Lajmet

Sot debati i parë dhe i vetëm mes kandidatëve për nënpresident në SHBA

Published

on

Të martën, demokrati Tim Walz dhe republikani JD Vance do të përballen në debatin e parë dhe të vetëm për nënpresident, një mundësi e rëndësishme për secilin të forcojë mesazhet e fushatës, teksa zgjedhjet e 5 nëntorit afrohen. Ky debat pritet të jetë një ngjarje kyçe në fushatën zgjedhore, duke ndodhur në një kohë kur votimet e hershme kanë filluar në disa shtete dhe anketat tregojnë një garë të ngushtë.

Debati, që do të transmetohet në rrjetin CBS News, do të zgjasë 90 minuta dhe do të zhvillohet në Nju Jork. Ky është debati i tretë i zgjedhjeve presidenciale, pas përballjeve të kandidatëve për president, Joe Biden dhe Donald Trump, dhe mes Kamala Harris dhe Donald Trump.

Senatori republikan JD Vance ka përgatitur një strategji të qartë për debatin, me fokus në përmirësimin e ekonomisë gjatë administratës Trump dhe sfidat që ka sjellë aktualja administratë e Bidenit. Tom Emmer, një ligjvënës republikan, ka ndihmuar Vance-n të përgatitet, duke theksuar se ai do të mbajë Walz-in përgjegjës për çështjet që janë shumë të rëndësishme për votuesit.

Nga ana tjetër, guvernatori demokrat Tim Walz synon të theksojë rëndësinë e votimeve dhe të trajtojë tema të tilla si e drejta për riprodhim. Sipas ekspertëve, kjo temë do të jetë një nga pikat e forta të Walz-it, i cili do të përpiqet të ushtrojë trysni mbi Vance për të sqaruar qëndrimet e tij mbi abortin dhe politikat e tjera të rëndësishme.

Edhe pse historikisht debatet e kandidatëve për nënpresident nuk kanë pasur ndikim të madh, kjo herë situata mund të jetë ndryshe. Alan Schroeder, një ekspert për debatet presidenciale, sugjeron se ky debat do të ofrojë një mundësi për kandidatët të japin qëndrim të qartë mbi çështje kyçe dhe të tregojnë se si ata janë të ndryshëm nga kundërshtarët e tyre. Me rreth gjysmën e votuesve të regjistruar që kanë një pikëpamje jo të favorshme për Vance, ai ka një sfidë për të rritur mbështetje në këtë periudhë të fundit të fushatës. Ndërkohë, Walz përballet me kritika për shërbimin e tij në ushtri dhe politikat e tij në Minesotë.

Gara presidenciale e vitit 2024 po shkon drejt një përfundimi të ngushtë, ku çdo moment viral mund të ndikojë në rezultatin. Me vetëm pesë javë deri në zgjedhje, ky debat mund të jetë një mundësi e artë për të dy kandidatët për të arritur tek votuesit dhe për të bërë një përshtypje të fortë. Me përgatitjet e përfundimtare në vend, të dy kandidatët janë të gatshëm për të dhënë maksimumin e tyre në këtë debat historik, duke pritur që secili prej tyre të shfrytëzojë këtë mundësi për të forcuar pozitat e tyre në garën e ngushtë për Shtëpinë e Bardhë./VOA/

Lajmet

​Lëndohet ylli tjetër i Arsenalit

Published

on

Martin Odegaard i Arsenalit është larguar nga skuadra e Norvegjisë për shkak të lëndimit të ligamentit të gjurit.

Odegaard pësoi një dëmtim gjatë fitores 2-0 të skuadrës së tij në Premier League kundër Ëest Ham United të shtunën, dhe megjithëse u përpoq të vazhdonte, ai u zëvendësua përfundimisht nga Martin Zubimendi pas 30 minutash.

26-vjeçari do të humbasë ndeshjen kualifikuese të Norvegjisë për Kupën e Botës 2026 kundër Izraelit të shtunën si dhe ndeshjen miqësore kundër Zelandës së Re më 14 tetor.

Në një deklaratë, Arsenali tha se Odegaard kishte pësuar një dëmtim të ligamentit medial kolateral në gjurin e majtë.

“Martin do të vazhdojë të vlerësohet dhe trajtohet nga ekipi ynë mjekësor gjatë pauzës së ndeshjeve ndërkombëtare, me qëllim rikthimin në aksion sa më shpejt të jetë e mundur,” tha ai.

Sezoni i Odegaard është ndikuar shumë nga dëmtimet, me mesfushorin që ka dëmtuar shpatullën kundër Leeds United në gusht dhe pësoi një përsëritje të atij dëmtimi kundër Nottingham Forest muajin e kaluar./S.K/KP/

Continue Reading

Lajmet

10 mijë euro ilegalisht në Vërmicë, dogana jep detaje

Published

on

By

Në Vermicë, gjatë një kontrolli të detajuar ndaj një automjeti që po hynte në Kosovë, një udhëtar deklaroi se nuk posedonte mjete monetare për deklarim, megjithëse, ndaj të njëjtit u gjetën dhe u konfiskuan mbi 10 mijë euro.

