Kulturë

Sandër Prosi, 105 vjet nga lindja e gjeniut të kinematografisë shqiptare

Published

on

Në datën 6 janar 1920, në qytetin e bukur të Shkodrës, lindi një nga figurat më të ndritura të artit shqiptar, Aleksandër Prosi, i njohur përjetësisht nga publiku si Sandër Prosi. Me origjinë nga një familje me rrënjë të ndërthurura, nëna e tij shkodrane dhe babai vlleh nga Voskopoja, Prosi ndërtoi një karrierë që e lartësoi artin shqiptar në nivele të papara më parë.

Rrugëtimi i tij artistik filloi në skenën e teatrit me dramën “Vilhelm Teli”, ku talenti i tij natyror shkëlqeu që në interpretimin e parë. Megjithëse fillimisht kishte nisur studimet për stomatologji në Austri me bursë shtetërore, dashuria për artin triumfoi mbi profesionin, duke e çuar në audicionin e Teatrit Popullor në vitin 1947. Ai e fitoi atë konkurs dhe nga ai moment, nisi një udhëtim i pasur dhe i larmishëm në botën e teatrit dhe kinematografisë.

Një trashëgimi artistike e pashembullt

Sandër Prosi krijoi mbi 85 role në 75 vepra teatrale, duke interpretuar autorë të mëdhenj shqiptarë si Andon Zako Çajupi, Kolë Jakova, Ismail Kadare, dhe Dritëro Agolli, si dhe mjeshtra ndërkombëtarë si Shekspiri, Çehovi dhe Brehti. Përmes këtyre veprave, ai i dha jetë karaktereve të fuqishme që pasqyronin gjendjet më komplekse njerëzore.

Në fushën e kinematografisë, ai interpretoi në rreth 30 filma, duke lënë pas një galeri personazhesh që mbeten të paharruar. Nga burri i shtetit te hamalli, nga luftëtari te profesori, Sandër Prosi mishëroi me mjeshtëri role të ndryshme, duke krijuar një shkollë aktrimi që frymëzoi dhe vazhdon të frymëzojë breza të tërë aktorësh.

Për kontributin e tij madhor në art, Sandër Prosi u nderua me titullin “Artist i Popullit” dhe me një sërë çmimesh dhe medaljesh kombëtare. Në vitin 2010, Presidenti i Republikës e vlerësoi me Urdhrin “Nderi i Kombit”, duke përforcuar më tej statusin e tij si një ikonë e pavdekshme e artit shqiptar. Në vitin 2017, pas vdekjes, atij iu dha Urdhri “Gjergj Kastrioti Skënderbeu”, një tjetër nderim që pasqyron madhështinë e veprës së tij.

Fundi tragjik dhe trashëgimia e pavdekshme

Sandër Prosi u nda nga jeta më 25 mars 1985, në rrethana tragjike, ndërsa ishte duke xhiruar filmin “Pranverë e Hidhur”. Megjithatë, ai vazhdon të jetojë përmes roleve dhe interpretimit të tij, duke mbetur një burim frymëzimi për artdashësit dhe artistët shqiptarë. 105 vjet pas lindjes së tij, kujtimi i Sandër Prosit mbetet i gjallë, duke ndriçuar kulturën tonë dhe duke u kujtuar brezave se arti është pasaporta drejt pavdekësisë./UBTNews/

Magazinë

Mesazhi i Rita Orës për botën: Respektoni njerëzit pasi s’e dini si mund të kthehen në jetën tuaj

Published

on

Këngëtarja me rrënjë nga Kosova e me famë botërore, Rita Ora, ka dhënë mesazhin e saj për botën dhe njerëzit e rinj, në një deklaratë për “Dose of Society” që ka mision të sjellë zërin e njerëzve për inspirim dhe lidhje me të tjerët.

Në një video të publikuar në kanalin e “Dose of Society” në Instagram me 1.7 milionë ndjekës, Rita ka treguar edhe se çka do t’i thoshte vetes së vet më të re.

“Mos u brengos. Gjithmonë gjithçka do të jetë në rregull. Gjithçka lidhet me rrugëtimin. Ky është rrëfimi juaj. Dhe kurrë mos mendo e ndjej sikur rrëfimi juaj duhet të jetë si i dikujt tjetër”, ka thënë ajo.

Se pse e ka fituar këtë përshtypje, Rita ka thënë se gjërat “nuk po ecnin shpejt mjaftueshëm”. “Kam menduar se gjërat do të duhej të ishin më shpejt, por se ato kanë ndodhur ashtu siç ishte paraparë të ndodhnin”. Ajo ndihet e bekuar dhe me fat që e bën punën që gjithmonë ka ëndërruar.

Ajo ka treguar edhe se çka ka mësuar përgjatë rrugëtimit të saj.

“Që e dua atë që bëj dhe që jam me fat që e bëj atë që e bëj dhe që jam e bekuar. Më duhet ta kujtoj këtë, që po bëj një punë që gjithmonë kam dashur ta bëja. Disa njerëz kanë punë që nuk donin t’i bënin”, ka thënë ajo.

Këngëtarja është shprehur se duhet të respektohen të gjithë njerëzit “pasi ju nuk e dini se si mund të kthehen këta njerëz në jetën tuaj”.

