

Lajmet nga UBT
Studentët e Juridikut në UBT-Prizren realizojnë gjykim të simuluar në kuadër të “Klinikës Ligjore”
Published
7 months agoon
By
UBTnewsNë kuadër të lëndës “Klinika Ligjore”, studentët e Fakultetit Juridik në UBT, kampusi në Prizren, nën udhëheqjen e Prof. Ass. Dr. Merita Muharremit, realizuan me sukses një gjykim të simuluar me fokus në procedurat civile. Ky aktivitet kishte për qëllim të lidhte njohuritë teorike me praktikën, duke krijuar një përvojë unike për studentët.
Gjatë simulimit, studentët trajtuan një kontest martese mbi zgjidhjen e saj, duke punuar në grupe në Gjykatoren e UBT-së në Prizren. Në këtë proces, ata interpretuan rolet e gjyqtarëve, avokatëve dhe palëve të tjera të përfshira në një gjykim civil. Aktiviteti përfshiu të gjitha fazat e procesit gjyqësor, nga paraqitja e kërkesave deri te vendimi përfundimtar, duke demonstruar profesionalizëm dhe aftësi të shkëlqyera.
Kjo iniciativë e Fakultetit Juridik të UBT-së dëshmon përkushtimin ndaj integrimit të metodave inovative të mësimdhënies, duke ndërtuar ura të fuqishme midis teorisë dhe praktikës. Përmes aktiviteteve të tilla, studentët pajisen me kompetencat dhe përgatitjen e duhur për sfidat që i presin në karrierën e tyre si profesionistë të drejtësisë.
UBT mbetet një lider në promovimin e arsimit cilësor dhe ofrimin e mundësive praktike për studentët, duke i përgatitur ata për tregun e punës dhe për të qenë liderë të suksesshëm në fushën e drejtësisë./UBTNews/
You may like
-
Studentët e Juridikut në UBT simulojnë mbledhje qeveritare për miratimin e një akti normativ – një hap më afër realitetit profesional
-
Studentet e Fakultetit Juridik të UBT-së marrin pjesë në Forumin Ndërkombëtar “Gratë, Paqja dhe Siguria” – Promovim i dijes dhe përgatitjes për sfidat e së ardhmes
-
Vizitë studimore në ARKEP me studentët e vitit të katërt të Juridikut në UBT
Aktualitet
UBT dhe AMIK nisin trajnime falas për fuqizimin e vajzave në ndërmarrësi këtë tetor
Published
7 hours agoon
August 21, 2025By
Driton Iseni
UBT, në bashkëpunim me Shoqatën e Institucioneve Mikrofinanciare të Kosovës (AMIK), hap aplikimet për serinë e trajnimeve “Inkuadrimi i Vajzave në Ndërmarrësi”, një program falas i dedikuar vajzave dhe grave të reja që synojnë të ndërtojnë ose të zhvillojnë iniciativat e tyre biznesore.
Programi parashikon katër sesione intensive, të fokusuara në njohuri praktike dhe aftësi të menjëhershme të zbatueshme në treg:
- Administrim Biznesi – 3 tetor 2025
- Aspektet Ligjore & Etika në Biznes – 6 tetor 2025
- Financat & Mbledhja e Fondeve – 10 tetor 2025
- Marketingu & Rrjetëzimi – 13 tetor 2025
Kush mund të aplikojë?
Vajza dhe gra të reja me interes për sipërmarrje, pavarësisht nëse janë në fazën e idesë apo kanë tashmë një aktivitet në zhvillim. Trajnimet vendosin theks te praktika, këshillat profesionale dhe ndërtimi i rrjetit.
Detajet logjistike
Vendet e lira: vetëm 25 për secilin trajnim
Orari: 10:00 – 16:00
Vendi: Qyteti i Mençur i UBT-së, Lipjan
Përfitime: drekë e ofruar nga UBT
Tarifa: FALAS (vendet janë të kufizuara)
Si të aplikoni?
Aplikimi bëhet online nëpërmjet formularit zyrtar:
Aktualitet
UBT, lider në arsimimin për transportin modern dhe të qëndrueshëm
Published
7 hours agoon
August 21, 2025By
Driton Iseni
Në kohën kur qytetet po rriten me ritme të shpejta dhe kërkesa për lëvizje të sigurt, të shpejtë dhe të qëndrueshme është më e madhe se kurrë, UBT ofron programin Master në Inxhinieri të Trafikut dhe Transportit, i cili përgatit profesionistët e së ardhmes në këtë fushë jetike.
