Rusia nis stërvitjet me sistemin e ri të raketave balistike ndërkontinentale

Më shumë se 3 mijë trupa dhe 300 pjesë të pajisjeve janë të përfshira në stërvitje.

Published

3 years ago

March 29, 2023

UBT news

Rusia ka filluar stërvitjet me një sistem raketash balistike ndërkontinentale, të afta për të mbajtur disa koka bërthamore, sipas ministrisë së saj të mbrojtjes.

Më shumë se 3 mijë trupa dhe 300 pjesë të pajisjeve janë të përfshira në stërvitje, tha ministria në një deklaratë në Telegram.

Kjo është shfaqja e fundit e forcës pasi Bjellorusia njoftoi se do të presë një strukturë ruse të ruajtjes së armëve bërthamore në territorin e saj, më afër NATO-s./UBTNews/

Mbi 2 mijë gjoba në trafik brenda 24 orëve

Published

3 minutes ago

May 7, 2026

UBTNews

Policia e Kosovës ka publikuar statistikat e përgjithshme për 24 orët e fundit, duke pasqyruar gjendjen e sigurisë dhe aktivitetet në teren.

Gjatë kësaj kohe, janë arrestuar 29 persona për vepra të ndryshme penale, prej të cilëve 23 janë dërguar në mbajtje me vendim të prokurorit.

Sa i përket sigurisë në komunikacion, gjatë ditës së fundit nuk është shënuar asnjë aksident me fatalitet. Megjithatë, janë regjistruar 19 aksidente me të lënduar dhe 54 aksidente me dëme materiale.

Policia ka vazhduar ndëshkimin e shkelësve të rregullave të trafikut, duke shqiptuar 2,252 tiketa gjobitëse për shoferët që nuk kanë respektuar ligjin.

Për sa i përket personave në vuajtje të dënimit, në këtë raport nuk është regjistruar asnjë rast i ri i dërgimit në qendrat e paraburgimit apo burgjet e vendit.

Arrestohet i dyshuari në Gjakovë për vrasje dhe pjesëmarrje në rrahje

Published

30 minutes ago

May 7, 2026

UBTNews

Policia e Kosovës në raportin e saj njëditor njofton se pas një punë hetimore për vepërn penale, “vrasje- pjesëmarrje në rrahje” është arrestuar i dyshuari në Gjakovë.

I dyshuari është intervistuar dhe me vendim të prokurorit të rastit është dërguar në mbajtja për 48 orë.

“Pas një pune hetimore në lidhje me rastin është identifikuar dhe arrestuar i dyshuari i dytë mashkull kosovar dhe i njëjti pas intervistimit me vendim të prokurorit dërgohet në mbajtje për 48 orë”, thuhet në raport.

Aktualitet

Irani po shqyrton propozimin e SHBA-së, ndërsa Trump thotë se lufta do të përfundojë shpejt

Published

43 minutes ago

May 7, 2026

UBTNews

Presidenti i SHBA-së, Donald Trump, ka parashikuar se lufta në Iran do të “përfundojë shpejt”, duke shtuar se shumica e njerëzve e kuptojnë synimin e tij për t’i dhënë fund ambicieve bërthamore të Teheranit. Këto komente vijnë pasi Irani deklaroi se propozimi amerikan për t’i dhënë fund luftës është ende duke u shqyrtuar, raporton BBC.

Mediumi amerikan Axios ka raportuar se Shtëpia e Bardhë beson se po i afrohet një memorandumi mirëkuptimi me 14 pika, i cili mund të shërbejë si kornizë për negociata më të detajuara bërthamore. Megjithatë, një anëtar i lartë i parlamentit iranian e ka cilësuar këtë si një “listë dëshirash”, ndërsa zëdhënësi i Ministrisë së Jashtme tha se Teherani do t’i ndajë qëndrimet e veta mbi propozimin amerikan përmes ndërmjetësve pakistanezë.

Ministri i Jashtëm i Pakistanit u shpreh se vendi i tij po bën përpjekje që këtë armëpushim ta shndërrojë në një fund të përhershëm të luftës.

Sipas raportimit të Axios, ky memorandum njëfaqësh përfshin pika si pezullimi i pasurimit bërthamor nga Irani, heqja e sanksioneve dhe rikthimi i lëvizjes së lirë në Ngushticën e Hormuzit.

Burimet e cituara pohojnë se shumë nga kushtet e parashikuara do të varen nga arritja e një marrëveshjeje finale. Edhe agjencia e lajmeve Reuters ka konfirmuar ekzistencën e këtij propozimi, ndonëse ai nuk është bërë ende publikisht i ditur.

Gjatë një aktiviteti virtual elektoral të mërkurën mbrëma, Trump u shpreh optimist para republikanëve në Georgia se lufta do të mbyllet së shpejti, duke theksuar se ishte veprim i drejtë ndalimi i Iranit për të poseduar armë bërthamore. Ai shtoi gjithashtu se SHBA-ja ka pasur bisedime shumë të mira me Iranin gjatë 24 orëve të fundit dhe se një marrëveshje është e mundshme, duke nënvizuar se vështirësitë për amerikanët, si çmimet e larta të karburantit, do të jenë afatshkurtra.

Lajmet

Disa persona të arrestuar brenda një dite për raste të dhunës në familje

Published

52 minutes ago

May 7, 2026

UBTNews

Në raportin 24-orësh të Policisë së Kosovës janë regjistruar pesë raste të dhunës në familje. Rastet e raportuara janë në Fushë-Kosovë, Gjakovë, Malishevë dhe në Viti.

Në rastin e parë në Fushë-Kosovë, një person është në kërkim nën dyshimin se kishte sulmuar fizikisht viktimën grua e më pas i ka dëmtuar edhe makinën viktimës. Sipas policisë, viktima ka pranuar tretman mjekësor, ndërsa i dyshuari po vazhdon të kërkohet nga organet e rendit.

Ndërkaq, në Viti janë arrestuar dy burra, pasi dyshohet se janë përleshur ndërmjet vete. Gjatë incidentit, njëri prej tyre po ashtu ka sulmuar edhe viktimën tjetër burrë. Në konsultim me prokurorin, të dyshuarit pas inicimit të rastit janë dërguar në mbajtje.

Edhe në Gjakovë raportohet se është arrestuar një person nën dyshimin se ka sulmuar dy viktima, një grua dhe një burrë. Viktima burrë ka pranuar tretman mjekësor, ndërsa i dyshuari është arrestuar dhe në konsultim me prokurorin kujdestar dërgohet në ndalim për 48 orë.

Në një rast tjetër, po ashtu në Gjakovë, është raportuar se viktima grua është sulmuar nga e dyshuara grua, e cila është arrestuar dhe pas inicimit të rastit, në konsultim me prokurorin, është liruar në procedurë të rregullt.

Ndërkaq, rasti i fundit ka ndodhur në Malishevë, ku edhe në këtë rast kemi një burrë të arrestuar nën dyshimin se kishte sulmuar viktimën grua. Viktima ka pranuar trajtim mjekësor, ndërsa i dyshuari me vendim të prokurorit është dërguar në mbajtje.