Lifestyle

Studim i ri: Katër efektet anësore të reja të raportuara në trup nga vaksina Pfizer

Published

4 years ago

on

Pandemia globale e ka vënë njerëzimin në provë por ka ndriçuar edhe zgjuarsinë e saj. Zhvillimi dhe vendosja e vaksinave me shpejtësi rekord e kanë kthyer botën në rrugën e duhur.

Përfitimet e vaksinimit tejkalojnë shumë rreziqe, por ka një numër efektesh anësore që janë raportuar.

Një studim i ri i botuar në JAMA Dermatology ka lidhur vaksinën Pfizer dhe Moderna me reagimet e lëkurës. Studimi theksoi se reagimet e lëkurës janë të rralla, dhe zakonisht nuk janë një arsye për shqetësim.

Studimi shqyrtoi ndikimin e vaksinave të Moderna dhe Pfizer dhe gjeti katër reagime kryesore që janë të zakonshme në të dyja. Më të zakonshmet ishin skuqjet dhe kruarjet diku tjetër përveç vendit ku është bërë injeksioni.

Pacientët gjithashtu raportuan urtikari – një skuqje të ngritur dhe kruarje që mund të përhapet në të gjithë trupin. Njerëz të tjerë që ishin vaksinuar raportuan se kishin pësuar ënjtje ose angioedemë – ënjtje të indeve nën lëkurë.

Studimi u krye nga alergologët në Spitalin e Përgjithshëm të Massachusetts të cilët përfunduan se reagimet janë të rralla, me pothuajse dy për qind të 49,197 njerëzve që raportuan më vonë reagime të lëkurës pas vaksinimit të tyre. Studimi gjithashtu zbuloi se burrat kishin më pak të ngjarë të kishin një reagim të lëkurës pasi morën një nga vaksinat në krahasim me gratë.

Rreth 85 për qind e grave raportojnë një reagim të lëkurës pas një vaksinimi, ndërsa vetëm 15 për qind e burrave raportuan efekte në lëkurë. Alergologët gjithashtu vunë re në grupin që studiuan se nuk ishte e zakonshme që pacientët të pësonin përsëri të njëjtin reagim kur morën dozën e tyre të dytë.

Tetë në dhjetë persona (83 për qind e grupit) të cilët kishin vuajtur së pari nga kruajtje ose skuqje të lëkurës pas dozë së tyre të parë nuk raportuan probleme të mëtejshme. Autorja kryesor Lacey B. Robinson, tha se reagimet e lëkurës nuk duhet të pengojnë marrjen e një doze të dytë.

Ajo tha: “Për ata që kanë probleme brenda disa orësh nga vaksinimi, ose për reagime të rënda në çdo kohë, duhet të vizitojnë një alergolog ose imunolog i cili mund të vlerësojë dhe të japë udhëzime për vaksinimin me dozën e dytë”.

Related Topics:
Continue Reading

Lifestyle

Këshilla si të kërkoni rritje page

Published

1 day ago

on

August 16, 2025

By

Continue Reading

Lifestyle

Moti sot: Diell dhe me vranësira të shpërndara

Published

1 day ago

on

August 16, 2025

By

Moti sot mbi vendin tonë do të jetë me diell dhe vranësira të shpërndara.

Siç bën të ditur Instituti Hidrometeorologjik i Kosovës, temperaturat minimale do të lëvizn ndërmjet 12 e 18 gradë Celsius.

Derisa ato maksimalet do të jenë nga 28 e deri në 30 gradë Celsius.

Do të fryjë erë nga veriperëndimi me shpejtësi prej një e deri në pesë gradë Celsius. /UBT News/

 

Continue Reading

Lifestyle

Psikologjia e turpit: Pse e ndiejmë dhe si ta përballojmë?

Published

2 days ago

on

August 15, 2025

By

Nëse jeni ndjerë ndonjëherë të turpëruar për diçka që keni bërë apo diçka që ju ka ndodhur, nuk jeni vetëm.

Turpi është emocion universal që na prek të gjithëve në një mënyrë ose tjetër. Por, çfarë është turpi dhe si mund ta kuptojmë dhe menaxhojmë më mirë këtë emocion kaq të fuqishëm?

Turpi është një ndjenjë e mosvlerësimit dhe dështimit, që vjen si pasojë e ndjenjës se nuk jemi të denjë apo të vlefshëm.

Ndryshe nga faji, i cili lidhet me veprimet tona (“kam bërë diçka të gabuar”), turpi lidhet me identitetin tonë (“jam diçka e gabuar”).

