Shëndeti

Si të forcojmë sistemin imunitar në mënyrë natyrale?

Ja disa nga ushqimet natyrale, të cilat luajnë një veprim të rëndësishëm për të forcuar mbrojtjen e trupit.

Published

on

Herpesi në buzë, ulcera, flokë të brishtë, lodhje,  gjuha e bardhë, infeksione të shpeshta dhe simptoma të gripit, janë të gjitha shenja që mund të tregojnë sesi sistemi ynë imunitar nuk është në funksion të plotë.

Përveç luhatjeve të temperaturës, stresit, dietës së përshpejtuar dhe mungesës së ushqyesve të dobishëm për trupin tonë, rënia e sistemit imunitar mund të varet edhe nga mënyra sesi jemi rritur, dhe në veçanti, nga mungesa e ekspozimit ndaj baktereve, të rëndësishme për të forcuar mikroorganizmat e dobishëm që jetojnë në zorrët tona.

Ja disa nga ushqimet natyrale, të cilat luajnë një veprim të rëndësishëm për të forcuar mbrojtjen e trupit.

1.Hudhra  |  është një nga ato ushqime që ka aftësinë për të forcuar sistemin imunitar duke stimuluar shumëzimin e qelizave që kanë rolin në luftimin e infeksioneve. Ajo gjithashtu ndihmon në pastrimin e toksinave dhe qelizave kancerogjene nga trupi dhe mbron zemrën nga formimi i pllakave në arterie.

2.Ginseng  |  i dobishëm në trajtimin e stresit, stimulon lirimin e hormonit të kortizolit dhe ndihmon trupin për një sistem nervor qendror të qetë. Gjithashtu, lehtëson një rezistencë të madhe ndaj temperaturave të nxehta apo të ftohta dhe lodhjes.

3.Agrumet   |  Burim i shkëlqyer më sistemin imunitar, Vitamina C mbron nga sëmundjet përveçse e forcon trupin. Favorizon përthithjen e hekurit marrë nga perimet. Agrumet të shkëlqyera edhe për parandalimin e ftohjeve stinore, gripit, stomatitit, gengiviteve dhe sëmundjeve infektive.

4.Echinacea (bimë mjekësore)   |  Gjithmonë e këshilluar, për parandalimin e ftohjeve tipike në periudhën dimërore, por mund të përftohet edhe në formë kapsule apo si çaj. Ekstraktet e saj ndihmojnë për mbrojtjen sistemit imunitar të organizmit, që kur reagon shton aftësinë e rruazave të bardha të gjakut të shkatërrojnë bakteret dhe viruset.

5.Karota   |  Të pasura me betakarotene, ndihmon në rritjen e numrit të qelizave të gjakut për të luftuar infeksionet, duke mbështetur veprimin e limfociteve dhe për të ndihmuar në eliminimin e radikaleve të lira, duke e pastruar trupin dhe ngadalësuar plakjen. Ato janë një nxitës i mirë i qelizave makrofage, të cilat prodhojnë ato substanca që shkatërrojnë qelizat e kancerit.

6.Kërpudhat   |  Disa lloje kërpudhash janë konsideruar si ilaëe të vërteta. Për shembull, shiitake, maitake dhe reishi. Gjenden edhe si kapsula, të lehta për t’u përtypur, duke lehtësuar aktivitetin e sistemit imunitar ndaj infeksioneve, kancerit dhe alergjive.

7.Jo sheqerit të përpunuar   |  Sheqeri, veçanërisht ai i përpunuar, komprometon aktivitetin e sistemit imunitar. Ndaj duhen evituar pijet me gaz, lëngjet dhe produktet e konservuara të cilat kanë shumë.

8.Zvogëlon stresin  |  Stresi është shkaku kryesor i rënies së sistemit imunitar, pasi dobëson qelizat e bardha të gjakut që reagojnë më pak ndaj stimujve të jashtëm, duke e lënë trupin tonë më të prekshëm ndaj sëmundjeve. Thjesht kushtojini disa orë në javë yoga-s, shëtitjeve në natyrë dhe aktivitete të tjera që na lejojnë të pushojmë dhe të harrojmë ngarkesat ditore. Aktiviteti fizik është një bekim.

