Lajmet

Zakonet e shëndetshme që mbrojnë sistemin imunitar

Disa ushqime shërbejnë dhe punojnë për të forcuar mbrojtjen natyrore të trupit, ndërsa të tjerat funksionojnë anasjelltas.

Publikuar

Zakonet e shëndetshme gjatë stinës së dimrit janë thelbësore për ruajtjen e shëndetit dhe mirëqenies. Aq shumë saqë mund të mbrojnë edhe nga ftohjet, gripi dhe ethet gjatë ndryshimit të stinëve. Disa ushqime shërbejnë dhe punojnë për të forcuar mbrojtjen natyrore të trupit, ndërsa të tjerat funksionojnë anasjelltas.

Përveç ushqimeve që hamë, ka edhe disa pengesa të tjera natyrore që i mbrojnë njerëzit. Ato përfshijnë barrierat fizike, si lëkura dhe trakti respirator, si dhe linja e dytë që janë enzima brenda traktit tretës.

Disa mënyra se si mund ta ndihmojmë sistemin imunitar përfshijnë;

Gjumi i mjaftueshëm

Gjumi është një shtyllë e dytë e shëndetit dhe shpesh neglizhohet në shoqërinë e sotme që ecën me ritme të shpejta. Shumë nuk gjejnë kohë për këto shtatë deri në tetë orë dhe përfundojnë duke ulur qelizat e tyre Vrasëse Natyrore (NK) që luftojnë citokinat inflamatore. Për ata që nuk kanë njohuri, këto citokina inflamatore nxisin disa probleme shëndetësore si artriti reumatoid si dhe sëmundja e Cohn.

Ngrënia e zarzavateve me gjethe

Zgjidhni zarzavatet me gjethe pasi janë të rëndësishme për ruajtjen e një ekuilibri të shëndetshëm të vitaminave dhe mineraleve të nevojshme për sistemin imunitar. Disa nga vitaminat më të rëndësishme për funksionimin e përditshëm përfshijnë vitaminën B12, si dhe kalciumin, hekurin, zinkun dhe madje edhe jodin.

Djersitni më shumë

Ushtrimi është po aq i rëndësishëm në ruajtjen e shëndetit të mirë të sistemit imunitar, sepse qelizat T vrasëse përmirësohen me çdo rutinë ushtrimesh sipas gjetjeve të reja. Megjithatë, është e rëndësishme që të përfshihen vetëm nivele të moderuara të stërvitjes, dhe çdo gjë më shumë se 90 minuta, mund të ndikojë në mënyrë të kundërt tek imuniteti.

Mbani një peshë të shëndetshme

Është e rëndësishme të ruani një peshë të shëndetshme që është optimale për gjatësinë e çdo personi. Në rastet kur pesha luhatet në ekstrem, funksioni imunitar gjithashtu mund të ulet.

Mospirja e duhanit

Pirja e duhanit është një nga vrasësit më të heshtur, ndërton mukozë brenda rrugëve të frymëmarrjes dhe madje u ofron baktereve një terren të favorshëm për infeksionet e sipërme të frymëmarrjes.

Lajmet

Kosova e Lirë – 12 qershori 1999 dhe fundi i një epoke të dhimbshme

Publikuar

nga

Filimisht po hynte flota ajrore e NATO-s. Me to po barteshin edhe disa nga mjetet ushtarake tokësore, që do t’u nevojiteshin këmbësorisë së NATO-s që po bëheshin gati të futeshin në territorin e Kosovës.

E kjo është njëra ndër pamjet e para kur arrijnë trupat e Aleancës Veriatlantike më të fortë ushtarake.

Me të hyrë në vend, ky ishte gëzimi që popullata shqiptare e Kosovës e patën kur panë automjetet e para të KFOR-it.

Kur forcat e NATO-s vetëm kishin nisur të shpërndaheshin nëpër territorin e Kosovës, ata jo rrallëherë u përballën edhe me ushtarakët serbë të cilët kishin marrë urdhrin të largoheshin nga Kosova.

I tillë ishte edhe rasti i gjeneralit gjerman, Helmut Harff, i cili iu dha kohë forcave serbe të largohen nga Prizreni për 30 minuta. Pasi ata fillimisht kishin refuzuar të bënin këtë.

Konflikti në Kosovë kishte filluar në fillim të viteve 1990, kur tensionet etnike dhe politike midis shqiptarëve të Kosovës dhe autoriteteve serbe u rritën.

