Lajmet

Sot seancë plenare, Hoti në dy interpelanca

Published

6 years ago

November 19, 2020

Betim Gashi

Kuvendi i Kosovës sot në orën 10:00 mban seancë plenare. Kryeministri i Kosovës, Avdullah Hoti sot do t’i ketë dy interpelanca.

Me kërkesë të deputetit Liburn Aliu, mbështetur edhe nga 6 deputetë të GP të LVV-së, do të mbahet interpelanca e Hotit për çështjen “Përfshirja dhe ndarja e liqenit të Ujmanit me Serbinë në dokumentin e zotimeve të 4 shtatorit 2020”. Interpelanca tjetër ka të bëjë me çështjen “Trajtimi i dëmshëm i temës së të pagjeturve në zotimet e 4 shtatorit, duke e kushtëzuar me personat e zhvendosur”, me kërkesë të deputetes Saranda Bogujevci, mbështetur edhe nga 6 deputetë të GP të LVV-së.

Në rend dite janë edhe disa projektligje dhe raporte vjetore:

5. Shqyrtimi i parë i Projektligjit nr. 07/L-033 për të Drejtën Ndërkombëtare Private,

6. Shqyrtimi i parë i Projektligjit nr. 07/L-027 për ndryshimin dhe plotësimin e Ligjit nr. 04/L-008 për Këshillin Ekonomiko-Social,

7. Shqyrtimi i parë i Projektligjit nr. 07/L-028 për Inspektoratin e Punës,

8. Shqyrtimi i parë i Projektligjit nr. 07/L-038 për identifikimin elektronik dhe shërbimet e besuara në transaksionet elektronike,

9. Shqyrtimi i parë i Projektligjit nr. 07/L-012 për ndryshimin dhe plotësimin e Ligjit nr.03/L-073 për zgjedhjet e përgjithshme në Republikën e Kosovës, i ndryshuar dhe plotësuar me Ligjin nr.03/L-256,

10. Shqyrtimi i Raportit të Buxhetit të Republikës së Kosovës për vitin 2019,

11. Shqyrtimi i Raportit Vjetor të Organit Shqyrtues të Prokurimit për vitin 2019,

12. Shqyrtimi i Rekomandimeve të Komisionit për Mbikëqyrjen e Financave Publike, për raportin e auditimit të Pasqyrave Vjetore Financiare të Ministrisë së Arsimit, Shkencës dhe Teknologjisë për vitin 2019,

13. Shqyrtimi i Raportit Vjetor të Komisionit Rregullator të Prokurimit Publik për vitin 2019,

14. Shqyrtimi i Raportit Vjetor të performancës së Zyrës Kombëtare të Auditimit për vitin 2019,

15. Shqyrtimi i Raportit Vjetor të Agjencisë së Statistikave të Kosovës për vitin 2019,

16. Formimi i Komisionit Ad-Hoc për përzgjedhjen e kandidatëve për dy (2) anëtarë të Komisionit të Pavarur të Mediave, nga radhët e komunitetit shqiptar./UBTNews

Lajmet

Dy të dyshuar për “Vrasje në tentativë” dorëzohen në polici, njëri me pistoletë në dorë

Published

2 minutes ago

August 21, 2026

UBT News

Sipas raportit të Policisë së Kosovës, dy persona të dyshuar janë vetëdorëzuar në polici lidhur me një rast të “Vrasjes në tentativë” të raportuar më 9 gusht në sheshin “Isa Boletini” në Mitrovicë.

Vetëdorëzimi i tyre është bërë më 20 gusht, ndërsa njëri prej të dyshuarve ka dorëzuar edhe një pistoletë, e cila dyshohet se është përdorur në rast.

Pas intervistimit, me vendim të prokurorit, të dy të dyshuarit janë dërguar në mbajtje./A.K/

Lajmet

Plagoset një grua nga plumbi qorr në Lipjan, dërgohet në QKUK

Published

4 minutes ago

August 21, 2026

UBTNews

Një grua është plagosur nga një plumb qorr mbrëmjen e së enjtes në Lipjan.

Sipas raportit 24-orësh të Policisë së Kosovës, ngjarja ka ndodhur rreth orës 21:00, ku e dëmtuara është qëlluar në trup.

Për shkak të lëndimeve të marra, ajo është dërguar menjëherë për tretman mjekësor në Qendrën Klinike Universitare të Kosovës (QKUK).

Policia e ka cilësuar rastin si “Shkaktim i rrezikut të përgjithshëm” dhe po punon për zbardhjen e plotë të ngjarjes. /E.A/

Lajmet

Të shtëna me armë para një lokali në Prishtinë

Published

10 minutes ago

August 21, 2026

UBTNews

Policia e Kosovës ka nisur hetimet për një rast të përdorimit të armës, i cili ka ndodhur mesnatën e së enjtes në Prishtinë.

Sipas raportit 24-orësh të policisë, një grua ka njoftuar se një burrë i panjohur ka shtënë tre herë me armë zjarri në ajër përballë lokalit të saj dhe më pas është larguar me shpejtësi.

Njësitet policore kanë dalë në vendngjarje, ku kanë gjetur dhe sekuestruar tri gëzhoja. Rasti po hetohet nga organet e rendit./E.A/

Lajmet

KURIOZITETET E DITËS

Published

16 minutes ago

August 21, 2026

UBT News

Lexoni pesë kuriozitete. Mund të mos i keni ditur:

Peshqit formojnë radhë të rregullta në raste urgjence. Kur evakuohen nëpër hapësira të ngushta në situata të dyshimta, tufa peshqish rreshtohen në mënyrë që të mos përplasen ose të mos bllokojnë vijën. Shkencëtarët e interpretuan këtë sjellje si një tregues se peshqit mund të respektojnë rregullat shoqërore edhe në situata emergjente, ndryshe nga ne njerëzit.

Ka më shumë qeliza bakteriale në trupin tuaj sesa qeliza njerëzore. Njeriu mesatar ka rreth 56 për qind baktere. Kjo u zbulua në një studim të vitit 2016 dhe është shumë më pak se vlerësimet e mëparshme prej 90 për qind. Megjithatë, meqenëse bakteret janë kaq të lehta në peshë, çdo person është mbi 99.7 për qind njeri.

Shumica e maceve ngjyrë xhenxhefili janë meshkuj. Ka afërsisht tre mace ngjyrë xhenxhefili meshkuj për një femër ngjyrë xhenxhefili. Kjo ndodh sepse gjeni i xhenxhefilit gjendet në kromozomin X, që do të thotë se macet femra do të kishin nevojë për dy kopje të gjenit për t’u bërë ngjyrë xhenxhefili, ndërsa meshkujt kanë nevojë vetëm për një.

Thonjtë tuaj rriten më shpejt në verën e nxehtë. Kjo ndoshta për shkak të rritjes së furnizimit me gjak në majat e gishtave. Mund të jetë gjithashtu sepse jeni më pak të stresuar gjatë pushimeve, kështu që ka më pak gjasa t’i përtypni.

Trekëndëshi i Bermudës nuk është më i rrezikshëm se çdo rrugë tjetër oqeanike e ngarkuar. Misteri i kësaj pjese deti fitoi status legjendar në shekullin e 20-të, por numri i incidenteve në Trekëndëshin e Bermudës nuk është dukshëm më i lartë se në çdo pjesë tjetër të oqeanit.