

Lajmet
Strategjia e sigurisë së Kosovës është në fazën e draftimit
Published
4 years agoon
By
UBT newsKomisioni për Mbikëqyrjen e Financave Publike ka shqyrtuar sot raportin e auditimit të performancës “Parandalimi dhe reagimi ndaj situatave emergjente”.
Deputetët theksuan problemin me mungesën e përditësimit të dokumentit për vlerësimet nga fatkeqësitë natyre dhe të tjera në nivel vendi, që siç thuhet në raport nuk është bërë që prej vitit 2016.
Gjithashtu, u diskutua për nevojën që vendi të ketë strategjinë e sigurisë, për çka përfaqësues nga Këshilli i Sigurisë së Kosovës, deklaruan se dokumenti është në fazën e draftimit.

Shpend Tërdeva nga Këshilli i Sigurisë së Kosovës tha se me vendimin e datës 28 maj të këtij viti, strategjia është në proces të hartimit.
“Sa i përket dokumenteve strategjike, unë shkurtazi do t’ju njoftoj se ne kemi marrë pjesë dhe kemi dhënë kontributin tonë vazhdimisht, dëshiroj t’ju njoftoj si komision parlamentar që është në proces strategjia e sigurisë së Kosovës me vendimin e datës 28.05.2021, jemi në fazën e draftimit të dokumentit… Besoj që e kuptoni që është njëri prej dokumenteve më bazike për sektorin e sigurisë dhe mbetët mungesë deri në miratimin e atij dokumenti në parlament”, tha ai.
Tërdeva tha se kanë përgatitur disa dokumente strategjike ndër vite, për secilën qeveri, por ndërrimi i pushtetit ka bërë që ato të kthehen prapa dhe mos të arrijnë për miratim në Kuvendin e Kosovës.

“Në vitin 2017 kemi shkuar deri në fazën finale të kalimit të saj në Këshillin e Sigurisë, ka ra qeveria jemi kthyer prapa, qeveria më tutje është marrë prapë më të, ka kaluar në qeveri, prapë nga qeveria tjetër është kthyer prapa për shkak të prioriteteve strategjike që i kanë qeveritë për sektorin e sigurisë që secila me secilën kanë ndryshime. Qeveria e parafundit, edhe ajo e ka proceduar këtë çështje dhe ka mbërri ta kalojë në qeveri, qeveria e re e ka rikthyer t’i shqyrtojë disa çështje të natyrave sektoriale për të cilat me vendim të veçantë është në rishikim ai dokument nga zyra jonë bashkë me trupën punuese të cilën e ka emëruar qeveria e re”, tha ai.
Lidhur me këtë, kryetarja e komisionit për Mbikëqyrjen e Financave Publike, Hykmete Bajrami tha kjo çështje do të duhej të rregullohej në nivel të ekspertëve.
“Shpresoj shumë që qeveria ta sjell, nuk po e kuptoj faktikisht pse një dokument i natyrës së tillë ka pasur nevojë që prej secilës qeveri të kthehet nga fillimi, është dashur të jetë çështje e ekspertëve, unë e di që ministrat mund të japin një lexim por kontributi është i nivelit të ekspertëve”, tha ajo.
Ndërsa në përmbledhjen e raportit të Auditorit thuhet se përditësimi i dokumentit për vlerësimet nga fatkeqësitë natyrore dhe fatkeqësi të tjera në nivel vendi nuk është bërë që prej vitit 2016.

