Kulturë

Snjale shqetësuese për të ardhmen e lidhjes

Published

5 years ago

on

Mund të thuhet se dashuria tejkalon gjithçka dhe sigurisht që është e vërtet, por kaq s’mjafton. Nëse bindjet dhe parimet nuk i keni të ngjashme, është humbje kohe të provoni sepse herët apo vonë, do të lindin sherret dhe për pasojë do të filloni të lodheni.

Sigurisht që ka çifte që ia dalin pavarësisht këtyre dallimeve, por edhe në këto raste është meritë dhe një përpjekje të dyanshme për t’iu përshtatur njëri-tjetrit.

Përgjithësisht, këto katër aspekte që kanë të bëjnë me mënyrën si e perceptoni botën dhe si e krijoni jetën tuaj, janë vendimtare për një lidhje më të gjatë:

Bindjet fetare

Vërtet feja mund të mos përmendet fare në takimet e para, por nëse keni bindje të ndryshme përsa i përket besimit, herët apo vonë, përplasjet do të vijnë. Nëse ti je ateiste dhe partneri besimtar i përkushtuar, sigurisht që do ta keni shumë të vështirë. Kur ti në thelb i kundërvihesh konceptit të Zotit kurse tjetri e ka shumë të shenjtë, mund të bëheni më thjesht armiq se të dashur.

Rritja

Mendoni pak miqtë tuaj më të mirë: a nuk janë përgjithësisht të rritur në rrethana të ngjashme me tuajat? Për dy njerëz që kanë të kaluar krejtësisht të ndryshme, si përshembull ti je rritur mes gjithë të mirave kurse partnerit i është dashur të punojë që 15 vjeç, është e natyrshme të mos keni të njëjtën qasje ndaj jetës.

Në këtë rast, është ajo që thuhet “dashuria na mbajti” nëse ia dilni vërtet për një kohë të gjatë.

Financat

Një ndër pikat më konfliktuale për çiftet ështe çështja e financave, dhe këtë e vërtetojnë shumë studime. Mënyra si e shpenzon, si e menaxhon, të ardhurat që merr secili dhe mënyra si i fiton, lënë gjithmonë vend për debate, madje edhe nga ato të mëdha. Nëse ai është një menaxhues shumë i mirë i parasë, ndërsa ti vetëm blen edhe kur mezi të dalin paratë në fund të muajit, do të jetë shumë e vështirë që të mendoni për diçka më shumë sesa një lidhje e shkurtër.

Burimi: Pop Sugar

Related Topics:
Continue Reading

Lajmet

Kosova për herë të parë në ekspozitën e UIA-së në Barcelonë, prezantohet arkitektura kosovare në skenën globale

Published

10 hours ago

on

June 30, 2026

By

Kosova po merr pjesë për herë të parë në Ekspozitën e Seksioneve Anëtare të UIA-së (UIA Member Sections Exhibition), e cila po mbahet në kuadër të Kongresit Botëror të Arkitektëve UIA 2026 në Barcelonë.

Vendi po përfaqësohet nga Asociacioni i Arkitektëve të Kosovës, në një ekspozitë ndërkombëtare ku marrin pjesë 55 shtete nga 121 shtete anëtare të UIA-së. Kjo pjesëmarrje vlerësohet si një hap i rëndësishëm për promovimin e arkitekturës kosovare dhe forcimin e pranisë së saj në arenën ndërkombëtare.

Sipas organizatorëve, prezantimi i Kosovës në këtë forum prestigjioz përbën një moment të rëndësishëm për afirmimin e arkitekturës vendore, si dhe për thellimin e bashkëpunimit profesional, shkëmbimin e përvojave dhe integrimin në rrjetin global të arkitekturës./A.K/

Continue Reading

Lajmet

Prishtina organizon ngjarje për 250-vjetorin e SHBA-së, theksohet partneriteti Kosovë–SHBA

Published

13 hours ago

on

June 30, 2026

By

Kryetari i Komunës së Prishtinës, Përparim Rama, ka njoftuar organizimin e një ngjarjeje të veçantë nën patronatin e Kryeqytetit me rastin e 250-vjetorit të pavarësisë së Shteteve të Bashkuara të Amerikës.

Ngjarja, me titull “America and Kosova – A Freedom Story for the Next 250 Years”, do të mbahet më 2 korrik, duke filluar nga ora 10:00, në Emerald në Prishtinë.

Sipas Ramës, aktiviteti synon të vërë në pah partneritetin e veçantë ndërmjet Kosovës dhe SHBA-së, si dhe të trajtojë historinë e lirisë dhe miqësisë mes dy vendeve.

Ai ka theksuar se kjo ngjarje do të fokusohet në bashkëpunimin e vazhdueshëm që, sipas tij, ka kontribuar në ndërtimin e së ardhmes dhe forcimin e marrëdhënieve ndërmjet dy shteteve./A.K/

Continue Reading

Lajmet

Bogujevci viziton ekspozitën “Sy më Sy”, vlerëson rëndësinë e ruajtjes së kujtesës së të mbijetuarve të dhunës seksuale

Published

14 hours ago

on

June 30, 2026

By

Ministrja e Kulturës, Rinisë dhe Sportit, Saranda Bogujevci, vizitoi ekspozitën “Sy më Sy”, ku u prit nga drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti.

Gjatë vizitës u diskutua për rëndësinë e dokumentimit dhe ruajtjes së kujtesës së të mbijetuarve të dhunës seksuale gjatë luftës në Kosovë. Përmes dëshmive që sjell, ekspozita “Sy më Sy” synon të ruajë kujtesën kolektive dhe të fuqizojë përpjekjet për drejtësi, duke vendosur në qendër historitë e guximit, qëndresës dhe dinjitetit të të mbijetuarve.

Ministrja Bogujevci shprehu mirënjohjen e saj për punën shumëvjeçare të Qendrës Kosovare për Rehabilitimin e të Mbijetuarve të Torturës dhe të Feride Rushitit, duke vlerësuar angazhimin e tyre të vazhdueshëm në mbështetjen e të mbijetuarve dhe në ruajtjen e dëshmive që dokumentojnë një nga kapitujt më të dhimbshëm të historisë së Kosovës./A.K/

Continue Reading

Lajmet

Filmi “Dua” i Blerta Bashollit prezantohet sonte në festival ndërkombëtar

Published

1 day ago

on

June 29, 2026

By

Filmi artistik me metrazh të gjatë “Dua”, me skenar dhe regji të regjisores kosovare Blerta Basholli, do të prezantohet sonte në orën 20:30 në kuadër të një festivali ndërkombëtar të filmit, ku marrin pjesë produksione nga e gjithë bota.

Filmi ka tërhequr vëmendjen e skenës ndërkombëtare pasi është vlerësuar me Çmimin SACD Semaine de la Critique – Cannes 2026.

Sipas njoftimit zyrtar, pas prezantimit në festival, “Dua” pritet të nisë së shpejti edhe shfaqjet në kinema.

I vendosur në Kosovën e viteve ’90, filmi trajton sfidat me të cilat u përball populli shqiptar gjatë asaj periudhe, përmes rrëfimit të protagonistes kryesore, Dua, e interpretuar nga aktorja Pinea Matoshi./A.K/

Continue Reading

Të kërkuara