Ky program përqendrohet në planifikimin, menaxhimin dhe optimizimin e sistemeve të trafikut dhe transportit, duke u ofruar studentëve njohuri të thelluara për infrastrukturën rrugore, transportin publik, logjistikën, sigurinë rrugore dhe teknologjitë inteligjente të trafikut (ITS).
Studentët kanë mundësinë të punojnë me laboratorë modernë, simulime digjitale, projekte reale dhe partneritete me institucione vendore e ndërkombëtare, duke u pajisur me aftësi praktike për të projektuar sisteme të qëndrueshme lëvizjeje.
Ekspertët e fushës theksojnë se ky program nuk ka vetëm dimension teknik, por edhe një ndikim të drejtpërdrejtë në zhvillimin ekonomik, urban dhe mjedisor të vendit. Përmes tij, profesionistët e rinj përgatiten të japin zgjidhje inovative për sfidat e trafikut dhe transportit, në përputhje me trendet globale të mobilitetit smart dhe të gjelbër.
Diploma e Masterit në Inxhinieri të Trafikut dhe Transportit hap dyert për karrierë në institucione shtetërore, kompani të transportit, agjenci infrastrukturore, kompani logjistike dhe organizata ndërkombëtare, duke ofruar një gamë të gjerë mundësish profesionale për të rinjtë që synojnë të jenë pjesë e transformimit të qyteteve dhe shoqërisë.
Aktualitet
UBT në mesin e 5 institucioneve finaliste në botë për çmimet Triple E
Published
1 day agoon
August 20, 2025By
Driton Iseni
Vetëm pesë institucione në botë janë përzgjedhur si finalistët e Triple E Awards – Universiteti i Angazhuar i Vitit (Kategoria Globale), dhe UBT është një prej tyre. Ky vlerësim e vendos UBT-në krah institucioneve më të njohura ndërkombëtare, duke treguar përkushtimin e tij ndaj arsimimit, inovacionit dhe ndikimit shoqëror në nivel global.
Përcaktimi si finalist është rezultat i viteve të përkushtimit për të integruar arsimin, kërkimin dhe ndikimin në komunitet në një model unik angazhimi që krahasohet me universitetet më të mira në botë.
Institucionet finaliste të tjera krahas UBT-së janë:
- Jönköping University – School of Engineering (Suedi)
- King Fahd University of Petroleum and Minerals (Arabia Saudite)
- McGill University – Dobson Centre for Entrepreneurship (Kanada)
- Fuzhou Melbourne Polytechnic (Australi/Kinë)
Të qëndrosh përkrah institucioneve kaq të njohura ndërkombëtare është një dëshmi e ekselencës dhe reputacionit ndërkombëtar në rritje të UBT-së. Fituesit përfundimtarë do të shpallen në ceremoninë e ndarjes së Çmimeve Triple E.
UBT është përzgjedhur në këtë finale globale kryesisht falë përkushtimit të tij të palëkundur ndaj dijes, inovacionit dhe përgjegjësisë shoqërore, të mishëruar përmes Strategjisë së Integruar të institucionit.
Me një rrjet në rritje të qendrave kërkimore – si 5G Innovation Hub, Instituti RIED, dhe Qendra Kombëtare për Monitorimin e SDG-ve në Kosovë – UBT forcon infrastrukturën kombëtare të kërkimit, nxit bashkëpunimin ndërdisiplinor dhe lidh akademinë me vendimmarrjen. Iniciativa si Pro-Academia, shërbimet falas për komunitetin dhe një program bursash i trefishuar që nga viti 2019, sigurojnë qasje, barazi dhe mobilitet shoqëror, veçanërisht për grupet e margjinalizuara.
UBT gjithashtu shfaq lidership humanitar gjatë krizave, e përfshin qëndrueshmërinë përmes Strategjisë së SDG-ve dhe Planit të Veprimit për Kampusin e Gjelbër, si dhe promovon rezistencën përmes bashkëpunimit ndërkombëtar dhe diplomacisë arsimore. Duke e transformuar kampusin e vet në një laborator të gjallë, të zgjuar, gjithëpërfshirës dhe të qëndrueshëm, UBT përfaqëson më së miri mënyrën se si arsimi i lartë mund të mobilizojë dijen për të mirën publike – me rrënjë lokale, i lidhur globalisht dhe i orientuar drejt së ardhmes.
