Kryetari i Komunës së Prishtinës Përparim Rama ka çmuar lart rolin dhe kontributin e ish-kryeministrit britanik Tony Blair në luftën e popullit shqiptar për liri e pavarësi në 25-vjetorin e çlirimit.

Ai pas takimit me ish-kryeministrin britanik, të cilit i ka ndarë çmimet “Çelësi i Qytetit” dhe “Qytetar nderi i Kryeqytetit”, tha është kënaqësi që ka pritur në takim një personalitet të madh botëror sikurse Tony Blair.

“Intervenimi në Kosovë për çlirimin e Kosovës është shumë i nevojshëm dhe i drejtë për Britaninë, për Amerikën dhe krejt botën dhe i falënderojmë nga zemra që sot është këtu dhe mundemi personalisht ta nderojmë me çmimin që ia dhamë si qytetar i nderit i kryeqytetit…Tash jeni (i drejtohet Blair) qytetar nderi i Prishtinës dhe mund edhe ta thirrni edhe prishtinas. Ashtu i quajmë qytetarët e Prishtinës”, ka thënë Rama.

Ish-kryeministri Blair ka shprehur falënderimin e tij për ndarjen e çmimeve nga kryetari i Prishtinës Përparim Rama, teksa ka shprehur besimin se Kosova ka një të ardhme të ndritur si shtet i pavarur.

“Ky është një simbol shumë i rëndësishëm për mua, por do t’i shtojë diçka asaj që thashë në sallë kur fola para kuvendit komunal dhe kjo ka të bëjë me vetë Prishtinën… Mendoj se është e rëndësishme që ata prej neve që ishin në krah të Kosovës, një krenari me ato ditët e errëta para 25 vjetësh është me rëndësi që ne qëndrojmë me ju në prag të diçka shumë optimiste në këtë kapitull të ri të historisë së vendit dhe dua të theksoj se për mua dhe institutin tim për punën që bëjmë tash, do t’ju ndihmojmë në çfarëdo mënyre të mundshme, sepse sa më të suksesshëm që të jeni ju, do të jetë aq më mirë për popullin këtu”, ka thënë Blair.

Ish-kryeministri Tony Blair ndodhet për vizitë në Kosovën me rastin e shënimit të 25-vjetorit të çlirimit. /UBTNews/

Ambasadori i Shteteve të Bashkuara të Amerikës në Kosovë, Jeffrey Hovenier, tha se SHBA-ja dhe partnerët e saj perëndimorë nuk pajtohen me Deklaratën e miratuar më 8 qershor nga Serbia dhe entiteti serb i Bosnje e Hercegovinës, Republika Sërpska.

Në deklaratën e miratuar në Beograd në një takim mes dy qeverive përmendet Kosova si “pjesë e patjetërsueshme e Serbisë”.

“Nuk e kam pasur mundësinë t’i lexoj të gjitha raportet lidhur me ‘Kuvendin gjithëserb’,  por e kuptoj që aty përdoret gjuhë që thotë se Kosova është pjesë integrale e Serbisë. E kuptoj që ky është qëndrimi i tyre, por ky nuk është qëndrimi i asnjërit prej nesh, nuk është i SHBA-së, i partnerëve tanë të QUINT-it apo kujtdo tjetër”, tha Hovenier

Ai theksoi se SHBA-ja e ka njohur Kosovën si shtet të pavarur dhe se SHBA-ja do të qëndrojë prapa këtij qëndrimi “me krenari”.

Gjatë të ashtuquajturit Kuvend gjithëserb të 8 qershorit u theksua që ai i mbështet përpjekjet e Republikës së Serbisë për ruajtjen e integritetit territorial dhe sovranitetit, të garantuar me ligjin ndërkombëtar, Rezolutën 1244 dhe rezolutat e tjera të Këshillit të Sigurimit të Kombeve të Bashkuara.

Në deklaratë thuhet, mes tjerash, se serbët në Kosovë, si dhe të gjithë qytetarët tjerë që janë besnikë të Serbisë, duhet t’i mbrojnë manastiret, kishat, pronat private, varrezat dhe objektet tjera të rrezikuara.

Nënshkruesit e Deklaratës i dënuan edhe ato që i konsideruan si kushte të patolerueshme të jetesës së serbëve në Kosovë, të krijuara prej autoriteteve të Prishtinës, por pa përmendur ndonjë fakt konkret.

Në një pikë tjetër përmendet edhe nevoja e krijimit të Asociacionit të komunave me shumicë serbe në Kosovë dhe vazhdimi i dialogut Kosovë-Serbi në Bruksel, si mënyra e vetme e qëndrueshme për zgjidhjen e problemeve.

Hovenier i bëri komentet e tij gjatë konferencës ndërkombëtare “Rugova dhe Perëndimi”, që po mbahet më 10 qershor në Prishtinë, për nder të 25-vjetorit të çlirimit të Kosovës.

Në konferencë, ish-kryeministri i Italisë, Massimo D’Alema, i cili kishte udhëhequr Italinë gjatë viteve 1998-2000, tha se Kosovës i nevojitet një marrëveshje me Serbinë.

“Kosova duhet të jetë e qëndrueshme në kërkesat për të drejtat e saj, por të mos bjerë në kurthin e nacionalizmit. Mirëpo, të mbetet e hapur ndaj diskutimit për një marrëveshje”, tha ai.