Në përputhje me legjislacionin në fuqi, Dogana e Kosovës ka ndërmarrë masat e parapara ligjore, ku është konfiskuar 25% e shumës së padeklaruar, ndërsa pjesa tjetër e mjeteve është ndaluar përkohësisht, deri në përfundimin e procedurave të mëtejshme.

Dogana e Kosovës rithekson rëndësinë e respektimit të obligimeve ligjore nga të gjithë qytetarët dhe udhëtarët që kalojnë përmes pikave kufitare, duke rikujtuar se çdo shumë mbi 10,000 euro, e bartur në hyrje apo dalje nga territori i vendit, duhet të deklarohet paraprakisht pranë zyrtarëve doganorë”, thuhet tutje në njoftimin e Doganës./D.B/EO

Continue Reading

Lajmet

Derbi i madh i Superligës zhvillohet sot

Published

on

Xhiro e tetë e Superligës së Kosovës në futboll do të mbyllet sot me ballafaqimin ndërmjet Gjilanit dhe Dritës.

Edhe pse renditja tabelare e të dy skuadrave lë shumë për të dëshiruar në këtë fillim sezoni, ky derbi gjithmonë ofron emocione të forta dhe interesim të madh për ta ndjekur.

Drita, skuadër kampione në fuqi pas shtatë ndeshjeve ka mbledhur vetëm tetë pikë dhe renditet në vendin e tetë në tabelë.

Nga ana tjetër, Gjilani e ka nisur në mënyrë katastrofale këtë edicion pasi kanë mbledhur vetëm shtatë pikë nga shtatë ndeshjet e zhvilluara dhe janë të fundit në renditjen tabelare, pra në vendin e dhjetë.

Ndeshja zhvillohet nga ora 15:00./S.K/KP/

Continue Reading

Lajmet

Kurti: Arsimi është prioritet i Qeverisë, i kemi shtuar 22 inspektorë të rinj të arsimit

Published

on

By

Kryeministri në detyrë i Republikës së Kosovës, Albin Kurti, ka marrë pjesë sot në punëtorinë njëditore të organizuar nga Inspektorati i Arsimit me temën “Praktikat e mira për inspektim efektiv”, ku ka theksuar rëndësinë që Qeveria i jep arsimit dhe forcimit të kapaciteteve institucionale në këtë fushë.

Në fjalën e tij para inspektorëve të arsimit, Kurti ka vlerësuar përpjekjet dhe angazhimin e tyre, duke rikujtuar sfidat me të cilat është përballur ky institucion ndër vite. Ai tha se për një periudhë të gjatë, Inspektorati ka funksionuar me vetëm 25 inspektorë, një numër që, sipas tij, nuk përkon me nevojat reale të sistemit arsimor në vend.

Jemi këtu së bashku për të vlerësuar përpjekjet për ngritjen e cilësisë në arsim edhe për të rikonfirmuar që arsimimi dhe edukimi i brezave të rinj është prioritet i qeverisë tonë. Kujtojmë se për një periudhë të gjatë kohore Inspektorati i Arsimit ka funksionuar me vetëm 25 inspektorë. Një numër që nuk përkon as afër me institucionet arsimore, kopshteve, çerdheve – nuk përkon me barrën që ka ky institucion. Edhe përballë këtij realiteti sfidues, me përkushtim ju keni mbajtur funksionin e njërit prej mekanizmave më të rëndësishëm të sistemit arsimor, e për këtë ju shpreh vlerësimin dhe mirënjohjen time”, theksoi Kurti.

Ai bëri të ditur se si rezultat i angazhimit të Qeverisë dhe Ministrisë së Arsimit, janë shtuar 22 inspektorë të rinj, të cilët do të forcojnë më tej praninë dhe mbështetjen në terren për institucionet arsimore në vend.

Përpjekjet e qeverisë sonë dhe MAShT për forcimin e kapaciteteve të Inspektoratit Arsimor nuk janë ndalur asnjëherë. Si rezultat i këtij angazhimi kemi shtuar 22 inspektorë të rinj që do t’i japin sistemit tonë arsimor më shumë mbështetje dhe prani në terren”, deklaroi Kryeministri në detyrë.

Ai shtoi se investimet në arsim kanë qenë të vazhdueshme dhe të orientuara drejt përmirësimit të kushteve për mësimdhënie dhe mësimnxënie: nga ndërtimi dhe renovimi i shkollave me infrastrukturë moderne, pajisje bashkëkohore, e deri te zhvillimi profesional i mësimdhënësve.

Të gjitha këto investime janë në favor edhe të juve si Inspektorat. Sa më i fortë të jetë themeli i sistemit arsimor, aq më e lehtë bëhet puna e inspektimit dhe aq më pak ndërhyrje do të jenë të nevojshme”, përfundoi Kurti./D.B/EO

Continue Reading

Të kërkuara