Aktualitet

ShSKUK pa punëtorë të rinj që nga viti 2019

Vetëm gjatë katër muajve të fundit kanë ikur jashtë vendit katër pediatër.

Published

4 years ago

August 2, 2022

UBT.News

Për herë të fundit si drejtor i ShSKUK-së, Valbon Krasniqi ka raportuar para anëtarëve të Komisionit për Mbikëqyrjen e Financave Publike. Gjatë ditës së sotme, është shqyrtuar raporti i auditimit për pasqyrat financiare të Shërbimit Spitalor Klinik Universitar gjatë vitit 2021.

Vonesa në pagesa të faturave dhe vazhdim i mandatit të anëtarëve të bordit në kundërshtim me ligjin, janë vetëm disa nga shkeljet që janë evidentuar nga auditori. Ndërkaq, Krasniqi ka deklaruar se Kosova është në krizë për staf shëndetësor.

Derisa është kritikuar puna e bordit të këtij institucioni, deputeti i Partisë Demokratike të Kosovës, Hajdar Beqa ka përmendur mocionin për shkarkimin e Qeverisë Kurti.
“Sot nëse vjen votëbesimi i qeverisë Kurti, bashkë me ministrin Latifi dhe të gjithë vartësit e tij dhe bordin e ShSKUK-së, me kënaqësi do të kisha votuar për shkarkimin e tyre. Sepse konsideroj që janë duke bërë një dëm për vendin… Dhe jam optimist që këtë kënaqësi do ta kem shumë shpejtë“, tha Beqa.

Kështu ka deklaruar Beqa derisa janë shqyrtuar shkeljet që janë gjetur në raportin e auditimit për pasqyrat financiare në Shërbimin Spitalor Klinik Universitar të vitit 2021, ku mes tjerash është përmendur shkelja e ligjit nga bordi aktual, i cili ia ka vazhduar në mënyrë të kundërligjshme kontratën një anëtari të bordit.

Në prezantimin e këtij raporti, deputeti Rashit Qalaj theksoi se ka pasur vonesa në pagesa të faturave dhe vazhdim të mandatit në kundërshtim me ligjin.

“Mungesë e raporteve të pranimit të mallit të përgatitur nga menaxherët e kontratave, te kontratat me vlerë prej 7 milionë e 864 e 454 euro. Vonesa nga tetë ditë deri në gjashtë muaj në pagesën e faturave në vlerë prej dy milionë e 448 mijë e 184 euro. Dhe vazhdim i kontratës së punës për anëtarin e shtatë të bordit drejtues-drejtorit financiar, ekspertin e ekonomisë në mungesë të konkursit publik”, ka njoftuar Qalaj.

Po ashtu deputetë të komisionit kanë përmendur edhe numrin e madh të ikjeve jashtë vendit të punëtorëve shëndetësorë. Për çka, Krasniqi shtoi se që nga viti 2019 nuk ka asnjë rritje të numrit të stafit shëndetësor.

“Nga viti 2019, që katër vjet në nivel të ShSKUK-së, numri i të punësuarve nuk është rritur për asnjë punëtor. 7438 i kemi në sistem në vitin 2019, njësoj në vitin 2020, njësoj në 2021, njësoj në vitin 2022. Madje, qarkorja e parë buxhetore për vitin 2023 parasheh numër të njëjtë të stafit në nivel të ShSKUK-së. ShSKUK përballet para një krize serioze për sa i përket mungesës së stafit shëndetësorë”, ka deklaruar ai.

Derisa u diskutua për ikjen e mjekëve jashtë vendit, Krasniqi gjatë së martës u shpreh se vetëm gjatë katër muajve të fundit kanë ikur jashtë vendit katër pediatër.

“Na duhet urgjentisht që të bëjmë diçka që punëtorët shëndetësor t’i motivojmë, t’i mbajmë në institucionet tona publike. Kemi spitale të përgjithshme të cilat rrezikohet mbyllja e reparteve të caktuara në ato spitale. Vetëm në këtë kohën e fundit nga Klinika e Pediatrisë janë larguar së paku katër pediatre dhe jo të sapo diplomuar, por me përvojë pune”, ka shtuar ai.

Gjatë ditës, është bërë e ditur se bordi drejtues i ShSKUK-së ka miratuar dorëheqjen e Valbon Krasniqit.

Në anën tjetër, për shkak të mungesës së ministrit të Shëndetësisë, ka dështuar të shqyrtohet raporti i auditimit për pasqyrat financiare të MSh-së. Opozita në Komisionin për Mbikëqyrjen e Financave Publike nuk është pajtuar të shqyrtojë këtë raport pa prezencën e ministrit Rifat Latifi.

Komisioni ka vendosur që ky raport të shqyrtohet në seancë plenare.

Lajmet

30 për qind bursë për ish-studentët e UBT-së në programet më inovative Master – regjistrohu sot!

Published

12 hours ago

August 12, 2026

ubtnews

UBT po u ofron të gjithë të diplomuarve të tij një mundësi të veçantë për të vazhduar rrugëtimin akademik dhe profesional, duke përfituar 30% bursë për studimet Master në UBT.

Në një treg pune që po ndryshon me shpejtësi, avancimi i vazhdueshëm profesional po bëhet gjithnjë e më i rëndësishëm. Për këtë arsye, ish-studentët e UBT-së kanë mundësinë të rikthehen në universitet për të thelluar njohuritë, fituar specializime të reja dhe zhvilluar kompetenca të avancuara, tashmë me një përfitim të veçantë prej 30% bursë.

Kjo mundësi vlen për programet Master të UBT-së, të cilat përfshijnë disa nga fushat më të kërkuara dhe inovative të tregut bashkëkohor, duke u dhënë të diplomuarve mundësinë të zgjedhin një program që përputhet me profesionin, interesat dhe objektivat e tyre të karrierës.

