Lajmet

Shtohen rastet me COVID-19 mes fëmijëve në ShBA

Published

4 years ago

September 8, 2021

Betim Gashi

“Ky variant i veçantë ka sulmuar të rriturit me një ritëm të shpejtë, tani po sulmon dhe studentët me të njëjtin ritëm“.

Mësuesit dhe zyrtarët e shëndetësisë po ngrenë alarmin për një rritje të rasteve me koronavirus mes fëmijëve. Më shumë se 250 mijë të infektuar u raportuan javën e kaluar në këtë grupmoshë, çereku i rasteve totale të shënuara për atë periudhë.

“Duhet të kemi një sistem me maksa në shkolla, dhe t’i rrethojmë fëmijët me njerëz të vaksinuar.”, u shpreh Fauci.

Kjo vjen teksa ShBA prek një rekord të zymtë, duke tejkaluar 40 milionë rastet me koronavirus në total. 10% e tyre të raportuara në vetëm 4 javët e fundit.

Ekspertët mjekësorë paralajmërojnë për një pik të ri të rasteve, si shkak i rikthimit të udhëtimeve dhe grumbullimeve të mëdha.

“Duhet të përgatitemi për një tjetër valë pas festës së fundjavës së kaluar”, u shpreh mjekja Amycomton-Phillips.

Kjo sjell shqetësime lidhur me aftësisë e spitaleve për të përballuar fluksin. Sipas departamentit të shëndetësisë, 8 shtete kanë 90% të kapaciteteve në përkujdesjen intensive të zëna. Me rastet dhe shtrimet në rritje, presidenti Joe Biden do t’I drejtohet kombit amerikan për fazën e re të kundërpërgjigjes ndaj pandemisë.

Lajmet

Gjakovë: Vajza e mitur zhduket, policia nis hetimet

Published

30 minutes ago

June 30, 2025

UBTNews

Një rast i zhdukjes është raportuar në Gjakovë gjatë orëve të para të mëngjesit të 29 qershorit 2025.

Sipas Policisë së Kosovës, një grua ka njoftuar autoritetet se vajza e saj e mitur është larguar nga shtëpia dhe nuk është kthyer më.

Rasti është cilësuar si “person i zhdukur” dhe hetimet për lokalizimin e saj janë në zhvillim e sipër nga njësitet përkatëse policore.

Lajmet

48 aksidente në 24 orë, një prej tyre me fatalitet

Published

38 minutes ago

June 30, 2025

UBTNews

Gjatë 24 orëve të fundit, në Kosovë janë regjistruar 48 aksidente trafiku, prej të cilave 1 aksident me fatalitet.

Ndërsa 19 prej tyre aksidente me persona të lënduar, 28 aksidente me dëme materiale.

Në kuadër të kontrolleve për sigurinë rrugore, Policia e Kosovës ka shqiptuar 1,706 tiketa trafiku për shkelje të rregullave të komunikacionit.

Në vijim të veprimeve operative për rendin publik, janë arrestuar 14 persona, prej tyre 7 janë dërguar në mbajtje, 2 ndodhen në ndalim policor, ndërsa 1 person po vazhdon vuajtjen e dënimit.

Lajmet

Vdes personi që u aksidentua në Sllovi të Lipjanit

Published

1 hour ago

June 30, 2025

UBTNews

Vdes në Qendrën Klinike Universitare të Kosovës personi që ishte aksidentuar në Sllovi të Lipjanit më 26 qershor.

Sipas raportit të Policisë, i njëjti ka vdekur dy ditë më pas.

“Më 28.06.2025 në QKUK ka ndërruar jetë një mashkull, i cili ishte duke u trajtuar pasi ishte lënduar gjatë një aksidenti trafiku që kishte ndodhur më 26.06.2025. Me vendim të prokurorit trupi i pajetë është dërguar në IML për obduksion”, thuhet në njoftimin e Policisë së Kosovës.

Lajmet

Sot nis takimi dyditor i liderëve BE-Ballkani Perëndimor në Shkup

Published

2 hours ago

June 30, 2025

UBTnews

Të hënën dhe të martën në Shkup mbahet takimi i liderëve Bashkimi Evropian-Ballkani Perëndimor për Planin e Rritjes.

Në orën 9:30 sot parashikohet mbërritja dhe pritja zyrtare e liderëve të Ballkanit Perëndimor. Në orën 10:00 do të fillojë paneli i parë kushtuar Planit për Rritje të Ballkanit Perëndimor.

Fjalime hyrëse do të mbajnë kryeministri maqedonas Hristijan Mickoski dhe komisionerja për Zgjerim, Marta Kos.

Ndërsa nga ora 16:00, do të mbahet takimi ndërmjet kryeministrit të Maqedonisë së Veriut, Hristijan Mickoski dhe komisionares evropiane për Zgjerim, Marta Kos, pas së cilit do të pasojë një takim bilateral me delegacione në format më të zgjeruar

Plani për Rritje për Ballkanin Perëndimor prej 6 miliardë eurosh u miratua nga Komisioni Evropian me 8 nëntor 2023. Ai bazohet në katër shtylla: forcimi i integrimit ekonomik në tregun unik të BE-së; forcimi i integrimit ekonomik brenda Ballkanit Perëndimor përmes tregut të përbashkët rajonal; përshpejtimi i reformave fundamentale dhe rritja e asistencës financiare për të ndihmuar reformat.