Bota

SHBA ndihmon Mianmarin me mbi 50 milionë dollarë, për të zbutur krizën humanitare

Publikuar

3 vjet më parë

më

Shtetet e Bashkuara njoftuan më 10 gusht se do të ndihmojnë Mianmarin (i njohur edhe si Burma) me më shumë se 50 milionë dollarë për të zbutur një krizë humanitare që u shkaktua nga trazirat politike dhe nga rritja e numrit të të infektuarve me COVID-19.

Ky vend i Azisë Juglindore është përfshirë në trazira, tash e sa kohë, pasi në muajin shkurt ushtria rrëzoi një qeveri të zgjedhur në mënyrë demokratike dhe mori pushtetin me dhunë.

SHBA-ja gjithashtu ka ndarë një ndihmë prej 5 milionë dollarësh për Tajlandën për të përballuar situatën me pandeminë, tha zëdhënësi i Departamentit të Shtetit të SHBA-së, Ned Price përmes një deklarate.

Në Mianmar, mjetet financiare amerikane do të ofrojnë ndihmë për “njerëzit që detyrohen të largohen nga dhuna dhe persekutimi”, si dhe personat që ofrojnë shërbime të kujdesit shëndetësor”, tha Departamenti i Shtetit.

“Ky financim vjen në një kohë kritike pas rritjes së nevojave humanitare dhe do të ndihmojë në zbutjen e ndikimeve të COVID-19 në jetën e njerëzve të Tajlandës dhe Burmës”, tha Price.

Pas grushtit të shtetit të 1 shkurtit, njerëzit nga Mianmar vazhdojnë të largohen nga shtëpitë e tyre për shkak të dhunës së vazhdueshme.

Gjashtë muaj pasi ushtria mori pushtetin, ekonomia dhe sistemi shëndetësor i Mianmarit janë goditur rëndë.

Rastet me COVID-19 arritën kulmin në Mianmar muajin e kaluar, me 3.824 raste të reja ditore. Në këtë vend janë shënuar 12.014 vdekje të lidhura me koronavirusin që nga fillimi i pandemisë.

Në Tajlandë, raportohen më shumë se 20,400 raste çdo ditë, sipas të dhënave të Reuters./REL

Etiketa
Vazhdo të lexosh

Bota

Ekonomia gjermane sheh tkurrjen vjetore të pestë radhazi të PBB-së

Publikuar

3 ditë më parë

më

30 Prill, 2024

nga

Ekonomia gjermane është tkurrur me 0.2% në tremujorin e parë të vitit 2024 në bazë vjetore, deklaroi të martën departamenti i statistikave të vendit Destatis. Që nga fillimi i vitit të kaluar, ekonomia gjermane është tkurrur çdo vit për pesë tremujorë radhazi.

Vitin e kaluar, ekonomia gjermane u tkurr me 0.2% në tremujorin e parë, të dytë dhe të katërt, dhe 0.4% në tremujorin e tretë, në bazë vjetore. Në bazë tremujore, produkti i brendshëm bruto (PBB) i vendit u rrit lehtësisht me 0.2% në periudhën janar-mars.

PBB-ja u tkurr me 0.5% në tremujorin e fundit të vitit 2023. Për shkak të dy rënieve të njëpasnjëshme të PBB-së, ekonomia gjermane kishte hyrë edhe në një recesion teknik vitin e kaluar.

Vazhdo të lexosh

Aktualitet

Ministri i Jashtëm i Polonisë bën udhëtimin e parë jashtë vendit në Kiev

Publikuar

4 muaj më parë

më

22 Dhjetor, 2023

nga

Ministri i Jashtëm i Polonisë ka mbërritur në Kiev në vizitën e tij të parë zyrtare jashtë vendit, tha një ambasador ukrainas.

Radoslaw Sikorski postoi një selfie për X e cila dukej se e shfaqte atë në kryeqytetin ukrainas, me mbishkrimin: “Vizita e parë jashtë vendit; Tashmë këtu”.

Vasyl Zvarych, ambasadori i Ukrainës në Poloni, shkroi në përgjigje “Mirë se erdhe në Kiev! Faleminderit për mbështetjen e Ukrainës. Së bashku jemi më të fortë”./UBTNews/
​

Vazhdo të lexosh

Aktualitet

ShBA: Dy burra akuzohen për vrasjen e 3600 zogjve

Publikuar

5 muaj më parë

më

14 Dhjetor, 2023

nga

Dy burra amerikanë janë akuzuar për vrasjen e paligjshme të rreth 3600 zogjve, duke përfshirë shqiponja.

Simon Paul dhe Travis John Branson dyshohet se qëlluan zogjtë gjatë disa viteve dhe shitën pjesë dhe pupla në tregun e zi. Ata u akuzuan për konspiracion, shkelje të ligjit për mbrojtjen e shqiponjave dhe trafikim të paligjshëm.

Dy burrat u urdhëruan të paraqiteshin në gjykatë në janar. Në një rast, burrat përdoren një kufomë dreri për të tërhequr zogjtë përpara se t’i qëllonin.

Prokurorët nuk pranuan të japin detaje të mëtejshme kur u kontaktuan të mërkurën.

Akuzat për konspiracion dhe trafikim parashikojnë dënime maksimale prej pesë vjetësh burgim dhe shkeljet e ligjit për mbrojtjen e shqiponjës dënohen me një vit burg, plus gjoba.

Vazhdo të lexosh

Aktualitet

Ukraina paralajmëron kursim të energjisë elektrike për shkak të dëmtimeve të reja nga sulmet ruse

Ukrenergo u bëri thirrje qytetarëve që “të kursejnë energjinë elektrike”.

Publikuar

5 muaj më parë

më

7 Dhjetor, 2023

nga

Importet emergjente të energjisë nga Polonia, Sllovakia dhe Rumania po mbështesin sektorin e energjisë në Ukrainë pasi moti i ftohtë ka shkaktuar një deficit.

Operatori i rrjetit energjetik të Ukrainës, Ukrenergo, u bëri thirrje qytetarëve që “të kursejnë energjinë elektrike” në një deklaratë në Telegram.

Kompania tha se 408 shtëpi mbeten pa energji elektrike, si rezultat i mungesës së energjisë dhe bombardimeve ruse.

“Ka dëmtime të reja në rrjetet Oblenergo në rajonet Donetsk, Kharkiv dhe Kherson”, tha ai.

“Punimet e riparimit janë duke vazhduar në disa njësi të termocentraleve dhe termocentralet diellore nuk mund të punojnë në kapacitetin e tyre maksimal për shkak të mbulesës së dendur të reve në të gjithë vendin”./UBTNews/
​

Vazhdo të lexosh

Të kërkuara