

Aktualitet
Simovski: Në Maqedoni të Veriut ka pasur ndikim të madh politik në regjistrimin e popullsisë
Po ashtu, u theksua se nga ky proces do të nxjerrën shumë të dhëna, që përcaktojnë politikat e së ardhmes.
Published
2 years agoon
By
UBT newsKa vijuar dita e dytë e Javës së Regjistrimit të Popullsisë, fushatë kjo e projektit nacional që do të organizohet vitin e ardhshëm.
Gjatë së mërkurës janë ndarë përvojat e organizimit të këtij procesi nga Maqedonia e Veriut, ku u tha se nuk duhet të lejohet ndikimi politik në regjistrimin e popullsisë. Po ashtu, u theksua se nga ky proces do të nxjerrën shumë të dhëna, që përcaktojnë politikat e së ardhmes.
Drejtori i Entit të Statistikave të Maqedonisë së Veriut, Apostol Simovski tha se vendet e Ballkanit Perëndimor po humbin popullatën e re, për shkak të migrimeve. Sipas tij, nevojitet një fotografi e qartë që të merren masat e nevojshme.
“Censusi mund të na tregojë fotografinë e qartë dhe kjo është gjëja thelbësore. Na duhet një fotografi e qartë, jo vetëm një fotografi, e cila mund të bëjmë disa intervenime, por na duhet një fotografi e qartë që të krijojmë politika më të mira për zhvillim. Kjo është gjëja thelbësore dhe duhet që ta kuptojmë këtë. Nëse nuk e kuptojmë këtë, atëherë mos e bëni regjistrimin. Ky është rekomandimi im. Pra, ne kemi qenë në atë situatë, nuk kemi pasur të dhëna për 20 vjet dhe na është dashur regjistrimi. Fatkeqësisht në atë periudhë kohore kemi pasur situatë mjaft të keqe politike, por edhe kemi pasur edhe pjesën e COVID-it. E kemi bërë censusin në mes të situatës me COVID dhe me situatë mjaft të keqe politike. Ka pasur ndikim të madh politik”, ka deklaruar ai.
Po ashtu, Simovski shtoi se për këtë proces duhen përgatitje dhe reforma që të fillohet faza e regjistrimit të popullsisë. Sipas tij, planifikimet për të ardhmen duhet të bazohen në të dhënat që mblidhen nga regjistrimi.
“Po ashtu kemi vendosur që të mos përdorim letrën. Jemi në shekullin 21, komponentët e teknologjisë informative janë rritur shumë, ka shumë mundësi të ndryshme që të mos e përdorim letrën. Që do të thotë, punë shumë më e lehtë dhe më e lirë”, ka shtuar ai.
Relevanca, paanshmëria, objektiviteti, e besueshmëria, janë disa nga parimet që ka përmendur zëvendëskryeshefi ekzekutiv i ASK-së, Ilir Berisha, mbi të cilat duhet të organizohet procesi i regjistrimit të popullsisë.
“Sistemi statistikor, në bazë të misionit, do tu ofrojë institucioneve qeveritare, komuniteteve dhe institucioneve kërkimore-akademike, komunitetit ndërkombëtar, komunitetit të bizneseve, shoqërisë civile dhe publikut të gjerë, informata cilësore dhe statistikore. Ky mision i sistemit statistikor është obligim ligjor bazuar në ligjin 04/L-036 për Statistikat Zyrtare të Republikës së Kosovës. Në nenin 3 të Ligjit të Sistemit të Statistikave Zyrtare janë të përcaktuara parimet themelore të statistikave zyrtare”, u shpreh ai.
Ramije Topxhiu Mustafa nga Këshilli Statistikor i Kosovës, ka folur për regjistrimin dhe nevojat për të dhënat e freskëta.
“Ka shumë të dhëna që dalin nga regjistrimi i popullsisë dhe aq janë të rëndësishme, sa që është sfidë çfarë të zgjedhësh dhe çka të propozohet në këtë konferencë. Unë jam fokusuar në disa aspekte, në disa ndikime të të dhënave të regjistrimit të popullsisë. Unë jam fokusuar vetëm në çështje të cilat kanë ndikim në ekonomi, në shoqëri, mandej në ndikimin e tyre në të drejtat e njeriut, mandej në ndikimin e tyre në fushën e ambientit dhe në ndikimin e tyre në çështjet gjinore”, ka thënë Mustafa.
