Lifestyle

Shtatë tipare që ju bëjnë tërheqës, s’kanë lidhje me pamjen

Disa mënyra që të projektoni bukurinë e brendshme unike që ju keni, por që nuk e shfaqni.

Published

3 years ago

on

Pamja jonë është më shumë se sa një shprehje fizike. Një person mund të ketë tiparet më të bukura, por personaliteti i tij mund të jetë shumë egoist apo grykës, apo mizor. Gjithashtu, ju e projektoni brendësinë e vetes tuaj përmes mendimeve dhe qëllimeve. Më poshtë, disa mënyra që të projektoni bukurinë e brendshme unike që ju keni, por që nuk e shfaqni.

Vetëbesimi

Është arsyeja e tërheqjes e njohur më universalisht. Nuk ka rëndësi seksi, kultura, mosha apo raca juaj, vetëbesimi është i detyrueshëm dhe plusi më i mirë. Ne duam një partner me vetëbesim, sepse duam të jemi me një person të fortë dhe të aftë. Nuk ka problem nëse nuk jeni personi me më shumë vetëbesim që ekziston, e rëndësishme është që të njihni pikat tuaja të forta dhe të dobëta. Këshilla për vetëbesimin është që “bëni sikur”, deri sa ta keni. Kjo është këshillë e mirë, por mos u përpiqni fort që të bëni si dikush që nuk jeni. Bëni kujdes të mos e teproni.

Sinqeriteti seksual dhe hapja

Kur jemi me dikë seksualisht: lakuriq, të ekspozuar, duke u shprehur në kaq shumë nivele, e rëndësishme është të jemi të thjeshtë e të ndershëm. Jini vetvetja, të përgatitur për të pranuar dhe dashur partnerin. Nëse ju të dy nuk e shprehni veten tuaj, atë që doni, atë që keni frikë, atë që shijoni, zhvillimi juaj dhe i marrëdhënies suaj do të jetë i avashtë dhe me vështirësi. Le të jetë një shprehje çliruese, dashurore, zbuluese mes ju të dyve.

Humori

E qeshura është pjesë themelore e jetës. Kultivojeni, ndajeni, shijojeni dhe kërkojeni. Jeta është e pafundme dhe mahnitëse. Ne duhet të kujtohemi herë pas here që të çlirohemi dhe të shijojmë atë që mundemi. Mund të hedhim dritë mbi një qasje të errët, apo mund të shtojmë gëzim në lumturinë e dikujt. Ky tipar është një prej më të vyerve.

Pasioni

Cfarë është jeta pa pasion? Shpresoj të mos e mësoj asnjëherë personalisht! Ndonjëherë ne ndihemi pa gjallëri apo aspak energjikë. Të jesh pasionant nuk do të thotë të jesh “i ndezur” 24 orë në ditë, do të thotë që kujdesesh, të bëhet vonë. Ju kujdeseni thellësisht për personin tjetër dhe për marrëdhënien tuaj. Ju jeni të gatshëm të bëni ç’është e nevojshme për të qenë të lumtur dhe për t’u sjellë lumturi atyre që doni dhe respektoni.

Vendosmëria

Nuk është e thënë të keni gjithë përgjigjet, por përgjigjet tuaja nuk janë asnjëherë të tmerrshme, si “Nuk e di”, apo “Si të duash”. Nëse ju bëjnë një pyetje, mos u shmangni. Nëse nuk i përgjigjeni dot drejtpërdrejtë apo në mënyrë specifike, atëherë shpjegoni se çfarë po ndodh.

Mirësia

Sapo nisi të shprehni në mënyrë të rehatshme një shumicë prej këtyre tipareve, kjo do të vijë natyrshëm. Është e rëndësishme të ndiheni rehat me veten dhe zërin tuaj. Nuk është se do e përzgjidhni pamjen tuaj që ditën e parë, por do të jetë një imazh që do të zhvillohet gradualisht.

Pranoni miqtë e partnerit, ose të paktën bëni një përpjekje të sinqertë

Mos u përpiqni të detyroni një marrëdhënie mes jush dhe miqve të partnerit tuaj. Mos tregoni mungesë respekti ndaj tyre. Vazhdoni të jeni vetvetja dhe të mbështesni partnerin. Fokusi duhet të jetë gjithmonë që të siguroheni se ju të dy mbështesni njëri-tjetrin.

Related Topics:
Continue Reading

Lifestyle

Shprehitë që janë duke jua dëmtuar trurin

Published

14 hours ago

on

April 17, 2025

By

Ka disa shprehi në stilin tuaj të jetesës që e kërcënojnë shëndetin e trurit në mënyrë serioze.

Zakonisht janë shprehi të cilat ua mohojnë trurit nutrientët e rëndësishëm ose me shpejtësi i vrasin qelizat e trurit që t’ju bëjnë më të rrezikuar nga çrregullimet mendore si depresioni apo ankthi.

