Teknologji

UBT hapi në Korçë qendrën më të madhe inovative dhe teknologjike në rajon

Publikuar

Korça e mësonjëtores së parë shqipe u bë me qendrën më të madhe inovative dhe teknologjike në rajon. Bibliotekës që mban emrin e folkloristit të njohur korçar, “Thimi Mitko”, sot iu bë krah i fortë inovacioni dhe teknologjia.

“UBT – Korça Innovation & Technology Hub”, është një projekt i jashtëzakonshëm inovativ e teknologjik, i cili bën bashkë trashëgiminë e pasur kulturore dhe të ardhmen teknologjike. Kjo qendër, e para e këtij lloji në rajon, bën bashkë të kaluarën, përmes bibliotekës me fondin prej mbi 200,000 librash të ndryshëm dhe të ardhmen me mbi 90 projekte inovative e teknologjike të UBT-së.

Rektori i UBT-së, prof.dr. Edmond Hajrizi, u shpreh në ceremoninë e hapjes së “UBT -Korça Innovation & Technology Hub”, që do të jetë model për inovacionin në biznes, teknologji e sipërmarrje për të gjithë të rinjtë e Korçës, si dhe do të jetë një ambient inovativ me teknologjinë më të avancuar të kohës.

“Në Korçën e mësonjëtores së parë shqipe, ne sot po nisim një rrugëtim tjetër po kaq të rëndësishëm në fushën e dijes. Brenda ambienteve të bukura e moderne të bibliotekës së Korçës po e bëjmë të mundur që trashëgimia jonë e pasur kulturore të bashkëjetojë me teknologjinë, me arritjet e saj kulminante. Po e bëjmë bashkë, nën një çati, të kaluarën dhe të ardhmen tonë. Po e bashkojmë dijen me teknologjinë. Po i sjellim Korçës dhe Shqipërisë, përmes inaugurimit të këtij inkubatori të biznesit digjital, inovacionin si katalizator për rritjen e biznesit dhe ekonomisë. Po i sjellim hapin e fundit të teknologjisë për të qenë në trend me arritjet e fundit teknologjike, jo si spektarorë, por si pjesë e këtyre arritjeve”, u shpreh ai.

Në këtë projekt madhor, ai tha se UBT me ekspertët e angazhuar, do të ofrojë mbështetje akademike dhe do të ketë rol kyç në hartimin e trajnimeve profesionale në gjuhë të ndryshme programuese, për temat që lidhen me zhvillimin e projekteve në fushën e digjitalizimit, inovacionit, punësimit të të rinjve dhe çështje të tjera për zhvillimin e biznesit e teknologjisë.

“Përmes këtij Hub-i të madh të teknologjisë dhe inovacioni synojnë mundësinë unike për aftësimin, e mandej punësimin e të rinjve të Korçës, dhe në përgjithësi të të gjithë të rinjve me shpirt ndërmarrësi, nga Shqipëria dhe Kosova”, ka thënë rektori Hajrizi.

Rektori Hajrizi falënderoi Bashkinë e Korçës dhe kryetarin e Bashkisë së Korçës, Sotiraq Filo, për mbështetjen e pakursyer në realizimin e këtij projekti inovativ.

Nga ana e tij, kryetari Filo, tha se është i lumtur që tani Korça do të jetë qendër e inovacionit dhe zhvillimit teknologjik. Ai shtoi se kjo është një rrugë e gjatë, që kërkon vullnet dhe punë të pa ndalur në mënyrë që t’i ofrohet të rinjve të Korçës e ardhmja në teknologji, informacion dhe sipërmarrje.

“Bashkë me UBT ne e kemi sjell të ardhmen teknologjike në qytetin e Korçës por tani topi është në fushën e të rinjve e të rejave të qytetit për t’u angazhuar me shërbimet dhe mundësitë që ofron kjo qendër”, ka thënë kryetari i Bashkisë së Korçës, Sotiraq Filo.

Në hapje të saj, Korça Innovation & Technology Hub, u vizitua edhe nga kryeministri i Shqipërisë, Edi Rama, të cilit i uroi i pari mirëseardhje roboti Nao me fjalët: Mirësevjen kryeministër Rama.

Kryeminsitri Rama u njoftua nga rektori i UBT-së me gamën e gjerë të projekteve inovative të “UBT -Korça Innovation & Technology Hub”, përmes të cilave synohet gjenerimi i vendeve të reja të punës dhe edukimi i inovatorëve të rinj, sipërmarrësve, drejtuesve të ardhshëm të ndryshimeve shoqërore në Shqipëri e më gjerë.

Kryeministri Rama tha se krijimi i qendrave të tilla do të jetë prioritet në Shqipëri.

“Në bibliotekën e re ultramoderne të Korçës, po merr jetë edhe qendra e re e mësimeve të teknologjisë së lartë, për t’i futur të rinjtë në rrugën e punësimit në tregun global online, ku pa qenë aspak të detyruar të lëvizin nga vendlindja ata mund të krijojnë të ardhura të larta”, u shpreh ai.