Regjistrimi i popullsisë në Kosovë do të organizohet vitin e ardhshëm, nga data 1 shtator deri më 16 tetor./KP
Bota
Trump: Irani dëshiron bisedime të drejtpërdrejta me SHBA-në
Published
7 minutes agoon
April 4, 2025By
UBT NEWS
Presidenti amerikan, Donald Trump, ka sugjeruar se Irani mund të pranojë negociatat e drejtpërdrejta me Shtetet e Bashkuara, pavarësisht tensioneve të vazhdueshme dhe kërcënimeve të rritura ndërmjet dy vendeve. Trump u shpreh optimist për mundësinë e një dialogu të drejtpërdrejtë me zyrtarët në Teheran, duke theksuar se kjo do të ishte më efikase dhe do të lejonte një mirëkuptim më të qartë të qëndrimeve të palëve.
Muajin e kaluar, Trump dërgoi një letër udhëheqjes iraniane, duke kërkuar bisedime mbi programin bërthamor të Iranit, ndërkohë që ai vazhdon të kërcënojë me sulme ushtarake ndaj vendit. Megjithatë, Irani ka hedhur poshtë mundësinë e negociatave direkte, duke preferuar diplomacinë indirekte. Ende nuk është e qartë nëse qëndrimi i Teheranit ka ndryshuar, apo nëse Trump po spekulon mbi pozicionin e Iranit.
Në përgjigje të kërcënimeve të mundshme ushtarake nga SHBA, Irani ka deklaruar se çdo sulm ndaj vendit do të hasë në hakmarrje të fuqishme, duke e quajtur çdo veprim të tillë si një “goditje të rëndë”. Megjithatë, pozita e Iranit në rajon duket të jetë dobësuar për shkak të ngjarjeve të fundit në Gaza dhe humbjes së partnerëve kyç si Hezbollah dhe grupet e armatosura të opozitës siriane.
Bota
SHBA mbyll transmetimin e Radio Evropa e Lirë në Rusi
Published
19 minutes agoon
April 4, 2025By
UBT NEWS
Qeveria amerikane mbylli transmetimin satelitor të programeve të Radios Evropa e Lirë (RSE) në gjuhën ruse, duke ndërprerë kanalin e saj “Koha aktuale” që shërbente për Rusi, Ukrainë, Azinë Qendrore dhe Europën Lindore. Ky veprim është pjesë e një përpjekjeje të administratës së presidentit Donald Trump për të kursyer shpenzimet federale, që ka përfshirë ngrirjen e fondeve për RSE.
Menaxhmenti i Radios Evropa e Lirë e kundërshtoi këtë vendim në gjykatë dhe mori një bllokim të përkohshëm të ndërprerjes, por ende nuk janë miratuar fondet e nevojshme për të mbajtur stacionin në funksion.
Radio Evropa e Lirë, e financuar nga SHBA, ka qenë një burim i rëndësishëm informacioni dhe kundërshtimi ndaj propagandës sovjetike që nga Lufta e Ftohtë dhe ka arritur deri në 50 milionë njerëz në vende me regjime autoritare si Rusia, Kina, dhe Irani. Ky ndërprerje e transmetimeve është konsideruar si një masë që do të dëmtonte mundësinë e organizatës për të ofruar informacione të pavarura në këto rajone.
Ky zhvillim vjen në një kohë kur administrata Trump është përpjekur të forcojë lidhjet me Moskën, duke synuar një armëpushim në luftën e Ukrainës, dhe kjo është bërë e qartë përmes politikave që, sipas drejtuesve të RSE, kanë për qëllim mbylljen e mëtejshme të këtyre shërbimeve./UBTNews/
Bota
Komandanti i forcave amerikane në Evropë: Rusët humbën 4000 tanke në Ukrainë
Published
28 minutes agoon
April 4, 2025By
UBT NEWS
