Lajmet

Shenjat që trupi jep kur sheqeri në gjak është në nivele të larta

Simptomat e sheqerit të lartë në gjak mund të variojnë nga ato të lehtat e deri te shenjat të cilat nuk mund t’i injoroni dot.

Published

on

Sheqeri është burimi kryesor i energjisë së trupit tuaj, prandaj ju nuk mund të mbijetoni dot pa të. Ai luan një pjesë të rëndësishme në mirëqenien e përgjithshme dhe kur pëson luhatje, shëndeti juaj rrezikohet të preket nga sëmundjet e zemrës, veshkave dhe goditjet në tru.

Simptomat e sheqerit të lartë në gjak mund të variojnë nga ato të lehtat e deri te shenjat të cilat nuk mund t’i injoroni dot.

AgroWeb.org në këtë artikull shpjegon se çfarë duhet të keni kujdes dhe pse.

Çfarë duhet të dini për sheqerin në gjak?

Hiperglicemia, ose niveli i lartë i glukozës në gjak, shkaktohet kur ka shumë sheqer në gjak. Kjo ndodh kur trupi juaj ka shumë pak insulinë (hormoni që transporton glukozën në gjak) ose nuk e përdor insulinën siç duhet. Gjendja lidhet më shpesh me diabetin.

Kur sheqeri në gjak konsiderohet shumë i lartë?

Niveli i sheqerit në gjak më i madh se 180, një deri në dy orë pas ngrënies konsiderohet si shumë i lartë.

Dhe për një shifër nga 100 në 125, sheqeri në gjak konsiderohet shumë i lartë nëse nuk keni ngrënë për të paktën 8 orë.

Rreziqet e mundshme nëse gjendja nuk trajtohet

Nëse nivelet e sheqerit qëndrojnë të larta për një kohë të gjatë, enët tuaja të gjakut përgjegjëse për dërgimin e gjakut në organe të tilla si zemra dhe veshka, do të dëmtohen.

Pse disa njerëz nuk e dinë se kanë sheqer të lartë në gjak?

Jo të gjithë do të vërejnë shenja të sheqerit të lartë në gjak. Disa nga simptomat si lodhja ose shtimi i etjes, mund të zhvillohen ngadalë dhe ju të mos i kuptoni.

Cilat janë shenjat e sheqerit të lartë në gjak?

Ndjeheni i lodhur

Trupi nuk është në gjendje të përdorë sheqerin e tepërt për të ushqyer atë që trupi juaj ka nevojë për aktivitet shtesë.”

Urinim/Etje e shtuar

Kjo shenjë shfaqet sepse veshkat nuk janë në gjendje të filtrojnë sheqerin e tepërt në gjak.

Për këtë arsye rritet shpeshtia e urinimit dhe ju rrezikoni të dehidratoheni.

Humbje peshe

Kjo ndodh sepse nuk ka insulinë të mjaftueshme për t’iu përgjigjur glukozës së tepërt në trup. Në këtë pikë trupi përdor yndyrën e ruajtur dhe muskujt për tu furnizuar me energji.

Ndryshimet në shikim

Nivelet e larta të glukozës mund të rrisin sasinë e enëve të gjakut që formohen pas syrit (retinës). Kjo është e dëmshme dhe mund të rrisë rrezikun për t’u verbëruar.

Mpirje dhe ndjesi shpimi

Mund të ndodhë dëmtimi nervor i njohur edhe si neuropati, i cili mund të shfaqet me mpirje ose ndjesi shpimi nga gjilpërat në gishtat e duarve dhe këmbëve. /AgroWeb.org

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

on

By

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

  • përmes platformës elektronike të KQZ-së në https://qv.kqz-ks.org

  • ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Continue Reading

Lajmet

Serbët festojnë Vidovdanin mes masave të shtuara të Policisë së Kosovës

Published

on

By

Grupe serbësh janë drejtuar për në Graçanicë për të nisur festimet e atij që njihet si Vidovdan.  Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Continue Reading

Lajmet

​PDK me kërkesë të qartë, zhbllokimi i Kuvendit sipas Kushtetueses

Published

on

By

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Continue Reading

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

on

By

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.

Continue Reading

Të kërkuara