“Mospërditësimi i këtij dokumenti ka pamundësuar parashikimin e fatkeqësive dhe pasojave të mundshme nga fatkeqësitë, duke pamundësuar të bëhet vlerësimi i duhur i mbrojtjes nga rreziqet përkatëse dhe masat parandaluese për mbrojtje, shpëtim dhe ndihmë… Për vitin 2020 nuk ka të dhëna në sistem. Databaza është në funksion dhe është e qasshme vetëm brenda rrjetit qeveritar, mungesa e të dhënave mbi fatkeqësitë natyrore dhe fatkeqësitë e tjera në Kosovë paraqet problem për vlerësimet e rrezikut në të ardhmen duke mos qenë të informuar se si kanë ndodhur këto fatkeqësi”, tha deputeti i LVV, Eman Rrahmani.
Raporti i auditimit të performancës, që përfshin Agjencinë për Menaxhimin e Emergjencave, Qendrën e Situatave dhe Forcën e Sigurisë së Kosovës, është bërë për vitin 2019, 2020 dhe 2021.
Lajmet
Gjykata e Apelit redukton sërish orarin e punës për shkak të temperaturave të larta
Published
55 minutes agoon
July 22, 2025By
UBTnews
Gjykata e Apelit ka njoftuar se nga e marta, 22 korrik, do të punojë me orar të reduktuar, si pasojë e temperaturave të larta që kanë përfshirë vendin. Ky vendim është marrë në përputhje me vendimin e Këshillit Gjyqësor të Kosovës, të datës 27 qershor 2025, si dhe në bazë të paralajmërimeve të institucioneve kompetente për valë të të nxehtit ekstrem në ditët në vijim.
Në njoftimin zyrtar të publikuar nga Gjykata e Apelit thuhet se masat kanë hyrë në fuqi menjëherë, duke filluar nga sot.
“Këto masa do të rishikohen në vazhdimësi, varësisht nga kushtet klimatike dhe vlerësimi i menaxhmentit të gjykatës, në bazë të rrethanave teknike”, thuhet në njoftimin e publikuar në faqen zyrtare të Gjykatës në Facebook.
Vendimi vjen si masë mbrojtëse për të garantuar mirëqenien e stafit dhe qytetarëve në kushte të motit ekstrem.
Lajmet
Akademia Verore e Shkencave Kompjuterike në UBT – Qendër e ekselencës për inovacion, teknologji dhe bashkëpunim ndërkombëtar për një të ardhme të gjelbër digjitale
Published
1 hour agoon
July 22, 2025By
Driton Iseni
UBT u shndërrua në një pikëtakim strategjik të dijes dhe teknologjisë, përmes edicionit më madhështor të Akademisë Verore 2025, organizuar nga Fakulteti i Shkencave Kompjuterike dhe Inxhinierisë, në bashkëpunim të ngushtë me menaxhmentin dhe partnerët ndërkombëtarë. Kjo ngjarje e rangut ndërkombëtar u realizua me mbështetjen e projektit IoT-ECO dhe mblodhi në një platformë unike ekspertizën shkencore, energjinë rinore dhe bashkëpunimin ndëruniversitar, për të ndërtuar një ekosistem të qëndrueshëm të teknologjive të gjelbra dhe digjitalizimit.
Gjatë shtatë ditëve intensive në Qendrën Dukagjini – Prishtinë, programi përfshiu ligjërata të thelluara, punëtori praktike, tryeza strategjike dhe sesione demonstrative që sollën në fokus avancimet më të fundit në Internet of Things (IoT), sistemet kibernetike-fizike, infrastrukturat inteligjente, robotikën, sigurinë kibernetike dhe prototipimin virtual.
Programi i Akademisë Verore 2025 përfshiu një varg sesionesh të avancuara, ku kontribuuan profesorët e UBT-së, si dhe ekspertë e akademikë ndërkombëtarë nga universitete prestigjioze të Evropës. Këta profesionistë ofruan njohuri të thella dhe përvoja praktike rreth trendeve më të fundit në teknologji, digjitalizim dhe zhvillim të qëndrueshëm.
- Dr. Edmond Hajrizi – Opening Session: Welcome Speech and Digital Twin – UBT Smart City IoT-Eco
- Dr. Galia Marinova – IoT-ECO Project Achievement and Implementation
- Dr. Zhilbert Tafa (UBT) – Towards Smart Environmental Monitoring: Artificial Intelligence of Things (AIoT) for Air Quality Surveillance
- Kostas Berberidis, Christos Mavrokefalidis (University of Patras) – Distributed Machine Learning for IoT Applications: Challenges and Perspectives (IoT-ECO)
- Andreas Hoermer, Pasha Bekhrad (TU Graz) – Satellite IoT: Connecting the Unconnected Planet dhe Advancing Green Technology in Optical and Hybrid Networks
- Elita Hajrizi (UBT) – Hands-on Workshop: Robotics Programming Innovations at UBT Smart City
- Startup Innovation from UBT – UBT Student Startups: From Idea to Prototype – Virtual model of the UBT university campus
- Lecture from Polytechnic University of Tirana – IoT-Eco: Green Cloud IoT
- Galia Marinova, Vasil Guliashki (Technical University of Sofia) – IoT in Smart Microgrids – Monography presentation
- Dr. Pasquale Daponte, Francesco Pepe (University of Sannio, Italy) – Presentation of International activities of University of Sannio
- Manjola Zeneli, Frida Gjermeni (University “Alexander Moisiu”, Durrës) – Virtual Prototype of Port of Durrës dhe IoT in industry, academy and more