D’Alema ishte kryeministër i Italisë në kohën kur NATO-ja ndërhyri në Kosovë, me qëllim ndaljen e dhunës nga forcat serbe.

Fushata e bombardimeve zgjati 78 ditë dhe përfundoi më 10 qershor, 1999 – një ditë pas nënshkrimit të Marrëveshjes së Kumanovës.

Me këtë marrëveshje, të negociuar ndërmjet NATO-s dhe zyrtarëve ushtarakë jugosllavë, forcat e atëhershme jugosllave u tërhoqën nga Kosova dhe u krijua forca paqeruajtëse ndërkombëtare, e udhëhequr nga NATO-ja.

Kryetari i Prishtinës Përparim Rama gjatë një konference për media bashkë me ish-kryeministrin britanik, Tony Blair, ka thënë se është falënderues ndaj tij për gjithë atë që ai ka bërë për popullin kosovar.

Ai theksoi se ndihet jashtëzakonisht mirë për mundësinë që ta nderojnë me çmimin “Qytetar Nderi” i Prishtinës.

“E dini të gjithë Tony Blair çka ka dhënë për vendit tonë me punën e tij të madhe jo vetëm që ka bind popullin britanik se intervenimi në Kosovë është shumë i nevojshëm dhe i drejt por e ka bind edhe Amerikën edhe botën dhe i falënderohemi nga zemra që sot është këtu dhe mundemi personalisht ta nderojmë me nderin e madh si qytetar i nderit i qytetit. Unë i falënderoj edhe njëherë gjithë ata që ka bërë për popullin kosovar këtu por edhe për popullin shqiptar në Britani”, tha ai.

Ndërsa, Tony Blair theksoj se do t’i ndihmoj Kosovës në çfarëdo mënyre që do të mundet.

“Jam shumë i nderuar me qenë prishtinali ky është një simbol shumë i rëndësishëm për mua, ju jeni një shembull i shkëlqyeshëm. Dikush që ka qenë jashtë tash është kthyer dhe ka marr një rol publikë. Prishtina është një qytet i gjallerishëm një qytet ku e ndjen që rinia e qytetit është një mënyrë shpirti i këtij qyteti dhe është një qytet ka edhe shumë mundësi të jashtëzakonshme tash keni disa cilësi të rëndësishme këtu keni inovacionin e teknologjisë një prej gjerave me të rëndësishme që mundet me pas një shtet sot. Mendoj që është shumë me rëndësi ata prej nesh qe ishim krah Kosovës me krenari në ato ditë të errëta është me rëndësi që qëndrojmë sot me ju”, theksoi Blair.

Ish kryeministri britanik premtoj vazhdimin e ndihmës për Kosovën me institutin e tij.

Kuvendi Komunal i Prishtinës e ka shpallur “Qytetar Nderi” ish-kryeministrin e Mbretërisë së Bashkuar, Tony Blair. Kryetari i Prishtinës, Përparim Rama, ka thënë së Kosova do ta kujtojë përgjithmonë ndihmën e ish-kryeminsitrit Blair, e përveç kësaj edhe do ta nderojë çdo herë.

“Sot duam t’iu nderojmë për rolin kyç që keni luajtur për çlirimin e Kosovës. Dua të ndaj një pjesë të shkurtë të historisë sime kur kam jetuar në Britani në vitet e 90-ta, ishtë një mënyrë absurde të besoje që vendi ynë ku kam lind ka shanse të çlirohet, nuk kam guxuar as të besoj atëherë, as të filloj të besoj kur kam dal prej shtëpisë këtu. Kam prit që kur nuk do të kthehem në shtëpinë time sepse ashtu kanë qenë rrethanat, kanë qenë kundër neve, por me iniciativën tuaj Tony Blair e kam fituar besimin me këtë arsye jo vetëm unë por të gjithë shqiptarët e Britanisë mburren me ju edhe sot me gjithë zemër dhe ne për Britaninë siç keni dhënë ju për Kosovën. Pra kjo është një vepër e juaja një pik e madhe qe i ka prek e i ka shpëtu, i ka transmetu shumë jeta të qytetareve të Kosovës. Tony Blair, është hero e mik i Kosoves. Kosova do t’iu kujtoj dhe do t’iu nderoj përgjithmonë”, tha Rama.

Ndërsa kryetari i kuvendit Komunal, Fehmi Kupina, në emër të të gjithë asambleistëve, i shprehur falënderimet për ndihmën dhe kontributin që Blair ka dhënë për lirinë dhe pavarësinë e Kosovës.

“Si rrallëherë, sot këtë mbledhje e bënë edhe me madhështore prania e ish-kryeministri britanik, Tony Blair. I dëshirojmë mirëseardhje, jo me kotë thonë se të shpëtosh një jetë është si të shpëtosh njerëzimin. Sot para nesh është një figurë kryesore që në momentet me të vështira ishte faktori kryesore. I nderuar nuk ka fjalë e shkronjë që mund të përshkruaj falënderimin tonë për lirin dhe zhvillimin e vendit tonë. Ne emrin tim personal dhe Kuvendit komunal iu shpreh mirënjohje e falënderime për kontribut tuaj”, shtoi ai.