Lajmet nga UBT

Studentet e Fakultetit Juridik të UBT-së marrin pjesë në Forumin Ndërkombëtar “Gratë, Paqja dhe Siguria” – Promovim i dijes dhe përgatitjes për sfidat e së ardhmes

Published

on

Nën shoqërimin e prof. Egzone Osmanaj, prodekane në Fakultetin Juridik të UBT-së, studentet e vitit të katërt morën pjesë në Forumin Ndërkombëtar “Gratë, Paqja dhe Siguria”, i cili u organizua nga Presidentja e Republikës së Kosovës, Vjosa Osmani. Ky forum përbën një nga ngjarjet më të rëndësishme në nivel vendi dhe rajonal, me fokus në fuqizimin e rolit të gruas në procese paqësore dhe ndërtimin e sigurisë globale.

Pjesëmarrja në këtë forum i ofroi studenteve një mundësi të jashtëzakonshme për të thelluar njohuritë e tyre në një fushë të rëndësishme të së drejtës ndërkombëtare dhe të drejtave të njeriut. Gjatë diskutimeve dhe paneleve të organizuara, ato patën rastin të ndjekin nga afër fjalimet e përfaqësueseve të institucioneve të larta vendore dhe ndërkombëtare, si dhe të angazhohen në rrjete të rëndësishme profesionale me eksperte nga fusha e drejtësisë, diplomacisë dhe sigurisë.

Ky aktivitet është një dëshmi konkrete e angazhimit të UBT-së dhe Fakultetit Juridik për të përgatitur juristë të rinj të gatshëm të kontribuojnë në çështje me rëndësi globale. Përmes përfshirjes aktive në ngjarje të tilla, studentët nuk vetëm që zhvillojnë kompetenca akademike dhe praktike, por edhe ndërtojnë një vizion të gjerë për rolin që mund të kenë në zhvillimin e shoqërisë.

UBT vazhdon të mbështesë dhe inkurajojë pjesëmarrjen e studentëve në forume, konferenca dhe trajnime të niveleve të ndryshme, duke e konsideruar këtë si pjesë thelbësore të filozofisë së tij arsimore – përgatitjen e profesionistëve të dijes, të aftë për të qenë bartës të ndryshimit dhe liderë në fushën e drejtësisë dhe më gjerë.

Lajmet

Profesori i UBT-së, Shpresim Vranovci, shpallet “Menaxheri i Vitit 2026” për Evropën Juglindore

Published

on

By

Edhe një arritje e madhe ka shënuar suksesin e stafit akademik të UBT-së në arenën ndërkombëtare.

Profesori i UBT-së, njëherësh Drejtori Ekzekutiv i Asociacionit të Institucioneve Mikrofinanciare të Kosovës (AMIK), Shpresim Vranovci, është nderuar me çmimin prestigjioz “Menaxheri i Vitit 2026”

Ky vlerësim i lartë u nda gjatë një ceremonie madhështore të mbajtur në Sarajevë, të organizuar nga Agjencia Evropiane e Pavarur për Përzgjedhjen dhe Promovimin e Menaxherëve dhe Kompanive më të Suksesshme.

Çmimi, i cili iu dorëzua personalisht nga ish-presidenti i Kroacisë, Stjepan Mesić, u jepet liderëve që kanë dëshmuar rezultate të jashtëzakonshme në zhvillimin ekonomik, menaxhimin institucional dhe promovimin e praktikave më të mira profesionale.

Përtej udhëheqjes së suksesshme të AMIK-ut – ku u vlerësua për avancimin e sektorit mikrofinanciar dhe zgjerimin e përfshirjes financiare në Kosovë – prof. Vranovci luan një rol kyç në përgatitjen e brezave të rinj në UBT. Si profesor në fushat e menaxhimit, financave dhe zhvillimit ekonomik, ai sjell këtë përvojë të nivelit të lartë ndërkombëtar direkt tek studentët.

Ky çmim rikonfirmon modelin e suksesit të UBT-së, ku profesorët nuk janë vetëm teoricientë, por udhëheqës dhe praktikantë të dalluar në sektorët strategjikë të vendit dhe rajonit.

Një vlerësim për Kosovën dhe arsimin cilësor Në ceremoninë ku ishin të pranishëm përfaqësues të shumtë të bizneseve dhe institucioneve publike nga mbarë Evropa Juglindore, u nënvizua se ky çmim është një konfirmim i rëndësishëm për standardet moderne të menaxhimit që po aplikohen në Kosovë.

Për UBT-në, ky rreshtim i radhës i stafit të saj akademik në mesin e liderëve më të rëndësishëm të rajonit, dëshmon përkushtimin e vazhdueshëm të institucionit për të ofruar arsim cilësor të ndërtuar mbi ekspertizën më të lartë profesionale. Suksesi i prof. Shpresim Vranovcit tregon qartë se si ekspertiza që zhvillohet brenda UBT-së po lë gjurmë të qëndrueshme në zhvillimin ekonomik dhe institucional të mbarë rajonit. /E.A/

Foto: Rajoni press

Continue Reading

Rajoni

Ish-studenti i UBT-së, Vilson Musaj, përfundon me sukses Kursin Ndërkombëtar të Bashkëpunimit Ushtarak në Holandë

Published

on

By

Ish-studenti i UBT-së dhe oficeri i Forcës së Sigurisë së Kosovës, Major Vilson Musaj, ka shënuar një tjetër sukses në karrierën e tij profesionale, duke përfunduar me sukses Kursin Ndërkombëtar të Bashkëpunimit Ushtarak, të organizuar nga Komanda e Përbashkët e Mbrojtjes e Ministrisë së Mbrojtjes së Holandës.

