Lajmet

Sulmi ndaj policëve në Leposaviq, njohësit e sigurisë: Ja cili është synimi i ekstremistëve serbë

Jeta e disa pjesëtarëve të Policisë së Kosovës është rrezikuar të hënën në një pikë kontrolli.

Published

on

Serbë me të kaluar kriminale po sulmojnë pjesëtarët e Policisë së Kosovës në veri të vendit me qëllim që të largojnë prezencën e policisë në atë pjesë të territorit të Kosovës, vlerësojnë njohës të çështjeve të sigurisë. Duke folur për incidentin e së hënës në Leposaviq ku policia ka shtënë me armë zjarri në mënyrë që të neutralizojë rrezikun, konsiderojnë se ky veprim ishte i duhur nga ana e zyrtarëve policorë dhe plotësisht legjitim.

Jeta e disa pjesëtarëve të Policisë së Kosovës është rrezikuar të hënën në një pikë kontrolli në veri të vendit derisa po realizon detyrat e tyre.

Sipas policisë rreziku ka ardhur nga persona me të kaluar kriminale të cilët kanë tentuar t’i ndalin për kontroll në Bistricë të Leposaviqit.

Siç ka njoftuar policia, vetura gjatë lëvizjes ka goditur automjetin e policisë ndërsa zyrtarët policorë kanë shtënë me armë zjarri.

Ish-drejtori i Policisë së Kosovës, Rashit Qalaj thotë se reagimi i pjesëtarëve të PK-së në rastin në Leposaviq ka qenë i duhur dhe konform të ligjit.

“Në bazë të informatave që i kam, reagimi i policisë ka qenë konform ligjit të policisë dhe procedurave administrative që i kanë ata, pra procedurave të brendshme, sidomos çështjes së përdorimit të armës së zjarrit, gjithmonë duke pasur parasysh që të dyshuarit kanë tentuar që me veturën e tyre t’i godasin policët, pra fillimisht nuk u janë ndalur policisë dhe pastaj kanë tentuar që me veturën e tyre t’i godasin policët, pra ka qenë për mua një tentim vrasje të dyshuarve ndaj policëve të Kosovës dhe policët e Kosovës kanë obligim ligjor të reagojnë konfrom kërcënimeve që i kanë. Në këtë rast meqë jeta e tyre ka qenë në rrezik ata është dashur të ndalin kërcënimin dhe ndalja e kërcënimit ka qenë mënyra e vetme me përdorimin e armëve të zjarrit”, thotë ish-drejtori i Policisë së Kosovës.

Këto veprime ndaj Policisë së Kosovës, sipas njohësit të çështjeve të sigurisë, Nuredin Ibishi po bëhen me qëllim që të largojnë prezencën e pjesëtarëve të policisë nga veriu i vendit.

“Qëllimi i tyre ka qenë që të provokojnë situatën, të sulmojnë policët, e pranojnë qartë, po i referohem mediave që kanë publikuar në Serbi, po mundohen me çdo kusht që t’i largojnë prezencën e Policisë së Kosovës dhe ata po thirren çdo herë në ROSU apo njësi të specializuara, qëllimi përfundimtar i ekstremistëve serbë është të largojnë prezencën e policisë së Kosovës nga kjo pjesë e vendit, siç është edhe në mbikëqyrjen dhe kontrollin e kufirit shtetëror por njëkohësisht edhe mbajtjen e rendit dhe qetësisë publike në pjesën e brendshme, gjegjësisht katër komunat në veri”, thotë ai.

Sipas tij, këta persona me të kaluar kriminale veprojnë me direktiva të Beogradit zyrtar.

“Ato inkurajohen dhe urdhërohen të veprojnë, të injorojnë këto kontrolle dhe të sulmojnë në këtë rast siç është në këtë rast sulm me automjet, kanë dashur të shkelin zyrtarët policorë, në këtë rast kanë aksidentuar automjetin zyrtar, në këtë rast policia ka vepruar me qëllim të neutralizimit të sulmit… Vazhdimësi janë këto provokime, çdo herë të urdhëruara (nga Beogradi zyrtar) që kanë individë të caktuar plot dosje kriminale dhe ata edhe vetë nuk hezitojnë të ndërmarrin këto veprime”, shton Ibishi.

