Si ndikon leximi në cilësinë e gjumit dhe në mënyrën e jetesës?

Lexuesit kanë një këndvështrim më pozitiv për jetën.

Published

4 years ago

October 11, 2021

UBT news

Sipas një sondazhi të fundit, në të cilin AgroWeb.org u bazua, të përfundoni ditën tuaj me leximin e një libri, duket se ka përfitime të mahnitshme ju.

Rezultatet treguan se pavarësisht nëse lexoni apo jo çdo natë, leximi ju relakson, ul stresin, nxit dhe përmirëson cilësinë e gjumit dhe rrit përqëndrimin.

Pra, nuk është befasi që ky ritual i natës, të ndikojë gjithashtu në mënyrë indirekte edhe në aspekte të tjera të rëndësishme të jetës.

Këtu mund të përfshijmë suksesin profesional, shëndetin fizik dhe këndvështrimin për jetën.

AgroWeb.org ju njeh më poshtë me zbulimet interesante të këtij sondazhi.

Lexuesit fitojnë më tepër para

Të anketuarit e këtij sondazhi të cilët lexojnë para se të flenë, duket se kanë më tepër sukses në aspektin professional dhe rrjedhimisht më tepër të ardhua financiare, se ata që nuk lexojnë.

Lexuesit ushqehen më shëndetshëm

Përtej parave, njerëzit që lexojnë para gjumit janë më të prirur për tu ushqyer shëndetshëm dhe për të bërë zgjedhje më të mira në jetë.

Një arsye më tepër për të nisur leximin para se të flini.

Lexuesit kanë një këndvështrim më pozitiv për jetën

Kur të anketuarit u pyetën nëse ata besojnë se “japin maksimumin nga vetja”, rezultoi se lexuesit e natës kishin një këndvështrim më pozitiv për jetën.

Po nëse nuk ju ka pëlqyer kurrë të lexoni para se të flini? A do të thotë kjo se jeni i trishtuar dhe i pasuksesshëm? Sigurisht që jo.

Ju mund të shpenzoni disa minuta në mëngjes për të lexuar një libër kur pini filxhanin e kafesë.

Por mund ta bëni këtë edhe kur jeni ulur në një kafene gjatë pushimit të drekës.

Në fund një gjë është e sigurt, nëse keni probleme me gjumin dhe nuk keni provuar të lexoni diçka për të qetësuar mendjen tuaj, mund të jetë koha ta provoni.

Kuvendi i Kosovës ratifikon katër marrëveshje ndërkombëtare të kredisë

Published

3 hours ago

April 10, 2026

UBTNews

Në seancën e mbajtur të premten, deputetët e Kuvendit të Kosovës kanë miratuar disa projektligje që mundësojnë ratifikimin e marrëveshjeve të kredisë me institucione të rëndësishme ndërkombëtare.

Projektligjet e miratuara, të cilat u përfaqësuan nga Ministria e Financave, përfshijnë:

Zhvillimi i Sektorit Financiar: Marrëveshja me Asociacionin Ndërkombëtar për Zhvillim (IDA) për mbështetjen e projektit të sektorit financiar në vend.

Energjia dhe Klima: Marrëveshja me bankën gjermane KfW për programin e kredisë që synon reformat në sektorin e energjisë dhe mbrojtjen e klimës.

Politika Publike: Marrëveshja me Agjencinë Franceze për Zhvillim (AFD) për programin e kredisë të bazuar në politikat e përgjithshme shtetërore.

Tregtia dhe Transporti: Marrëveshja me Asociacionin Ndërkombëtar për Zhvillim për projektin “Lehtësimi i Tregtisë dhe Transportit në Ballkanin Perëndimor 2.0”.

Këto marrëveshje synojnë të forcojnë infrastrukturën ekonomike dhe të lehtësojnë integrimin rajonal përmes investimeve në sektorë strategjikë për Kosovën.

Miratohet rezoluta për mbrojtjen e të vërtetës së luftës

Published

4 hours ago

April 10, 2026

UBTNews

Kuvendi i Kosovës ka miratuar me 90 vota pro dhe asnjë kundër- Rezolutën për mbrojtjen e historisë dhe të vërtetës së luftës në Kosovë.