Shmangia e shujtës së mëngjesit

Kur duhet të nxitoni për në zyre, gjëja më e lehtë që e bëni është ta shmangni mëngjesin. Kjo ju jep kënaqësinë e arritjes në zyre më herët, por është diçka që ju kushton në shëndet më vonë. Veç kësaj, shmangia e shujtës së mëngjesit nuk ju ndihmon në zvogëlimin e peshës.

Flini vonë

Është e zakonshme që njerëzit të flenë vonë, e posaçërisht vikendeve. Por, kjo është e rrezikshme për shëndetin e trurit. Kur qëndroni zgjuar deri vonë, ju vuani nga shtimi i peshës, rënia e flokëve dhe problemet e ndryshme të lëkurës.

Konsumimi i ushqimeve me shumë sheqer

Këto ushqime e rrisin rrezikun e sëmundjes së alzheimerit dhe sëmundjeve të zemrës, ndikojnë në aftësitë tuaja për të mësuar dhe e rrisin depresionin.

Pirja e duhanit

Jo vetëm se pirja e duhanit është e dëmshme për mushkëritë, por është tejet e rrezikshme edhe për trurin. Kur pini duhan, ia rritni vetes shanset për të pësuar sulm në tru, për t’u sëmurë nga Alzheimeri, etj.

Continue Reading

Lifestyle

Kujdesi për lëkurën, tre hapa të thjeshtë

Published

6 days ago

on

April 11, 2025

By

Për kujdesin e përditshëm të lëkurës, mund ta kufizoni rutinën tuaj në tre hapa të thjeshtë:

Pastrimin e lëkurës, mbrojtjen e saj nga dielli dhe prirjen ndaj ndonjë problemi specifik që mund të keni, të tilla si lëkura e thatë, puçrrat, ose linjat e imëta dhe rrudhat.

Produktet për të tre hapat janë në dispozicion në barnatoret lokale dhe kanë kosto të ulët.

Pastroni lëkurën tuaj

Zgjidhni pastruesin bazuar në faktin nëse lëkura juaj është e thatë apo e yndyrshme. Nëse keni lëkurë të thatë, zgjidhni një agjent të butë pastrimi e shmangni produktet si tonerët, që përmbajnë alkool. Për lëkurë të yndyrshme, zgjidhni një sapun që largon vajin e pastroni më shpesh lëkurën gjatë ditës.

Mbroni lëkurën nga dielli

Zgjidhni krem ​​me spektër të gjerë me SPF prej 30 ose më të lartë përdoreni çdo ditë. SPF-të më të larta janë të dobishme nëse planifikoni të kaloni kohë jashtë, nëse rrini brenda, SPF 30 është i mjaftueshëm. Nëse keni lëkurë të ndjeshme, zgjidhni një produkt për mbrojtje e krijuar për lëkurë të ndjeshme.

Trajtoni nevojat e veçanta të lëkurës

Për lëkurën e thatë, ka shumë hidratues efektivë dhe të lirë. Ekzistojnë produkte pa kosto të përballueshme që mund të zvogëlojnë linjat dhe rrudhat, njollat ​​e zbehta kafe ose puçrrat. /UBT News/

Continue Reading

Lifestyle

Fundjava erdhi, ja si ta kaloni pa stres dhe në mënyrë fantastike

Published

2 weeks ago

on

April 5, 2025

By

Shumë njerëz jetojnë për fundjavën, se është koha kur mund të shijojnë ditën e pushimit. Edhe pse është e trishtë kur mendon se të gjithë janë të mbingarkuar me punë, nuk besoj se kjo gjë do të ndryshojë ndonjëherë.

Prandaj duhet të bëni maksimumin për të shijuar këto dy ditë pushim.

Sapo kalon e premtja, keni vetëm 48 orë deri sa mëngjesi i të hënës të vijë sërish. Ndoshta kjo është një mënyrë dramatike për ta parë situatën, por të gjithë e ndiejnë presionin e fundjavës. Është koha për të takuar miqtë, familjen, të dilni në takim, të gatuani e të kujdeseni për veten nëpërmjet disa ushtrimeve fizike. Ose dhe të rrini dhe të mos bëni asgjë, kjo është një mënyrë shumë e mirë për t’u relaksuar.

Këto janë disa këshilla se çfarë mund të bëni gjatë fundjavës:

Mos kontrolloni email-in tuaj, shmangiuni punës – Sapo keni një moment qetësie, merrni telefonin e filloni kontrolloni email-et tuaja. Është zakon i fiksuar gjatë javës, por në fundjavë duhet eliminuar. Lëreni mënjanë punën e fokusohuni në momentin e qetësisë.