Aktualitet
Master në Agrikulturë dhe Mjedis – Formimi i ekspertëve të zhvillimit të qëndrueshëm në Kosovë
Published
2 days agoon
August 19, 2025By
Driton Iseni
UBT ofron një mundësi për studentët e apasionuar pas agrikulturës dhe mjedisit, përmes programit të Masterit në Agrikulturë dhe Mjedis, i cili synon të krijojë ekspertë të zhvillimit të qëndrueshëm dhe menaxhimit të burimeve natyrore.
Ky program kombinohet me inovacionin teknologjik, kërkimin shkencor dhe praktikat më të mira ndërkombëtare për të përgatitur profesionistë të aftë të adresojnë sfidat e sektorit bujqësor dhe mjedisor.
Studentët e këtij programi përfitojnë njohuri të avancuara në teknologjitë moderne të bujqësisë, menaxhimin e burimeve ujore, përpunimin e tokës, mbrojtjen e biodiversitetit, si dhe përdorimin e metodave të qëndrueshme për kultivim dhe prodhim.
Përmes laboratorëve të pajisur me teknologji të lartë dhe bashkëpunimeve me institucione lokale e ndërkombëtare, ata zhvillojnë kompetenca të nevojshme për karrierë në organizata ndërkombëtare të mjedisit, kompani prodhuese ushqimore, institucione kërkimore dhe agjenci zhvillimore.
Kurrikula e programit është hartuar sipas standardeve bashkëkohore të arsimit të lartë në BE dhe ShBA dhe siguron një kombinim të fuqishëm të teorisë dhe praktikës.
Gjatë katër semestrave, studentët ndjekin lëndë themelore dhe zgjedhore, që përfshijnë: metodikën e hulumtimit shkencor, inovacionin teknologjik për sistemet bujqësore, kultivimin e avancuar të perimeve dhe pemëve, menaxhimin e sëmundjeve dhe dëmtuesve të bimëve, bletarinë e avancuar, prodhimin bimor dhe standardet e sigurisë ushqimore.
Misioni i programit është në përputhje të plotë me vizionin e UBT-së, duke nxjerrë liderë dinamikë dhe novatorë në agrokulturë me mjedis, të aftë të zhvillojnë projekte që ndikojnë në zhvillimin ekonomik, mjedisor dhe shëndetësor të rajonit.
Programi promovon mendimin kritik, qasjen shumëdisiplinore dhe ndërveprimin me sektorin privat dhe publik, duke krijuar një lidhje të drejtpërdrejtë mes njohurive akademike dhe kërkesave të tregut.
Studentët e këtij Masteri pritet të zotërojnë aftësi të avancuara në: përdorimin e teknologjive të menaxhimit të qëndrueshmërisë në fermat prodhuese, aplikimin e parimeve të mbrojtjes biologjike dhe integruese kundër dëmtuesve, analizimin e mjedisit rregullator vendor dhe ndërkombëtar, menaxhimin e fermave dhe agrokompanive, si dhe ofrimin e ekspertizës teknike për institucionet publike dhe private.
Ky program ofron mundësi praktike, bashkëpunim me partnerë ndërkombëtarë dhe projekte kërkimore, duke u përgatitur studentëve të diplomuar për rolet drejtuese në agrokulturë, mjedis, industrinë ushqimore dhe shëndetin publik.
Aplikimet për Masterin në Agrikulturë dhe Mjedis janë hapur online, duke i hapur rrugë një karriere të qëndrueshme dhe perspektive globale për të gjithë të apasionuarit pas zhvillimit të qëndrueshëm dhe inovacionit në bujqësi dhe mjedis.

Margot Robbie: Shfaqja e parë në tapetin e kuq pas lindjes së djalit

Barcelona blindon Kounden, francezi zbulon objektivat

Si ta mbani nën kontroll sheqerin në gjak? Ja disa këshilla nga dietologët

Aktori Dylan Walsh përfshihet në një aksident me makinë

Murati: Buxheti komunal për 2026 rritje e ndjeshme nga vitet paraprake

Vizita e parë ndërkombëtare e Papës do të jetë në Liban

Vrau viktimën për hakmarrje, caktohet seanca për zyrtarin policor

Mbi 144 mijë aplikime për subvencionimin e teksteve shkollore në e-Kosova

5 të vdekur mes shirave të rrëmbyeshëm në Kinë
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit