Lajmet

Shkencëtarët kanë zbuluar moshën maksimale që mund të jetojë një njeri

Published

5 years ago

May 28, 2021

Betim Gashi

Ekspertët përdorën një sistem të inteligjencës artificiale për të shtypur të dhënat mjekësore të qindra mijëra vullnetarëve për të krijuar një aplikacion të drejtuar nga AI, që sipas tyre mund të vlerësojë me saktësi shkallën e plakjes biologjike dhe jetëgjatësinë maksimale.

Ekipi shikoi dy parametra kryesorë kur punoi për jetëgjatësinë e njeriut – duke marrë parasysh faktorët e jetesës dhe mënyrën se si trupat tanë reagojnë, raporton Daily Mail.

Studiuesit nga Gero, thonë se kjo i ndihmoi ata të përcaktonin se sa kohë ka të ngjarë të jetojë ndonjë njeri, gjë që ata thonë se është 150 – shumë më e lartë se mesatarja aktuale e Mbretërisë së Bashkuar prej 81.

Autori i parë i studimit, Dr Tim Pyrkov, tha: “Llogaritja e rezistencës bazuar në rrjedhat e të dhënave të aktivitetit fizik është zbatuar në aplikacionin iPhone GeroSense. Kjo na tregojë një humbje të plotë të rezistencës së trupit të njeriut, në një moshë rreth 120 deri në 150 vjeç“.

Ai shtoi: “Ndërsa plakemi, kërkohet gjithnjë e më shumë kohë për t’u rikuperuar pas një shqetësimi, dhe mesatarisht kalojmë gjithnjë e më pak kohë në gjendje optimale fiziologjike”.

Studiuesit përdorën diçka të quajtur DOSI (tregues i gjendjes dinamike të organizmit), që shikon moshën, sëmundjen dhe faktorë të tjerë të mënyrës së jetesës për të parë sesa elastik janë trupat tanë.

Bashkëthemeluesi i Gero, Dr Peter Fedichev tha: “Plakja te njerëzit shfaq tipare universale të përbashkëta për sistemet komplekse që veprojnë në prag të shpërbërjes“.

Studimi, i cili u botua në Nature Communications, shton: “Ne konkludojmë se kritika që rezulton në fund të jetës është një pronë e brendshme biologjike e një organizmi që është e pavarur nga faktorët e stresit dhe tregon një kufi themelor ose absolut të jetëgjatësisë së njeriut“.

Jetëgjatësia ndryshon mjaft gjerësisht nga vendi në vend, sidoqoftë, Japonia del në krye me një jetëgjatësi mesatare prej 84.3 vjet krahasuar me vetëm 53.1 vjet në Republikën e Afrikës Qendrore.

Në Mbretërinë e Bashkuar është 81,4 vjet, pak më e lartë se mesatarja evropiane prej 78,2./UBTNews

Vendi

Mbi 100 gramë kokainë dhe marihuanë kapen në Vërmicë

Published

17 hours ago

June 19, 2026

UBT News

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Vendi

Mbyten dy vajza të mitura në Tale

Published

18 hours ago

June 19, 2026

UBTNews

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë. /E.A/

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

19 hours ago

June 19, 2026

UBTNews

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

21 hours ago

June 19, 2026

UBTNews

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/