Lajmet

Shkencëtarët në frikë: A po vjen një ndryshim i madh që nuk ishte për 780.000 vjet?

Shpejtësia e Polit të Veriut është rritur në 48 kilometra në vit, sipas “Astronomy”.

Publikuar

Fusha magnetike e Tokës po pëson ndryshime të pazakonta dhe poli magnetik i veriut po lëviz nga Arktiku kanadez në Siberi. Zhvendosja duket se po përshpejtohet, duke ngritur shqetësime rreth rrotullimit të mundshëm të poleve magnetike, thonë shkencëtarët.

Shpejtësia e Polit të Veriut është rritur në 48 kilometra në vit, sipas revistës shkencore “Astronomy”.

Nëse polet magnetike zhvendosen, nuk do të jetë hera e parë në historinë e Tokës, pasi polet kanë ndryshuar vende të paktën 10 herë në 2.6 milionë vjetët e fundit. Hera e fundit që kjo ndodhi ishte 780.000 vjet më parë.

Cilat janë pasojat e ndryshimit të poleve?

Sidoqoftë, është e pamundur të parashikohet mundësia e një gjëje të tillë. Anomalitë që mund të jenë pasojë e ndryshimeve në vendndodhjen e poleve, shkencëtarët i vlerësojnë në mënyra të ndryshme, ku zhvendosja e poleve ndikon në natyrë, por edhe në teknologjinë njerëzore.

Një nga rreziqet më të mëdha, sipas shkencëtarëve, është se Toka, gjatë zhvendosjes së poleve, mund të ketë mbrojtje më të dobët nga rrezatimi diellor dhe kozmik.

Disa gjeologë sugjerojnë që gjatë periudhës së ndryshimit të poleve, ndodhën disa zhdukje masive të specieve, ndërsa të tjerët pretendojnë se njerëzit kanë qenë në Tokë për miliona vjet dhe i kanë mbijetuar ngjarjeve të tilla.

Përplasja e Tokës dhe planetit Thea

Shkencëtarët gjithashtu kanë paraqitur tezën se shkaqet e anomalive gjeomagnetike janë mbetjet e planetit të vjetër Thea, i cili, sipas hipotezës, goditi Tokën 4.5 miliardë vjet më parë, dhe ajo përplasje çoi në formimin e Hënës. Mbetjet e Thea-s nuk janë gjetur kurrë, por disa shkencëtarë besojnë se ato janë varrosur thellë brenda Tokës.

Sipas gjetjeve të fundit të shkencëtarëve, dy shkëmbinj të mëdhenj brenda planetit tonë, më të mëdhenj se Mount Everest, janë shumë më të dendur në strukturë dhe kanë një temperaturë më të lartë se rrethina e tyre. Këta dy shkëmbinj ndikojnë në lëvizjen e hekurit të shkrirë në bërthamën e Tokës, në të cilën gjenerohet fusha magnetike e planetit, duke e dobësuar atë në Atlantikun e Jugut.

Edhe pse është e vështirë të vlerësohen pasojat e mundshme, shkencëtarët besojnë se varet nga sa do të zgjasë. Nëse është i ngadalshëm dhe nëse zgjat qindra vjet, si njerëzit ashtu edhe natyra mund të përshtaten.

Shkencëtarët tani besojnë se më të prekurit do të ishin kafshët që migrojnë dhe përdorin një fushë magnetike për “lundrim”.

Kur bëhet fjalë për njerëzimin, teknologjia, siç janë satelitët, televizioni dhe format e tjera të komunikimit, të cilat do të ndikoheshin negativisht nga rrezatimi kozmik, mund të preken më së shumti. Diçka e ngjashme po ndodh tashmë në Atlantikun e Jugut, ku fusha magnetike është më e dobët, gjë që ndikon në funksionimin e satelitëve mbi atë zonë.

Lajmet

Si ndikon menopauza në trupin tuaj?

Menopauza fillon në mes të viteve 40.

Publikuar

nga

Shumica e grave do të përjetojnë të paktën një simptomë të shkaktuar nga ndryshimi pasi kanë arritur fazën e menopauzës, që zakonisht fillon rreth mesit të viteve 40.

“Disa nga këto mund të jenë mjaft të rënda dhe të kenë një ndikim të rëndësishëm në aktivitetet tuaja të përditshme”, paralajmëron NHS.

Me pak fjalë, menopauza është një periudhë kalimtare kur hormonet po pakësohen dhe kjo nuk shkakton vetëm ndalimin e periodave, por hormonet seksuale veprojnë në të gjithë trupin, nga truri, lëkura e vagina.

Do të thotë që simptomat e menopauzës janë shumë të ndryshme, disa gra nuk e dinë se problemet e tyre, duke filluar nga “mjegulla e trurit” deri te sulmet e panikut, janë shkaktuar nga menopauza.

Një ndër simptomat është edhe ankthi i cili përfshin ndjenjën e tensionuar, frikën e panikun dhe kjo gjendje është  e vazhdueshme.

Irritueshmëria dhe ndryshimet e humorit janë gjithashtu një tipar i zakonshëm i menopauzës./prive.al

Vazhdo të lexosh

Lajmet

11 strategjitë e suksesit të Elon Musk

Themeluesi i Tesla-s, Elon Musk, është njeriu më i pasur në botë.

