Kulturë

“Sot është e vështirë të më duash” – Shkrim nga Gabriel Garcia Marquez

Published

4 years ago

on

“Dikur mund të ishte diçka e bukur të më doje. Isha e ëmbël. Besoja tek premtimet, tek fjalët. Justifikoja gjithçka, edhe të keqen që e ndieja dhe nuk e pranoja. Merrja përsipër fajin, edhe pse nuk e kuptoja. Vetëm për të mos e humbur atë që doja mbështesja çdo mangësi, edhe kur mungoja vetë dhe nuk dije ku të më gjeje. Përqafoja pa kërkuar gjë në këmbim. Isha e pambrojtur. Isha e gatshme për të më mbrojtur, por mundet edhe të më shkatërroje.

Sot është e vështirë të më duash, të më qëndrosh pranë. Të respektosh hapësirat e mia, të kuptosh heshtjet e mia, pavarësinë time, nevojën time për të jetuar dhe për të ndërtuar diçka duke përdorur forcat e mia. Unë që për ekuilibrin tim kam kërkuar, kam vuajtur dhe e kam gjetur, jam gati t’i ulëras të tashmes çdo ditë. Unë që besoja tek dashuria më tepër se dje. Dashurisë që nuk ka lidhje me thërrimet, me arrogancën, me mungesën, me tradhëtinë.

Sot është e vështirë ta duash femrën në të cilën jam shndërruar.  Pas ëndrrave të shkatërruara, krahëve tëthyer, buzëve të thara. Sot jam e sigurtë në duart që dua të shtrëngoj dhe në sytë që nuk dua më t’i shoh. Është e vështirë, ndoshta e pamundur. Sigurisht është e rrallë të gjesh dikë që të na dojë përtej vetes sonë, atje ku ne shtiremi si të fortë. Ndërkohë që lutemi për përqafime nga ata që na duan dhe që na mendojnëtë thyeshëm dhe joperfektë. Unë ndoshta nuk di shumë për dashurinë. As nuk mund t’i mësoj të tjerët për të. Por di se ka të bëjë me respektin dhe me zgjedhjet që nuk e kufizojnë dikë, por i plotësojnë të dy nëçift.

I detyrohem gjithçka vajzës së dikurshme, mbi të gjitha falje. Kurse vajzës së sotme i detyrohem njërikujtesë: “Kujtohu për krahët e tua. Kujtohu për veten”.

Për dashurinë, për atë që unë njoh”. – Gabriel Garcia Marquez/bota.al

Related Topics:
Continue Reading

Lajmet nga UBT

UBT shënon International Jazz Day me koncert artistik në Parkun Shkencor

Published

3 days ago

on

April 30, 2026

By

Me rastin e International Jazz Day, në Parkun Shkencor, Inovativ dhe Teknologjik të UBT-së u organizua një koncert i veçantë në UBT Concert Hall, duke sjellë një atmosferë artistike dhe një përvojë unike për studentët dhe dashamirësit e muzikës.

Ky aktivitet u realizua nga klasa e profesorit Dukagjin Muhaxheri, duke vënë në pah talentin dhe përkushtimin e studentëve në interpretimin e veprave të njohura dhe improvizimeve jazz. Programi i koncertit përfshiu performanca të ndryshme, ku Ledian Shala interpretoi në piano solo vepra të Chopin dhe improvizime, Sunaj Qerimi solli “Summertime” në klarinetë dhe piano, ndërsa Leon Shehu performoi “Habanera” për flautë dhe bend.

Në vazhdim, profesori Dukagjin Muhaxheri u prezantua me “Tico Tico” në saksofon, i shoqëruar nga bendi, ndërsa pjesa përmbyllëse përfshiu performanca të përbashkëta si “Caravan” dhe “Mo Better Blues”, të interpretuara nga Bendi i UBT-së me pjesëmarrjen e studentëve Shend Xhini, Rinor Hysemi, Sunaj Qerimi, Ledian Shala dhe vetë profesori Muhaxheri.

Ky koncert është një dëshmi e qartë e angazhimit të UBT-së për të promovuar artin dhe kulturën brenda komunitetit akademik, duke u ofruar studentëve hapësira konkrete për të shfaqur talentin e tyre dhe për të zhvilluar aftësitë profesionale në skenë.

