Teknologji

Shumë të rinj nga Kosova po marrin pjesë në garën “Datathon Business Analysis”

Published

5 years ago

April 1, 2021

Betim Gashi

Ka filluar gara më e madhe në vend “Datathon Business Analysis”, që sivjet ka bashkuar studentët e nivelit bachelor dhe master të të gjitha universiteteve dhe kolegjeve publike dhe private në Kosovë.

15 ekipe të studentëve do të testojnë aftësitë dhe njohuritë e tyre në të dhëna dhe fushën “machine learning”, përmes gjuhëve programuese si: Python, R Programing, Weka, Tableau, SPSS, RapidMinder e IBM Watson.

Rektori i UBT-së, prof.dr. Edmond Hajrizi, në hapjen e kësaj gare të madhe ka thënë se kjo garë është një koncept i ri, që studentëve u jep një mundësi unike bashkëpunimi mes vete për zgjidhjen e problemeve në të dhëna, e që me këtë rast nga kjo garë mund të dalin talentë e profesionistë të kësaj fushe.

“Mendoj se kjo garë është një koncept i ri, koncept modern, koncept që duhet të shtyhet përpara, pasi që Hackathon dhe Datathon kanë dal si koncepte që lidhen me rritjen e kompetencave në fusha të ndryshme. Momentumet e ndryshme të kësaj gare krijojnë presion kohor, momente të bashkëpunimit në grupe, gjetjen e alternativave, rritjen e shkallës së kreativitetit, dhe të gjitha këto janë pjesë përbërëse e rritjes profesionale e akademike të garuesve”, ka thënë rektori Hajrizi.

Anëtari i Bordit Menaxhues në Raiffeisen Bank, Shukri Mustafa, është shprehur i lumtur me organizimin e kësaj gare, duke thënë se UBT dhe Raiffeisen do të mbahen mend për organizime të tilla si Datathon dhe Hackathon.

“Datathon ka një rëndësi të veçantë si garë dhe fokusi i ekipeve që garojnë është që me të dhënat që posedon banka të përmirësojnë edhe më shumë shërbimin ndaj klientëve tanë ekzistues të bankës në një të ardhme të afërt. Datathoni duhet të vazhdojë të organizohet dhe të bëhet kjo edhe si organizim tradicional, çdo vit, që Raiffeisen dhe UBT të mbahen mend si lider të organizimeve si Datathon dhe Hackathon”, ka thënë Shukri Mustafa nga Raiffeisen Bank.

Ndërkaq, drejtori i Qendrës për Shërbime Profesionale dhe Produkte, Besnik Skenderi, ka falënderuar të gjithë pjesëmarrësit, teksa ka thënë se kjo garë është një mundësi shumë e mirë për studentët, të cilët me talentin e tyre në të ardhmen do ta prezantojnë Kosovën në mënyrë dinjitoze në arenën ndërkombëtare. Ai ka shtjelluar mënyrën e vlerësimit, teksa ka prezantuar veç e veç jurinë profesionale e cila do të bëj vlerësimin e punës së kandidatëve.

“E gjithë kjo punë filloi para 3 viteve, si ide e prof.dr. Edmond Hajrizi dhe anëtarit të Bordit Menaxhues në Bankën Raiffeisen, zotëri Shukri Mustafa, dhe ne e filluam dhe doli mirë, besojmë që edhe këtë vit do të dal shumë mirë, dhe në bazë të listave që pashë të pjesëmarrësve unë po shoh lider që kanë për ta dërguar Kosovën përpara, sepse nuk është e lehtë ta sfidosh vetën dhe ta marrësh guximin të shkosh në një garë online me programe si Python, Business Analysis, Tablou dhe SPSS, dhe kjo garë është shumë e mirë për Kosovën”, ka thënë drejtori i Qendrës për Shërbime Profesionale dhe Produkte, Besnik Skenderi.

Gara “Datathon Business Analysis” është duke u zhvilluar në platformën online, teksa është organizuar nga UBT dhe Raiffeisen Bank.

Teknologji

YouTube ndalon përdoruesit australianë nën 16 vjeç!

Published

45 minutes ago

December 4, 2025

UBT News

YouTube ka njoftuar një vendim të rëndësishëm që prek miliona përdorues dhe krijues përmbajtjesh australianë, duke ndaluar përdoruesit nën 16 vjeç nga llogaritë e tyre brenda disa ditësh.

Ky hap vjen pas një mosmarrëveshjeje me qeverinë australiane, e cila kërkonte masa më të rrepta për të mbrojtur adoleshentët nga përmbajtja e dëmshme.

Çfarë ndryshon?

Përdoruesit nën 16 vjeç do të çaktivizohen automatikisht nga llogaria e tyre nga 10 dhjetori.

Ata nuk do të mund të abonohen, të komentojnë ose të pëlqejnë postime, por mund të vazhdojnë të shikojnë përmbajtje pas çaktivizimit.

Përdoruesit tani duhet të jenë të paktën 16 vjeç për të regjistruar një llogari në YouTube.

Sipas Komisionerit të Sigurisë Elektronike në Australi, YouTube ka rreth 325,000 llogari të mbajtura nga australianë të moshës 13–15 vjeç, krahasuar me 440,000 në Snapchat dhe 350,000 në Instagram.

Studimet tregojnë se më shumë se një e treta e australianëve 10–15 vjeç kanë hasur përmbajtje të dëmshme në YouTube.

Ky vendim po vëzhgohet nga juridiksione të tjera, duke krijuar një precedent global për mbrojtjen e fëmijëve në platformat digjitale dhe balancimin e sigurisë me qasjen në shërbime online.

YouTube e përshkruan vendimin si hap të domosdoshëm për të mbrojtur përdoruesit më të rinj e përmbushur rregulloret e qeverisë. /A.Z/UBT News/

Teknologji

Gemini futet në Google Maps, përvoja e udhëtimit nuk do jetë më e njëjta!

Published

3 hours ago

December 4, 2025

UBT News

Google Maps po përgatitet të sjellë një përvojë më të avancuar navigimi për përdoruesit e Android dhe iPhone, falë integrimit të funksionalitetit të ri të inteligjencës artificiale Gemini.

Ky përditësim synon të ofrojë një navigim më të thjeshtë, më të personalizuar dhe më të përshtatshëm për të gjithë përdoruesit.

Në versionin më të ri, ikona e mikrofonit është zëvendësuar me simbolin e Geminit, duke sinjalizuar prezencën e asistentit të ri AI.

Me aktivizimin e tij, në ekran shfaqet unaza që tregon se Gemini është gati të marrë komanda me zë. Sistemi i ri do të mbështesë të gjitha mënyrat e lëvizjes: me makinë, transport publik, në këmbë dhe me biçikletë.

Përmes komandave zanore, përdoruesit kërkojnë destinacione, rrugë alternative, informacione për trafikun apo vendndodhje të caktuara pa pasur nevojë të prekin ekranin. Kjo rrit ndjeshëm sigurinë gjatë ngasjes dhe e bën navigimin më praktik.

Google shfrytëzon inteligjencën e Geminit për të ofruar sugjerime të personalizuara e navigim fleksibël, duke e kthyer aplikacionin në një asistent të zgjuar për çdo udhëtim. Funksioni është në fazën testuese dhe pritet të shpërndahet tek përdoruesit gjatë javëve të ardhshme.

Ky integrim ndryshon mënyrën se si përdoruesit ndërveprojnë me Google Maps, duke kombinuar navigimin tradicional me AI për një eksperiencë më të qetë, më të thjeshtë dhe më efikase. /A.Z/UBT News/

Teknologji

Nga thirrjet te mesazhet, Rusia mund ta mbyllë plotësisht WhatsApp-in

Published

1 day ago

December 3, 2025

UBT News

Rusia njoftoi se po shqyrton mundësinë e ndalimit të WhatsApp-it, duke e akuzuar shërbimin e mesazheve se nuk ka arritur të parandalojë aktivitetet kriminale.

Paralajmërimi vjen në një periudhë kur Moska po intensifikon përpjekjet për të shtyrë qytetarët drejt platformave të kontrolluara nga shteti.

Autoritetet ruse i hoqën përdoruesve mundësinë për të kryer thirrje në WhatsApp që në gusht, si pjesë e një fushate më të gjerë kundër rrjeteve sociale perëndimore. Sipas kritikëve, këto masa synojnë t’i detyrojnë rusët të kalojnë në shërbimet vendore.

Roskomnadzor, rregullatori shtetëror i komunikimeve, deklaroi se WhatsApp po përdoret për “organizimin dhe kryerjen e akteve terroriste, për rekrutimin e autorëve, si dhe për mashtrime dhe krime të tjera ndaj qytetarëve”.

Institucioni paralajmëroi se platforma bllokohet nëse nuk përmbahet ligjeve ruse. Meta, kompania amerikane që zotëron WhatsApp-in, nuk ka dhënë ende një reagim, raporton REL.

WhatsApp është ndër aplikacionet më të popullarizuara për dërgimin e mesazheve në Rusi, përkrah Telegramit.

Moska u kërkon këtyre platformave të ofrojnë qasje në të dhënat e përdoruesve kur kërkohet nga organet e rendit, veçanërisht për hetime të lidhura me mashtrimet apo aktivitetet që autoritetet i cilësojnë si “terroriste”.

Organizatat për mbrojtjen e të drejtave të njeriut shprehin shqetësim se masat forcojnë mekanizmin e mbikëqyrjes shtetërore dhe të përdoren për të ndjekur kritikët e Kremlinit, presidentit Vladimir Putin dhe luftës në Ukrainë. /A.Z/UBT News/

Teknologji

Samsung prezanton telefonin e parë me palosje të shumëfishtë

Published

2 days ago

December 2, 2025

UBT News

Samsung Electronics ka zbuluar telefonin e saj të parë inteligjent me palosje të shumëfishtë, duke synuar të forcojë pozicionin në një sektor të tregut të telefonave ku konkurrenca pritet të shtohet.

Lansimi i Galaxy Z TriFold shënon përpjekjen e kompanisë për të konsoliduar prezencën në një segment ku rivalët fituan terren, megjithëse analistët paralajmërojnë se çmimi i lartë dhe sfidat e prodhimit mund të mbajnë pajisjet e palosshme si kategori të veçantë për momentin.

Modeli shpaloset në një ekran 253,1 mm (10 inç), duke përdorur tre panele, dhe është rreth 25% më i madh se Galaxy Z Fold 7, modeli i fundit i palosshëm i Samsung.

“Unë besoj se tregu i pajisjeve të palosshme do të vazhdojë të rritet, dhe TriFold mund të veprojë si një katalizator për rritje më të shpejtë në segmentin kryesor,” tha Alex Lim, Zëvendëspresident Ekzekutiv i Samsung Electronics dhe kreu i Zyrës së Shitjeve dhe Marketingut në Kore. Ai shtoi se pajisja është projektuar për klientët që kërkojnë një produkt të veçantë dhe inovativ.

TriFold, i prodhuar në Korenë e Jugut, do të dalë në shitje më 12 dhjetor, duke nisur më pas lansimet në Kinë, Singapor, Tajvan dhe Emiratet e Bashkuara Arabe brenda këtij viti.

Shtetet e Bashkuara pritet ta marrin pajisjen në tremujorin e parë të vitit të ardhshëm. /A.Z/UBT News/