Aktualitet

Rusët nuk duan ta marrin vaksinën anti-Covid që u prodhua në Rusi

Një sondazh i kryer nga “Levada Centre”, indikonte se 62% e rusëve nuk janë të gatshëm të vaksinohen me Sputnik V.

Ndonëse Rusia është shteti i parë në botë që testoi dhe prodhoi në masë një vaksinë anti-COVID, “Sputnik V”, popullsia vendase është më skeptikja në botë për procesin e vaksinimit, çka ka shkaktuar shtimin progresiv të rasteve të reja që prej muajit janar, shkruan Living.

Vaksinat janë të disponueshme për të gjithë qytetarët që kanë dëshirë të imunizohen, por vetëm 11% e popullsisë 146 milion rusëve kanë marrë një dozë të vaksinës ruse, transmeton lajmi.net.

Kjo shpjegohet me idetë konspirative që janë shumë të përhapura në vend, por edhe “nihilizimit” rus, ku duket se njerëzit nuk janë aq të shqetësuar për jetën e tyre dhe rrallëherë shkojnë tek mjeku apo bëjnë “check-up”, ndryshe nga perëndimorët.

Një sondazh i kryer nga “Levada Centre”, indikonte se 62% e rusëve nuk janë të gatshëm të vaksinohen me Sputnik V dhe se 55% prej tyre nuk kishin frikë nga koronavirusi dhe e konsideronin atë “një kërcënim të pompuar nga mediat dhe qeveritë”, më tepër sesa një kërcënim real dhe serioz.

Vetëm përgjatë dy ditëve të fundit janë regjistruar më shumë se 20 mijë raste të reja me COVID-19, çka ka shtyrë Kremlinin që të implementojë një sërë masash shtrënguese për ata që nuk pranojnë të marrin vaksinat.

Që prej ditës së hënë për t’u ulur në lokalet apo restorantet e Moskës dhe qyteteve të tjera të mëdha do të duhet të kesh një kod QR të faturës elektronike të vaksinimit. Spitalet nuk do të trajtojnë individë që nuk janë të vaksinuar me përjashtim atyre që kanë nevojë për kujdes dhe ndërhyrje urgjente.

Janë mbyllur hapësirat publike janë mbyllur dhe të gjithë punonjësve të sektorit publik u janë caktuar orare për të marrë dozën e tyre.

Rregullat e reja janë parë si diktatoriale nga shumëkush, por vetë Kremlini shprehet se sanksionet nuk përbëjnë detyrim për të marrë vaksinën (çka me gjasa do të ishte shkelje e Kushtetutës dhe të drejtave të njeriut), por masa të nevojshme për të imunizuar një pjesë të mirë të popullsisë dhe për të ulur ritmet e infektimit: “Vaksinimi është ende një proces vullnetar.

Në rast se një moskovit punon në sektorin e shërbimeve, ne nuk e detyrojmë të vaksinohet, por ai duhet të mos punojë më në këtë sektor, në rast se zgjedh që nuk e do vaksinën”- ka thënë Dmitry Peskov, zëdhënësi i shtypit të Kremlinit.

Vetë presidenti Vladimir Putin ndryshe nga shumë liderë perëndimorë nuk ka zgjedhur të fotografohet kur ka marrë dozën e tij të vaksinës anti-COVID, çka gjithashtu mund të ketë kontribuar në shtimin e skepticizmit për marrjen e vaksinës.

Ashtu si çdo gjë tjetër në Rusi, rregullat e reja kanë krijuar hapësirë për korrupsion. Raportohet se mjekët që kanë për detyrë të plotësojnë regjistrin me të vaksinuarit kanë filluar të plotësojnë fiktivisht emrat me ata që japin rryshfet në mënyrë që të kenë certifikatë vaksinimi, pa e marrë dozën anti-COVID.

Related Topics:anti-COVID RUSIA sputnik V

Up Next

Rama publikon foto të plazhit të Velipojës duke injoruar ngjarjen e rëndë, shikoni çfarë bëjnë ndjekësit

Don't Miss

Luftimi i pandemisë në Kosovë, 78 për qind e qytetarëve thonë se BE-ja ka ndihmuar më së shumti

Bota

Spanja pret konferencën e OKB-së për financimin e zhvillimit global, ndërsa SHBA tërhiqet

Konferenca e OKB-së mbi Financimin e Zhvillimit nis sot në qytetin spanjoll të Seviljes me fokus në trajtimin e pabarazisë globale, mes një mungese të madhe financimi pas shkurtimeve drastike të ndihmës amerikane nën drejtimin e presidentit Donald Trump.

Trump uli më shumë se 80% të financimit të USAID-it, i cili më parë përbënte afërsisht një të katërtën e financimit total ndërkombëtar të zhvillimit.

Konferenca që ndodh një herë në një dekadë, e cila zgjat deri të enjten, synon të ofrojë zgjidhje konkrete për të adresuar nevojat kritike globale, duke përfshirë urinë, varfërinë, mbrojtjen e klimës, shëndetin dhe paqen.

Ajo gjithashtu do të theksojë bashkëpunimin ndërkombëtar dhe rindërtimin e besimit shumëpalësh.

Sipas organizatorëve, një fokus qendror do të jetë ristrukturimi i financimit për 17 Objektivat e Zhvillimit të Qëndrueshëm (SDG) të Kombeve të Bashkuara, të cilat u miratuan në vitin 2015 me një datë që synon vitin 2030.

Objektivat adresojnë çështje të tilla si varfëria, shëndetësia, arsimi, veprimi klimatik dhe barazia.

Një marrëveshje e re mbi financimin e zhvillimit global, pritet të miratohet gjatë konferencës nga shtetet anëtare pjesëmarrëse të OKB-së.