9.Flini më shumë  |  Të flini orët e duhura, e lejon trupin tonë të rigjenerohet dhe të rifitojë energjitë e konsumuara gjatë ditës.

10.Mos tymosni  |  Duhani është i dëmshëm për shëndetin tuaj. Por duhani është një kontribuues i madh për rritjen e inflamacionit, rrit formimin e mukusit në traktin respirator. Sistemi imunitar është i lodhur dhe nuk është më në gjendje të kryejë plotësisht punën e vet.

11.Vitamina D  |  Është e rëndësishme jo vetëm për kockat tuaja, por edhe për mbrojtjen imunitare dhe parandalimin e kancerit dhe diabetit. Ndaj, konsumoni produktet e qumështit, peshk,  vezë dhe perime të gjelbra. Edhe ekspozimi ndaj diellit, nëse bëhet në orët e rekomanduara dhe me mbrojtjen e duhur, është një mënyrë e shkëlqyer që trupi të përthithë në sasinë e duhur këtë  vitaminë të çmuar. Për të mos lënë pa vëmendje, edhe Vitamina A (e pasur te radhiqet), antioksident i fuqishëm, dhe Vitamina B, e cila ndihmon metabolizmin, flokët, lëkurën dhe sytë.

12.Kukurma  |  Hyrë në mjekësi me termin Ayurvedic për pastrimin e përgjithshëm, tretjen, anti-inflamator, artritit dhe çrregullimet e mëlçisë, përmban vitaminë C dhe ka veti të larta antioksidante. Lufton gripin dhe sëmundjet sezonale.

13.Probiotikët  |  Bakteret e mira të pranishme në shumë ushqime, të tilla si kosi, janë një bekim për trupi, duke përforcuar sistemin imunitar. Probiotikët të pengojnë rritjen e mikroorganizmave të dëmshme që gjenden në zorrë, duke siguruar një mbrojtje të duhur kundër një game të baktereve patogjene, duke ruajtur përbërjen e saktë të mikroflorës dhe kontribuuese për një sistem të ekuilibruar të mukozës dhe si pasojë, të të gjithë sistemit imunitar.

Shëndeti

Fëmijët para ekranit: Si po u rrezikohet e ardhmja nga teknologjia?

Published

on

Teknologjia ka ndryshuar rrënjësisht mënyrën se si fëmijët mësojnë, komunikojnë dhe kalojnë kohën e lirë.

Por, përdorimi i pakontrolluar i pajisjeve digjitale sjell edhe rreziqe serioze për shëndetin dhe mirëqenien e tyre.

Një raport i fundit i Organizatës për Bashkëpunim dhe Zhvillim Ekonomik ka identifikuar pasoja shqetësuese për fëmijët nga përdorimi i tepruar i teknologjisë.

 

Continue Reading

Shëndeti

Çfarë duhet të bëni gjithmonë dy orë para udhëtimit?

Published

on

Aeroplanët, trenat dhe autobusët janë vende ku ajri riqarkullon. Kjo shkakton stres, ndërprerje të gjumit dhe ekspozim ndaj mjediseve të reja për udhëtarët, gjë që krijon kushte për një sistem imunitar të dobësuar.

Shumë njerëz shpesh neglizhojnë marrjen e suplementeve dietike që shkatërrojnë mikrobet, gjë që padyshim mund të jetë e dëmshme për shëndetin e tyre.

“Mendojeni si të mbani çadër para se të dilni në shi, në vend që të prisni derisa të lageni. Këto suplemente përmirësojnë funksione të caktuara imune, por ky përmirësim zgjat vetëm disa orë”, tha Burgis për CME Vacations.

Gjatë udhëtimeve më të gjata, merrni një dozë shtesë, por në një kohë të arsyeshme.

“Kam parë shumë keqkuptime midis udhëtarëve, nga teprimi me marrjen e vitaminave gjatë udhëtimit deri te fajësimi i cilësisë së ajrit në aeroplan”, tha ai.

Zinku ndihmon në parandalimin e shumëzimit të viruseve dhe infektimit të traktit respirator, ka veti anti-inflamatore dhe antioksiduese që mbrojnë nga sëmundjet autoimune dhe alergjitë. Një këshillë tjetër është të merrni kapsula zinku në vend të pilulave. Vitamina C gjithashtu forcon sistemin imunitar.

“Kjo nuk kërkon marrjen e suplementeve të shtrenjta ose ndonjë regjimi të veçantë. Vetëm suplemente të zakonshme e të përballueshme që merren në kohën e duhur”, tha ai. Rekomandohet të merrni 15 deri në 25 miligramë zink dhe 500 deri në 1,000 miligramë vitaminë C.

Continue Reading

Shëndeti

A është mishi i kuq i dëmshëm për zemrën?

Published

on

Një analizë e re ka zbuluar se studimet e financuara nga industria e mishit të kuq janë shumë më të prira të tregojnë se ky mish nuk është i dëmshëm për zemrën, ose madje është i mirë për të, krahasuar me studimet e pavarura, ka shkruar “The New York Times”.

Kjo analizë u publikua javën e kaluar në “American Journal of Clinical Nutrition”.

Ekspertët kanë thënë se rezultatet janë shqetësuese, por jo befasuese. Financimet nga industria e ushqimit janë problem i vjetër në kërkimet ushqimore, për shkak të mungesës së fondeve publike.

“Industria e sheqerit ka financuar në të kaluarën studime që minimizonin lidhjen e sheqerit me obezitetin dhe sëmundjet e zemrës. Edhe industria e alkoolit ka promovuar idenë se konsumimi i moderuar është pjesë e një diete të shëndetshme”, thuhet në artikull.

Çfarë tregoi analiza e re?

Studiuesit spanjollë nga Universiteti Francisco de Vitoria, analizuan 44 studime klinike të kryera nga viti 1980 deri më 2023, që shikonin si konsumi i mishit të kuq (të papërpunuar) ndikon në rrezikun për sëmundje të zemrës, përmes indikatorëve si kolesteroli, tensioni i gjakut dhe trigliceridet.

Nga këto 44 studime:

29 ishin të financuara nga industria e mishit të kuq.

15 ishin të financuara nga agjenci shtetërore, universitete ose fondacione jofitimprurëse.

Rezultati? Studimet me financim nga industria kishin katër herë më shumë gjasa të raportonin rezultate pozitive ose neutrale për ndikimin e mishit të kuq në shëndetin e zemrës, krahasuar me studimet e pavarura, të cilat asnjëherë nuk raportuan përmirësim të shëndetit, vetëm përkeqësim ose mungesë ndikimi.

“Të dhënat tregojnë një prirje të qartë”, ka thënë Moreno.

Ndërsa doktori Walter Willett, epidemiolog dhe profesor i të ushqyerit në Harvard, ka shtuar se nuk ka prova të qarta se manipulohen të dhënat e studimeve.

“S’kemi prova të qarta që shkencëtarët e lidhur me industrinë i manipulojnë të dhënat, por trendi është i dyshimtë”, ka thënë Willet.

Pse kjo është problematike për publikun?

Kur qytetarët e zakonshëm përballen me studime që japin rezultate kontradiktore, bëhet e vështirë të kuptojnë çfarë të besojnë, ka thënë doktoresha Deirdre Tobias, profesoreshë e mjekësisë në Harvard. Ajo ka theksuar se studimet e financuara nga industria nuk i krahasojnë efektet e mishit të kuq me burime më të shëndetshme si drithërat integrale, arrat apo produktet bimore, por i krahasojnë vetëm me ushqime të tjera shtazore si peshku apo pula, ose karbohidrate të përpunuara si makaronat e buka e bardhë.