Sipas ish-policit Rashit Qalaj, sot deputet i Kuvendit nga radhët e Partisë Demokratike, rreziku ndaj pjesëtarëve të Policisë së Kosovës është më i theksuar në kohët e fundit.

Megjithatë, ai shton se bandat kriminale në atë pjesë gjithmonë kanë praktikuar sjellje të tilla ndaj Policisë së Kosovës.

“Në pjesën veriore policia është sulmuar shpesh, që nga themelimi i saj, pjesëtarët e saj janë sulmuar, kemi edhe policisë të plagosur. Kemi pasur me herët, kemi tash, ka qenë një sfidë që nga fillimi, tash e kemi një situatë pak më specifike për shkak se stacionet policore atje janë pa pjesëtarë të komunitetit serb të cilët jetojnë në ato pjesë dhe unë mendoj që realisht nëpër stacione policore duhet të gjendet mënyra të kemi edhe pjesëtarë të komunitetit serb të cilët i zbatojnë ligjet e Kosovës. Mendoj që Ministria e Brendshme, Qeveria, duhet të bëjë përpjekje që të bindë qytetarët e komuniteteve atje që të jenë pjesë e policisë ndërsa policia të vazhdojë të zbatojë ligjin dhe asgjë tjetër”, shton deputeti i Komisionit për Çështje të Sigurisë dhe Mbrojtjes.

Incidenti i ndodhur në Bistricë të Leposaviqit erdhi pasi një njësi e Policisë së Kosovës ishte caktuar me detyrë zyrtare në pikë kontrolli, me qellim të ruajtjes së rendit dhe sigurisë publike, si dhe parandalimit të krimit dhe kontrabandës.

“Njësia policore e cila ka qenë në pikë kontrolli, gjatë realizimit të detyrave policore ka tentuar ta ndalojë një veturë, e cila gjatë lëvizjes ka goditur automjetin e Policisë së Kosovës duke rrezikuar drejtpërdrejt edhe jetën zyrtarëve policorë, të cilët për të neutralizuar rrezikun ndaj tyre kanë shtënë me armë zjarri. Personat e dyshuar, së bashku me mjetin e tyre janë larguar nga vendi i ngjarjes, përderisa hetimet lidhur me rastin janë duke u kryer, në bashkëpunim dhe koordinim me organet e drejtësisë”, ka njoftuar për rastin Policia e Kosovës.

Tutje, policia ka njoftuar se ka identifikuar dy persona të dyshuar të cilët kanë rezultuar të jenë me të kaluar kriminale dhe përfshirje në dhjetëra vepra penale dhe kundër vajtje.

“I dyshuari mashkull kosovar me iniciale (D.S. 1991), dyshohet të jetë i përfshirë në mbi 80 vepra penale, nga to i dyshuar edhe për vepra penale si; vrasje, detyrim, armëmbajtje pa leje, sulm, pengim i personit zyrtar gjatë kryerjes së detyrës zyrtare, kanosje, vjedhje e rëndë, shkaktim i rrezikut të përgjithshëm, grabitje etj., etj. I njëjti ka kryer edhe mbi (20) kundërvajtje. Po ashtu, i dyshuari mashkull kosovar me iniciale (M.D. 1985), dyshohet të jetë i përfshirë në 17 vepra penale, nga to i dyshuar edhe për vepra penale si; vrasje, shtrëngim, armëmbajtje pa leje, vjedhje e rëndë, lëndim i rëndë trupor, kalim i paautorizuar i kufirit, manipulim me prova etj, etj. I njëjti ka kryer edhe (3) kundërvajtje”, thuhet në njoftimin zyrtar të Policisë së Kosovës.

lajme

Rita Ora bëhet pjesë e filmit të ri fantastiko-shkencor “The Signalers”

Published

on

By

Artistja shqiptare me famë botërore, Rita Ora, do të jetë pjesë e kastit të filmit të ri fantastiko-shkencor dhe thrillerit aventuresk “The Signalers”. Sipas revistës Variety, ajo do të ndajë ekranin me aktorin Tom Hopper, i njohur për rolet në serialet “The Umbrella Academy” dhe “The Terminal List”, si dhe me aktoren e re Mila Harris, e cila po shënon ngritje në Hollywood përmes projekteve “No Exit” dhe “Mary”.