Komandanti i forcave amerikane në Evropë, gjenerali Christopher Cavoli, njoftoi gjatë një seance dëgjimore në Senat se Rusia ka humbur më shumë se 4,000 tanke që nga fillimi i luftës në Ukrainë në vitin 2022. Cavoli theksoi se humbjet e Rusisë janë të konsiderueshme dhe kanë ndikuar në kapacitetin e saj për të vazhduar luftën. Ai e vlerësoi shkallën e konfliktit si tronditëse, duke e krahasuar humbjen e tankeve ruse me rezervat ushtarake amerikane.
Gjenerali gjithashtu diskutoi ndikimin e mundshëm të një pauze në ndihmën ushtarake amerikane për Ukrainën, e cila ka qenë kritike për sukseset e Ukrainës në këtë luftë. Ai theksoi se ndihma e SHBA-së, përfshirë armët, pajisjet dhe mbështetjen e inteligjencës, është jetike për aftësinë e Ukrainës për të luftuar dhe për të shkatërruar raketat ruse, si dhe për të identifikuar pozitat strategjike të armikut.
Nga fillimi i luftës, SHBA-ja ka ofruar dhjetëra miliarda dollarë ndihmë për Ukrainën, por pas marrjes së detyrës nga Presidenti Donald Trump, nuk është njoftuar asnjë ndihmë e re. Kjo ka ngritur shqetësime për mundësinë e ndikimeve të dëmshme që mund të ketë një ndërprerje e ndihmës amerikane në ecurinë e luftës dhe mbrojtjen e territorit ukrainas.
Bota
Sllovakia miraton vrasjen e 350 arinjve pas sulmit të fundit me pasoja fatale
Published
53 minutes agoon
April 4, 2025By
UBTNews
Qeveria sllovake ka miratuar një plan të ri për të eliminuar 350 arinj të egër, pas një sulmi tragjik ndaj një burri 59-vjeçar, i cili u gjet i vdekur në Sllovakinë qendrore. Autoritetet besojnë se ai ishte shqyer nga një ari i egër.
Ministri i Mjedisit, Tomáš Taraba, njoftoi se numri i sulmeve të arinjve ndaj njerëzve është rritur ndjeshëm, duke arritur në 1,900 raste gjatë vitit të kaluar. Me një popullsi prej më shumë se 1,000 arinjsh të kafenjtë, autoritetet thonë se situata po bëhet gjithnjë e më e rrezikshme për qytetarët.
“Nuk mund të jetojmë në një vend ku njerëzit kanë frikë të hyjnë në pyje,” deklaroi kryeministri Robert Fico. Në këtë kuadër, është shpallur gjendje emergjente në 55 nga 72 rajonet e vendit, duke i dhënë Ministrisë së Mjedisit kompetenca të zgjeruara për të autorizuar menjëherë vrasjet.
Ndërkohë, organizatat mjedisore kanë reaguar ashpër ndaj vendimit, duke theksuar se ai bie ndesh me detyrimet ndërkombëtare të Sllovakisë për mbrojtjen e specieve të rrezikuara. Ato sugjerojnë përdorimin e masave parandaluese si alternativë ndaj vrasjeve masive.
Kujtojmë se më herët, për vitin 2024, ishin dhënë leje për eliminimin e 144 arinjve. Një vendim i ngjashëm ishte marrë edhe në Rumani vitin e kaluar, duke e kthyer në një debat të vazhdueshëm çështjen e bashkëjetesës midis njerëzve dhe kafshëve të egra në Evropë.

Trump: Irani dëshiron bisedime të drejtpërdrejta me SHBA-në

Granit Xhaka, ‘Mbreti’ i pasimeve në Bundesligë

SHBA mbyll transmetimin e Radio Evropa e Lirë në Rusi

Komandanti i forcave amerikane në Evropë: Rusët humbën 4000 tanke në Ukrainë

Sekretari i përgjithshëm i NATO-s: Jemi të fokusuar për një Ballkan të qetë e të qëndrueshëm

Ndrek Shkjezi, aktori i karaktereve, bashkëthemelues i Teatrit të Shtetit

Sllovakia miraton vrasjen e 350 arinjve pas sulmit të fundit me pasoja fatale

Stephen Curry fiton duelin me LeBron James, rezultatet në NBA

Gjykata Kushtetuese e Koresë së Jugut rrëzoi presidentin Yoon
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë