Lajmet

Studim i ri: Katër efektet anësore të reja të raportuara në trup nga vaksina Pfizer

Published

5 years ago

on

Pandemia globale e ka vënë njerëzimin në provë por ka ndriçuar edhe zgjuarsinë e saj. Zhvillimi dhe vendosja e vaksinave me shpejtësi rekord e kanë kthyer botën në rrugën e duhur.

Përfitimet e vaksinimit tejkalojnë shumë rreziqe, por ka një numër efektesh anësore që janë raportuar.

Një studim i ri i botuar në JAMA Dermatology ka lidhur vaksinën Pfizer dhe Moderna me reagimet e lëkurës. Studimi theksoi se reagimet e lëkurës janë të rralla, dhe zakonisht nuk janë një arsye për shqetësim.

Studimi shqyrtoi ndikimin e vaksinave të Moderna dhe Pfizer dhe gjeti katër reagime kryesore që janë të zakonshme në të dyja. Më të zakonshmet ishin skuqjet dhe kruarjet diku tjetër përveç vendit ku është bërë injeksioni.

Pacientët gjithashtu raportuan urtikari – një skuqje të ngritur dhe kruarje që mund të përhapet në të gjithë trupin. Njerëz të tjerë që ishin vaksinuar raportuan se kishin pësuar ënjtje ose angioedemë – ënjtje të indeve nën lëkurë.

Studimi u krye nga alergologët në Spitalin e Përgjithshëm të Massachusetts të cilët përfunduan se reagimet janë të rralla, me pothuajse dy për qind të 49,197 njerëzve që raportuan më vonë reagime të lëkurës pas vaksinimit të tyre. Studimi gjithashtu zbuloi se burrat kishin më pak të ngjarë të kishin një reagim të lëkurës pasi morën një nga vaksinat në krahasim me gratë.

Rreth 85 për qind e grave raportojnë një reagim të lëkurës pas një vaksinimi, ndërsa vetëm 15 për qind e burrave raportuan efekte në lëkurë. Alergologët gjithashtu vunë re në grupin që studiuan se nuk ishte e zakonshme që pacientët të pësonin përsëri të njëjtin reagim kur morën dozën e tyre të dytë.

Tetë në dhjetë persona (83 për qind e grupit) të cilët kishin vuajtur së pari nga kruajtje ose skuqje të lëkurës pas dozë së tyre të parë nuk raportuan probleme të mëtejshme. Autorja kryesor Lacey B. Robinson, tha se reagimet e lëkurës nuk duhet të pengojnë marrjen e një doze të dytë.

Ajo tha: “Për ata që kanë probleme brenda disa orësh nga vaksinimi, ose për reagime të rënda në çdo kohë, duhet të vizitojnë një alergolog ose imunolog i cili mund të vlerësojë dhe të japë udhëzime për vaksinimin me dozën e dytë”.

Related Topics:
Continue Reading

Lajmet

Russell Crowe luan rolin e një shqiptaro-amerikani në filmin e ri “The Get Out”

Published

45 minutes ago

on

June 11, 2026

By

Aktori i njohur Russell Crowe do të luajë rolin kryesor në filmin e ri kriminal “The Get Out”, ku interpreton Marco Kapak, një emigrant shqiptaro-amerikan.

Në film, personazhi i tij drejton një klub nate të suksesshëm në Los Angeles, por fshehurazi është i përfshirë në pastrim parash për një kartel droge. Pas një sulmi në zemër, ai vendos të largohet nga bota kriminale dhe të shesë klubin, por përfundon i përfshirë në një rrjet të rrezikshëm dhune dhe kërcënimesh.

Në kastin e filmit bëjnë pjesë edhe Luke Evans, Teresa Palmer, Aaron Paul dhe Nina Dobrev.

“The Get Out” paraqitet si një thriller i errët dhe plot tension, ku përplasja mes krimit dhe përpjekjes për shpëtim personal është në qendër të historisë./A.K/

Burimi: Collider

Continue Reading

Lajmet

Filmi “Michael” kalon 900 milionë dollarë të ardhura në kinematë botërore

Published

50 minutes ago

on

June 11, 2026

By

Filmi biografik “Michael”, i bazuar në jetën e legjendës së muzikës Michael Jackson, ka shënuar sukses të madh në kinematë botërore, duke kaluar shifrën prej 900 milionë dollarësh të ardhura globale.

Që nga premiera më 24 prill, filmi ka dominuar box office-in ndërkombëtar dhe është shndërruar në projektin më fitimprurës në historinë e studios Lionsgate.

Nën regjinë e Antoine Fuqua, filmi rrëfen jetën dhe karrierën e Michael Jacksonit, nga vitet e tij me grupin The Jackson 5 deri te ngritja si “Mbreti i Popit”. Rolin kryesor e interpreton Jaafar Jackson, ndërsa në kast bëjnë pjesë edhe Colman Domingo dhe Nia Long.

“Michael” po konsiderohet një nga biografitë muzikore më të suksesshme të viteve të fundit, duke dëshmuar se trashëgimia artistike e Michael Jackson vazhdon të tërheqë miliona fansa në mbarë botën./A.K/

Burimi: CNN

Continue Reading

Lajmet

Pesë filma nga Kosova në Festivalin Ndërkombëtar të Filmit “Al Este – San Marcos” në Peru

Published

53 minutes ago

on

June 11, 2026

By

Republika e Kosovës do të marrë pjesë në edicionin e 17-të të Festivalit Ndërkombëtar të Filmit “Al Este -San Marcos”, i cili do të mbahet nga 18 deri më 28 qershor në Lima dhe qytete të tjera të Perusë.

Kosova do të përfaqësohet me pesë produksione filmike që pasqyrojnë krijimtarinë dhe zërin bashkëkohor të kinematografisë kosovare.

Filmi “HANA”, me regji të Ujkan Hysajt, është përzgjedhur në programin zyrtar garues të festivalit. Po ashtu do të shfaqet edhe filmi “The Beauty of the Donkey”, me regji të Dea Gjinovcit.

Në program janë përfshirë edhe filmat e shkurtër “SOS” nga Anita Morina, “Keep Going” nga Valmira Hyseni dhe “Sytë e Bernës” nga Ermal Gerdovci.

Sipas organizatorëve, pjesëmarrja e Kosovës në këtë festival paraqet një mundësi të rëndësishme për promovimin e kulturës dhe kinematografisë kosovare në Amerikën Latine, si dhe për forcimin e bashkëpunimit me institucionet kulturore dhe publikun peruan./A.K/

Continue Reading

Lajmet

Dorëhiqet Sekretari Britanik i Mbrojtjes, John Healey, pas përplasjeve për buxhetin e ushtrisë

Published

1 hour ago

on

June 11, 2026

By

Sekretari i Mbrojtjes i Mbretërisë së Bashkuar, John Healey, ka dhënë dorëheqjen nga detyra përmes një letre zyrtare drejtuar Kryeministrit Keir Starmer, duke shkaktuar një goditje të rëndë politike për qeverinë e re laburiste.

Në letrën e tij te publikuar në rrjetin X, Healey ka akuzuar hapur kryeministrin dhe Ministrinë e Financave (Thesarin) se kanë refuzuar të ndajnë burimet financiare të mjaftueshme për mbrojtjen e vendit, në një kohë kur kërcënimet globale po rriten me shpejtësi.

Ish-sekretari shpjegoi se vendimi i tij erdhi pas muajsh bisedimesh të tensionuara lidhur me Planin e Investimeve në Mbrojtje, të cilin e konsideron krejtësisht të pamjaftueshëm për të garantuar sigurinë kombëtare.

Sipas tij, buxheti i parashikuar për të arritur në vetëm 2.68% të GDP-së deri në vitin 2030 është një masë e vonuar, ndërkohë që nevojat për të rritur gatishmërinë luftarake të forcave të armatosura janë emergjente për dy vitet e ardhshme.

Healey deklaroi se nuk kishte asnjë opsion tjetër përveç largimit, pasi nuk mund të pranonte një marrëveshje financiare që lë ushtrinë dhe vendin të ekspozuar ndaj rreziqeve në këtë periudhë të paqëndrueshme gjeopolitike. Kjo dorëheqje vjen në një moment mjaft delikat, duke rritur presionin mbi qeverinë e Starmer-it dhe duke nxitur reagime të ashpra edhe nga industria britanike e mbrojtjes. /E.A/

Continue Reading

Të kërkuara