Aktualitet

Shkrimtarja amerikane Anne Applebaum bën apel për armë për Ukrainën ndërsa pranon Çmimin Gjerman të Paqes

Published

on

Anne Applebaum, fituesja e Çmimit Pulitzer dhe një prej zërave më të njohur për kritikën e totalitarizmit, mori Çmimin e Paqes të Tregtisë Gjermane të Librit këtë vit.

Në fjalimin e saj të pranimit në Frankfurt, Applebaum theksoi se thirrja për paqe përballë agresionit nuk është gjithmonë një qëndrim moral. Ajo argumentoi se pacifizmi i verbër, sidomos kur përballemi me diktatura agresive si në rastin e pushtimit rus në Ukrainë, shpesh përfaqëson qetësimin e tiranisë dhe jo mbrojtjen e paqes.

Applebaum përqendroi fjalimin e saj në rëndësinë e mbështetjes për Ukrainën, duke theksuar se disfata e mundshme e Rusisë mund të çojë në fundin e kulturës së dhunës që e ka karakterizuar atë, përcjellë UBTNews.

Ajo kritikoi ata që citojnë “mësimet e historisë gjermane” për të mbrojtur pacifizmin dhe theksoi se, përkundrazi, historia e Gjermanisë tregon se përgjegjësia e saj është të mbrojë lirinë. Kjo do të thotë se Gjermania dhe bota duhet të marrin rreziqe për të ndaluar agresionin e Moskës, përndryshe pasojat për Ukrainën dhe për lirinë në përgjithësi do të jenë katastrofike.

Me anë të fjalimit të saj të fuqishëm, Applebaum sfidoi idenë e paqes si një qëllim të paqartë dhe theksoi se paqja nuk mund të arrihet në kurriz të drejtësisë dhe lirisë. Ajo gjithashtu nënvizoi se paqja e vërtetë kërkon një angazhim për të ndaluar tiraninë dhe shtypjen, duke kujtuar rëndësinë e veprimit përballë kërcënimeve të tilla si pushtimi i Ukrainës.

Ky çmim i nderuar, i cili jepet që nga viti 1950 për individë që përpiqen të sjellin paqe përmes letërsisë, shkencës dhe artit, i njohu Applebaum si një zë të fuqishëm kundër autoritarizmit./UBTNews/

Bota

Shirat e rrëmbyeshëm përfshijnë Tajlandën, një i vdekur dhe një i zhdukur

Published

on

Një person ka humbur jetën si dhe një tjetër rezulton i zhdukur pas rrëshqitjes së dheut si pasojë e shirave të rrëmbyeshëm, në qytetin Chiang Mai, të Tajlandës.

Pamjet e transmetuara nga transmetuesi tajlandez TPBS tregonin rrugë të përmbytura në pjesë të provincave Nan dhe Lampang, në lindje të Chiang Mai, raporton AP.

Departamenti për Parandalimin dhe Zbutjes së Fatkeqësive në Tajlandës, njoftoi për shumë shtëpi të prekura dhe disa persona të lënduar nga përmbytjet e menjëhershme dhe rrëshqitjet e dheut në provincat veriore.

Departamenti Meteorologjik i Tajlandës paralajmëroi për shira të rrëmbyeshëm në rajonet veriore dhe verilindore të mërkurën.

Banorët në zonat kodrinore dhe zonat e ulëta pranë rrugëve ujore u paralajmëruan për përmbytje të mundshme dhe rrëshqitje dheu.

Shiu ishte pasojë e Stuhisë Tropikale Kajiki, e cila zbarkoi të hënën pasdite në Vietnamin qendror, ku mijëra njerëz u evakuuan nga zonat me rrezik të lartë.

Continue Reading

Aktualitet

KQZ miraton vendime për decertifikim dhe certifikim të kandidatëve për zgjedhjet lokale 2025

Published

on

Komisioni Qendror i Zgjedhjeve (KQZ), në mbledhjen e mbajtur ka miratuar një seri vendimesh për decertifikimin e disa kandidatëve që më herët ishin certifikuar dhe zëvendësimin e tyre me kandidatë të tjerë për zgjedhjet lokale të vitit 2025.

