Lajmet

Miratohet një sprej i ri hundor për të trajtuar migrenën

Pfizer tha se priste që ilaç të jetë i disponueshëm në barnatore në korrik 2023.

Published

3 years ago

March 10, 2023

UBT news

Administrata Amerikane e Ushqimit dhe Barnave ka miratuar një sprej hundor me veprim të shpejtë nga Pfizer, i krijuar për të trajtuar migrenën, tha sot gjigandi farmaceutik amerikan.

Pfizer tha se priste që ilaçi, i tregtuar me emrin Zavzpret, të jetë i disponueshëm në barnatore në korrik 2023.

“Miratimi i Zavzpret nga FDA shënon një përparim të rëndësishëm për njerëzit me migrenë që kanë nevojë për liri nga dhimbja dhe preferojnë opsione alternative ndaj ilaçeve orale”, tha në një deklaratë shefja tregtare e Pfizer, Angela Hwang.

Një studim i fazës 3 të ilaçit zbuloi se ai u jep lehtësim dhimbjeve disa të sëmurëve nga migrena në vetëm 15 minuta.

“Zavzpret ofron një alternativë trajtimi për njerëzit që kanë nevojë për lehtësim dhimbjeje ose nuk mund të marrin ilaçe orale për shkak të të përzierave ose të vjellave”, Pfizer e citoi Kathleen Mullin, drejtoreshë e asociuar mjekësore.

Pfizer bleu Zavzpret, i njohur gjithashtu si Zavegepant, vitin e kaluar për rreth 10 miliardë dollarë nga Biohaven, së bashku me trajtime të tjera të migrenës nga firma./UBTNews/

Lajmet

Gjendet e vdekur një grua në Prishtinë

Published

4 minutes ago

July 21, 2026

UBTNews

Një grua është gjetur pa shenja jete mbrëmjen e së hënës në Prishtinë.

Sipas raportit 24-orësh të Policisë së Kosovës, ngjarja ka ndodhur rreth orës 23:15, me ç’rast njësitë policore dhe ekipi mjekësor kanë dalë menjëherë në vendin e ngjarjes, ku edhe është konstatuar vdekja e viktimës.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti vazhdon të hetohet. /E.A/

Lajmet

Arrestohet një grua në Lipjan, dyshohet për shantazh ndaj një burri

Published

8 minutes ago

July 21, 2026

UBTNews

Një grua është arrestuar në Lipjan nën dyshimin se ka shantazuar një burrë.

Sipas raportit 24-orësh të Policisë së Kosovës, e njëjta dyshohet se veprën penale “Shantazh” ndaj viktimës e ka ushtruar për disa muaj me radhë.

E dyshuara, pas intervistimit dhe me urdhër të prokurorit kujdestar, është liruar në procedurë të rregullt. /E. A/

Lajmet

Paradite mot i ngrohtë, pasdite priten reshje lokale e rrufe

Published

14 minutes ago

July 21, 2026

UBTNews

Të martën mbi vendin tonë do të mbajë mot i ngrohtë, ku temperaturat minimale në orët e mëngjesit do të lëvizin nga 14°C deri në 17°C.

Ndërkohë, ato maksimale gjatë ditës pritet të ngrihen duke arritur nga 28°C deri në 32°C.

Gjatë ditës do të fryjë erë kryesisht nga jugperëndimi dhe perëndimi me intensitet të lehtë deri mesatar, me shpejtësi prej 2 deri në 8 m/s.

Ndryshim i lehtë i motit parashihet gjatë orëve të pasdites dhe mbrëmjes, ku në vende-vende priten reshje lokale shiu të shoqëruara edhe me shkarkime rrufesh. /E.A/

Lajmet

Breshëri dëmton rreth 90% të të mbjellave në Istog

Published

21 minutes ago

July 21, 2026

UBTNews

Stuhia e fuqishme e breshërit që goditi komunën e Istogut ka shkaktuar dëme materiale në sektorin e bujqësisë.

Siç raporton RTK, vlerësimet fillestare të autoriteteve lokale tregojnë se rreth 90 për qind e sipërfaqeve të mbjella në këtë territor mund të jenë prekur nga moti i ligë.

Drejtori i Bujqësisë në Komunën e Istogut, Artan Gegaj, bëri me dije për RTKlive se, ndonëse ende nuk ka një bilanc përfundimtar, stuhia ka dëmtuar një pjesë të madhe të kulturave bujqësore.

Ai njoftoi se nga mëngjesi i së martës do të formohen komisionet përkatëse për të dalë në terren me qëllim evidentimin e saktë të dëmeve dhe identifikimin e fermerëve të prekur.

Sipas Gegës, Komuna e Istogut dhe kryetari Ilir Ferati do të angazhohen për t’u dalë në ndihmë fermerëve gjatë procesit të vlerësimit. Gjithashtu, ai i bëri thirrje Ministrisë së Bujqësisë për mbështetje emergjente, duke theksuar se “dëmet janë jashtëzakonisht të mëdha dhe kërkojnë ndërhyrje të menjëhershme”. /RTK/