Shëndet

Sasia e duhur e drithërave për të ulur rrezikun e sëmundjeve të zemrës?

Konsumi i drithërave ndihmon në uljen e faktorëve të rriskut të sëmundjeve të zemrës.

Published

4 years ago

on

Sipas hulumtimeve të fundit ku AgroWeb.org bazohet, konsumi i drithërave shoqërohet me rritje më të vogla në madhësinë e belit, presionit të gjakut dhe sheqerit në gjak.

Konsumi i drithërave ndihmon në uljen e faktorëve të rriskut të sëmundjeve të zemrës.

Qëllimi i studiuesve në kryerjen e hulumtimeve ishte të përcaktonin sesi konsumi i drithërave të plota kundrejtë konsumit të rafinuar të drithërave do të ndikonte në shfaqjen e sëmundjeve të zemrës.

Studiuesit matën madhësinë e belit, presionin e gjakut, sheqerin në gjak, trigliceridet dhe kolesterolin, pas një periudhe 18 vjeçare të konsumit të tyre, për të përcaktuar se efektin e drithërave të plota dhe të rafinuara në organizëm.

Çfarë zbuloi studimi rreth ndikimit që ka konsumi i drithërave në shëndetin e zemrës?   

Ekipi i studiuesëve zbuloi se madhësia e belit u rrit më pak në mesin e atyre që konsumonin më shumë drithëra të plota.

Për më tepër, sheqeri në gjak dhe rritja e presionit të gjakut ishin më të mëdha tek ata që konsumonin më pak racione drithërash. 

Konsumi i ulët i drithërave të rafinuara, ishte gjithashtu i lidhur me një rënie më të madhe të niveleve të triglicerideve.

Drithërat e plota përmbajnë fibra dhe lëndë ushqyese të shëndetshme për zemrën

Ato janë më të mira sepse përmbajnë të gjitha pjesët e ngrënshme të bërthamës së kokrrës : krundet, embrioni dhe endosperma.

Kur kokrrat rafinohen, krundet e pasura me fibra dhe embrioni i pasur me lëndë ushqyese, hiqen.

Fibrat ndihmojnë për të mbajtur nivele të qëndrueshme të sheqerit në gjak, mund të ulin kolesterolin dhe të nxisin tretjen e shëndetshme.

Dhe ato çfarë mbeten, janë kryesisht karbohidrate dhe një sasi më e vogël e vitaminave dhe mineraleve.

Kombinimi i fibrave me vitaminat B, vitaminën E, mineralet si  hekur, magnez, selen, zink, janë ato që sigurojnë një mori përfitimesh në parandalimin e sëmundjeve të ndryshme si ato të zemrës, hipertensioni , goditja në tru, diabeti i tipit 2, kanceri i zorrës së trashë dhe mbipesha.

Megjithatë, studiuesit vënë në dukje se drithërat e rafinuara mund të pasurohen me lëndë ushqyese, që nuk gjenden natyrshëm tek drithërat.

Eksppertët e shëndetit rekomandojnë të konsumoni të paktën tre racione drithërash në ditë.

Dhe nëse konsumoni drithëra të rafinuara duhet të zvogëloni sasinë e racioneve ose të konsumoni më pak se tre racione në ditë.

Një mënyrë e mirë për të filluar konsumin e përditshëm të tyre është të zëvendësosh drithërat e rafinuara me ato të plota.

Pra, fare thjeshtë ju mund filloni duke zëvendësuar makaronat me ato me grurë të plotë. E njëjta gjë për bukën ose produktet e tjera të ngjashme./AgroWeb.org

Related Topics:
Continue Reading

Shëndet

Tetë vende të reja në listën britanike për rrezikun nga pijet e falsifikuara me metanol

Published

4 hours ago

on

October 22, 2025

By

Tetë shtete të reja janë shtuar në listën e paralajmërimeve të Zyrës së Jashtme të Mbretërisë së Bashkuar, për shkak të rrezikut nga helmimi me metanol që mund të ndodhë nga pijet alkoolike të falsifikuara ose të ndotura.

Sipas raportimit të BBC, vendet e reja të përfshira janë: Ekuadori, Japonia, Kenia, Meksika, Nigeria, Peruja, Rusia dhe Uganda, pas disa rasteve të britanikëve që janë prekur në këto shtete.

Më herët, paralajmërimi përfshinte Tailandën, Laosin, Vietnamin, Kamboxhën, Indonezinë, Turqinë, Kosta Rikën dhe Fixhin, pas disa incidenteve serioze — përfshirë vdekjen e gjashtë turistëve në Laos vitin e kaluar.