Shqiptarët, që përbënin shumicën e popullsisë, kërkonin më shumë autonomi dhe më vonë pavarësi nga Serbia përmes luftës së armatosur, ndërsa regjimi serb i udhëhequr nga Sllobodan Millosheviç Ishte i vendosur të mbante kontrollin mbi këtë rajon.

Kjo bëri që në mars të vitit 1999, NATO të nis një fushatë bombardimesh 78-ditore kundër objektivave serbe për të ndalur dhunën dhe për të detyruar Millosheviçin të tërhiqej nga Kosova.

Më në fund, më 10 qershor 1999, Millosheviçi pranoi kushtet e marrëveshjes ndërkombëtare dhe u tërhoq nga Kosova, duke lejuar hyrjen e trupave paqeruajtëse ndërkombëtare.

Në një prononcim për UBTneës, historiani Ibrahim Gashi, thotë se deri te 12 qershori erdhi si rezultat i dështimit të Bashkësisë Ndërkombëtare që përmes mjeteve paqësore të ndalë luftën në Kosovë. Andaj sipas tij, 12 qershori i vitit 1999, është data më e rëndësishme për popullin shqiptar të Kosovës.

“12 qershori i vitit 1999 paraqet datën më të rëndësishme në historinë e popullit shqiptar të Kosovës, kjo datë paraqet fundin e luftës së lavdishme, çlirimin e Kosovës, hyrjen e trupave të NATO–s dhe fillimin e një procesi të rëndësishëm të përgatitjes së Kosovës drejt definimit të statusit së saj drejt pavarësisë së saj”, deklaroi Gashi.

Kthesa më e madhe që dërgoi në ndërhyrjen e NATO-s, Gashi thotë se ishte deklarata e famshme e ambasadorit William Walker, gjatë vizitës që kishte në vendin ku ndodhi masakra e Reçakut.

“Ndoshta kthesa më e madhe ka ndodhur te masakra e Reçakut, kur ambasadori William Walker ishte shef i emisionit të OSBE – së në Kosovë ishte vetë prezent, i pa trupat dhe siç e bëjnë të ditur argumentet e reja të klasifikuara amerikane ai nuk priti ndonjë urdhër nga lart se si ta kualifikojë por siç e thojnë disa autorë fare pa tone, pa takt diplomatik ai e bëri atë deklaratëne e famshme se këtu bëhet fjalë për një masakër të cilën e morën televizionet e botës”, tha ai.

Gashi tha se kjo ditë duhet të hyjë në festat zyrtare duke pasur parasysh rëndësinë e padiskutueshme që ka për popullin tonë.

“Ne e kemi shumë të shenjtë dhe me simbolikë shumë të madhe sepse në Kosovë krahas Ushtrisë Çlirimtare të Kosovës, në qytete kanë hyrë edhe forcat ndërkombëtare të aleancës më të madhe veriatlantike dhe normalisht që ato pamje që janë ruajtur sot ato imazhe të atij gëzimi të madh, do të duhej me u kodifiku me një datë festive të pushimit përkatësisht të festës”, tha ai.

Me 12 qershor të vitit 1999 në Kosovë hynë rreth 50 mijë trupa të KFOR-it, nga 39 kombe të ndryshme të botës. Teksa edhe aktualisht edhe trupat e NATO-s vazhdojnë të kontribuojnë në ruajtjen e një mjedisi të qetë dhe të sigurt në Kosovë./UBTNews/

Teksti: Fjolla Gashi

Vazhdo të lexosh

Lajmet

​Daut Haradinaj uron bashkëluftëtarët në Hagë: Liria është e plotë aty ku triumfon drejtësia

Publikuar

nga

Anëtari i kryesisë së Aleancës për Ardhmërinë e Kosovës, Daut Haradinaj, me rastin e Ditës së Çlirimit, ka uruar bashkëluftëtarët që përballen me procesin gjyqësor në Hagë. Haradinaj ka thënë se liria është e plotë aty ku triumfon drejtësia.

“Në përvjetorin e 25-të të Çlirimit të Kosovës, krahas mirënjohjes dhe falënderimit ndaj secilit kontriubutdhënës ndër shekuj, që kulmoi me UÇK-në dhe NATO-n, sot nga zemra dua të uroj çlirimtarët që ndodhen në Hagë. Liria është e plotë aty ku triumfon drejtësia! U pafshim në Kosovë, trima”, ka thënë Daut Haradinaj.

Për të shënuar 25-vjetorin e çlirimit të Kosovës të mërkurën është organizuar ceremoni shtetërore.