Sipas vendimeve të KQZ-së:
• Lëvizja VETËVENDOSJE!: Decertifikim i 2 kandidatëve dhe certifikim i 3 kandidatëve të rinj
• Lidhja Demokratike e Kosovës (LDK): Decertifikim i 2 kandidatëve dhe certifikim i 2 kandidatëve të rinj
• GUXO: Decertifikim i 3 kandidatëve
• Alternativa: Decertifikim i 2 kandidatëve
• Bashkimi Demokratik: Decertifikim i 1 kandidati
• Kosovski Savez: Decertifikim i 1 kandidati
• Koalicija VAKAT: Decertifikim i 1 kandidati

Këto vendime vijnë në kuadër të përgatitjeve për procesin zgjedhor lokal dhe kanë për qëllim të saktësojnë listat e kandidatëve që do të garojnë në zgjedhjet e vitit 2025, duke siguruar që ato të jenë të përditësuara dhe në përputhje me rregullat e KQZ-së.

Continue Reading

Aktualitet

OEK shpreh shqetësim të thellë lidhur me faturat e energjisë elektrike

Published

on

Oda Ekonomike e Kosovës së bashku me Shoqatën e Prodhuesve të Kosovës në kuadër të saj, kanë shprehur shqetësimin e thellë lidhur me faturat e energjisë elektrike të muajve të fundit, të cilat sipas tyre po shndërrohen në një barrë të papërballueshme për sektorin prodhues.

Në komunikatën e lëshuar për media thuhet se që nga dita e parë, Oda Ekonomike e Kosovës së bashku me Shoqatën e saj Prodhuese, ka ngritur zërin publikisht dhe institucionalisht se dalja e detyrueshme e prodhuesve në tregun e lirë do të rezultojë me çmime të papërballueshme për bizneset. Sot, fatkeqësisht, po vërtetohet pikërisht ajo për të cilën kemi paralajmëruar.

OEK ka paraqitur edhe disa të dhëna zyrtare, që sipas tyre, bizneset prodhuese të obliguara të furnizohen në tregun e lirë kanë paguar 162 €/MWh në qershor 2025 dhe 203 €/MWh në korrik 2025.

Në të njëjtën periudhë, konsumatorët në furnizim të rregulluar kanë paguar vetëm 65–75 €/MWh.

Ky dallim i pajustifikuar, mbi 3 herë më i lartë për prodhuesit, ka sjellë pasoja të rënda për konkurrueshmërinë e fabrikave tona dhe i ka vendosur prodhuesit kosovarë në pozitë të pabarabartë në raport me sektorët e tjerë të brendshëm dhe konkurrentët rajonalë.

Në kulmin e verës, kur normalisht pritet ulje e çmimeve, faturat e prodhuesve janë rritur në nivele rekord. Kjo ngre alarmin se në periudhën e dimrit, kur konsumi dyfishohet, çmimet mund të kalojnë edhe 300 €/MWh, duke shkaktuar pasoja të pariparueshme si:

mbyllje të fabrikave,

humbje të mijëra vendeve të punës,

rrëzim të prodhimit vendor dhe rritje të varësisë nga importet.

 

 

Continue Reading

Aktualitet

Abdixhiku takohet më diplomatë të Francës, diskutohet edhe bllokada institucionale

Published

on

Kryetari i LDK-së, Lumir Abdixhiku, priti në takim të dërguarin e posaçëm të Francës për Ballkanin Perëndimor, René Troccaz dhe ambasadorin e Francës në Kosovë, Olivier Guérot.

Abdixhiku njoftoi se u diskutua edhe bllokada institucionale.

“Gjatë bisedës sonë diskutuam mbi zhvillimet e fundit politike në vend dhe situatën aktuale, veçanërisht sfidat me të cilat po përballet Kosova nga bllokada institucionale deri te pasojat e qeverisjes populiste si dhe qëndrimet e LDK-së karshi kësaj gjendjeje. Theksova qartë se Lidhja Demokratike e Kosovës nuk mbështet praktika që dëmtojnë funksionimin kushtetues dhe normalitetin institucional të vendit. Ata që e kanë nisur këtë rrugëtim, duhet të marrin përgjegjësinë për krizat që i shkaktojnë me vetëdije”, tha ai.

Në fund, shpreha mirënjohjen time për mbështetjen e vazhdueshme që Franca i ka dhënë Kosovës në të gjitha proceset e saj shtetformuese dhe për rolin e rëndësishëm të saj në mbështetjen e integrimit evropian të vendit tonë”, shkroi në Facebook Abdixhiku.

Continue Reading

Të kërkuara