Lajmet

ShBA: COVID-19 po vret më shumë njerëz tani sesa në fazat tjera të pandemisë

Më shumë se 2 mijë raste të vdekjes nga COVID-19 janë raportuar në baza ditore në Shtetet e Bashkuara të Amerikës gjatë muajit të kaluar.

Published

5 years ago

on

Rënia e numrit të rasteve me COVID-19 në Shtetet e Bashkuara të Amerikës po çon në heqjen e masave, përfshirë këtu edhe maskat dhe po çon drejt diskutimeve për t’iu rikthyer normalitetit, por më shumë njerëz po vdesin nga koronavirusi tani sesa në shumicën e fazave të pandemisë.

Më shumë se 2 mijë raste të vdekjes nga COVID-19 janë raportuar në baza ditore në Shtetet e Bashkuara të Amerikës gjatë muajit të kaluar. Vdekjet mesatare ditore po bien, por nga një pikë shumë e lartë. Ato ranë pak më poshtë se niveli ditët e fundit, në rreth 1 mijë e 900 të hënën; festa federale mund të ketë vonuar raportimin.

Përpara se Omicron të bëhej lloji dominues i koronavirusit në ShBA, në vetëm 100 ditë u raportuan 2 mijë viktima nga COVID-19, sipas të dhënave nga Universiteti Johns Hopkins.

Periudha e vetme kur numri i vdekshmërisë ishte kaq i lartë ishte në fillim gjatë periudhës së dimrit, para se vaksinat të ishin në dispozicion.

Më shumë se 120 mijë njerëz në ShBA kanë vdekur si pasojë e COVID-19 qëkur Omicron u bë variant dominues në muajin dhjetor./UBTNews/

Related Topics:
Continue Reading

Lajmet

SHBA: Autorët e sulmit në Banjskë duhet të mbahen përgjegjës

Published

41 minutes ago

on

September 24, 2026

By

Ambasada e Shteteve të Bashkuara të Amerikës në Prishtinë ka ritheksuar thirrjen që autorët e sulmit në Banjskë të mbahen përgjegjës, në trevjetorin e sulmit.

Ambasada ka nderuar rreshterin e Policisë së Kosovës, Afrim Bunjaku, i cili u vra në krye të detyrës gjatë sulmit në shtator të vitit 2023.

“Bashkohemi me Kosovën për të nderuar zyrtarin e Policisë së Kosovës, Afrim Bunjaku, i cili u vra në krye të detyrës gjatë sulmit në Banjskë në shtator 2023. Ritheksojmë thirrjen tonë që autorët të mbahen përgjegjës”, thuhet në reagimin e Ambasadës së SHBA-së./A.K/

Continue Reading

Lajmet

Armë, granata dhe municion sekuestrohen në Pejë e Deçan

Published

1 hour ago

on

September 24, 2026

By

Policia e Kosovës ka raportuar për dy raste të ndara të armëmbajtjes pa leje në Pejë dhe Deçan.

Në Pejë, gjatë kontrollit të një lokacioni më 23 shtator, janë gjetur një armë AK-47, dy mitralozë të lehtë, një pushkë përsëritëse, pesë granata dore, shtatë karikatorë dhe rreth 510 fishekë. Armët dhe municioni janë tërhequr nga njësiti i FSK-së për shkatërrim.

Ndërsa në Deçan, një person është identifikuar pasi në një video-incizim shihet duke shtënë me armë zjarri në ajër. Gjatë kontrollit në shtëpinë e tij është sekuestruar një armë AK-47 me një karikator të zbrazët.

Të dyja rastet janë iniciuar në konsultim me prokurorin dhe mbeten në procedurë hetimore./A.K/

Continue Reading

Lajmet

Aksident fatal në Prizren, humb jetën drejtuesi i motoçikletës

Published

2 hours ago

on

September 24, 2026

By

Një person ka humbur jetën si pasojë e një aksidenti trafiku mes një veture dhe një motoçiklete në Prizren.

Aksidenti ka ndodhur më 23 shtator rreth orës 18:20. Vdekja e drejtuesit të motoçikletës është konstatuar nga ekipi mjekësor në Spitalin e Prizrenit.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa drejtuesja e dyshuar e veturës është arrestuar dhe dërguar në mbajtje./A.K/

Continue Reading

Lajmet

Tentim-vrasje në Obiliq, i dyshuari në kërkim policor

Published

2 hours ago

on

September 24, 2026

By

Një person dyshohet se ka shtënë me armë zjarri në drejtim të një personi tjetër në Obiliq, më 23 shtator rreth orës 18:20.

Sipas Policisë së Kosovës, njësitë policore kanë dalë në vendin e ngjarjes, ku kanë gjetur tri gëzhoja.

Në konsultim me prokurorin, është kontrolluar edhe shtëpia e të dyshuarit, i cili aktualisht ndodhet në kërkim policor.

Rasti është duke u hetuar për veprat penale “Vrasje në tentativë”, “Kanosje” dhe “Armëmbajtje pa leje”./A.K/

Continue Reading

Të kërkuara