SHBA e cila nuk merr pjesë, nuk e nënshkruan marrëveshjen paraprakisht.

Nga perspektiva e avokatëve të zhvillimit, nevojiten veprime më ambicioze.

Konferenca e fundit e tillë u mbajt në vitin 2015 në Addis Ababa. /atsh

Bota

Trump: Nuk i ofrova asgjë Iranit

Presidenti i SHBA-së, Donald Trump deklaroi se “nuk ka kontaktuar me qeverinë e Teheranit” që nga sulmet ndaj objekteve bërthamore të Iranit dhe se nuk i ka bërë asnjë ofertë Iranit, transmeton Anadolu.

Trump bëri një deklaratë në “Truth Social lidhur me procesin pas sulmeve ndaj objekteve bërthamore të Iranit.

“Dikush t’i thotë atij senatori demokrat, Chris Coons se unë nuk i ofrova asgjë Iranit“, tha Trump.

Ai tha se ish-presidenti i SHBA-së, Barack Obama i pagoi miliarda dollarë Iranit dhe se nuk do të bënte të njëjtën gjë. Trump argumentoi se Plani i Përbashkët Gjithëpërfshirës i Veprimit (JCPOA) kishte humbur vlefshmërinë e tij.

Trump theksoi se “nuk ka kontaktuar me qeverinë e Teheranit” që nga sulmet ndaj objekteve bërthamore të Iranit.

– Konflikti që filloi me sulmet e dhunshme të Izraelit ndaj Iranit

Më 13 qershor, Izraeli nisi sulme në shkallë të gjerë duke synuar objektet bërthamore në qytete të ndryshme të Iranit si dhe komandën e lartë ushtarake.

Në Iran, shefi i Shtabit të Përgjithshëm, komandanti i Përgjithshëm i Korpusit të Gardës Revolucionare, disa komandantë të lartë dhe 9 shkencëtarë bërthamorë u vranë në sulmet e Izraelit.

Në deklaratën e saj të fundit, Ministria iraniane e Shëndetësisë raportoi se numri i përgjithshëm i viktimave civile në sulmet e Izraelit ishte 606 ndërsa numri i të plagosurve 5.332.

Zyra e kryeministrit izraelit njoftoi se 28 persona u vranë dhe 1.272 u plagosën në hakmarrjen e ushtrisë iraniane. SHBA-ja, e cila mbështet hapur Izraelin, kreu sulme ndaj tre centraleve bërthamore të Iranit në Natanz, Fordo dhe Isfahan më 22 qershor.

Irani sulmoi bazën ajrore amerikane “Al-Udeid” në Katar më 23 qershor në përgjigje të sulmit amerikan. Presidenti i SHBA-së, Donald Trump, njoftoi një armëpushim midis Iranit dhe Izraelit më 24 qershor.

Bota

Përfaqësuesi i Iranit në OKB: Pasurimi i uraniumit nuk do të ndalet kurrë

Përfaqësuesi i përhershëm i Iranit në OKB, Amir Saeid Iravani tha se procesi i pasurimit të uraniumit i kryer nga Teherani “nuk do të ndalet kurrë”, transmeton Anadolu.

Sipas gazetës “The Hill”, Iravani vlerësoi programin e pasurimit të uraniumit të Iranit gjatë paraqitjes së tij si i ftuar në programin “Face the Nation” të CBS.

Duke iu referuar Traktatit për Mospërhapjen e Armëve Bërthamore (NPT), Iravani theksoi se vendet pa armë bërthamore kanë të drejtë të përdorin teknologji bërthamore paqësore, përfshirë pasurimin e uraniumit, me kusht që ato të përputhen me rregulla të caktuara.

Ai tërhoqi vëmendjen ndaj faktit se programi i pasurimit të uraniumit është e drejtë e Iranit. “Pasurimi është e drejta jonë, është një e drejtë e patjetërsueshme dhe ne duam ta zbatojmë këtë të drejtë“, tha përfaqësuesi iranian.

“Mendoj se pasurimi i uraniumit nuk do të ndalet kurrë”, tha Iravani kur u pyet nga një gazetar nëse Irani planifikon të pasuronte uranium.

Bota

Marrëveshja tregtare SHBA–Britani hyn në fuqi: Ulen tarifat për makinat

Marrëveshja tregtare e nënshkruar midis Presidentit të SHBA-së Donald Trump dhe Kryeministrit Britanik Keir Starmer, e cila ul disa tarifa për importet nga Britania, ka hyrë në fuqi, tha qeveria britanike të hënën.

Sipas marrëveshjes, prodhuesit britanikë të makinave do të përfitojnë nga një kuotë e re eksporti me tarifë të reduktuar 10%, nga 27.5% që ishte më parë. Po ashtu, tarifat aktuale 10% për motorët dhe pjesët e avionëve janë hequr plotësisht, duke rritur konkurrueshmërinë e industrisë ajrore britanike në tregun amerikan.

“Kjo është një fitore për eksportuesit britanikë dhe një sinjal i qartë për përmirësimin e marrëdhënieve tona tregtare me SHBA-në,” thuhet në deklaratën zyrtare.

Megjithatë, sfida mbetet për sektorin e çelikut dhe aluminit. Britania është përkohësisht e përjashtuar nga tarifat deri në 50% që SHBA vendosi për vendet e tjera në fillim të këtij muaji, por rrezikon përfshirjen në këto masa duke filluar nga data 9 korrik nëse nuk arrihet një marrëveshje përfundimtare.

“Ne do të vazhdojmë të shkojmë më tej dhe të bëjmë përparim drejt tarifave 0% për produktet kryesore të çelikut, siç është rënë dakord,” shtoi qeveria britanike.