Autoritetet britanike u bëjnë thirrje udhëtarëve të tregojnë kujdes ndaj shenjave të mundshme të helmimit me metanol, si shikim i turbullt, konfuzion apo probleme me frymëmarrjen, që mund të çojnë në sëmundje të rënda ose edhe vdekje. /A.Z/UBT News/

 

 

Continue Reading

Shëndet

Studimi zbulon: Mungesa e kohës për veten rrit rrezikun e demencës

Published

9 hours ago

on

October 22, 2025

By

Kur mungon koha për veten, truri paguan çmimin – studimi që lidh mungesën e kohës me rrezikun e demencës.

Koha, ose më saktë mungesa e saj, mund të jetë hallka që mungon në parandalimin e demencës.

Një studim i ri paralajmëron se njerëzit që nuk kanë mjaftueshëm kohë për t’u kujdesur për veten janë në rrezik më të madh për rënie njohëse dhe zhvillim të demencës.

Një faktor i ri në shëndetin e trurit

Hulumtimi, i realizuar nga Qendra për Plakje të Shëndetshme të Trurit në Universitetin e New South Wales në Sidnej e botuar në revistën The Lancet Healthy Longevity, identifikon kohën si faktor social kyç për shëndetin e trurit – po aq i rëndësishëm sa arsimi dhe të ardhurat.

Sipas autorëve, “pabarazia kohore”, pra shpërndarja e pabarabartë e kohës ndërmjet grupeve shoqërore, mund të ndikojë drejtpërdrejt në aftësinë e individëve për të ruajtur shëndetin mendor dhe për të ulur rrezikun nga demenca.

Çfarë do të thotë “mungesë kohe për veten”?

Studiuesit analizuan të dhëna epidemiologjike dhe neurologjike, duke lidhur përdorimin e kohës me zhvillimin e demencës.

Ata zbuluan se personat që vuajnë nga “varfëria kohore” – pra, mungesa e kohës për kujdes ndaj vetes, kanë më tepër gjasa të zhvillojnë probleme njohëse në krahasim me ata që gjejnë kohë për gjumë, ushqim të shëndetshëm, aktivitet fizik dhe kontakte shoqërore.

“Njeriut i duhen të paktën 10 orë në ditë për aktivitetet bazë që ruajnë shëndetin e trurit”, shpjegon Dr. Simon Repermund, bashkautore e studimit. “Për shumë njerëz, kjo është e paarritshme për shkak të detyrimeve të përditshme.”

Koha – lidhja mes faktorëve të rrezikut

Komisioni Lancet më 2024 identifikoi disa faktorë kryesorë të rrezikut për demencë, përfshirë hipertensionin, diabetin, mungesën e aktivitetit fizik, izolimin shoqëror dhe kolesterolin e lartë.

Sipas studiuesve të CHeBA, të gjithë këta faktorë lidhen në mënyrë të tërthortë me mungesën e kohës.

Për të ushtruar, për të përgatitur ushqime të shëndetshme apo për të kaluar kohë me familjen dhe miqtë, nevojitet kohë – një burim që shumë njerëz nuk e kanë më. /A.Z/UBT News/

Continue Reading

Shëndet

Ky ilaç është premtues për humbje në peshë

Published

1 day ago

on

October 21, 2025

By

Continue Reading

Shëndet

Kur kanceri i mëlçisë përhapet në kocka

Published

1 day ago

on

October 21, 2025

By

Kur kanceri i mëlçisë metastazon në kocka, zakonisht ndodhet në stadin e katërt (IV).

Ky stad shoqërohet me dhimbje të forta kockore, rrezik të lartë për fraktura dhe komplikime si hiperkalcemia (rritje e kalciumit në gjak) dhe kompresioni i palcës kurrizore.

Dhimbja është e vazhdueshme dhe vështirë kontrollohet edhe me ilaçe.

Sipas klinikave si Cleveland Clinic dhe Mayo Clinic, metastazat kockore mund të shkaktojnë lodhje, të përziera, konfuzion, dhe dobësi ose mpirje në gjymtyrë. Kanceri i mëlçisë shpesh zbulohet në faza të vona, sidomos te pacientët me hepatit kronik, cirozë, diabet apo mbipeshë.

Studimet tregojnë se 3% deri në 20% e pacientëve me karcinomë hepatike zhvillojnë metastaza në kocka, kryesisht në shtyllën kurrizore.

Dhimbja është simptoma më e shpeshtë dhe më e rëndë, duke ndikuar drejtpërdrejt në cilësinë e jetës së pacientit.

Trajtimi në këto raste është paliativ, pra synon lehtësimin e dhimbjes dhe përmirësimin e jetës.

Përveç ilaçeve dhe radioterapisë, sot përdoren edhe teknika moderne si ablacioni me radiofrekuencë dhe embolizimi selektiv, që ndihmojnë në kontrollimin e metastazave dhe reduktimin e dhimbjes. /A.Z/UBT News/

Continue Reading

Të kërkuara