Vazhdo të lexosh

Lajmet

​Zbulohet shtatorja e ish-kryeministrit britanik në Ferizaj

Publikuar

nga

Në 25-vjetorin e çlirimit të Kosovës, sot në Ferizaj u zbulua shtatorja e ish-kryeministrit britanik, gjatë kohës së luftës në vendin tonë 1998-99, Tony Blair. Me këtë rast, kryetari i komunës së Ferizajt, Agim Aliu tha se Ushtria Çlirimtare e Kosovës është bekimi i secilit shqiptar dhe emblema krenare e gjithë Kosovës.

Ai tha se para 25 vjetësh, Kosova nuk ishte vetëm, derisa përmendi kontributin e Shteteve të Bashkuara të Amerikës, të ish-kryeministrit britanik dhe të tjerëve për çlirimin e vendit tonë.

Kryetari Aliu potencoi se kjo shtatore e Blair është krenare dhe e lavdishme si edhe vetë liria e Kosovës.

Ndërkaq, ambasadori i Mbretërisë së Bashkuar në Kosovë, Jonathan Hargreaves tha se Blair në pamundësi të merrte pjesë në këtë ceremoni, ndihet i nderuar për jetësimin e tij në bronz.

Derisa citoi ish kryeministrin Blair, ai tha se Kosova ka bërë përparim të jashtëzakonshëm gjatë këtyre 25 viteve. Hargreaves theksoi se Mbretëria e Bashkuar do të vazhdojë ta mbështesë Kosovën për të arritur potencialin e saj të plotë.

Në një fjalë rasti, kryetari i Partisë Demokratike të Kosovës, Memli Krasniqi tha se Tony Blair ka qenë ndër të parët që i është përgjigjur thirrjes së popullit të Kosovës për ndihmë.

Kryetari Krasniqi tha se Blair ka treguar guxim, dhembshuri dhe përkushtim për lirinë dhe demokracinë e Kosovës.

Ndërsa, ish-komandanti i Ushtrisë Çlirimtare të Kosovës, Agim Çeku tha se Ferizaj sot po feston më ndryshe përvjetorin e çlirimit, duke zbuluar shtatoren e Blairit. Ai tha se kontributi dhe vendosmëria e Tony Blair ishin vendimtare për përfundimin e luftës në Kosovë.

Drejtori i fondacionit “Ne kujtojmë Tony Blair dhe iniciatori, Bashkim Fazliu tha se inaugurimi i kësaj shtatoreje, ani pse u bë me vonesë, shënon freskinë e kujtesën e popullit tonë për kontributin e Blair në çlirimin e vendit.

Ai tha se në kohën kur në Kosovë po ndodhte spastrimi etnik nga okupatori serb, Blair nuk qëndroi duarkryq, por veproi fuqishëm për lirinë e shtetit tonë, duke shtuar se populli jonë do të jetë përjetësisht falenderues për kontributin e tij.

Shtatoren e Tony Blair e ka punuar skulptori, Agon Qosa, e cila u vendos në sheshin që mban emrin e tij, dhe është pranë “Sheshit të Dëshmorëve”.

Vazhdo të lexosh

Bota

Gjermania monitoron numrin në rritje të ekstremistëve të djathtë

Publikuar

nga

Shërbimi sekret kombëtar gjerman ka raportuar një rritje të vazhdueshme të numrit të ekstremistëve të krahut të djathtë në vend, ndërsa Gjermania përballet me pasojat e zgjedhjeve evropiane, ku partia e ekstremit të djathtë, Alternativa për Gjermaninë (AfD), fitoi vendin e dytë.

“Ne po shohim një rritje të re në numrin e ekstremistëve të dhunshëm të krahut të djathtë”, deklaroi Thomas Haldenwang, kreu i shërbimit sekret kombëtar.

Agjencia e tij planifikon të paraqesë raportin e saj vjetor për vitin 2023 javën e ardhshme. Rritja e regjistruar në vitin 2022, prej rreth 14,5%, që përbën rreth 38,800 persona, është kryesisht për shkak të faktit se për herë të parë disa anëtarë të Alternativës për Gjermaninë (AfD) janë monitoruar si një grup i njohur ekstremist i djathtë.

Sipas shërbimeve, rreth 10,200 anëtarë të partisë dhe krahut rinor të saj mund të klasifikohen si ekstremistë të krahut të djathtë. Haldenwang theksoi se rritja e fundit e ekstremizmit të krahut të djathtë mund të gjurmohet në disa lëvizje të veçanta dhe tendencat ekstremiste brenda partisë AfD kanë qenë në rritje që nga marsi 2021, kur shërbimet e klasifikuan AfD-në si një grup të dyshuar ekstremist./UBTNews/

Vazhdo të lexosh

Të kërkuara