Kjo ndjenjë mund të shkaktojë një ndjesi të fortë të izolimit dhe dyshimit te vetja.

Pse ndihemi të turpëruar?

Mund të jenë të shumta e të ndryshme për çdo individ, disa nga shkaqet më të zakonshme përfshijnë:

Normat shoqërore dhe kulturore

Ato që shoqëria jonë konsideron të pranueshme apo të papranueshme luajnë një rol të madh në krijimin e ndjenjës së turpit.

Pritshmëritë personale

Standardet që vendosim për veten tonë mund të jenë të pamundura për t’u arritur, duke na bërë të ndihemi të turpëruar kur nuk i arrijmë.

Përvojat e kaluara

Turpi mund të rrjedhë nga përjetimet traumatike ose nga kritikat e ashpra të të tjerëve.

Efektet e turpit në shëndetin mendor

Turpi mund të ketë pasoja të rënda për shëndetin mendor, përfshirë ankthin, depresionin e izolimin social. Turpi ndikon në marrëdhëniet tona me të tjerët.

Si ta përballojmë turpin?

Duhet të bëjmë një hap prapa të kuptojmë burimin e këtij emocioni.

Pranoni dhe përqafoni emocionet tuaja

Pranojeni turpin si një pjesë e natyrshme të përvojës njerëzore dhe mos e injoroni

Flisni me dikë

Ndarja e ndjenjave tuaja me një mik të besuar a terapist ndihmon në zbutjen e ndjenjës së izolimit

Kujdesi për veten

Praktikoni kujdesin për veten përmes aktiviteteve që ju sjellin kënaqësi

Sfidoni mendimet negative

Përpiquni të sfidoni mendimet negative e krijoni një “bisedë” më të butë me veten

Turpi është emocion i vështirë për t’u përballuar, por me kohë e përpjekje, mësojmë të jetojmë me të dhe të mos lejojmë të na kontrollojë jetën. Mos harroni, çdo emocion ka një qëllim dhe na ndihmon të kuptojmë më mirë veten dhe botën përreth nesh. /UBT News/

 

Continue Reading

Lifestyle

Këshilla si ta shfaqni personalitetin në një intervistë pune

Published

3 days ago

on

August 14, 2025

By

Të gjithë e kemi dëgjuar ” të jesh vetvetja dhe me vetëbesim” në një intervistë pune e duket se profesionistët e rekrutimit të punonjësve bien dakord me këtë shprehje.

Ja disa këshilla që do ju vlejnë për intervista të suksesshme dhe të shprehni personalitetin përveç aftësive dhe kualifikimeve që keni.

Bëni “detyrat e shtëpisë” paraprakisht

Bëni kërkime çfarë tiparesh të personalitetit puna kërkon. Kërkoni në çdo faqe të kompanisë për të parë çfarë lloj “kulture” po përpiqet ta paraqesë. Në këtë mënyrë do të dini se ku duhet të praktikoheni dhe të fokusoheni.

Tregoni personalitetin tuaj përmes veshjesh që do të zgjidhni në intervistë

Kodi i veshjesh së intervistës duhet të jetë elegante, profesionale, larg ekstravagantes por e fuqishme e të përfaqësojë stilin brenda saj.

Veproni dhe flini me vetëbesim

Jo të gjitha CV janë të pasura me eksperienca apo kualifikime, por kjo nuk do të thotë se këto persona nuk janë të denjë për atë punë. Ajo që mungon në CV tuaj mundohuni ta plotësoni me vetëbesimin që shfaqni në prezantimin e kualifikimeve që keni.

Jepni përgjigje që do të mbahen mend gjatë

Gjatë intervistave, ju kërkohet pyetje të bazuara në kompetencat lidhur me një detyrë. Sigurohuni të identifikoni Situatën, Detyrën, Veprimin dhe Rezultatin e kohës dhe të jeni sa më specifik që të jetë e mundur lidhur me idenë tuaj për zgjidhjen e problemit.

Mos harroni të bëni një bisedë personale

Punëdhënësit pyesin bazuar në kompetenca për zgjidhjen e problemeve apo detyrave, mos hezitoni të tregoni eksperiencat personale në situata që i keni kaluar me sukses.

Bëni pyetjet e duhura

Në fund të intervistës kur ju pyesin se nëse keni ndonjë pyetje, sigurohuni të pyesni lidhur me ndonjë informacion shtesë të kompanisë apo mënyrën si punohet në ekip aty. Interesi që tregoni do të ju bëjë të shkëlqeni.

Continue Reading

Të kërkuara