“Se këdo që e takoni e meriton të njëjtin respekt sepse po ashtu nuk e dini si mund të kthehen këta njerëz në jetë, si mund t’ju ndihmojë në të ardhmen apo çfarë raportesh mund të bëni me ta…Ti mjafton. Ju mund të gjeni dyshime se nuk po bëni mjaftueshëm, se s’keni sukses, pasuri, por mos harroni se ju vetëm si person jeni mjaftueshëm. Je vetëm një. Mos e harro kurrë”, ka shtuar Rita Ora.

Continue Reading

Magazinë

Brad Pitt pranoi se pas divorcit nga Angelina Jolie ka lënë edhe alkoolin

Published

on

Brad Pitt, kujtoi vizitën e tij të parë në një takim të ‘Alkoolistëve Anonimë’ pas divorcit nga Angelina Jolie. Kjo periudhë e jetës së tij ishte e trazuar për të dhe ai vendosi të kërkonte ndihmë profesionale.

“Isha në gjunjë. Kisha nevojë të vija në vete për disa gjëra. Provova gjithçka dhe çdo gjë, gjithçka që më ofronin njerëzit. Ishte periudhë e vështirë. Kisha nevojë për një rifillim të jetës”, tha ai gjatë një paraqitjeje në podcast-in “Armchair Expert”.

Ai shkoi në një takim të ‘Alkoolistëve Anonimë’ për një vit e gjysmë, pas ndarjes nga Angelina Jolie në vitin 2016.

Tani thotë se u ndje i frikësuar kur erdhi radha e tij për të folur për alkoolizmin, por se u inkurajua nga të tjerët që flisnin hapur për problemin e tyre.

“Të inkurajon të thuash: ‘Në rregull, do të dal nga zona e rehatisë dhe do të shoh çfarë ndodh’, pastaj më pëlqeu shumë”, tha ai, duke shtuar se është rritur në një mjedis ku burrat këmbëngulnin që jeta e tyre të ishte e mrekullueshme.

“Ishte e pabesueshme. Burrat ndanë përvojat e tyre, folën për të metat, lëvizjet e gabuara, dëshirat dhe atë që i lëndon me shumë humor”, tha ai.

Alkoolizmi luajti një rol të madh në divorcin nga Angelina Jolie. Ajo pretendoi se sulmoi fizikisht atë dhe fëmijët e tyre në një aeroplan ndërsa ishte nën ndikimin e alkoolit. Ata u divorcuan zyrtarisht në vitin 2019 dhe aktualisht ai është në një lidhje me Ines de Ramon.

Continue Reading

Magazinë

Pse policia britanike patrulloi koncertin e Dua Lipës në Wembley?

Published

on

Shtatë oficerë, përfshirë edhe gra, qëndruan në gatishmëri gjatë koncertit, me fokus në sjellje.

Në mes të atmosferës së zjarrtë dhe ngazëllimit për koncertin madhështor të këngëtares së famshme, Dua Lipa, në stadiumin Wembley, një prani e re policore është vënë re mes turmës. Oficerë të specializuar të Metropolitan Police, të trajnuar posaçërisht për të identifikuar dhe parandaluar sulmet ndaj grave.

Sipas mediave të huaja, iniciativa, e konsideruar si “e para e këtij lloji”, synon të luftojë dhunën ndaj grave dhe vajzave në kohë reale gjatë ngjarjeve të mëdha në Londër, në një kohë kur raportimet për incidente të tilla janë rritur me mbi 33% gjatë pesë viteve të fundit.

“Ne jemi këtu për të dalluar burra grabitqarë”, deklaruan oficerët në detyrë, teksa përziheshin me turmën e tifozëve që kishin mbushur stadiumin për shfaqjen e parë kryesore të këngëtares shqiptare në Wembley.

Shtatë oficerë, qëndruan në gatishmëri gjatë koncertit, me fokus në sjellje kërcënuese, përndjekje dhe sulme seksuale si prekjet e padëshiruara.

Sipas policisë, vendosja e forcave të trajnuara në vende ku gratë ndihen më të pambrojtura, si koncertet apo festivalet, është thelbësore për të parandaluar incidentet para se ato të ndodhin.

 

Continue Reading

Magazinë

Aktorja bëhet nënë për herë të dytë

Published

on

Kate Upton dhe Justin Verlander kanë mirëpritur fëmijën e dytë, një djalë, që e kanë pagëzuar me emrin Bellamy Brooks Verlander.

Ata janë prindër të vajzës Genevieve, duket se po i mbajnë fëmijët larg vëmendjes së medias, është e qartë se janë të lumtur me zgjerimin e familjes së tyre.

Kate nxiti thashetheme për shtatzëni më herët këtë vit, kur u pa duke shëtitur në plazh me Verlanderin, dhe konfirmoi lajmin kur lindi Bellamy në qershor. Çifti janë bashkë që nga viti 2014 dhe u martuan në një ceremoni  në Itali në vitin 2017.

Në disa intervista, Kate ka folur hapur se si prindërimi e ka ndryshuar atë, veçanërisht kur bëhet fjalë për të pasur një vajzë (Vivi) në shoqërinë e sotme.

Në një intervistë ajo e përshkroi se si të bëhesh nënë e bën edhe më të vetëdijshme për gjërat që shoqëria u mëson vajzave të reja.

“Të bën të dëshirosh të udhëheqësh me shembull,” tha aktorja.

 

Continue Reading

Të kërkuara