Lajmet

SBASHK: Opsioni i grevës në arsim mbetet i hapur

Published

on

Këshilli Drejtues i SBASHK-ut ka diskutuar sot me kryetarët e Kuvendeve të Arsimit Parauniversitar të komunave të Kosovës dhe universiteteve për situatën aktuale në arsim, si dhe për kërkesat për shtesën në paga për shkak të punës në kushte pandemie dhe kontratën e re kolektive të arsimit.

Pjesëmarrësit e këtij takimi të jashtëzakonshëm kanë bërë të ditur se gjysmëvjetori i dytë i procesit mësimor do të fillojë sipas planit të paraparë më 18 janar, por se greva mbetet opsion i hapur nëse në ditët në vijim nuk do të ketë rezultate nga takimet me institucionet lidhur me kërkesat e tyre.

Pjesëmarrësit janë shprehur të bindur se Qeveria në detyrë dhe Ministria e Arsimit dhe Shkencës do të reflektojnë duke u dhënë përgjigje pozitive kërkesave të SBASHK-ut, thuhet në një komunikatë për media.

Lajmet

Një person lëndohet rëndë pas sulmit nga disa persona në Prishtinë

Published

on

Një person ka pësuar lëndime trupore si pasojë e një sulmi nga disa të dyshuar, më 18 nëntor, rreth orës 19:00, në Prishtinë.

Sipas raportit të Policisë, në vendin e ngjarjes janë vërejtur njolla gjaku, ndërsa është sekuestruar edhe një thikë. Viktima është dërguar në QKUK për trajtim të mëtejshëm mjekësor.

Lidhur me rastin është intervistuar një i dyshuar, i cili me vendim të prokurorit është liruar. Ndërkaq, i dyshuari kryesor ndodhet në kërkim nga policia.

Rasti është duke u hetuar nga organet kompetente./A.K/

Continue Reading

Lajmet

Katër raste të dhunës në familje raportohen në Prishtinë, Lipjan, Fushë Kosovë dhe Gjilan

Published

on

Policia e Kosovës ka raportuar për katër raste të dhunës në familje në Prishtinë, Lipjan, Fushë Kosovë dhe Gjilan.

Në Prishtinë, një grua ka raportuar se ishte kanosur nga një burrë. I dyshuari është intervistuar më 18 nëntor dhe, me vendim të prokurorit, rasti do të trajtohet në procedurë të rregullt, ndërsa ai do të vazhdojë të hetohet në gjendje të lirë.

Në Lipjan, një grua ka njoftuar policinë se ishte sulmuar nga një grua tjetër. Pas intervistimit të palëve, me vendim të prokurorit, rasti është dërguar në procedurë të rregullt.

Ndërkaq, në Fushë Kosovë, një burrë dyshohet se ka ushtruar dhunë ndaj disa viktimave. Nuk raportohet për persona të lënduar, ndërsa rasti po trajtohet nga ekipet përkatëse policore.

Një rast tjetër është raportuar në Gjilan, ku një burrë është arrestuar më 18 nëntor, nën dyshimin se kishte kanosur një burrë tjetër. Viktima ka pranuar trajtim mjekësor, ndërsa i dyshuari, me vendim të prokurorit, është dërguar në mbajtje.

/A.K/

Continue Reading

Lajmet

Jakup Krasniqi vazhdon qëndrimin në shtëpinë e tij në Prishtinë

Published

on

Ish-kryetari i Kuvendit të Kosovës, Jakup Krasniqi, po qëndron edhe sot në shtëpinë e tij në Prishtinë, në ditën e dytë të vizitës në Kosovë, shkruan KosovaPress.

Krasniqi, i cili po gjykohet në Dhomat e Specializuara të Kosovës në Hagë, ka ardhur në Kosovë për të qëndruar pranë familjes, për shkak të gjendjes shëndetësore të bashkëshortes së tij.

Kjo është dita e dytë e qëndrimit të tij në Kosovë.

Continue Reading

Lajmet

Filmi “Zero A.D.: The Birth of Christ” me buxhet prej 44 milionë dollarësh, producent ekzekutiv shqiptari Noli Molla

Published

on

“Zero A.D.: The Birth of Christ” është një nga filmat më të shumëpritur të këtij viti, i cili pritet të shfaqet në kinema gjatë muajit dhjetor.

Përveç emrave të njohur të kinematografisë botërore që janë pjesë e kastit, si Jim Caviezel, Deva Cassel dhe Sam Worthington, filmi veçohet edhe për përfshirjen e shqiptarit nga Kosova, Noli Molla, në rolin e producentit ekzekutiv.

I pranishëm së fundmi në pre-premierën e filmit në CineStar, Molla ka ndarë detaje rreth produksionit, buxhetit dhe përfshirjes së tij në këtë projekt ndërkombëtar.

“Buxheti i filmit ka qenë 44 milionë dollarë”, ka deklaruar ai në një intervistë për Telegrafi.com.

Filmi trajton ngjarjen e Lindjes së Krishtit, ndërsa një nga veçoritë e tij është përzgjedhja e aktores Deva Cassel në rolin e Shën Mërisë. Ajo është vajza e aktorëve të njohur Vincent Cassel dhe Monica Bellucci.

Molla ka treguar se për këtë rol kishin audicionuar më shumë se 3 mijë aktore dhe se regjisori e kishte përzgjedhur Deva Cassel pa e ditur fillimisht se kush ishin prindërit e saj.

Ai ka theksuar se përfshirja e saj në projekt ishte veçanërisht emocionuese për të, duke kujtuar edhe rolin e Monica Belluccit në filmin “The Passion of the Christ”.

Gjatë intervistës, producenti kosovar ka folur edhe për planet e tij të ardhshme në industrinë e filmit. I pyetur nëse synon të realizojë një projekt ndërkombëtar për historinë e Kosovës, Molla ka zbuluar se është duke shqyrtuar dy ide: një film për Skënderbeun dhe një tjetër për Adem Jasharin.

Ai ka thënë se realizimi i këtyre projekteve kërkon skenar të fuqishëm dhe përzgjedhje të aktorëve që mund t’u japin atyre jehonë ndërkombëtare./A.K/

Continue Reading

Të kërkuara