Lajmet nga UBT

Studentët e UBT-së në vizitë studimore te Katrori ITS: Mësime praktike mbi AI dhe vendimmarrjen në biznes

Published

on

Studentët e vitit të tretë nga Fakulteti i Sistemeve të Informacionit të UBT, në shoqërimin e Prof. Dr. Agim Zuzakut, profesor i lëndës “Sistemet Mbështetëse të Vendimmarrjes”, zhvilluan një vizitë studimore të rëndësishme në kompaninë Katrori ITS. Kjo vizitë kishte për qëllim thellimin e njohurive praktike të studentëve, duke i njohur ata me përvoja konkrete dhe aplikime të avancuara të sistemeve mbështetëse të vendimmarrjes në një kompani lider në fushën e teknologjisë.

Gjatë vizitës, studentët patën mundësinë të ndjekin një prezantim informues dhe të detajuar mbi temën “Roli i Inteligjencës Biznesore dhe Inteligjencës Artificiale në Sistemet Mbështetëse të Vendimmarrjes”. Prezantimi u mbajt nga Fatos Fondaj, një nga themeluesit e kompanisë Katrori ITS, i cili i ofroi një pasqyrë të thelluar mbi mënyrën se si këto teknologji moderne janë duke transformuar proceset e vendimmarrjes në biznes. Fondaj theksoi rëndësinë e Inteligjencës Biznesore dhe Inteligjencës Artificiale për ndihmën që i japin bizneseve në përpunimin e informacionit të madh dhe krijimin e raporteve të shpejta dhe të sakta që mundësojnë marrjen e vendimeve të informuara dhe strategjike.

Një element shumë interesant i kësaj vizite ishte gjithashtu pjesëmarrja e drejtorit të kompanisë, z. Naser Shala, i cili ndau eksperiencat e tij personale dhe vlerësimet për rolin e teknologjisë në zhvillimin dhe rritjen e kompanisë Katrori ITS. Shala ndau me studentët vizionin e tij për të ardhmen e industrisë dhe mënyrën se si kompanitë moderne po përdorin teknologjitë e reja, si Inteligjenca Artificiale, për të fituar një avantazh konkurrues dhe për të optimizuar operacionet e biznesit.

Ky bashkëpunim i ngushtë mes studentëve dhe profesionistëve të industrisë është një mundësi e shkëlqyer për të kuptuar më mirë aplikimet praktike të teorive që ata studiojnë në kurrikulat e tyre. Vizita i ndihmoi studentët të kuptojnë më thellë se si sisteme të avancuara mbështetëse të vendimmarrjes, të kombinuara me inteligjencën artificiale dhe biznesore, po transformojnë mënyrën se si organizatat marrin vendime strategjike. Po ashtu, ata panë se si këto sisteme ndihmojnë në përmirësimin e efikasitetit dhe performancës të ndërmarrjeve, duke i mundësuar atyre të përballojnë sfidat e një tregu gjithnjë e më të ndërlikuar dhe konkurrues.

Kjo vizitë studimore është një hap i rëndësishëm për të thelluar lidhjet mes akademisë dhe industrisë dhe për t’i ofruar studentëve një pamje më të qartë të mundësive të karrierës që ata mund të kenë në fushën e teknologjisë dhe menaxhimit të informacionit./UBTNews/

Aktualitet

Master në UBT – Zhvillo aftësitë që kërkon tregu global në programin Sistemet e Informacionit dhe Menaxhment

Published

on

UBT ofron programin e nivelit master Sistemet e Informacionit dhe Menaxhment, program ky që ofron zgjidhje adekuate për të ardhmen tuaj profesionale, në ndërlidhjen unike që ka bërë ky fakultet mes biznesit dhe teknologjisë.

Përmes këtij programi, studentët e UBT-së do të kenë mundësi të perfeksionojnë njohuritë e tyre të fushës së sistemeve të informacionit, duke përfshirë ato për biznes, biblioteka dhe arkivim, siguri dhe privatësi të informacionit, sistemet gjeografike të informacionit, statistika, si dhe procesim i të dhënave dhe simulimi.

Infrastruktura moderne dhe laboratorët me pajisjet më inovative të teknologjisë së fundit, studentëve të këtij programi iu japin mundësi që të realizojnë punën praktike krahas asaj teorike përgjatë vitit akademik.

Të diplomuarit e këtij programi studimi janë kërkesë e tregut, në saje të zhvillimit të strategjisë së UBT-së për programet më unike që janë trend në gjithë botën, nga ku nivelin e punësimit të studentëve të UBT-së e ka ngritur në 98%.

APLIKO TANI ONLINE!

Continue Reading

Aktualitet

Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis

Published

on

Profesori i Fakultetit të Studimeve të Sigurisë në UBT, Bahri Gashi, është ftuar të kontribuojë si recensues i punimeve shkencore ndërkombëtare në një nga platformat më prestigjioze botërore të botimeve akademike, Taylor & Francis, me seli në Mbretërinë e Bashkuar.

Në këtë rol të rëndësishëm, profesori Gashi do të angazhohet në recensimin e artikujve shkencorë në fusha strategjike si:

  • Inteligjenca dhe Kundërinteligjenca;
  • Siguria Kombëtare;
  • Mbrojtja dhe Politikat e Sigurisë.