- Saranda Dreshaj (UBT) – AR/VR Integration in IoT-Enabled Urban Environments – Virtual model of UBT Smart City
- Lecture from Mediterranean University of Podgorica – PV Plants, Smart Inverters, and Electric Vehicles as IoT Cyber-Physical Entities in Modern Power Systems and Smart Grids
- Zana Limani Fazliu, Jeta Dobruna (University of Prishtina) – Green Wireless Communications
- Abian Morina, Dion Mulaj (UBT) – Cyber-Physical Systems & IoT Security
- Lecture from University of Montenegro – Virtual Prototyping for Sustainable Infrastructure – Virtual model of UoM campus
- Round Table with Partners – New courses and trainings for green transformation in the WB
- Blockchain Day with Binance Representative – Decentralized Technologies for Future Cities
- Startup Innovation – Fuqizimi i Rinisë për të Ardhmen Digjitale
Në kuadër të sesionit “Startup Innovation from UBT”, studentët e UBT u shndërruan në protagonistë të inovacionit, duke prezantuar idetë e tyre para profesorëve dhe partnerëve ndërkombëtarë. Këto prezantime ishin dëshmi konkrete e kapacitetit krijues dhe të ardhmes premtuese që po ndërtohet në UBT.
Përveç komponentëve shkencorë, akademia ofroi hapësira për diplomaci akademike, përmes round table me partnerët e projektit IoT-ECO, si dhe aktivitete kulturore e shoqërore në UBT Innovation Campus në Lipjan dhe qytete të ndryshme të Kosovës. Po ashtu, u nënshkruan memorandume mirëkuptimi me kompani dhe institucione akademike, duke zgjatur bashkëpunimin për projekte të përbashkëta të së ardhmes.
Ky edicion i Akademisë Verore dëshmoi edhe njëherë fuqinë organizative të UBT-së, nën udhëheqjen vizionare të stafit të Fakultetit të Shkencave Kompjuterike dhe Inxhinierisë dhe përkrahjen e pakursyer të menaxhmentit. UBT konfirmoi statusin e saj si një qendër lider e ekselencës akademike dhe inovacionit teknologjik në rajon dhe më gjerë.
Lajmet
Drita përballet sot me Copenhagen në Ligën e Kampionëve
Published
2 hours agoon
July 22, 2025By
UBT News
Skuadra e Dritës do të luajë sot sfidën e parë të raundit të dytë kualifikues në Ligën e Kampionëve kundër gjigantëve danezë të FC Copenhagen, ku ndeshja do të zhvillohet në “Parken Stadium” të Kopenhagës, me fillim nga ora 19:00.
Kjo është një sfidë e rëndësishme për ekipin nga Gjilani, që synon të shkruajë një kapitull të ri në historinë e saj evropiane përballë një kundërshtari me përvojë të madhe në arenën ndërkombëtare..
Për të kaluar në këtë fazë, Drita në raundin e parë e eliminoi skuadrën Differdange.
Lajmet
KFOR vendos tabela të reja paralajmëruese përgjatë kufirit Kosovë–Serbi
Published
2 hours agoon
July 22, 2025By
UBTnews
Misioni paqeruajtës i NATO-s në Kosovë, KFOR, ka nisur vendosjen e tabelave të reja paralajmëruese dhe rinovimin e atyre ekzistuese përgjatë vijës kufitare ndërmjet Kosovës dhe Serbisë. Në një njoftim, KFOR-i bëri të ditur se ky veprim ka për qëllim përmirësimin e dukshmërisë dhe uljen e rrezikut për kalime të paqëllimshme të kufirit.
“Sapo janë vendosur shenja për të paralajmëruar qytetarët se po i afrohen vijës administrative (ABL). Për shkak të terrenit malor dhe të pyllëzuar, këto tabela ndihmojnë në shënimin e qartë të zonës së operacioneve të KFOR-it, duke reduktuar mundësinë e kalimeve aksidentale”, thuhet në njoftim.
KFOR-i njofton se vendosja e këtyre tabelave do të vijojë gjatë javëve të ardhshme, si pjesë e angazhimit të tyre për të ofruar një mjedis të sigurt për të gjitha komunitetet në Kosovë.
Ky aktivitet vjen si pjesë e përkushtimit të vazhdueshëm të KFOR-it për të ruajtur paqen dhe sigurinë në rajon, në përputhje me mandatin e dhënë nga Kombet e Bashkuara.

Vdes në moshën 97-vjeçare aktori i njohur

Përmbyllet me sukses Akademia Verore në Arkitekturë dhe Planifikim Hapësinor në UBT – “Rimendimi i Hapësirës Publike”

Bakteri i rrezikshëm po përhapet në det: Infeksionet vibrio në rritje

Gjykata e Apelit redukton sërish orarin e punës për shkak të temperaturave të larta

Akademia Verore e Shkencave Kompjuterike në UBT – Qendër e ekselencës për inovacion, teknologji dhe bashkëpunim ndërkombëtar për një të ardhme të gjelbër digjitale

NASA e teston aeroplanin supersonik X-59

Drita përballet sot me Copenhagen në Ligën e Kampionëve

KFOR vendos tabela të reja paralajmëruese përgjatë kufirit Kosovë–Serbi

Ky është seriali më i shikuar në Netflix gjatë vitit 2025
Të kërkuara
-
Lajmet nga UBT1 month ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore