Lajmet

Shtrenjtimi i energjisë i papërballueshëm për sektorin privat

Ndërsa nga opozita e fajësojnë shefin e Qeverisë.

Published

4 years ago

on

Shtrenjtimi i rrymës qind për qind do të jetë i papërballueshëm sidomos për punëtorët e sektorit privat, teksa me këtë do të afektojë edhe në shtrenjtimin e produkteve ushqimore ose prodhimeve tjera në treg.

Nga Sindikata e Pavarur e Sektorit Privat thonë se kategoria e punëtorëve nuk mund ta përballojnë shtrenjtimin e energjisë elektrike. Ndërsa nga opozita e fajësojnë shefin e Qeverisë, teksa shprehen se kryeministri Kurti po vepron me arrogancë për shkak të numrave që i ka në Kuvend.

Kryetari i Sindikatës së Pavarur të Sektorit Privat, Jusuf Azemi thotë se kjo shtresë mund të përfundojë edhe në burg, pas sipas tij ata nuk do të kenë mundësi t’i paguajnë faturat me këtë rritje. Ai thotë se kjo kategori do të detyrohet të kyçen ilegalisht në rrjetin elektrik.

“Ne gjendjen që kemi pasur ta flasim para 4-5 muaj, kemi pasur gjendjen tepër tepër të rëndë. Mu po më shkon mendja atje që ekzistojnë dy mundësi, mundësia e parë që punëtorët e sektorit privat një pjesë bukur të mirë duhet tu ndërpritet rryma sepse nuk kanë mundësi që ta bëjnë këtë pagesë me një pagë 270 euro, nuk ka mundësi me bë. Dhe pjesa e dytë le të përgatiten gjyqet që së paku në një far forme të marrin vendime për me i dërgu në burg këta njerëz sepse jo që nuk dëshirojnë por nuk kanë mundësi dhe e vetmja mundësi është ta shkyçësh nga rrjeti dhe ta dërgosh në burg, tjetër mundësi nuk kemi”, u shpreh ai.

“Shpesh herë shteti t’i krijon vetvetiu kushtet që të bësh veprime të pahijshme. Veprime jo të mira, kështu që neve na imponohet ose të kyçemi ilegalisht ose njëfarë forme ë vijnë deri tek kacafytja në mes të atyre që i kërkojnë mjetet edhe këtyre. Nuk është që nuk dëshiron, nuk ka mundësi sepse njerëzit, po them edhe ata të varfrit, pjesa dërmuese që jetojnë edhe nëpër qytete ata nuk mund të ngrohen as me thënë gjithë  as me dru, duhet me u ngroh me rrymë. Ai ose duhet me lënë fëmijën e vet mu mërdhi ose duhet ta bëjë një zgjidhje tjetër, e zgjidhja tjetër njëfarë forme nuk po na pëlqen por megjithatë do të vijë deri tek ajo”, thotë ai.

Ndërkaq deputeti i PDK-së, Mërgim Lushtaku thotë për Ekonomia Online se me këtë shtrenjtim të rrymës, qytetarët e vendit do të kenë humbje të madhe. Ai thotë se Kosova ka edhe prodhime vendore që me rastin e rritjes së çmimeve të rrymës do të ketë edhe rritje më të mëdha të produkteve ushqimore ose prodhimeve tjera në treg.

“Ne në asnjë moment nuk kemi diskutuar për rrymën dhe nëse një pikë nuk mundet të kapet Kryeministi Kurti dhe Lëvizja Vetëvendosje është pikërisht tek pjesa e rrymës sepse ka qenë stabil dhe është rregulluar kohët e fundit dhe që nga 2013 në përgjithësi ka pasur përmirësime pjesa e rrymës dhe në këtë drejtim besoj humbja më e madhe është e Albin Kurtit si lider popullist që njihet që gjithmonë ka fol shumë dhe po shihet që këtë e ka pasur vetëm sa për të marr pozitën e kryeministrit. Në këtë drejtim humbjen më të madhe do të kenë qytetarët e Republikës së Kosovës pastaj në aspektin financiar. Jo vetëm ato por do të kenë edhe pastaj sektorët lidhen kronologjiksht edhe pjesa e rritjes së çmimeve të produkteve të ndryshme sepse Kemi prodhime vendore që me rastin e rritjes së çmimeve të rrymës do të ketë edhe rritje më të mëdha të produkteve ushqimore ose prodhimeve tjera që janë në tregun e Kosovës”, deklaroi ai.

Deputeti Lushtaku tutje u shpreh se janë munduar që t’i japin informata të hollësishme qytetarëve të Kosovës që ta shohin se si qeveria Kurti po vepron padrejtësisht duke i rritur çmimet që sipas tij për shkak të keqmenaxhimit.

“Unë besoj, pavarësisht krizës globale çfarë është në botë edhe për pjesën e pandemisë edhe për pjesën e energjisë elektrike, me një menaxhim më të mirë të KEK-ut që e kish bë nuk kishin me qenë këto dëme dhe besoj që nuk ish harxhua edhe nuk ish shtrenjtuar kaq shumë rryma. Për neve më e rëndësishme është që qytetari i Republikës së Kosovës të vendos vetë për kritikat për protestat dhe ne sigurisht që do të jemi në mbështetje sepse ne e dimë që kjo qeveri është arrogante edhe për shkak të mbështetjes së madhe që ka pasur në këto zgjedhjet e fundit mbi 50.28 për qind dhe këtë arrogancë  e ka krijuar me mbështetjen e qytetarëve. Prandaj ne në fjalimet tona e përmendim durim për ata që nuk e kanë votuar por përgëzime për ata që e kanë votuar, përgëzime që është shtrenjtuar rryma, produktet ushqimore, produktet ndërtimore, produktet elementare, nafta…”, u shpreh Lushtaku.

Related Topics:
Continue Reading

lajme

UBT nesër organizon bashkëbisedim me Ministrin Ejup Maqedonci për mundësitë e angazhimit të studentëve në industrinë e mbrojtjes

Published

2 hours ago

on

June 22, 2026

By

UBT do të organizojë më 23 qershor 2026, nga ora 14:00, në Parkun Shkencor, Inovativ dhe Teknologjik, në Lipjan, (Biblioteka), një bashkëbisedim me Ministrin e Mbrojtjes së Republikës së Kosovës, Ejup Maqedonci, lidhur me mundësitë e angazhimit profesional të studentëve në fabrikën e parë të municionit në Kosovë.

Ky takim synon të informojë studentët dhe të rinjtë për projektin strategjik të industrisë së mbrojtjes, i cili pritet të fillojë prodhimin gjatë këtij viti dhe që konsiderohet një hap i rëndësishëm në ngritjen e kapaciteteve prodhuese dhe teknologjike të vendit.

Gjatë aktivitetit, Ministri Maqedonci do të prezantojë mundësitë konkrete të angazhimit profesional për studentët dhe të diplomuarit në fusha të ndryshme teknike dhe inxhinierike, duke përfshirë inxhinierinë mekanike, elektroteknike/elektrike, metalurgjike, kimike, hidraulike, si dhe profile të tjera të ngjashme.

Pjesëmarrësit do të kenë mundësinë të diskutojnë nga afër për rëndësinë e zhvillimit të industrisë së mbrojtjes në Kosovë, rolin e të rinjve në këtë proces, si dhe perspektivat për zhvillim profesional dhe avancim teknologjik në kuadër të këtij projekti.

UBT vazhdon të krijojë ura bashkëpunimi ndërmjet institucioneve, industrisë dhe studentëve, duke ofruar mundësi konkrete për zhvillim profesional dhe përfshirje në projekte me rëndësi strategjike për vendin.

Continue Reading

Vendi

Rektori Edmond Hajrizi priti në takim Alaa Garad, nga Stirling Centre në Mbretërinë e Bashkuar

Published

2 hours ago

on

June 22, 2026

By

UBT mirëpriti në Parkun Shkencor, Inovativ dhe Teknologjik një delegacion nga Stirling Centre for Strategic Learning and Innovation, nga Mbretëria e Bashkuar, të kryesuar nga Alaa Garad – Kryetar i Bordit Këshillëdhënës.

Delegacioni u prit nga Rektori i UBT-së, Prof. Dr. Edmond Hajrizi, me ç’rast u diskutua për mundësitë e bashkëpunimit në fushën e zhvillimit profesional, ngritjes së kapaciteteve institucionale dhe shkëmbimit të praktikave të mira në sigurimin e cilësisë.

Palët theksuan rëndësinë e partneriteteve ndërkombëtare dhe zhvillimit të iniciativave të përbashkëta që kontribuojnë në avancimin akademik dhe institucional.

Continue Reading

lajme

Rektori Hajrizi priti në takim delegacionin e Institutit Yunus Emre në Kosovë

Published

2 hours ago

on

June 22, 2026

By

Rektori i UBT-së, Prof. Dr. Edmond Hajrizi, mirëpriti në takim një delegacion nga Instituti Yunus Emre në Kosovë, të kryesuar nga drejtori Ramazan Yılmaz.

Në këtë takim u diskutua për mundësitë e bashkëpunimit ndërmjet UBT-së dhe Institutit Yunus Emre në fushën e gjuhës, kulturës dhe arsimit, me fokus të veçantë në gjuhën turke, zhvillimin e aktiviteteve të përbashkëta akademike dhe kulturore, si dhe krijimin e mundësive të reja për studentët dhe stafin akademik.

Gjatë takimit, u theksua roli i Institutit të Gjuhëve të Huaja në UBT, i cili synon të zgjerojë gamën e trajnimeve dhe certifikimeve profesionale në gjuhë të ndryshme për studentët dhe qytetarët e Kosovës. Në këtë drejtim, bashkëpunimi me Institutin Yunus Emre pritet të kontribuojë në avancimin e ofertës për mësimin dhe certifikimin e gjuhës turke.

Palët shqyrtuan mundësinë e organizimit të kurseve të gjuhës turke, punëtorive tematike, ligjëratave të hapura dhe aktiviteteve kulturore, të cilat do t’u mundësonin studentëve të njihen më nga afër me gjuhën, traditën dhe kulturën turke.

Ky bashkëpunim synon të kontribuojë në pasurimin e ofertës akademike dhe ndërkombëtare të UBT-së, duke krijuar ura të reja komunikimi dhe bashkëpunimi me institucione partnere nga Turqia.

Continue Reading

Lajmet

PZAP refuzon ankesat për rinumërim, KQZ pret afatin për ankim në Gjykatën Supreme

Published

6 hours ago

on

June 22, 2026

By

Komisioni Qendror i Zgjedhjeve (KQZ) ka bërë të ditur se do të presë përfundimin e të gjitha procedurave ankimore para shpalljes së rezultateve përfundimtare të zgjedhjeve të parakohshme për Kuvendin e Kosovës.

Kjo vjen pasi Paneli Zgjedhor për Ankesa dhe Parashtresa (PZAP) ka refuzuar ankesat e paraqitura nga kandidatët për deputetë, Bekim Haxhiu nga PDK-ja dhe Qëndrim Kryeziu nga LDK-ja, të cilët kishin kërkuar rinumërim të votave.

Sipas vendimit të PZAP-it, ankesat janë vlerësuar si të pabazuara dhe nuk është urdhëruar rinumërim shtesë.

Zëdhënësi i KQZ-së, Valmir Elezi, ka konfirmuar se institucioni është njoftuar me vendimet, por ka theksuar se palët kanë të drejtë ankese në Gjykatën Supreme brenda afatit ligjor prej 48 orësh.

Sipas KQZ-së, vetëm pas plotfuqishmërisë së vendimeve do të vlerësohet nëse ekzistojnë obligime konkrete për zbatim nga ana e institucionit. Nëse nuk do të ketë vendime të tjera që ndikojnë në proces, atëherë KQZ do të procedojë me shpalljen e rezultateve përfundimtare të zgjedhjeve.

Kujtojmë se Bekim Haxhiu kishte kërkuar rinumërim të plotë të votave të kandidatëve të PDK-së, duke argumentuar se gjatë rinumërimeve të deritanishme janë evidentuar mospërputhje në numërim dhe se diferencat e ngushta mes kandidatëve mund të ndikojnë në renditjen përfundimtare. Megjithatë, PZAP nuk e ka mbështetur këtë kërkesë. /A.K/

 

Continue Reading

Të kërkuara