Publikuar

nga

Sipërmarrësi i suksesshëm, Elon Musk, duket se e ka shumë të qartë vizionin për të nesërmen inovative dhe ai nuk ka aspak frikë që ta ndjekë atë.

Dhe ajo që mund të bëni ju është të ndiqnin strategjitë e tij.

  1. Njohuria është pushtet. Sa më shumë njohur të fitoni gjatë jetës, aq më mirë do të jetë për ju. Procesi i të mësuarit vazhdon gjatë gjithë jetës suaj.
  2. Rrezikoni. Nëse nuk rrezikoni tani, ju nuk do ta merrni kurrë hapin e duhur.
  3. Mos hiqni dorë nga ëndrrat tuaja. Musk është nga sipërmarrësit më të suksesshëm, por edhe ai e ka njohur dështimin.
  4. Duhet të keni intuitën e një lideri të vërtetë. Nuk mjafton vetëm të merrni përsipër rriske por edhe të keni aftësitë dhe intuitën e një lideri të vërtetë.
  5. Konsultoni edhe mendimet e të tjerëve. Aty mund të gjeni ode të vlefshme.
  6. Mos humbni kohë kot. Koha është një ndër elementët më të rëndësishëm në rrugën drejt suksesit.
  7. Mos u frikësoni edhe kur ju refuzojnë.
  8. Përpilo listën e prioriteteve. Musk e skedulon kohën e tij duke i ndarë gjërat sipas prioriteteve.
  9. Mos u dorëzoni. Ndaj mbani pranë vetes njerëz që ju mbështesin dhe ju japin guxim për të vazhduar më tej.
  10. Krijoni një balancën jetë profesionale-jetë personale. Gjeni kohë për familjen tuaj dhe mundohuni të krijoni një ekuilibër midis jetës suaj profesionale dhe asaj familjare.
  11. Mësoni nga gabimet. Gabimet dhe përvoja është mësuesi më i mirë, për të gjithë ne.

Vazhdo të lexosh

Lajmet

Spanjë: Banorë largohen nga shtëpitë pas përhapjes së llavës në La Palma

Dridhjet janë regjistruar para shpërthimit.

Publikuar

nga

Rreth 300 njerëz u larguan nga shtëpitë e tyre herët të enjten ndërsa llava që derdhej nga vullkani Cumbre Vieja u përhap në një zonë tjetër në ishullin spanjoll të La Palma, transmeton UBT News.

Ekipet e urgjencës u dhanë disa orë njerëzve që jetojnë midis qyteteve Tazacorte dhe La Laguna për të mbledhur sendet dhe kafshët e tyre.

Gjatë mëngjesit, një tërmet 4.5 ballë goditi ishullin, tha Instituti Spanjoll Gjeografik , i cili u cilësua si më i fuqishmi nga 100 tërmetet që kanë goditur zonën e shpërthimit gjatë 24 orëve të fundit.

Pa e parë fundin e shpërthimit, i cili është në javën e katërt, autoritetet thanë se ata prisnin që rrjedha e lavës të vazhdonte të përhapej në veriperëndim nga vullkani.

Llava e kuqe tashmë ka shkatërruar gati 600 hektarë tokë dhe ka shkatërruar rreth 1,500 shtëpi dhe ndërtesa të tjera, përfshirë një fabrikë çimentoje që lëshoi ​​tym toksik në fillim të javës./UBTNews/

Vazhdo të lexosh

Film & TV

Një koleksion i filmave dhe dokumentarëve palestinezë po vjen në Netflix!

Një përzgjedhje e filmave palestinezë tashmë janë në Netflix.

Publikuar

nga

Palestinian Stories’ përpilojnë 32 vepra të kineastëve përfshirë Elia Suleiman, Annemarie Jacir dhe Basil Khalil, transmeton UBT News.

Si pjesë e një serie të re të titulluar ‘Palestinian Stories’, veprat e regjisorëve palestinezë të vlerësuar nga kritikët përfshirë Elia Suleiman, Annemarie Jacir dhe Basil Khalil do të mbërrijnë në Netflix këtë tetor.

Filmi i shkurtër i Basil Khalil i nominuar për Oskar, ‘Ave Maria’ , është vetëm një nga titujt, së bashku me ‘Salt of This Sea’ dhe ‘Suleiman’s Divine Intervention’, të Annemarie Jacir.

Projekte të tjera në listë janë: A Drowning Man; Frontiers of Dreams and Fears; A Man Returned; When I Saw You; Children of Shatila; The Crossing; Paradise Now; Chronicle of a Disappearance; Maradona’s Legs; 3000 Nights; In Vitro; Bonbone; Three Logical Exists; dhe Ghost Hunting.

“Shumëllojshmëria e përmbajtjes sonë qëndron pranë zemrës sime ndërsa Netflix po punon për t’u bërë shtëpia e kinemasë arabe, një vend ku çdokush në botë mund të ketë qasje në histori të mëdha arabe”, tha Nuha El Tayeb.

“Ndërsa këto histori janë qartë dhe autentike arabe, temat janë thelbësisht njerëzore dhe do të kenë jehonë me auditorët në të gjithë botën. Kjo është bukuria e vërtetë e tregimit”.

Ndërkohë, një përzgjedhje e filmave dhe dokumentarëve palestinezë tashmë janë në dispozicion në platformën e transmetimit, duke përfshirë ‘The Present’, ‘Eyes of a Thief’ dhe ‘Born In Gaza’./UBTNews/

Vazhdo të lexosh

Të kërkuara