Kontributi i tij do të jepet në kuadër të revistës akademike të specializuar “International Journal of Intelligence and CounterIntelligence”, një revistë e indeksuar në platformat më të larta ndërkombëtare të certifikimit shkencor, e cila gëzon reputacion të lartë në komunitetin akademik dhe profesional të sigurisë.

Ky angazhim i profesorit të UBT-së është një dëshmi e qartë se UBT po fuqizon gjithnjë e më shumë praninë e tij në skenën ndërkombëtare të kërkimit shkencor, duke rritur besueshmërinë e akademikëve të saj dhe duke kontribuar në zhvillimin e fushave të rëndësishme për sigurinë dhe mbrojtjen në nivel global.

Continue Reading

Aktualitet

UBT ofron Master në Psikologji me standarde evropiane

Published

on

UBT ofron programin Psikologji në nivelin Master, i cili synon përgatitjen e profesionistëve të aftë për të kuptuar mendjen dhe sjelljen njerëzore, si dhe për t’u shërbyer individëve dhe komunitetit në fusha të ndryshme të shëndetit mendor.

Ky program dyvjeçar, i akredituar sipas standardeve më të larta evropiane, ofron njohuri dhe përvojë praktike në psikologjinë klinike, këshilluese, edukative dhe organizative. Studentët mësojnë teknika të avancuara të vlerësimit psikologjik, terapitë moderne, si dhe metodologjitë kërkimore të cilat u japin atyre kompetencat e nevojshme për t’u bërë pjesë aktive e zgjidhjes së sfidave psiko-sociale.

Misioni i programit

Programi ka për qëllim të edukojë dhe fuqizojë psikologët e ardhshëm përmes një kurrikule kërkimore, duke promovuar praktikën etike, të menduarit kritik dhe ndjeshmërinë kulturore. Theksi vihet te përgatitja e profesionistëve që do të kontribuojnë jo vetëm në shëndetin mendor dhe kërkimin shkencor, por edhe në zhvillimin e politikave të nivelit kombëtar e ndërkombëtar.

Çfarë ofron Masteri në Psikologji?

  • Kurse të specializuara në psikologji klinike, këshillim, psikologji zhvillimore dhe sociale
  • Një kurrikulë të përputhur me standardet EuroPsy
  • Praktika në institucione shëndetësore, shkolla, organizata joqeveritare dhe komunitete
  • Pjesëmarrje në projekte kërkimore dhe punë në terren
  • Përfshirje në aktivitete të komunitetit me fokus në shëndetin mendor

Karrierë dhe ndikim shoqëror

Diplomuarit e këtij programi janë të përgatitur për një gamë të gjerë rolesh profesionale, nga psikoterapia dhe këshillimi, deri te politika publike dhe hulumtimi shkencor. Ata do të jenë në gjendje të kryejnë vlerësime e ndërhyrje psikologjike, të hartojnë projekte kërkimore, të promovojnë shëndetin mendor në komunitet dhe të ndikojnë në hartimin e politikave sociale dhe shëndetësore.

Stafi dhe kërkimi shkencor

Fakulteti i Psikologjisë në UBT kontribuon në një kulturë të gjallë akademike dhe kërkimore, në përputhje me Strategjinë e Kërkimit 2024–2029. Programi synon zhvillimin e projekteve ndërdisiplinore, bashkëpunimet globale dhe botime shkencore, duke e vendosur Kosovën në hartën ndërkombëtare të studimeve psikologjike.

UBT bashkëpunon ngushtë me institucione shëndetësore dhe organizata të komunitetit për të zhvilluar iniciativa në shëndetin mendor, trajnime profesionale dhe konsultime. Deri në vitin 2029, Masteri në Psikologji synon të jetë:

  • Lider kombëtar në kërkimin dhe trajnimin psikologjik
  • Partner i njohur në Evropën Juglindore
  • Qendër e konferencave dhe botimeve ndërkombëtare
  • Promovues i mirëqenies psiko-sociale nëpërmjet arsimit cilësor dhe përfshirjes në komunitet

Struktura e studimeve

Programi ofron një kurrikulë të balancuar midis teorisë dhe praktikës, me lëndë të avancuara si Psikologji Klinike dhe Psikoterapi, Psikologji Kognitive, Psikopatologji, Psikometri, Etikë në Psikologji dhe përfundon me tezën e masterit dhe praktikën profesionale.

APLIKO TANI ONLINE!

Continue Reading

Aktualitet

Edhe pak vende të lira në programin e Ndërtimtarisë në UBT – I vetmi në Kosovë dhe më i kërkuari nga të rinjtë

Published

on

UBT njofton se janë ende pak vende të lira për programin Ndërtimtari dhe Infrastrukturë, programi më i madh dhe i vetmi i këtij profili në Kosovë. Aplikimet vazhdojnë online, duke i dhënë mundësi të rinjve të regjistrohen në një nga programet më të kërkuara të fakultetit të inxhinierisë.

Programi ofron një kombinim të teorisë moderne dhe praktikës së orientuar drejt tregut, me fokus në ndërtimin, menaxhimin dhe mirëmbajtjen e infrastrukturës së qëndrueshme. Studentët përfitojnë nga laboratorë të avancuar, bashkëpunime me sektorin privat dhe projekte praktike që synojnë përgatitjen e profesionistëve të gatshëm për tregun e punës.

Aplikimet mund të bëhen online në adresën: APLIKIMI ONLINE NË UBT

Continue Reading

Të kërkuara