian deri në vitin 2030, duke theksuar rëndësinë e përshpejtimit të këtij procesi. Zëvendëskryeministri dhe ministri i Jashtëm i Italisë, Antonio Tajani, gjatë një takimi në Romë, ka deklaruar se vendet e rajonit kanë bërë përparim të konsiderueshëm dhe se viti 2029 shihet si një afat i përshtatshëm për integrimin e tyre në BE.
Tajani ka nënvizuar se megjithëse Bosnje-Hercegovina mund të ketë nevojë për më shumë kohë për t’u përshtatur me kriteret e anëtarësimit, vendet e tjera si Serbia, Mali i Zi, Shqipëria dhe Maqedonia e Veriut kanë avancuar në rrugën e tyre drejt integrimit evropian.
“Ne jemi në favor të anëtarësimit të të gjitha vendeve në BE para vitit 2030. Ndoshta Bosnjë-Hercegovinës i duhet më shumë kohë, por të tjerët kanë bërë përparim dhe mendoj se viti 2029 është një kohë e mirë”, deklaroi ai.
Takimi, i cili po zhvillohet në rezidencën shtetërore Villa Madama në Romë, ka mbledhur ministrat e jashtëm të vendeve të Ballkanit Perëndimor, Shqipërisë, Bosnje-Hercegovinës, Kosovës, Maqedonisë së Veriut, Malit të Zi dhe Serbisë – si dhe ministrat e jashtëm të vendeve të Grupit të Miqve të Ballkanit Perëndimor, përfshirë Italinë, Austrinë, Kroacinë, Greqinë, Republikën Çeke, Sllovakinë dhe Slloveninë. Në këtë takim marrin pjesë edhe Përfaqësuesja e Lartë e BE-së për Politikën e Jashtme dhe Sigurinë, Kaja Kallas, si dhe Komisionerja e BE-së për Zgjerimin, Marta Kos.
Ministria e Jashtme italiane ka bërë të ditur se qëllimi i këtij takimi është forcimi i koordinimit dhe përcaktimi i prioriteteve për vitin 2025, me synimin e rritjes së sigurisë në rajon dhe përshpejtimit të integrimit të vendeve të Ballkanit Perëndimor në BE. Tajani ka theksuar gjithashtu rëndësinë e stabilitetit në rajon dhe ka shprehur shpresën se tensionet mes Kosovës dhe Serbisë nuk do të vazhdojnë, duke theksuar se dialogu dhe bashkëpunimi janë kyç për progresin e gjithë rajonit./UBTNews/
Lajmet
Vuçiq thotë se Lista Serbe arriti “fitore të rëndësishme për Serbinë” në zgjedhjet në Kosovë
Published
18 minutes agoon
February 11, 2025By
UBTnews
Presidenti i Serbisë, Aleksandar Vuçiq, tha të hënën se Lista Serbe e ka shënuar një “fitore të madhe dhe të rëndësishme për Serbinë” në zgjedhjet parlamentare të 9 shkurtit në Kosovë, duke treguar “përkushtimin e fortë të popullit serb për t’i ruajtur vatrat e tyre dhe për t’u mbështetur te Serbia e tyre”.
“Ata [serbët në Kosovë] kanë një president të tyre, një atdhe të tyre dhe atë atdhe, Serbinë, e duan më shumë se çdo gjë në botë. Jam pafundësisht mirënjohës ndaj tyre dhe ata kanë treguar se si një popull sillet në mënyrë të përgjegjshme dhe serioze në një situatë të vështirë”, tha Vuçiq gjatë një interviste për televizionin Pink.
Vuçiq tha se “nuk dëshiron” të spekulojë apo “të ndërhyjë në marrëdhëniet ndërshqiptare”, por se kushdo që do ta formonte një qeveri me Albin Kurtin “do të ishte i vdekur politikisht”.