Në ceremoninë përmbyllëse të kursit morën pjesë përfaqësues të lartë ushtarakë dhe diplomatikë, ndërsa Major Musaj u vlerësua për angazhimin dhe pjesëmarrjen e tij të suksesshme në këtë program ndërkombëtar profesional.

Ky sukses përfaqëson jo vetëm arritje personale për Major Vilson Musajn, por edhe një dëshmi të përgatitjes profesionale të kuadrove të dala nga UBT, të cilët vazhdojnë të kontribuojnë në institucione të rëndësishme të sigurisë dhe mbrojtjes së vendit.

Po ashtu, pjesëmarrja e tij në këtë trajnim ndërkombëtar konsiderohet një hap i rëndësishëm në forcimin e bashkëpunimit ushtarak ndërmjet Kosovës dhe Holandës, duke reflektuar zhvillimin e vazhdueshëm të partneriteteve strategjike në fushën e mbrojtjes dhe sigurisë.

Continue Reading

Lajmet

Prof. Ass. Dr. Mentor Bici përfaqëson UBT-në në trajnim ndërkombëtar në Universitetin e Valencias për teknologjitë moderne të trajtimit të ujërave

Published

on

By

Prof. Ass. Dr. Mentor Bici, profesor në Fakultetin e Shkencave të Ushqimit dhe Bioteknologjisë në UBT, mori pjesë në një trajnim ndërkombëtar shtatëditor të organizuar në Universitetin e Valencias, Spanjë, i fokusuar në metodat bashkëkohore të trajtimit të ujërave të ndotura dhe praktikat më efikase për mbrojtjen, menaxhimin dhe shfrytëzimin e qëndrueshëm të burimeve ujore.

Trajnimi është zhvilluar në një nga qendrat më të njohura evropiane për menaxhimin e ujit, ku qyteti i Valencias njihet ndërkombëtarisht për standardet e larta në ruajtjen e cilësisë dhe sigurisë së ujit të pijshëm, si dhe për zbatimin e zgjidhjeve inovative në fushën e trajtimit të ujërave.

Përmes pjesëmarrjes në këtë program, Prof. Bici ka avancuar njohuritë dhe kompetencat profesionale në teknologjitë më të reja të trajtimit të ujërave, duke krijuar mundësi për transferimin e këtyre praktikave dhe përvojave në procesin mësimor dhe kërkimor në UBT.

Ky aktivitet realizohet në kuadër të programit COST (European Cooperation in Science and Technology), i cili synon forcimin e bashkëpunimit ndërkombëtar në kërkim shkencor dhe inovacion. Në këtë kuadër, Prof. Bici ka kontribuar edhe në krijimin e urave të bashkëpunimit ndërmjet Universitetit të Valencias, UBT-së dhe universiteteve të tjera pjesëmarrëse në këtë aktivitet ndërkombëtar, duke zgjeruar rrjetin akademik dhe mundësitë për projekte të përbashkëta kërkimore në të ardhmen.

Continue Reading

Aktualitet

Profesorët e UBT-së pjesë e Konferencës Ndërkombëtare EURESTOP 2026 në Kroaci

Published

on

By

UBT u përfaqësua në Konferencën Ndërkombëtare EURESTOP 2026, e mbajtur më 25–27 qershor 2026 në Pula të Kroacisë, përmes pjesëmarrjes së dy profesorëve të institucionit, Prof. Demokrat Nuha dhe Prof. Fitim Kastrati.

Konferenca mblodhi studiues, ekspertë dhe përfaqësues të institucioneve akademike e kërkimore nga vende të ndryshme evropiane, me fokus në sfidat globale të rezistencës antimikrobike, zhvillimin e strategjive të reja diagnostikuese dhe terapeutike, si dhe forcimin e bashkëpunimit shkencor ndërkombëtar.

Në kuadër të kësaj konference, Prof. Demokrat Nuha prezantoi punimin shkencor me titull “Thiazole-Based Heterocycles in Drug Discovery: Contemporary Insights into Anticancer and Antimicrobial Activities”, i cili trajton rolin e heterocikleve të bazuara në tiazol në zbulimin e komponimeve me potencial antikancerogjen dhe antimikrobik.

Ndërkaq, Prof. Fitim Kastrati prezantoi punimin “Application of Phenotyping Methods to Assess Cold and Freezing Stress and Recovery Ability of Balkan Ramonda Species”, i fokusuar në përdorimin e metodave moderne të fenotipizimit për vlerësimin e stresit nga të ftohtit dhe ngrirja te speciet bimore të gjinisë Ramonda.

Pjesëmarrja e profesorëve të UBT-së në këtë konferencë ndërkombëtare dëshmon përkushtimin e institucionit ndaj kërkimit shkencor cilësor, ndërkombëtarizimit akademik dhe përfshirjes aktive në rrjetet evropiane të bashkëpunimit shkencor.

Continue Reading

Të kërkuara