Shëndet
Rreziqet e përdorimit të lenteve
. Cilat janë rreziqet e përdorimit të lenteve të kontaktit?
Published
4 years agoon
By
Betim GashiTë mbash lente mund të jetë praktike në përditshmëri dhe sidomos nëse merreni me sport. Por nëse shihni raportet e infeksioneve kërcënuese për shikimin dhe probleme të tjera që lidhen me përdorimin e lenteve, mund të ndërroni mendje!
Në këtë artikull ju njeh me rreziqet e përdorimit të lenteve dhe si duhet të kujdesieni për to. Cilat janë rreziqet e përdorimit të lenteve të kontaktit? Ka shumë lloje lentesh, të forta, të buta, me përdorim të përditshëm dhe të zgjatur, të gjitha konsiderohen mjaft të sigurta. Megjithatë në bazë të të dhënave në mbarë botën njerëzit raportojnë shqetësime të ndryshme nga përdorimi i tyre.
Shqetësimet më të zakonshme janë:
• Acarim ose dhimbje e syve
• Enjtje rreth syve
• Shikim i paqartë ose ndjeshmëri ndaj dritës
• Skuqje e syve
• Ulçera korneale (dëmtim në pjesën e përparme të lëmuar dhe të pastër të syrit)
• Keratiti infektiv (inflamacion i kornesë për shkak të një infeksioni)
Edhe pse shpesh një acarim i vogël mund të largohet vetë brenda një ose dy ditësh, këshillohet të ndaloni përdorimin e lenteve dhe të kontakotoni mjekun tuaj okulist. Nëse mbani lente, duhet të kini parasysh këto këshilla:
• E rëndësishme është të mos i mbani lentet tuaj ndërsa flini gjumë.
• Edhe se ato rrallë dëmtojnë kornenë, të flini pa i hequr, mund të rrisë mundësinë e një infeksioneve të ndryshme.
• Këshillohuni me mjekun tuaj se cilat solucione duhet të përdorni për lentet dhe ruajini ato në një vend të freskët.
• Lajini duart mirë përpara se të prekni lentet.
• Mos i vendosni lentet në gojë ose mos pështyni mbi to.
• Kujdesuni që kremrat e duarve ose grimi të mos bjerë në kontakt me lentet tuaja. Vendosni lentet përpara se të aplikoni grimin dhe hiqni përpara se të hiqni grimin.
• Mbajeni kutinë e lenteve të pastër dhe merrni një të re të paktën një herë në disa muaj.
• Ndryshojini lentet sipas rekomandimit të mjekut.
• Bëni një ekzaminim të syve të paktën një herë në vit.
Nëse vëreni probleme, si skuqje, dhimbje në sy ose ndryshim në shikim, hiqni menjëherë ato dhe njoftoni mjekun tuaj Nëse keni probleme serioze edhe pse kujdeseni mirë për lentet tuaja, përsëri kontatkoni okulistin tuaj. Për fat të mirë, problemet serioze që lidhen me mbajtjen e lenteve janë mjaft të rralla, ndoshta sepse kujdesi i rekomanduar i parandalon ato. Pra, jini të ndërgjegjshëm për rëndësinë e kujdesit ndaj lenteve, sepse kjo gjë lidhet ngushtë me shëndetin e syve tua./AgroWeb
You may like
Shëndet
Përfitimet e pabesueshme të karotave që ndoshta nuk i dinit
Published
4 hours agoon
October 28, 2025By
UBT News
Karotat shpesh keqkuptohen, por nga ana ushqyese ato janë ideale, madje edhe për ata që duan të qëndrojnë në formë.
Kur shtohen të gjalla në sallata, përmbajtja e tyre e fibrave ndihmon në nxitjen e ngopjes.
Të konsumuara si ushqime të lehta, ato janë të shkëlqyera për të luftuar urinë dhe ofrojnë sasi të madhe karbohidratesh, vitaminash, mineralesh dhe lëndësh tjera ushqyese që ndihmojnë në luftimin e lodhjes dhe “mungesës” së energjisë.
E mirë për zemrën:
Qofshin të gatuara apo të gjalla, ofrojnë antioksidantë , duke përfshirë karotenoide si beta-karoteni, i cili shndërrohet në vitaminë A dhe përmirëson qarkullimin e gjakut. Përveç kësaj, ofrojnë kalcium e magnez.
Forcon kockat:
Ato kontribuojnë në shëndetin e mirë të kockave , pasi beta-karoteni dhe magnezi lehtësojnë thithjen e kalciumit .