Shmangiuni listës së gjërave që duhet të bëni – Një nga gjërat më të mërzitshme të të qenit i rritur është organizmi i ditës. Qoftë një ditë në shkollë apo në orar të plotë pune, e keni parasysh çfarë do ndodhë në çdo ditë të javës. Në fundjavë mund ta hidhni këtë listë. Nuk ka më punë, detyra për të bërë apo takime. Jini vetja juaj dhe rrini në pizhama për sa kohë doni.

Festoni të premten – Qëllimi kryesor i fundjavës është të bëni qejf, por edhe të shplodheni. Për t’i realizuar, dilni e festoni të premten në mbrëmje dhe gjatë fundjavës do të keni mundësi të merrni veten. Kështu, për të hënën do të jeni tërësisht të freskët.

Dilni nga shtëpia dhe shikoni çfarë ndodh – Nuk ka rëndësi nëse nuk keni asnjë plan apo takim të organizuar, mund të dilni të bëni diçka për të cilën nuk keni planifikuar asgjë. Kur jeni me pushime, cilat janë ditët më të mira? Janë ato që s’keni asnjë plan. Mjafton ta kaloni ditën duke lëvizur në qytet, duke parë se çfarë do t’ju ofrojë.

Kaloni një kohë të gjatë me miqtë tuaj – A ka ndonjë gjë më të adhurueshme se sa një grup shoqeror që ju ndihmon të relaksoheni por edhe të kaloni momente fantastike plot të qeshura dhe harmoni? Nuk ka, prandaj sapo të mbaroni ato që kishit për të bërë në shtëpi, dilni dhe takoni shoqet/shokët tuaj. Mjafton të dilni edhe për një kafe, pa pasur shumë harxhime. Do e shikoni që ja vlen.

Mos përhapni panik kur vjen mbrëmja e së dielës – Asnjë nuk e pëlqen të dielën sepse është e vështirë të mendosh se një javë tjetër e vështirë e me punë të pret. Por, pse ta harxhoni jetën duke menduar për të ardhmen? Mos e mendoni dhe shijoni kohën e lirë që keni. E shtuna dhe e diela janë ditët kur mund të jeni vetvetja, të pushoni dhe të bëni diçka të bukur. /UBT News/

Continue Reading

Lifestyle

Gjërat që duhet të bëni në mëngjes, për të qenë të lumtur

Published

2 weeks ago

on

April 4, 2025

By

Mëngjesi nuk është ajo periudha më e bukur e ditës për shumë njerëz. Të themi që mezi zgjoheni pasi alarmi ka rënë disa herë, duhet të bëni fëmijët gati për shkollë, të përgatisni mëngjesin, të bëheni vetë gati për në punë etj.

Çfarë të bëni për të shtuar dozat e lumturisë që herët në mëngjes, në mënyrë që e gjithë dita t’ju ecë mbarë?

Zgjidh një zakon që mund ta kthesh në ritual të përditshëm – Mund të duket si diçka e zakonshme kur e lexoni për herë të parë, por shpesh disa momente të vogla herët kthehen në çaste lumturie që zgjasin gjithë ditës. Disa minuta meditim, shijimi i kafesë teksa kaloni minuta duke u fokusuar te natyra jashtë dritares, zogjtë, bari që ka mbirë në oborr, lulet e freskëta etj.

Hiqni telefonin nga dhoma – Mos kapni telefon, kompjuter, iPad, mos ndizni televizorin në mëngjes, të gjitha pajisjet janë një shtysë më shumë që ndikon në humorin tuaj dhe ka studime që provojnë se ato vërtet pengojnë lumturinë e njerëzve.

Flisni me veten – Njerëzit priren të flasin me veten shumë, sidomos në mëngjes kur ndihen të përgjumur apo të stresuar për vazhdimin e ditës. Të bërit kritika vetes a biseda për një projekt, takim të rëndësishëm apo plane janë teknikë e thjeshtë që ndihmojnë në lumturinë tuaj.

Flisni me një person të afërt për ju – Një bisedë me dikë që është miku juaj, i afërm, koleg a një person për të cilin keni mendim pozitiv, mund të jetë “kontakti social” që ka ndikim në jetën tuaj, qoftë edhe për vazhdimin e ditës. Një telefonatë, një mesazh apo pirja e një kafeje në mëngjes me këta persona mund të jetë “vulë” sigurie për lumturinë dhe vazhdimin e ditës.

Jini mirënjohës/e – Një larmi zakonesh ndikojnë në lumturi, por mirënjohja është një nga themelet kryesore të kësaj gjendjeje. Shkruani në ditar për gjërat që keni qenë mirënjohës gjatë ditëve të fundit. Leximi i tyre në mëngjes ndikon në shtimin e ndjenjave të lumturisë.

Continue Reading

Të kërkuara