Ky është edhe synimi i UBT -Korça Innovation & Technology Hub.

Automobilizëm elektrikë

Toyota prezanton Land Cruiser Modellista për tregun e Japonisë

Publikuar

nga

Pasi së fundi prezantoi gjeneratën e re të Land Cruiserit, Toyota ka nisur të ofrojë për tregun e Japonisë edhe modelin Modellista.

Land Cruiser Modellista është i destinuar vetëm për tregun e Japonisë dhe ndër të tjera tërheq vëmendjen me mbrojtësin e përparmë e të pasmë, pastaj me dizajnin ndryshe të pragjeve e tavanit dhe me pasqyre të kromuara. Ka rrotë 21 inç nga alumini, sistem të ri shkarkimi dhe drita LED me ndriçim të brendshëm si dhe disa elemente nga metali. \autoblog

Vazhdo të lexosh

Teknologji

Tash edhe në WhatsApp fotografitë zhduken pasi t’i shikoni

Publikuar

nga

Karakteristika e re, e quajtur “shiko një herë”, i lejon përdoruesit të dërgojnë fotografi dhe video në biseda që mund të shihen vetëm një herë para se të zhduken.

Karakteristika është e ngjashme me opsionin që tashmë ekziston prej kohësh në Snapchat dhe Instagram.

Kur bëni fotografi në WhatsApp-in, përdoruesit mund të zgjedhin ikonën e kohëmatësit për ta vendosur fotografinë në “shiko në një”.

Facebook e shet këtë veçori si një nga opsionet e “momenteve private” ose për dërgimin e informacioneve potencialisht të ndjeshme si fjalëkalimet Wi-Fi.

Si gjithmonë, njerëzit duhet të kenë kujdes se sa “privat” janë mesazhe të tilla.

Kompania vëren se marrësi ende mund të marrë një foto të tillë “shiko një herë” dhe, ndryshe nga Snapchat, WhatsApp nuk do ta njoftojë dërguesin kur është marrë foto. /Telegrafi/

Vazhdo të lexosh

Teknologji

Microsoft ka prezantuar një kontrollues të ri për tastierën Xbox

Publikuar

nga

Microsoft ka prezantuar kontrolluesin e tij të fundit për tastierën Xbox.

Kontrolluesi i ri quhet Aqua Shift Special Edition dhe me të vërtetë duket tërheqës në ngjyrën e tij blu të ndritshme, gjë që e bën atë ndoshta kontrolluesin “më të ndritshëm” të Microsoft ndonjëherë.

Përveç ngjyrës së bukur, kontrolluesi mori edhe doreza anësore të gomës që kanë një kombinim unik të ngjyrave për secilin rast.

Porositë paraprake për kontrolluesin Aquea Shift Special Edition janë në dispozicion për tregjet e zgjedhura për 69,99 dollarë.

Ky kontrollues bashkohet me shumë të tjerë për Xbox Series X dhe S që kemi parë deri më tani.

Mirosoft hapi Xbox Desing Lab në qershor, duke lejuar lojtarët të krijojnë kontrolluesit e tyre. /Telegrafi/

Vazhdo të lexosh

Teknologji

Twitter punon me agjencitë e lajmeve për të trajtuar dezinformimin

Publikuar

nga

Twitter do të bashkëpunojë me dy nga agjencitë ndërkombëtarë të lajmeve, Reuters dhe Associated Press, për të hedhur poshtë dezinformatat në faqen e tij.

Twitter tha se partneriteti do t’i mundësojë kompanisë të sigurojë informacion të saktë dhe të besueshëm.

“Në vend që të presë derisa diçka të bëhet virale, Twitter do të kontekstualizojë zhvillimin e diskursit me hapin ose në pritje të bisedës publike,” tha Twitter.

Aktualisht, kur në Twitter ndodhin biseda që mund të jenë të rëndësishme ose të diskutueshme, ekipi i Twitter do gjejë dhe promovojë kontekstin përkatës nga burime të besueshme në mënyrë që të kundërshtojë informacionet potencialisht çorientuese të postuara nga përdoruesit.

Në një postim në blog, Twitter tha se programi i ri do të “rrisë shkallën dhe shpejtësinë” e kësaj pune duke rritur “kapacitetin e tyre për të shtuar kontekst të besueshëm në bisedat që ndodhin në Twitter”.

Postimi tha se materiali nga Reuters dhe AP do të përmirësonte besueshmërinë e informacionit. Është hera e parë që Twitter ka bashkëpunuar zyrtarisht me organizatat e lajmeve për të promovuar informacione të sakta në faqen e saj, sipas një zëdhënësi nga firma e mediave sociale. /tvklan.al

Vazhdo të lexosh

Të kërkuara