Studimet e pavarura krahasuan mishin e kuq me një gamë më të gjerë ushqimesh, përfshirë alternativa të shëndetshme si soja, fasule apo arra, duke ofruar pasqyrim më të qartë për efektet e mishit të kuq.

Çfarë ndodh me të ardhmen e hulumtimeve?

Ekspertët paralajmërojnë se kërkimi ushqimor në SHBA është shumë pak i financuar nga shteti. Kjo sipas tyre e bën të ndikueshëm financiarisht industrinë dhe pastaj nxitet konflikt interesi.

“Kur grupet e industrisë financojnë studimet, ato kanë për qëllim të rrisin shitjet, jo të mbrojnë shëndetin publik”, ka thënë doktori John Ioannidis, profesor në Universitetin Stanford.

Edhe Marion Nestle, profesoreshë në Universitetin e New Yorkut, ka shtuar se “Është mirë për marketingun, por jo për shkencën”.

Më 2023, 5% e buxhetit të Institutit Kombëtar të Shëndetësisë në SHBA ka shkuar për studime në ushqyerje, një shifër që Tobias e quajti “minimale”.

“Studimi për mishin e kuq është shembull i shkëlqyer pse NIH duhet të investojë më shumë në kërkime të pavarura. Përndryshe, do të varemi nga industria, pa asnjë garanci se po punon në interes të shëndetit publik”, ka thënë ajo.

Continue Reading

Shëndeti

Gabimi më i madh që bëni kur pastroni dhëmbët

Published

on

Një dentiste ka zbuluar se një veprim i zakonshëm, që shumica e njerëzve e praktikojnë gjatë larjes së dhëmbëve, mund të jetë një gabim për ju.

Sipas Dr. Deepa Chopra, një eksperte me mbi 18 vite përvojë, shpëlarja e gojës pas larjes është një nga gjërat më të këqija që mund të bëni për dhëmbët tuaj.

“Mund të duket si veprimi i duhur, por shpëlarja menjëherë pas larjes largon fluorin nga pasta e dhëmbëve — dhe pikërisht ai është përbërësi që mbron dhëmbët nga prishja”, shpjegon Dr. Chopra. “Shtresa e mbetur e pastës së dhëmbëve është aty për një arsye — nuk duhet të largohet menjëherë”.

Në vend të shpëlarjes, rekomandon të pështyni tepricën e pastës dhe të shmangni ujin menjëherë pas larjes.

Një tjetër gabim i zakonshëm që përmend Dr. Chopra është përdorimi i shpëlarësit të gojës menjëherë pas larjes së dhëmbëve. “Edhe pse mund të duket si një zakon i mirë, në të vërtetë largon sërish fluorin”, tha ajo.

“Nëse përdorni shpëlarës goje, është më mirë ta bëni përpara larjes së dhëmbëve ose në një kohë tjetër të ditës, për shembull pas drekës”.

Ajo ndan edhe disa këshilla të tjera të rëndësishme për higjienën orale:

Lani dhëmbët për të paktën dy minuta, dy herë në ditë, për të larguar pllakën bakteriale e parandaluar sëmundjet e mishrave të dhëmbëve.

Lani dhëmbët para mëngjesit, kjo ndihmon në aktivizimin e pështymës, e cila mbron zgavrën e gojës dhe ndihmon në eliminimin e erës së keqe të mëngjesit.

Prisni 30 deri në 60 minuta pas ngrënies për të larë sërish dhëmbët, sepse larja menjëherë pas ushqimit mund të dobësojë smaltin.

Mos harroni të pastroni edhe gjuhën, pasi bakteret në sipërfaqen e saj janë një ndër shkaktarët kryesorë të erës së keqe të gojës.

“Disa ndryshime të vogla në rutinën tuaj të larjes së dhëmbëve mund të sjellin një ndikim të madh”, thekson Dr. Chopra.

“Higjiena orale e mirë nuk ka pse të jetë e ndërlikuar — mjafton të bëhet siç duhet”.

Continue Reading

Të kërkuara