Lajmet

Shefi i Wagner akuzon gjeneralët rusë se e kanë gënjyer Putinin

Sipas tij, ata e kanë gënjyer presidentin për shkallën e humbjeve ruse.

Published

3 years ago

on

Shefi i mercenarëve rus Yevgeny Prigozhin ka akuzuar shefat ushtarakë rusë se kanë gënjyer Presidentin Vladimir Putin për shkallën e humbjeve ruse.

Në një seri mesazhesh emocionale audio gjatë dy ditëve, Prigozhin përshkallëzoi kritikat e tij të përsëritura ndaj Ministrit të Mbrojtjes, Sergej Shoigu dhe Shefit të Shtabit të Përgjithshëm, Valery Gerasimov.

“Mbeturina po hidhen në tavolinën e presidentit. Shoigu dhe Gerasimov kanë një qasje të thjeshtë: Gënjeshtra duhet të jetë monstruoze që njerëzit ta besojnë atë. Kjo është ajo që ata po bëjnë”, tha Prigozhin.

“Gjithçka po fshihet nga të gjithë. Rusia do të zgjohet një ditë dhe do të mësojë se Krimeja [e aneksuar nga Rusia] u është dorëzuar ukrainasve! Ata po mashtrojnë popullin rus dhe nëse vazhdon kështu, ne do të mbetemi pa gjënë më të rëndësishme: Rusinë”, shtoi ai./UBTNews/

Related Topics:
Continue Reading

Lajmet

Ndalohet hyrja në treg e 150 mijë lodrave të pasigurta nga Kina

Published

22 seconds ago

on

November 10, 2026

By

Inspektorati Qendror i Mbikëqyrjes së Tregut, në bashkëpunim me Doganën e Kosovës, ka ndaluar vendosjen në treg të rreth 150.000 lodrave për fëmijë me origjinë nga Kina.

Gjatë inspektimeve të kryera në pikat doganore është konstatuar se këto produkte nuk i plotësonin kërkesat themelore të përcaktuara me rregulloren në fuqi për sigurinë e lodrave.

Nga IQMT është bërë me dije se lodrat që nuk përmbushin standardet ligjore paraqesin rrezik serioz për shëndetin dhe sigurinë e fëmijëve.

Ky aksion u realizua në kuadër të një aktiviteti të përbashkët të mbikëqyrjes së tregut në të gjitha vendet anëtare të CEFTA-s, me synim forcimin e kontrolleve dhe parandalimin e hyrjes së produkteve të pasigurta në treg. /E.A/

Continue Reading

Lajmet

Theret me thikë një person në Gjakovë, arrestohen tre të dyshuar

Published

1 hour ago

on

November 10, 2026

By

Një person ka mbetur i lënduar pasi dyshohet se është therur me thikë në rrugën “UÇK” në Gjakovë.

Rasti ka ndodhur më 9 nëntor, rreth orës 08:00. Viktima është dërguar për trajtim mjekësor në Qendrën Klinike Universitare të Kosovës (QKUK), ndërsa sipas mjekëve ndodhet jashtë rrezikut për jetë.

Pas hetimeve, Policia ka arrestuar tre persona të dyshuar, të cilët pas intervistimit, me vendim të prokurorit, janë dërguar në mbajtje.

Rasti është iniciuar si “Vrasje në tentativë”./A.K/

Continue Reading

Lajmet

I mituri raporton se vëllai tentoi ta sulmonte me thikë dhe sopatë në Graçanicë

Published

1 hour ago

on

November 10, 2026

By

Një i mitur në Graçanicë ka raportuar në Polici se vëllai i tij, pas një mosmarrëveshjeje në shtëpi, kishte tentuar ta sulmonte me thikë dhe sopatë.

Sipas raportit policor, rasti ka ndodhur më 9 nëntor, rreth orës 09:00. I dyshuari është larguar nga shtëpia pasi ka kuptuar se Policia ishte njoftuar dhe ende nuk është lokalizuar.

Për rastin është njoftuar prokurori, ndërsa hetimet janë duke vazhduar./A.K/

Continue Reading

Lajmet

Sekuestrohen mbi 8 gramë marihuanë në një banesë në Prishtinë

Published

1 hour ago

on

November 10, 2026

By

Policia e Kosovës ka sekuestruar rreth 8.31 gramë substancë të dyshuar narkotike të llojit marihuanë në një banesë në rrugën “Hakif Zejnullahu” në Prishtinë.

Sipas raportit policor, substanca është gjetur më 9 nëntor, gjatë trajtimit të një rasti të dhunës në familje, në banesën e një të dyshuareje.

E dyshuara është shoqëruar në stacionin policor dhe, pas intervistimit, me vendim të prokurorit është liruar në procedurë të rregullt./A.K/

Continue Reading

Të kërkuara