Me 99 për qind të votave të numëruara nga zgjedhjet e 9 shkurtit, Lista Serbe – partia më e madhe serbe në Kosovë, e cila gëzon mbështetje absolute nga Beogradi zyrtar – siguroi 36.784 vota, ose 4.43 për qind.
Ndërsa, Partia për Liri, Drejtësi dhe Mbijetesë e Nenad Rashiqit i mori rreth 3.861 vota, ose 0.46 për qind.
Vuçiq shtoi se Lista Serbe “me gjithë dobësitë, mangësitë dhe gabimet e saj, ka arritur të fitojë besimin më të madh të serbëve” në Kosovë.
Por, sipas rezultateve aktuale, Lista Serbe e humbi mbështetjen e gati 15 mijë personave, krahasuar me zgjedhjet parlamentare të vitit 2021.
Rashiq, në anën tjetër, e rriti mbështetjen për rreth 2.000 vota.
Subjektet tjera politike nga komuniteti serb, që morën pjesë në zgjedhjet e 9 shkurtit, nuk do të hyjnë në Kuvendin e Kosovës.
Demokracia Serbe e Aleksandar Arsenijeviqit mori rreth 1.700 vota, Lëvizja Popullore Serbe e Branimir Stojanoviqit mori rreth 1.405 vota, Nisma Qytetare Drejtësia Popullore mori rreth 597 vota dhe Partia e Serbëve të Kosovës mori 348 vota.
Që nga themelimi i saj në vitin 2013, Lista Serbe ka fituar mbi 90 për qind të votave të komunitetit serb në të gjitha zgjedhjet në të cilat ka marrë pjesë, por Misioni Monitorues i BE-së ka vënë në dukje “monopolin dhe presionet” nga zyrtarët e saj.
Në dy vjetët e fundit, kjo parti ka ndjekur një “politikë bojkotimi”, në përputhje me vendimin e saj për t’u tërhequr nga institucionet e Kosovës në veri.
Nuk është ende e qartë nëse, në periudhën e ardhshme, ajo do të marrë pjesë aktive në institucionet e Kosovës, apo do të vazhdojë me bojkotim./REL/
Lajmet
Pika e përbashkët kufitare ndërmjet Maqedonisë së Veriut dhe Kosovës pritet të fillojë prej 1 marsit
Published
19 minutes agoon
February 11, 2025By
UBT NEWS
Pika e përbashkët kufitare ndërmjet Kosovës dhe Maqedonisë së Veriut pritet të fillojë funksionimin nga 1 marsi, duke sjellë një risi në menaxhimin e kufijve mes dy vendeve. Lajmin e ka konfirmuar drejtori i Doganës së Maqedonisë së Veriut, Boban Nikollovski, i cili në një intervistë ka bërë të ditur se tashmë 95% e punës është përfunduar nga autoritetet maqedonase.
Sipas njoftimeve zyrtare, nga fillimi i muajit mars, do të nisë zbatimi i sistemit “One Stop” në pikat kufitare Bllacë – Hani i Elezit dhe Jazhincë – Glloboçicë. Ky sistem synon të lehtësojë procesin e kontrollit kufitar duke e bërë më efikas dhe më të shpejtë kalimin e udhëtarëve dhe mallrave mes dy vendeve.
Nikollovski ka theksuar se ky projekt do të sjellë lehtësira të konsiderueshme për tregtinë, do të përmirësojë konkurrencën e kompanive, si dhe do të reduktojë kohën e pritjes në kufi. Ai ka nënvizuar gjithashtu se sistemi i ri do të rrisë sigurinë kufitare dhe do të zvogëlojë mundësitë për korrupsion.
“Lehtësime për tregtinë, përmirësim i konkurrencës së kompanive, ulje e kohës së pritjes në pikat kufitare dhe siguri më e madhe, ky është qëllimi kryesor i këtij projekti”, ka deklaruar drejtori i Doganës së RMV-së.