Në kastin e këtij projekti janë përfshirë gjithashtu Missi Pyle (“Galaxy Quest”) dhe Nolan North (“Uncharted”), ndërsa në role mbështetëse do të paraqiten edhe Paulina Alvarez, David Silverman dhe Wolfgang Fiegl. Filmi, i cili është projekt i kompanisë Gramercy Park Media, tashmë ka nisur xhirimet. Skenarin e ka shkruar Cate Carson, e cila ka një të kaluar si detektive dhe specialiste e inteligjencës ushtarake, ndërsa regjinë e mban Gille Klabin, i njohur për filmin “The Wave”.

Ngjarja e filmit përqendrohet te një kontrollor i trafikut ajror (Tom Hopper), i cili punon në një zonë të izoluar, dhe mbesa e tij (Mila Harris), me të cilën ka një marrëdhënie të shkëputur. Jeta e tyre merr një kthesë të pazakontë kur zbulojnë një sinjal të pashpjegueshëm në thellësi të një zone të egër në Kanada, i cili shkakton fenomene të çuditshme e të rrezikshme dhe i shtyn të nisin një udhëtim për të zbuluar origjinën e tij.

Gjatë kërkimeve, ata hasin në një grup shkencëtarësh hulumtues, rolet e të cilëve luhen nga Rita Ora dhe Missi Pyle, që po ashtu janë në gjurmët e këtij fenomeni. Megjithatë, përpjekjet e tyre i çojnë pa dashje drejt zbulimit të një force të jashtëtokësore të varrosur prej kohësh, e cila nis të zgjohet rreth tyre. /E.A/

 

Continue Reading

Lajmet

Marta Kos shpreh keqardhje për këngën nacionaliste serbe në Bruksel, fajëson muzikantët

Published

on

By

Komisionerja për Zgjerim, Marta Kos, ka shprehur keqardhjen për lëshimin e muzikës së këngës nacionaliste serbe gjatë koncertit të organizuar në prag të “Forumit të Zgjerimit” në Bruksel, duke ua lënë fajin muzikantëve për përzgjedhjen e melodisë.

Kos ka theksuar se kjo këngë nuk pasqyron në asnjë mënyrë qëndrimet e Komisionit Evropian dhe se institucionet evropiane janë të vetëdijshme për sakrificat e njerëzve në atë rajon në të kaluarën.

“Shpreh keqardhje për përzgjedhjen e këngës nga ana e muzikantëve. Kjo këngë në asnjë mënyrë nuk paraqet qëndrimet e Komisionit Evropian”, ka deklaruar Kos.

Duke folur më tej për nevojën e pajtimit rajonal pa e harruar të kaluarën, komisionerja shtoi se synohet ndërtimi i një Evrope ku dallimet nuk e pengojnë zhvillimin.

“Nuk po kërkojmë të harrohen dallimet, por po ndërtojmë një Evropë ku dallimet nuk do të jenë arsye për të penguar të ardhmen”, ka thënë ajo.

Ndërkohë, lidhur me vërejtjen e KOHËS se pse për të dytën herë me radhë askush nga Kosova nuk është ftuar në këtë ngjarje të rëndësishme, Kos e ka kundërshtuar këtë, duke thënë se “ky konstatim nuk është i vërtetë” dhe ka përmendur se si pjesëmarrëse është ftuar Donika Emini nga shoqëria civile. /KOHA/

Continue Reading

lajme

Qeveria e Kosovës ndalon tregtimin e energjisë elektrike me kompanitë serbe

Published

on

By

Qeveria e Kosovës ka vendosur të ndalojë tregtimin e energjisë elektrike me kompanitë serbe. Në mbledhjen e mbajtur të hënën, kryeministri Albin Kurti ka deklaruar se ky vendim vjen si kundërmasë ndaj Serbisë, e cila prej gjashtë vjetësh po bllokon linjat ndërkufitare për tregtim.