Përmes programeve të tij në fushën e muzikës dhe arteve, UBT vazhdon të ndërthurë teorinë me praktikën, duke organizuar aktivitete të rregullta si koncerte, performanca live dhe projekte artistike që i përgatisin studentët për sfidat reale të industrisë kreative.

Ngjarje të tilla jo vetëm që pasurojnë jetën studentore, por gjithashtu dëshmojnë përkushtimin e UBT-së për të krijuar një mjedis dinamik, inovativ dhe ndërdisiplinor, ku talenti zhvillohet dhe promovohet në mënyrë të vazhdueshme.

Continue Reading

Kulturë

30 prilli shënon Ditën Ndërkombëtare të Xhazit

Published

4 days ago

on

April 30, 2026

By

Sot në mbarë botën shënohet Dita Ndërkombëtare e Xhazit, një ngjarje globale që kremton fuqinë e muzikës për të bashkuar njerëzit dhe kulturat.

E shpallur nga UNESCO, kjo ditë i kushtohet një prej zhanreve më me ndikim në historinë e muzikës moderne. Xhazi, i lindur në fillim të shekullit 20-të, është bërë simbol i lirisë artistike, improvizimit dhe dialogut kulturor.

Përmes koncerteve, aktiviteteve edukative dhe performancave të ndryshme, artistë dhe institucione në mbarë botën e shënojnë këtë ditë, duke promovuar diversitetin kulturor dhe bashkëpunimin ndërkombëtar.

Dita Ndërkombëtare e Xhazit synon gjithashtu të rrisë ndërgjegjësimin për rolin e muzikës në ndërtimin e paqes dhe mirëkuptimit mes popujve, duke e kthyer xhazin në një gjuhë universale që tejkalon kufijtë.

Continue Reading

Kulturë

Baleti Kombëtar i Kosovës shënon premierën e parë për vitin 2026

Published

4 days ago

on

April 30, 2026

By

Baleti Kombëtar i Kosovës ka dhënë premierën e parë për vitin 2026, duke sjellë para publikut një mbrëmje artistike me dy shfaqje koreografike, në kuadër të Ditës Botërore të Baletit.

Programi përfshiu veprën “We Will Never Give Up on Love”, me koreografi nga Erion Kruja, si dhe shfaqjen “Bletë”, me koreografi nga Clébio Oliveira.

Kjo mbrëmje u karakterizua nga një ndërthurje e stileve bashkëkohore dhe ekspresivitetit skenik, duke sjellë reflektime mbi temat e dashurisë, qëndrueshmërisë dhe jetës kolektive. Premiera shënon hapjen e sezonit artistik të këtij institucioni për vitin 2026.

Continue Reading

Lajmet

Filharmonia e Kosovës sjell në Prishtinë Kuartetin Harkor të Filharmonisë së Krakovës

Published

4 days ago

on

April 30, 2026

By

Një mbrëmje e veçantë që vjen në bashkëpunim me Konsullatën e Kosovës në Varshavë, Filharmonia e Kosovës sjell në Prishtinë Kuartetin Harkor të Filharmonisë së Krakovës – një ansambël që mishëron traditën e shkëlqyer polake të muzikës së dhomës dhe finesën e interpretimit evropian.
Më 5 maj 2026, në Hollin e Bibliotekës Kombëtare “Pjetër Bogdani”, katër muzikantë të shquar të Filharmonisë së Krakovës – Joanna Konarzewska, Zuzanna Frankiewicz, Jan Czyżewski dhe Martyna Sołtys do të interpretojnë dy kryevepra të muzikës polake për kuartet harkor: Kuartetin Harkor Nr. 3 të Grażyna Bacewicz dhe Kuartetin Harkor Nr. 2, Op. 42 të Władysław Żeleński.
Në këtë program takohen energjia moderne dhe forca ekspresive e Bacewicz me lirizmin romantik dhe finesën kompozicionale të Żeleński-t, duke krijuar një udhëtim artistik përmes identitetit muzikor polak. Për publikun e Prishtinës, kjo mbrëmje është një mundësi e rrallë për të përjetuar nga afër interpretimin e një ansambli që përfaqëson një prej institucioneve më të rëndësishme muzikore të Evropës Qendrore.
Ky koncert është më shumë se një paraqitje artistike  është një takim kulturash, një dialog përmes tingullit dhe një dëshmi e fuqisë së muzikës për të ndërtuar ura ndërmjet vendeve.

Continue Reading

Të kërkuara