Ndihmon me gjumin:
Karotat, veçanërisht kur hahen të gjalla, janë të mira për gjumin falë përmbajtjes së tyre të vitaminës C. Magnezi ndihmon në relaksimin e sistemit nervor dhe përmbajnë melatoninë, e cila nxit gjumin.
Ato mbrojnë trurin:
Ato përmbajnë antioksidantë, siç janë karotenoidet që u japin ngjyrën portokalli. Këto ndihmojnë në luftimin e stresit oksidativ parandalojnë degjenerimin neuronal. Ato ofrojnë vitamina B, që mbështesin kujtesën e zvogëlojnë nervozizmin.
Përfitimet për flokët:
Falë përmbajtjes së lartë të mineraleve dhe antioksidantëve si vitamina E , karotat ndihmojnë në ruajtjen e shëndetit dhe bukurisë së flokëve , duke parandaluar plakjen e tyre. Ato përmbajnë vitamina B , si B6 , të cilat i forcojnë flokët. /A.Z/UBT News/
Shëndet
A i shkakton uji i gazuar gurët në veshka?
Published
5 hours agoon
October 28, 2025By
UBT News
Meqenëse uji i gazuar përmban minerale, a duhet të shqetësoheni se shumë ujë i gazuar mund të shkaktojë gurë në veshka?
Gurët në veshka janë depozita jonormale të forta të mineraleve dhe kripërave që formohen në veshka, përbëhen nga depozitat e kalciumit dhe oksalateve. Mund të jenë të dhimbshëm pasi lëvizin nëpër traktin urinar, shkaktojnë bllokim të veshkave.
“Gurët që mbeten në veshka nuk shkaktojnë dhimbje, por çojnë në dëmtime të veshkave ose infeksione serioze të traktit urinar”, thotë urologu Scott D. Miller.
Gurët në veshka formohen kur përqendrimi i mineraleve dhe përbërësve që formojnë gurë në urinë bëhet shumë i lartë.
A mundet uji i gazuar të shkaktojë gurë në veshka?
Uji i gazuar përmban minerale natyrore dhe elementë gjurmë, nga burime nëntokësore. Mendimi i gabuar se uji mineral i gazuar shkakton gurë në veshka vjen nga fakti se përmban minerale. Megjithatë, mineralet janë natyrale në doza të vogla.
Miller shprehet se sasitë e vogla të mineraleve nuk ndikojnë në formimin e gurëve.
Megjithatë, pirja e tepërt e sodës së ëmbël rrit marrjen e sheqerit, duke rritur rrezikun e disa kushteve, siç është diabeti i tipit 2. Dr. Miller thekson se kjo lidhje e ujit të gazuar dhe gurëve është një keqkuptim i madh dhe shton se çdo gjë në moderim nuk mund të dëmtojë, duke përfshirë edhe marrjen e ujit të gazuar. /A.Z/UBT News/
Shëndet
Studim: Një shëtitje e gjatë është më e efektshme për zemrën se disa të shkurtra
Published
10 hours agoon
October 28, 2025By
UBT News
Një studim i publikuar në revistën “Annals of Internal Medicine” tregon se një shëtitje e vetme, por më e gjatë, është shumë më e dobishme për zemrën sesa disa shëtitje të shkurtra, veçanërisht për ata që nuk ushtrojnë rregullisht, raporton BBC.
Sipas hulumtimit, ecja pa ndalur për të paktën 15 minuta është ideale për të stimuluar zemrën dhe për të përfituar një “ushtrim kardio” efektiv.
Numri i famshëm prej 10,000 hapash në ditë nuk bazohet në kërkime shkencore, por në një reklamë japoneze. Ekspertët theksojnë se sa më shumë të ecësh, aq më mirë për shëndetin.
Çfarë tregoi studimi?
Studiuesit analizuan të dhënat e 33,560 të rriturve në Britani, moshë 40–79 vjeç, që bënin më pak se 8,000 hapa në ditë.
Ata u ndanë në grupe sipas kohëzgjatjes së ecjeve gjatë javës:
Më pak se 5 minuta – 43%
5–10 minuta – 33.5%
10–15 minuta – 15.5%
15 minuta ose më shumë – 8%
Pas tetë vjetësh, u vërejt se personat që ecnin në periudha më të gjata kishin rrezik të ulët për sëmundje të zemrës krahasuar me ata që bënin ecje të shkurtra.
Edhe ata që ishin shumë pak aktivë (më pak se 5,000 hapa në ditë) përfitonin nga një shëtitje më e gjatë. Rezultatet mbetën të qëndrueshme edhe pas marrjes parasysh të faktorëve si duhanpirja, pesha e tepërt dhe nivelet e yndyrës së dëmshme në gjak.