Ndalimi përfshin blerjen, shitjen, importin dhe eksportin e energjisë elektrike, qoftë drejtpërdrejt, qoftë përmes transitit ose rishitjes në një apo më shumë shtete të treta.

“Së pari do të ndalojmë tregtimin e energjisë elektrike me kompanitë serbe si masë e parë ndaj Serbisë për bllokimin e linjave ndërkufitare për tregtim, e cila mund të përshkallëzohet në të ardhmen nëse nuk ka reflektim”, ka theksuar Kurti.

Për t’u përballur me vështirësitë e krijuara si pasojë e veprimeve të Serbisë, ai ka bërë të ditur se do të obligohet Korporata Energjetike e Kosovës (KEK) që të sigurojë një sasi të kapaciteteve ndërkufitare për muajin dhjetor, ndërsa do të vendosen edhe masa emergjente në sektorin e energjisë, të cilat përfshijnë obligimin e ndërmarrjes “Ibër-Lepenci” për ta shitur energjinë e shërbimit publik.

Sipas kryeministrit, në muajin dhjetor bëhen gjashtë vjet prej kur Kosova ka fituar pavarësinë energjetike, dhe që nga ajo kohë Serbia po bllokon alokimin komercial dhe tregtimin në linjat ndërkufitare me Kosovën, duke shkaktuar dëme financiare dhe duke rrezikuar furnizimin me energji.

“Bllokimi i linjave nga ana e Serbisë nuk na pengon sepse duam të blejmë energji nga Serbia, por ajo pamundëson shfrytëzimin e kësaj infrastrukture kritike për të sjellë energjinë transit nga Serbia”, është shprehur Kurti. /E.A/

Continue Reading

Lajmet

Zelensky u bën thirrje SHBA-së dhe Muskut t’i heqin kufizimet e Starlinkut dhe të jenë në “anën e duhur të historisë”

Published

on

By

Presidenti i Ukrainës, Volodymyr Zelensky, ka deklaruar se një shërbim jetik amerikan i internetit satelitor po funksionon ende shumë ngadalë, duke ndikuar në aftësinë e Ukrainës për t’i ndalur sulmet ruse.“Po llogarisim që këto kufizime të hiqen. Mbrojtja e jetëve dhe e infrastrukturës energjetike të Ukrainës para dimrit varet drejtpërdrejt nga kjo”, ka thënë ai.

Çështja e shpejtësisë së sistemit Starshield – një shërbim i nivelit ushtarak i zhvilluar nga kompania Starlink e Elon Muskut dhe i ofruar për Ukrainën nga qeveria amerikane – po zgjat prej javësh. Zelensky ka bërë të ditur se u ka kërkuar zyrtarëve “të punojnë sa më ngushtë që të jetë e mundur” me qeverinë amerikane dhe kompaninë e Muskut. “Është e rëndësishme të jesh në anën e duhur të historisë”, ka theksuar ai. BBC-ja ka kërkuar koment nga Shtëpia e Bardhë dhe Starlinku lidhur me këtë çështje.

Ukraina e përdor shërbimin e zakonshëm Starlink për komunikime në fushëbetejë, ndërsa Starshieldi shërben për kapjen e raketave dhe dronëve në hapësirën ajrore të vendit. Kufizimet e shpejtësisë u vunë re për herë të parë në muajin tetor, duke shkaktuar deklarata kundërthënëse mes Elon Muskut dhe presidentit amerikan, Donald Trump. Musku pati deklaruar se përgjegjëse ishte qeveria e SHBA-së pasi sistemi kontrollohet prej saj, mirëpo Trumpi e mohoi këtë, duke thënë se i kishte kërkuar pronarit miliarder ta “rikthente” shërbimin. Edhe pse pas një jave u duk se gjendja po kthehej në normalitet, Ukraina njoftoi se kufizimet po vazhdonin të zbatoheshin.

Problemet me lidhjen përkuan me një përplasje të tensionuar diplomatike mes Zelenskyt dhe Trumpit rreth sulmeve ukrainase ndaj infrastrukturës së naftës brenda Rusisë. Trumpi ka thënë se sulmet ndaj rafinerive ruse të naftës – të cilat Kievi i konsideron vendimtare për t’ia prerë Moskës burimin kryesor të të ardhurave për luftën – kanë shkaktuar rritje të çmimeve globale.