Programet Master në UBT përfshijnë:

Menaxhment, Biznes dhe Ekonomi
FinTech dhe Menaxhimi i Inovacionit
Shkenca Kompjuterike dhe Inxhinieri
Sistemet e Informacionit dhe Menaxhment
Inxhinieri e Mekatronikës
Inxhinieri e Ndërtimit dhe Infrastrukturë
Inxhinieri e Trafikut dhe Transportit
Inxhinieri e Energjisë dhe Mjedisi
Arkitekturë dhe Planifikim Hapësinor
E Drejta Penale
E Drejta Civile dhe Pronës
E Drejta Komerciale
Gjuhë, Media dhe Komunikim
Politika Publike dhe Menaxhim
Shkenca Politike
Studime të Sigurisë
Psikologji
Shkencat dhe Teknologjia e Ushqimit
Shëndet Publik dhe Menaxhim
Biokimi
Shkencat Paramjekësore
Agrikulturë dhe Mjedis
Shëndet dhe Aktivitet Fizik

Përmes programeve të orientuara drejt inovacionit dhe nevojave të tregut, UBT synon që studentët Master të fitojnë jo vetëm njohuri të avancuara akademike, por edhe kompetenca profesionale të aplikueshme në praktikë.

Për ish-studentët e UBT-së, kjo është mundësia për ta vazhduar aty ku e nisën – duke e kthyer përvojën universitare në një nivel të ri profesional.

Regjistrohu sot dhe përfito 30% bursë!

Aktualitet

Ronaldo i shpreh ngushëllime Messit për humbjen e babait

Published

12 hours ago

August 12, 2026

UBTNews

Cristiano Ronaldo i ka dërguar një mesazh të ndjerë ngushëllimi rivalit të tij të hershëm, Lionel Messi, pas vdekjes së babait të tij, Jorge Messi, në moshën 68-vjeçare pas një sëmundjeje të gjatë.

Duke lënë mënjanë rivalitetin sportive në fushë, ylli portugez reagoi në postimin e Messit me fjalët:

“Përqafime për ty dhe të dashurit në këtë moment të vështirë, Leo. Qëndro i fortë”.

Vendi

PDK paralajmëron veprime jashtë Kuvendit pas refuzimit të kërkesës për seancë

Published

12 hours ago

August 12, 2026

UBTNews

Sekretarja e Përgjithshme e Partisë Demokratike të Kosovës ka deklaruar se refuzimi për thirrjen e seancës më 12 gusht është një model i sjelljes politike nga Lëvizja Vetëvendosje dhe kryesuesi Avni Dehari, e jo thjesht një incident procedural. Sipas saj, shkelja e afatit 30-ditor dhe shpërfillja e rregullit për vazhdimin e seancës çdo 48 orë përbëjnë zbatim selektiv të Kushtetutës dhe bllokim të mandatit të deputetëve të zgjedhur më 7 qershor.

Ajo i bëri thirrje Albin Kurtit që ta kthejë vendin në binarë kushtetues, duke theksuar se PDK-ja nuk kërkon pushtet apo marrëveshje partiake, por funksionalizimin e shtetit. Gjithashtu, ajo bëri me dije se PDK-ja do të dorëzojë sërish kërkesë zyrtare për seancë pas 48 orësh dhe do të jetë çdo ditë në Kuvend.

Paralelisht me punën në Kuvend, ajo paralajmëroi zhvendosjen e aktivitetit politik edhe jashtë tij, përmes bashkëbisedimeve me qytetarë dhe grupe të ndryshme shoqërore. Në fund, ajo denoncoi edhe cënimin e integritetit fizik të disa deputetëve të PDK-së nga mbrojtja e afërt, duke njoftuar se për këtë rast do t’i drejtohen Inspektoratit Policor të Kosovës. /E.A/

Aktualitet

Shpëtohet e gjallë 32-vjeçarja pas 36 orësh nën rrënoja nga tërmeti në Kolumbi

Published

13 hours ago

August 12, 2026

UBTNews

Një 32-vjeçare është shpëtuar e gjallë pasi mbeti e bllokuar për 36 orë nën rrënoja, si pasojë e tërmetit të fuqishëm prej 7.4 ballësh që goditi Kolumbinë perëndimore.

Daniela Largo u nxor nga gërmadhat e një ndërtese të shembur në qytetin Pereira, pas një operacioni kompleks që zgjati 10 orë. Zjarrfikësit dhe ekipet e emergjencës arritën te ajo përmes një tuneli të hapur poshtë katër pllakave të rënda të betonit. Vendndodhja e saj u lokalizua falë një kamere të vogël, pasi një banor vendas dëgjoi thirrjet për ndihmë. Përmes një tuneli të parë të hapur nga lart ekipet i siguruan oksigjen, ndërsa përmes tunelit të dytë nga poshtë realizuan nxjerrjen e saj.

Shpëtimin e saj e ka përshëndetur edhe presidenti kolumbian, Abelardo de la Espriella, i cili e cilësoi ngjarjen si një “lajm që na mbush me shpresë”. Pas shpëtimit, Largo u shpreh e lehtësuar duke thënë se në shtëpi po e pret djali i saj 12-vjeçar.

Sipas të dhënave zyrtare, tërmeti tragjik ka lënë të paktën 188 të vdekur dhe qindra të tjerë të zhdukur. Bilancin më të rëndë e shënojnë qytetet Cali me 95 viktimë dhe Pereira me 79 të vdekur. Ekipet e kërkim-shpëtimit po vazhdojnë punën në terren për gjetjen e të mbijetuarve të tjerë. /BBC/