Si të ecim për shëndetin e zemrës?
Profesori Emmanuel Stamatakis, bashkautor i studimit tha: “Shpesh fokusohemi vetëm tek numri i hapave apo sasia totale e ecjes, harrojmë rëndësinë e mënyrës së ecjes. Ky studim tregon se edhe njerëzit pak aktivë mund të përmirësojnë shëndetin e zemrës duke ecur gjatë njëherësh, idealisht 10–15 minuta.”
Eksperti britanik Kevin McConway shton se studimi tregon lidhjen mes ecjes dhe shëndetit të zemrës, por nuk provon shkakësinë direkte.
Sa duhet të ecim?
Sipas udhëzimeve të NHS, të rriturit duhet të bëjnë 150 minuta aktivitet të moderuar në javë, të shpërndara përgjatë ditëve. Personat mbi 65 vjeç këshillohen të lëvizin çdo ditë, edhe me aktivitet të lehtë brenda shtëpisë.
Emily McGrath, infermiere e lartë në Fondacionin Britanik të Zemrës, thekson:“Ushtrimi ndihmon çdo njeri të jetojë më gjatë, më lumtur dhe më shëndetshëm. Për ata që vuajnë nga sëmundjet e zemrës, aktiviteti fizik ndihmon menaxhimin e gjendjes dhe përmirëson mirëqenien. Në fillim mund të duket e vështirë, por trupi përshtatet, dhe çdo përpjekje e vogël ka vlerë.” /A.Z/UBT News/
Shëndet
A mund të kalojë vetvetiu alergjia ndaj frutave arrore te fëmijët, apo zgjat gjithë jetën?
Published
13 hours agoon
October 28, 2025By
UBT News
Alergjia ndaj frutave arrore te fëmijët paraqet një sfidë të qëndrueshme për prindërit dhe mjekët, pasi ndryshe nga alergjitë ndaj qumështit apo vezëve, ajo rrallëherë zhduket me kalimin e kohës.
Çka është dhe si shfaqet?
Reagimi alergjik ndodh kur sistemi imunitar i fëmijës i percepton gabimisht proteinat e frutave arrore (arra, lajthi, fëstëkë, arra indiane etj.) si të rrezikshme.
Simptomat shfaqen shpejt pas konsumimit e mund të variojnë nga kruarje dhe ënjtje e buzëve deri te vështirësi në frymëmarrje dhe anafilaksi.
Përhapja dhe rëndësia
Sipas studimeve ndërkombëtare, 0.05%–4.9% e fëmijëve vuajnë nga kjo alergji, ndërsa arrat indiane dhe kikirikët janë ndër shkaktarët më të zakonshëm të reaksioneve të rënda.
Diagnoza përfshin:
Vlerësim klinik dhe histori mjekësore;
Teste alergjike (SPT, IgE specifik);
Test oral ushqimor (OFC), që konfirmon alergjinë;
Monitorim periodik, pasi në rreth 9% të rasteve ndjeshmëria mund të ulet me kalimin e kohës.
Trajtimi dhe kujdesi
Alergjia ndaj frutave arrore rrallë shërohet plotësisht, ndaj theksi duhet të vihet në parandalim dhe mbrojtje:
Shmangie e plotë e frutave që shkaktojnë reagimin;
Lexim i kujdesshëm i etiketave të produkteve;
Mbajtje e autoinjektorit me adrenalinë (EpiPen) për emergjenca;
Edukim i fëmijës dhe kujdestarëve për menaxhimin e situatave.
Sipas EAACI, bashkëpunimi i ngushtë me mjekun dhe edukimi i familjes janë kyç për një jetë të sigurt dhe cilësore për fëmijët me alergji ndaj frutave arrore. /A.Z/UBT News/
Dua Lipa në krye të “Listës së të Pasurve” për vitin 2025
Përfitimet e pabesueshme të karotave që ndoshta nuk i dinit
Stadiumi ikonik botëror del në shitje për shkak të krizës financiare
Rrëfimi prekës i Jennifer Lawrence: Frika më pushtonte sa herë që fëmija mbyllte sytë
A i shkakton uji i gazuar gurët në veshka?
Chris Brown del para gjykatës në Londër për akuzat e sulmit ndaj një producenti
Ky pritet të jetë trajneri i ri i Zhegrovës te Juventusi
Elon Musk prezanton Grokipedia-n, platformën e re që sfidon Wikipedia-n
Si të bëni radiatorët të ngrohin më shumë me një veprim të thjeshtë?
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Aktualitet5 days agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