Ky propozim i Partisë Demokratike të Kosovës (PDK) bëri bashkë pozitën dhe opozitën, të cilat votuan unanimisht për të mbrojtur vlerat e luftës çlirimtare dhe për të parandaluar tentativat për rishikimin e historisë.

Përmes këtij votimi, deputetët treguan unanimitet, duke vlerësuar se mbrojtja e sakrificës së popullit dhe e të vërtetës historike është një obligim kombëtar që qëndron mbi dallimet politike.

Lajmet

Super fundjavë futbolli në Evropë

Published

4 hours ago

April 10, 2026

UBTNews

Të shtunën në Premier League zhvillohen disa përballje interesante ku Arsenal FC pret AFC Bournemouth në ora 13:30, ndërsa në ora 16:00 luajnë Brentford FC kundër Everton FC dhe Burnley FC ndaj Brighton & Hove Albion, ndërsa në mbrëmje Liverpool FC përballet me Fulham FC në ora 18:30.

Në La Liga, Real Sociedad luan ndaj Deportivo Alavés në ora 14:00, Elche CF pret Valencia CF në ora 16:15, ndërsa derbi i madh mes FC Barcelona dhe RCD Espanyol luhet në ora 18:30, dhe në mbrëmje Sevilla FC përballet me Atlético Madrid.

Në Bundesliga, në orën 15:30 zhvillohen disa duele të forta ku Borussia Dortmund luan ndaj Bayer 04 Leverkusen, RB Leipzig pret Borussia Mönchengladbach, FC Heidenheim përballet me 1. FC Union Berlin dhe VfL Wolfsburg luan ndaj Eintracht Frankfurt, ndërsa në ora 18:30 FC St. Pauli pret Bayern Munich.

Të dielën në Premier League në ora 15:00 zhvillohen tri ndeshje ku Crystal Palace FC pret Newcastle United FC, Nottingham Forest FC luan ndaj Aston Villa FC dhe Sunderland AFC përballet me Tottenham Hotspur FC, ndërsa në ora 17:30 luhet superndeshja mes Chelsea FC dhe Manchester City FC.

Në La Liga, në ora 14:00 CA Osasuna pret Real Betis, në ora 16:15 RCD Mallorca luan ndaj Rayo Vallecano, në ora 18:30 RC Celta de Vigo përballet me Real Oviedo dhe në ora 21:00 Athletic Club luan ndaj Villarreal CF.

Në Bundesliga, në ora 15:30 1. FC Köln përballet me SV Werder Bremen dhe VfB Stuttgart luan ndaj Hamburger SV, ndërsa në ora 19:30 1. FSV Mainz 05 pret SC Freiburg.

Lajmet

Gjobitja e investitorit për shembjen e rrugës në kryeqytet: Përparim Rama kërkon edhe heqjen e licencave

Published

5 hours ago

April 10, 2026

UBTNews

Kryetari i Prishtinës, Përparim Rama, ka bërë të ditur se janë ndërmarrë masa ndëshkimore ndaj përgjegjësve për shkatërrimin e rrugës “Don Shtjefën Kurti”.

Sipas të parit të komunës, investitori ka shpërfillur urdhrin paraprak për mbylljen e gropës në sektorët 4 dhe 5, çka ka çuar në shqiptimin e gjobave të majme.

Për këtë shkelje, kompania investuese është ndëshkuar me 30 mijë euro, ndërsa personi përgjegjës ligjor me 3 mijë euro të tjera. Përveç sanksioneve financiare, Rama ka kërkuar masa edhe ndaj stafit teknik që ka mbikëqyrur punimet.

“Deri më sot nuk janë prezantuar vendimet e inxhinierëve mbikëqyrës, prandaj kërkojmë nga Oda e Inxhinierëve të Republikës së Kosovës, inicimin e procedurave për tërheqjen e licencave të inxhinierëve mbikëqyrës”, ka deklaruar Rama.

Kryetari theksoi se mungesa e raporteve dhe vendimeve nga inxhinierët mbikëqyrës është e papranueshme, duke insistuar që Oda e Inxhinierëve të reagojë menjëherë për të sanksionuar profesionalisht ata që lejuan këtë dëmtim të infrastrukturës publike.