Të dielën, Zelensky deklaroi se Ukraina po has vështirësi në kapjen e dronëve rusë me motor reaktiv që po godasin nënstacionet elektrike, sepse “kufizimet në shpejtësinë e funksionimit të terminaleve Starshield përgjatë vijës së frontit dhe në territoret e pushtuara përkohësisht janë ende aty”.

“Dronët tanë kapës humbasin lidhjen me operatorët e tyre në shpejtësinë 161 km/orë (100 milje në orë) dhe thjesht nuk mund t’i arrijnë ‘shahedët’ rusë me motor reaktiv”, ka shkruar ai, duke iu referuar dronëve të dizajnuar sipas modelit iranian. Më herët, të premten, ai kishte bërë të ditur se kufizimet prej rreth 100 miljesh në orë ishin vendosur që nga e hëna, por vetëm në zonat e pushtuara nga Rusia dhe jo në të gjithë Ukrainën.

“Kjo tashmë ka implikime politike. Nëse vendosni kufizime atje, ju tashmë po i njihni pjesërisht territoret e pushtuara përkohësisht si jo tonat”, ka cituar New York Times fjalët e tij.

Përveç kësaj, Ukraina po përballet edhe me mungesë të sistemeve mbrojtëse amerikane Patriot që përdoren kundër raketave ruse – një situatë që Rusia e ka shfrytëzuar për t’i intensifikuar sulmet. Gjatë natës dhe mëngjesit të së dielës, forcat ruse goditën infrastrukturën energjetike në Zaporizhzhia, si dhe në rajonet Sumy, Odesa, Zhytomyr e Kirovohrad, ndërsa sulmuan edhe infrastrukturën hekurudhore në rajonet Dnipro, Kharkiv dhe Zaporizhzhia. Dhjetëra persona raportohet se janë lënduar në këto sulme, përfshirë dy në rajonet Donetsk dhe Kiev. Në Mena të rajonit Chernihiv u vranë dy persona nga goditja e një objekti infrastrukturor, bëri të ditur guvernatori Vyacheslav Chaus, duke shtuar në Telegram se sulme të shumta u kryen edhe ndaj objekteve energjetike në mbarë rajonin.

Ndërkohë, ushtria ukrainase njoftoi se ka goditur një uzinë petrokimike dhe një rafineri nafte në qytetin qendror rus Nizhnekamsk. “Natën e 15 nëntorit, njësitë e Forcave të Mbrojtjes të Ukrainës arritën në Nizhnekamsk të Tatarstanit. Dy ndërmarrje që e furnizojnë luftën ruse me lëndë të parë dhe karburant u vunë në shënjestër”, thuhet në njoftimin e ushtrisë në Telegram. Sulme të tjera ukrainase vranë një person në qytetin portual industrial Taganrog pranë kufirit, njoftoi guvernatori rajonal Yuri Slyusar, ndërsa në rajonin e pushtuar të Luhanskut mbetën të vrarë një shofer kamioni dhe një grua e moshuar, sipas liderit rajonal të emëruar nga Moska, Leonid Pasechnik.

Në një zhvillim tjetër, Estonia ka njoftuar se do t’i mbyllë pikat e kalimit kufitar me Rusinë nga 1 dhjetori, pas një sulmi të dyshuar sabotazhi ndaj një kompanie të mbrojtjes. Tetë persona janë ndaluar lidhur me një tentativë zjarrvënieje ndaj prodhuesit të dronëve “Threod Systems”. Autoritetet estoneze thonë se ata ishin urdhëruar nga shërbimi i inteligjencës ushtarake ruse GRU për ta kryer sulmin, ndërsa Rusia nuk ka komentuar.

“Rusia duhet ta kuptojë se veprimet armiqësore kundër Estonisë sjellin pasoja”, ka deklaruar ministri i Jashtëm estonez, Margus Tsahkna. /BBC/

 

Continue Reading

Të kërkuara