Gjatë muajve të fundit, pikat kufitare mes Kosovës dhe Maqedonisë së Veriut janë përballur me kolona të gjata dhe vonesa të mëdha, si në drejtim të hyrjes në Kosovë, ashtu edhe në dalje. Implementimi i sistemit të përbashkët kufitar pritet të ofrojë një zgjidhje të qëndrueshme për këtë problem, duke përshpejtuar procedurat dhe duke eliminuar ndalesat e dyfishta për udhëtarët dhe transportuesit.
Punimet për krijimin e pikave të përbashkëta kufitare kanë nisur në qershor të vitit të kaluar (2024) dhe tashmë janë në fazën finale. Me hyrjen në fuqi të sistemit “One Stop”, qytetarët dhe bizneset që kalojnë kufirin ndërmjet dy vendeve do të përballen me një proces më të thjeshtë dhe më të shpejtë të kontrollit doganor dhe kufitar.
Pritet që ky model bashkëpunimi të shërbejë si shembull për forcimin e marrëdhënieve tregtare dhe ekonomike ndërmjet Kosovës dhe Maqedonisë së Veriut, duke e bërë kalimin kufitar më efikas dhe duke nxitur zhvillimin rajonal.
Zbatimi i sistemit të përbashkët kufitar më 1 mars do të shënojë një hap të rëndësishëm drejt modernizimit të kalimeve kufitare mes dy vendeve dhe forcimit të lidhjeve ekonomike e tregtare./UBTNews/
Lajmet
Misioni nga BE-ja sot me deklaratë rreth zgjedhjeve në Kosovë
Published
30 minutes agoon
February 11, 2025By
UBTnews
Shefja e Misionit për Vëzhgimin e Zgjedhjeve nga Bashkimi Evropian (EOM), Nathalie Loiseau, njëherësh deputete e Parlamentit Evropian, sot do të prezantojë deklaratën preliminare të misionit rreth zgjedhjeve parlamentare që u mbajtën të dielën në Kosovë.
Ndryshe Misioni i Vëzhgimit të Zgjedhjeve nga Bashkimi Evropian që është përbërë mbi 100 persona kanë qenë në terren në mbarë Kosovën.
Përfaqësuesja e Lartë e Komisionit Evropian, Kaja Kallas kishte vendosur të dërgojë në Kosovë këtë Mision të BE-së për vëzhgimin e zgjedhjeve parlamentare.
Sipas BE-së, prania e misionit në terren synon të kontribuojë në një proces zgjedhor gjithëpërfshirës, të besueshëm dhe transparent, duke i lejuar votuesit e Kosovës të shprehin qartë zgjedhjet e tyre.

Italia mbështet anëtarësimin e vendeve të Ballkanit Perëndimor në BE deri në vitin 2030

Zvicra pa Granit Xhakën në dy miqësoret e marsit

13 vite nga vdekja e ikonës së muzikës botërore Whitney Houston

Trumpi i jep detyrë të re Richard Grenellit

Vuçiq thotë se Lista Serbe arriti “fitore të rëndësishme për Serbinë” në zgjedhjet në Kosovë

Pika e përbashkët kufitare ndërmjet Maqedonisë së Veriut dhe Kosovës pritet të fillojë prej 1 marsit

Macron promovon Evropën si lider në AI dhe kritikon politikën energjetike të Trumpit

Restaurohet Ura e Zerzebilit në Gjirokastër

Shtëpia e Bardhë konfirmon sanksionet ndaj prokurorit të GJNP-së për krimet e luftës
Të kërkuara
-
Lajmet3 months ago
Rektori Hajrizi: Çdo sukses i joni është një sukses për Kosovën!
-
Magazinë2 months ago
Ky mendohet se është djali 20 vjeçar i Parashqevi Simaku, Luke Nohfe
-
Bota2 weeks ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 weeks ago
Fluturimet e dëbimit kanë filluar, thotë Shtëpia e Bardhë